28 C
Phnom Penh

គេហទំព័រ​​របស់​ក្រសួង​ការបរទេស​​​មិនដំណើរការ​​​អស់មួយរយៈ

ដោយ ឌឹ ខេមបូឌា ដេលី

បទវិភាគ

កាលពី​ថ្ងៃច័ន្ទ បណ្តាញ​នៅ​កម្ពុជា​របស់​ក្រុម​​វាយ​ប្រហារ​គេ​ហទំព័រ​​អន្តរជាតិ​ ​​​គឺ​ក្រុម​ អេណូនី​មើស (Anonymous)​​ បានប្រកាស​ទទួល​ខុស​ត្រូវ​ លើ​ការ​ធ្វើ​ឲ្យ​គេ​ហទំព័រ​របស់​ក្រសួង​ការ​បរទេស​​កម្ពុជា​លែង​ដំណើរ​ការ​អស់​ប្រាំមួយ​ម៉ោង​។ គេ​ហ​ទំព័រ​ដែល​មាន​ពាក្យ​សុំ​ទិដា្ឋការ​ទេស​ចរ​អេឡិច​ត្រូនិក​ពី​រដ្ឋាភិបាល​ ត្រូវ​បាន​ធ្វើ​ឲ្យ​អត់​ដំណើរ​​ការ​នៅ​ម៉ោង​ប្រហែល​៨និង​៣០​នាទី​ព្រឹក​ ហើយ​ត្រូវ​បាន​ជួស​ជុល​ឲ្យ​ដំណើរ​ការ​​​វិញ​នៅម៉ោង​​ ប្រហែល​២និង​៣០​នាទី​រសៀល​។

គណនី​បណ្តាញ​សង្គម​ ធ្វីតធើ (Twitter) ដែល​ធ្វើ​ប្រតិបត្តិការ​ដោយ​ក្រុម​វាយ​ប្រហារ​​​គេ​ហទំព័រ​ អេណូនីមើស ខេមបូឌា បាន​អះ​អាង ថា ករណី​វាយ​ប្រហារ​នេះជា​ផ្នែក​មួយ​នៃ​យុទ្ធនាការ​ “ សេរី​ភាព​ប្រតិបត្តិការ​កម្ពុជា​” ដែល​កំពុង​ដំណើរការ​របស់​ខ្លួន​។ សំឡេង​បង្ហោះ​តាម​បណ្តាញ​សង្គម​ ធ្វីតធើ ​ដោយ​ក្រុម​វាយ​ប្រហារ​​គេហទំព័រ​​​នេះ​ មាន​ខ្លឹម​សារថា “ #តាំងហ្គោដោន (#TangoDown)” ។

ក្រុម​វាយ​ប្រហារ​​គេ​ហ​ទំព័រ​នេះ បាន​លើក​​ឡើង​បន្ថែម​នៅ​ក្នុង​សំឡេង​បង្ហោះ​មួយ​ផ្សេង​ទៀត នៅ​វេលា​ម៉ោង​ជាង​៩ព្រឹក​ថា “គេ​​ហ​​​ទំព័រ​ mfaic.gov.kh មិន​អាច​ដំណើរ​ការ​ឡើង​វិញ ក្នុង​រយៈពេល​៣០នាទី​ក្រោយ​។​ តើវា​អាច​ដំណើរការ​គោល​នយោបាយ​ការ​បរទេស​​​ដោយ​របៀប​ណា​?​” ។ សេចក្តី​ប្រកាស​ព័ត៌មាន​ដែល​ក្រុម​វាយ​ប្រហារ​​គេ​ហទំព័រ​នេះ បាន​ភ្ជាប់​ទៅ​នឹង​សំឡេង​បង្ហោះ​នោះ​ នឹង​ត្រូវ​បាន​ចុះ​ហត្ថលេខា​ដោយ​សមាជិក​ទាំង​១០​របស់​ខ្លួន​បង្ហាញ​ថា ​ករណី​វាយ​ប្រហារ​​នេះ គឺ​ជា​ការ​ឆ្លើយ​តប​ទៅ​នឹង​ “សំណើ​សុំ​ឲ្យ​មាន​ជំនួយ​បន្ទាន់​” ពី​សាធារណ​ជន​កម្ពុជា​។

ក្រុម​នេះ​បាន​លើក​ឡើង​ថា “គួរ​ឲ្យ​កត់​សម្គាល់​ថា បង​ប្អូន​ប្រុស​ស្រីនៅ​កម្ពុជា​កំពុង​ត្រូវ​បាន​ធ្វើ​ទុក្ខ​បុកម្នេញ​ និង​រង​ការ​ឈឺ​ចាប់​ដោយ​សារ​[មន្ត្រី​រដ្ឋាភិបាល​ដែល​កំពុង​រំពឹង​ថា នឹង​បាន​ឃើញ​] ថា ខ្លួន​នឹង​មិន​ទទួល​ផល​ប៉ះ​ពាល់​ដោយ​ផ្ទាល់​ទេ​” ៕

ប្រែសម្រួលដោយ កង សុធា

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស