28 C
Phnom Penh

កាកបាទក្រហម​ឲ្យ​​​ដឹង​​​​ថា ខ្លួន​បាន​ជួយ​ពល​រដ្ឋ​១១.០០០គ្រួសារ​តាំង​ពីខែ​សីហា​មក​​​

ដោយ ឌឹ ខេមបូឌា ដេលី

បទវិភាគ

បើគិតចាប់​តាំង​ពី​ខែ​សីហា​មក​ កាក​បាទ​ក្រហ​ម​កម្ពុជា​ ហៅកាត់​ថា CRC​ បាន​ផ្តល់​ជំនួយ​ឲ្យ​ប្រជាពល​រដ្ឋ​​ជិត​១១.០០០​គ្រួសារ​រង​ប៉ះពាល់ដោយសារ​ទឹក​ជំនន់​ដែល​បាន​ញាំញីតំបន់​ជាច្រើននៃ​ប្រទេស​កម្ពុជា​​។

សេចក្តីប្រកាសជាភាសា​អង់គ្លេស​ និង​ចេញ​ផ្សាយ​​កាល​ពីថ្ងៃពុធ មាន​​ខ្លឹម​សារថា “គិត​​​​រហូត​មក​ដល់​ថ្ងៃទី​៨ខែ​តុលា ទីស្នាក់​ការកណ្តាល​កាកបាទ​ក្រហម​​កម្ពុជា មន្ត្រី សាខា​  បុគ្គលិក​ និង​អ្នក​ស្ម័គ្រចិត្ត ​កំពុងតែ​មមាញឹក​នឹង​សកម្មភាពយក​​ជំនួយ​មនុស្ស​ធម៌ ដល់​ប្រជាជន​ ​និង​ជម្លៀស​ប្រជាជន​ទៅ​ទី​​​ទួល​សុវត្ថិភាព ដោយ​សហ​ការ​ជាមួយ​អាជ្ញា​ធរ​​​មូលដ្ឋាន”។

សេចក្តីប្រកាស​នេះ​មានខ្លឹមសារ​បន្ត​ថា “កាកបាទក្រហមកម្ពុជា បាន​ផ្តល់​ជំនួយ​មនុស្ស​ធម៌​ដល់​ប្រជាជន​សរុប​ទាំង​អស់​១០.​៩៩៩គ្រួសារ​ដែល​រស់​នៅក្នុង​​តំបន់​សុវត្ថិ​ភាព​ ក្នុងនោះ​ប្រជាជន​​​៥.៧៩៦​គ្រួសារ​ទទួល​ជំនួយ​មនុស្សធម៌ពីសាខា​កាកបាទ​ក្រហម​ និង​៥.២០៣គ្រួ​សារ​ផ្សេងទៀត​ទទួល​ពីទីស្នាក់​ការ​កណ្តាល​​របស់​កាកបាទ​ក្រហម​កម្ពុជា​”។

សេចក្តីប្រកាស​ដដែល​បាន​បង្ហាញ​បន្ថែម​ទៀត​ថា ប្រជា​ពល​រដ្ឋ​សរុប​ចំនួន២១.៧៦៩​គ្រួសារ​ត្រូវ​បាន​ជម្លៀស​ចេញ​ចាប់​តាំង​ពី​ទឹក​ជំនន់​បាន​ចាប់​ផ្តើម​ឡើង។
ទោះ​ជា​យ៉ាង​នេះ​ក្តី​ សេចក្តី​ប្រកាស​នេះ​មិន​បាន​បញ្ជាក់​ថា តើ​ប្រជាជន​ទាំ​ង​នេះ​បាន​ភៀស​ចេញ​ដោយ​ខ្លួន​ឯង​ ឬ​ពួក​​គេ​បាន​ទទួល​​​​ជំនួយ​ពីកាកបាទ​ក្រហម​កម្ពុជា​ ឬ​យ៉ាង​ណា​នោះ​ទេ។ ផ្អែក​ទៅ​​​លើ​ធនធាន​នៃ​សាខានីមួយ​ៗ​​ គ្រួ​សារ​​​​នីមួយ​ៗ​ទទួល​បាន​អង្ករ​២៥​គីឡូក្រាម​ មី​ ត្រីខ​១០កំប៉ុង​ ត្រី​ និង​ទឹក​ស៊ី​អ៊ី ព្រម​ទាំង​មុង ​​​ភួយ​មួយ​ សារុង​មួយ​ ក្រមា​ ថ្នាំ​ក្លូ​រីន​ និង​តង់កៅស៊ូ​ ៕

ប្រែ​​​សម្រួល​​​ដោយ ចេវ ប៊ុននី​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស