34 C
Phnom Penh

​បុរស​មានអាវុធ​នៅ​ក្នុង​ពិធីជួបជុំ​គ្រូ​បង្រៀ​ន​ត្រូវបាន​បញ្ជាក់​ថា ជា​អង្គរក្ស​របស់​លោ​ក​ ហ៊ុន សែន​

ដោយ ឌឹ ខេមបូឌា ដេលី

បទវិភាគ

បុរស​ម្នាក់​​ ដែល​​ត្រូ​វ​បា​ន​​​ឃាត់​ខ្លួ​ន​​​ដោ​យ​​អ្នក​​ចូ​ល​រួ​ម​ក្នុ​ង​ពិ​ធី​​ជួ​ប​ជុំ​​គ្រូ​បង្រៀន​​ កា​ល​ពី​​ថ្ងៃ​​ អា​ទិត្យ​ ​បន្ទាប់​​ពី​​​បុរស​ម្នាក់​នោះ ​ត្រូ​វ​បា​ន​គេ​មើល​​ឃើញ​​​ថា​ ​កាន់​​កាំ​​​ភ្លើង​ខ្លី​​​មួ​យ​ដើ​ម​ កា​ល​​ពី​ម្សិល​មិញ​ ត្រូ​វ​បា​​ន​​បញ្ជាក់​​ថា ​​ជា​​សមា​ជិ​ក​កង​​​អង្គ​រក្ស​ផ្ទាល់​​​​របស់​លោក​នា​​យក​រដ្ឋ​មន្ត្រី​ ហ៊ុន សែន ​​ខ​​ណៈ​​ដែល​​រូ​ប​ភាព​​​ដែល​​ត្រូ​វ​បាន​​គេ​រក​​ឃើញ​​ក្នុង​​​អ៊ិន​​ធើ​ណិត បា​ន​​​នាំ​ឲ្យ​មា​ន​​ចង្ងល់​​​ទាក់​​ទង​នឹ​ង​​​តួ​​​នាទី​​របស់​​​បុ​រស​​រូ​បនោះ​ ​នៅ​ក្នុ​ង​អង្គ​ភាព​​​យោ​​​ធា​​​សម្ងាត់​ និ​ងហេតុផល​ដែលបុរស​នេះចូល​រួមក្នុ​ង​​បាតុកម្ម​​របស់គណបក្សប្រ​ឆាំ​ង​។

លោក បុឹង ជឿន (ឆ្វេង​​​) ថត​​​រូប​​​ជាមួយ​​​លោក ហ៊ុន ម៉ាណែត (ទី២​​​រាប់​​​ពី​​​ឆ្វេង​​​) ​​​កូន​​​ប្រុស​​​របស់​​​លោកនាយក​​​រដ្ឋមន្ត្រី​​​ ហ៊ុន សែន ពេល​​​ចូល​​​រួម​​​ពិធី​​​ជប់​​​លៀង​​​មួយ​​​កាលពី​​​ថ្ងៃ​​​ទី​​​៦ ខែមិថុនា ។ រូប​​​នេះ​​​ត្រូវ​​​បាន​​​បង្ហោះ​​​តាម​​​ប្រព័ន្ធ​​​អុីនធើណិត​​​។
លោក ប៉ឹង ជឿន (ឆ្វេង​​​) ថត​​​រូប​​​ជាមួយ​​​លោក ហ៊ុន ម៉ាណែត (ទី២​​​រាប់​​​ពី​​​ឆ្វេង​​​) ​​​កូន​​​ប្រុស​​​របស់​​​លោកនាយក​​​រដ្ឋមន្ត្រី​​​ ហ៊ុន សែន ពេល​​​ចូល​​​រួម​​​ពិធី​​​ជប់​​​លៀង​​​មួយ​​​កាលពី​​​ថ្ងៃ​​​ទី​​​៦ ខែមិថុនា ។ រូប​​​នេះ​​​ត្រូវ​​​បាន​​​បង្ហោះ​​​តាម​​​ប្រព័ន្ធ​​​អ៊ិនធើណិត​​​។

ប៉ឹង ជឿន អា​យុ​​៣៨​ឆ្នាំ​ ដែល​​កំ​ពុង​​តែ​​ថត​​​រូ​​ប​​ព្រះ​​សង្ឃ​​មួ​យ​ក្រុម​​​នៅ​ក្នុ​ង​​​ពិ​ធី​​​ជួ​ប​​ជុំ​​តូ​ចមួ​យ​​ ​ដែលត្រូ​វ​បាន​​រៀប​ចំ​ឡើ​ង​ដោ​យ​សមា​​​គ​ម​​គ្រូ​​បង្រៀ​​ន​​ក​ម្ពុជា​ឯក​រាជ្យ​ នៅ​ទី​លា​ន​ប្រ​ជាធិ​ប​តេយ្យ ​​នៅពេល​បុរស​រូប​នេះ​​ត្រូវ​បាន​លោក​ស្រី​​ មូរ សុខ​ហួរ តំណាង​រាស្ត្រជាប់​ឆ្នោត​របស់​គណបក្ស​សង្គ្រោះ​ជាតិ​ សួរ​ដេញ​ដោល​ពីរឿង​កាំភ្លើង​ខ្លី K-54 ដែលបុរសរូបនេះបាន​លាក់​នៅក្នុងអាវ​។

អ្នក​ចូល​រួម​បាន​វាយ​ប្រហារ​ឈ្មោះ ប៉ឹង ជឿន​ យក​កាំភ្លើង​​ចេញ​ពីខ្លួន​គាត់​​ ហើយ​ទាញ​​គាត់​ពេញ​ទីលាន​ មុន​ពេល​កង​រាជអាវុធ​ហត្ថ​ទៅ​យក​គាត់​ ហើយ​ទុកគាត់​នៅ​ខាង​ក្រោយ​​កម្លាំង​របស់​ខ្លួន។​ ឈ្មោះ​ ប៉ឹង ជឿន ត្រូវ​បាន​ព្យាបាល​នៅ​ឯ​មន្ទីរពេទ្យ​កាល់​ម៉ែតដោយ​សារ​​​តែ​រង​របួស។ នៅ​ទីនោះ​លោក​បាន​ចុះ​ឈ្មោះ​ក្នុង​សៀវ​ភៅ​ចុះឈ្មោះ​អ្នកជំងឺ​​ដោយ​សរសេរ​កន្លែង​មុខ​របរ​ជា​ “អង្គរក្ស​សម្តេច​” មុន​ពេល​ចាក​ចេញ​។

លោក ទូច ណារ៉ុថ​ ប្រធាន​អង្គភាព​កង​អង្គ​​​រក្ស​នៃក្រសួង​មហាផ្ទៃ​ បាន​បញ្ជាក់​កាល​ពីម្សិល​​​​​​​​​​​​​​​មិញពី​ការងារ​របស់​លោក ប៉ឹង ជឿន​ នៅ​ផ្នែក​​​​​​​កម្លាំ​ងប្រដាប់​អាវុធ​ផ្ទាល់​របស់​លោក​​​​នាយក​រដ្ឋ​មន្ត្រី ហ៊ុន​ សែន​ ។ លោក​​មាន​ប្រសាសន៍​​​ថា “គាត់​ធ្វើ​ការ​នៅ​អង្គ​ភាព​កង​អង្គរក្ស​​សម្តេច​​​​តេជោ។ លោក​បាន​ប្រើ​ពាក្យ​ “តេជោ” ដើម្បី​​​​សំដៅ​ទៅលើ​លោក​ ហ៊ុន សែន ។ លោក​បាន​​​​បន្ត​ថា “​កុំ​សួរ​​ខ្ញុំ​[អំពីគាត់​]។ គាត់​មិនធ្វើ​ការ​នៅ​ក្នុង​អង្គ​ភាព​របស់​ខ្ញុំ​ទេ​”។

លោក​ ហ៊ីង​​ ប៊ុនហៀង​ អគ្គ​​មេបញ្ជាការ​អង្គភាព​កង​អង្គរក្ស​នាយក​រដ្ឋ​មន្ត្រី​បាន​បដិ​សេធ​មិន​ធ្វើ​សេចក្តី​អត្ថាធិប្បាយ​អំពី​លោក ប៉ឹង ជឿន ហើយ​បាន​ណែនាំ​ឲ្យអ្នក​សារ​ព័ត៌​​​មាន​ទៅសាកសួរ​អ្នក​ដែល​បញ្ជាក់​ពី​តំណែង​​របស់​លោក ប៉ឹង ជឿន ។ លោក​បាន​មាន​​ប្រសាសន៍ថា “អ្នកណាដែល​និយាយ​ថា គាត់​ជា​អង្គរក្ស​ ទៅសួរ​គាត់​ទៅ​”។

ការ​យល់​ឃើញ​ផ្សេង​ៗ​គ្នា​អំពី​អត្ត​សញ្ញាណ​ របស់​លោក ប៉ឹង ជឿន បាន​កើ​ត​ឡើង​បន្ទាប់​ពីមាន​ចលាចល​មួយ​ប្រាវ​នៅ​ទី​លាន​ប្រជា​ធិ​ប​តេយ្យកាល​ពីថ្ងៃ​អាទិត្យ​។ ក្រៅ​ពី​មាន​កាំ​ភ្លើង​ លោក​ក៏​បាន​ពាក់​ប័ណ្ណ​អនុញ្ញាត​ឲ្យ​ចូល​​សម្រាប់​អ្នក​សារព័ត៌មាន​ ដែល​កំណត់​ថា លោក​ គឺជាអ្នក​សារព័ត៌មាន​មួយ​រូប​នៅ​អង្គ​ភាព​ព័ត៌មាន​នៃ​នាយក​ដ្ឋាន​ព័ត៌មាន​រាជធានី​​ដែល​ជាសេនាធិការ​មួយ​របស់​ក្រសួ​ងព័ត៌​មាន​នៅក្នុង​រាជធានី​ភ្នំពេញ​។

លោក ឃុត សំខាន់ ​ប្រធានមន្ទី​រព័ត៌មាន​រាជធានី​បាន​បញ្ជាក់​ថា លោក ប៉ឹង ជឿន បាន​ធ្វើ​​ការ​នៅ​អង្គភាព​នេះ​ ហើយ​​លោក​បន្ត​ថា លោក​មិន​ដឹង​ថា ហេតុ​អ្វី​បាន​ជា​លោក ​ប៉ឹង ជឿន ​កាន់​កាំភ្លើង​ខ្លី​ក្នុង​ពិធី​ជួប​ជុំ​នោះ​ទេ​។

លោក ខៀវ​ កាញារី​ទ្ធ​ រដ្ឋ​មន្ត្រី​ក្រសួង​ព័ត៌​មាន​​ក៏​បាន​លើក​ឡើង​ផង​ដែរ​ថា  ក្រសួង​របស់​លោក​បញ្ជូន​អ្នក​ថត​រូប​ទៅថត​យក​រូប​ភាព​ធ្វើ​ជា​ឯកសារ​ផង​ដែរ​ ក៏​ប៉ុន្តែ លោក​បាន​បដិសេធថា ​អ្នក​ថត​រូប​ទាំ​ងនោះ​មិន​មាន​អាវុធទេ​​។ ក្រោយ​មក​លោក​ក៏​បាន​លើក​ឡើង​ទៀត​ថា លោក​ ប៉ឹង ជឿន ប្រហែល​ជា​ធ្វើ​ការ​ជា​ “បុគ្គលិក​បណ្តែត​” ។

លោក​ សំខាន់​ បាន​លើកឡើង​កាល​ពី​ម្សិល​មិញថា ខណៈ​ដែល​មន្ទីរព័ត៌មាន​រាជ​ធានី​ មិន​ធ្វើ​ការ​ចំណុះឲ្យ​​អង្គភាព​កង​អង្គ​រក្ស​លោក​ ហ៊ុន សែន​ លោក ប៉ឹង ជឿន អាច​ធ្វើ​ការ​​នៅ​កន្លែង​ផ្សេង​ទៀត​មួយ​ណា​ក៏​បាន​​ឲ្យ​តែ​លោក​ចង់​ធ្វើ​។ លោក​ សំខាន់​ បាន​មាន​ប្រសាសន៍ថា “គាត់ ​អាច​ធ្វើ​ការ​នៅស្ថាប័ន​ណា​ក៏​បាន​ ឲ្យ​តែ​គាត់​ធ្វើ​​ព័ត៌មាន​ឲ្យ​នាយក​ដ្ឋាន​របស់​យើង​”។ លោក​បាន​បន្ថែមថា​ វាមិនមាន​បញ្ហា​ទេ​ប្រសិន​បើ​មន្ត្រីរបស់​លោក​មាន​អាវុធ​។ លោក​បាន​មាន​ប្រសាសន៍ថា “ ខ្ញុំមិន​ខ្វល់​អំពី​កាំភ្លើង​របស់​គាត់​ទេ​។ ឲ្យ​តែ​ខ្ញុំ​ដឹង​ថា គាត់សរសេរ​ព័ត៌មាន​ឲ្យ​ខ្ញុំ​”។

រូប​ថត​​ដែល​ត្រូវ​បាន​រក​ឃើញ​កាល​ពី​ម្សិលមិញ នៅ​លើ​ទំព័រ​សាវតា​ក្នុង​បណ្តាញ​ព័ត៌មាន​សង្គម​ត្រូវ​បាន​សន្និដ្ឋាន​ថា ជា​លោក​ ប៉ឹង ជឿន ប៉ុន្តែ ​មិត្ត​ភក្តិ​របស់​លោក​ក៏​បាន​​លាក់​រឿ​ងរ៉ាវ​ទាក់ទង​ទៅនឹង​ការ​ងារ​ពិត​របស់​លោក​​ ប៉ឹង ជឿន ផង​ដែរ​។ រូប​ថត​ទាំ​ងនោះ​បាន​បង្ហាញ​សកម្ម​ភាព​ឈរ​ជាច្រើន​​នៅក្បែរ​លោក ហ៊ុន ម៉ាណែត​ កូន​ប្រុស​ច្បង​របស់​លោក​ ហ៊ុន សែន​ និង​​សមាជិក​កង​អង្គរក្ស​លោកនាយក​រដ្ឋ​មន្ត្រី​​ ហ៊ុន សែន និ​ងសមាជិក​កង​រាជអាវុធហត្ថ​ផង​ដែរ​ ហើយ​ក្នុង​ករណី​​ដែល​លោក​មាន​កាំភ្លើង​​ ​និ​ងធ្វើ​សកម្មភាព​នៅ​ជុំវិញ​អតីត​នាយក​រដ្ឋ​មន្ត្រី​ថៃ លោក ថាក់​ស៊ីន​ ស៊ីណាវ៉ាត្រា​ (Thak​sin Shinawatra)​ ។​ លោក ស៊ីណាវ៉ាត្រា ដែល​ត្រូវ​បាន​តាម​ចាប់​ខ្លួន​នៅ​ប្រទេស​ថៃ​ត្រូវ​បាន​ផ្តល់​​​កន្លែង​ជ្រកកោន​ដើម្បី​រក្សា​សុវត្ថិ​ភាព​ក្នុ​ងប្រទេស​កម្ពុជា​ ដោយ​លោក​​ ហ៊ុន សែន អស់​រយៈពេល​ជាច្រើន​ឆ្នាំ​។

រូប​ថត​មួយ​​បង្ហាញថា លោក ប៉ឹង ជឿន ពាក់​ប័ណ្ណ​សម្គាល់​អ្នក​សារព័ត៌​មាន​របស់​លោក​កាល​ពីខែ​កញ្ញា​ ខណៈដែល​រូប​ថត​មួយ​ផ្សេង​ទៀត​ដែល​ត្រូវ​បាន​ថត​កាល​ពីខែ​កក្កដា បង្ហាញថា លោក​ពាក់ប័ណ្ណ​សម្គាល់​ខ្លួន​​ថា “ នាយកដ្ឋាន​កង​អង្គរក្ស​” ។ រូប​ថត​ជា​ច្រើន​ផ្សេង​ទៀត​ដែល​លោក​ ប៉ឹង ជឿន ​បាន​​បង្ហោះ​នៅ​លើ​អ៊ិន​ធើណិត​​មាន​រូប​ភាព​អ្នក​ចូល​រួម​ជាច្រើន​នៅក្នុង​ព្រឹត្តិការណ៍​នានា​របស់​គណបក្ស​សង្គ្រោះ​ជាតិ​។

រូប​ថត​ទាំង​នោះ​រូមមាន​រូប​ថត ព្រះសង្ឃ និង​អ្នក​សារ​ព័ត៌មាន​ក្នុង​ពេល​ធ្វើ​បាតុកម្ម​ ព្រម​ទាំង​រូប​ថត​​សកម្មជន​យុវជន​គណបក្ស​ប្រឆាំង​​ឈ្មោះ  ធី​ សុវណ្ណថា  ដែល​បាន​ទាក់​ទាញ​អ្នក​គាំទ្រ​​២០០.០០០នាក់​តាម​រយៈ​ទំព័រ​ “ខ្ញុំ​ស្រឡាញ់​ព័ត៌មាន​ទាន់​ហេតុការណ៍​នៅកម្ពុជា​” ក្រោម​​ចំណុះ​គណបក្ស​សង្គ្រោះ​ជាតិ​ នៅ​លើ​គេ​ហ​ទំព័រ​បណ្តាញ​សង្គម​ហ្វេស​ប៊ុក​ (Facebook) ក៏​ប៉ុន្តែ រូប​ថត​ទាំ​ងនោះ​មាន​ចំនួនបី​ដែល​ហាក់​ដូចជា​ត្រូវ​បាន​ថត​យក​ដោយ​សម្ងាត់​៕

ប្រែ​​​សម្រួល​​​ដោយ កង សុធា

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស