29 C
Phnom Penh

ការ​​​ធ្វើ​​​បាតុកម្ម​​​បីថ្ងៃ​​​ជិត​​​មក​​​ដល់​​​ ក៏ប៉ុន្តែ​​​នៅ​​​តែ​​​គ្មាន​​​ការ​​​យល់​​​ព្រម​​​ឲ្យ​​​ដង្ហែក្បួន​​​​​

ដោយ ឌឹ ខេមបូឌា ដេលី

បទវិភាគ

កិច្ច​​​ប្រជុំ​​​រវាង​​​តំណាង​​​​​​គណបក្ស​​​សង្គ្រោះ​​​ជាតិ និង​​​មន្ត្រី​​​សាលា​​​រាជធានីភ្នំពេញ កាលពីម្សិលមិញ​​​​​​នៅ​​​តែ​​​គ្មាន​​​ការ​​​ព្រម​​​ព្រៀ​​​ង​​​គ្នា​​​ជុំ​វិញ​ផែន​​​ការ​​​របស់​​​គណបក្ស​​​ប្រឆាំង​​​​​​ ដែល​​​ចង់​​​ហែ​​​ក្បួន​​​​​​​​​ទូទាំង​​​រាជធានី​​​ អំឡុង​​​បាតុកម្ម​​​ចំនួន​​​បីថ្ងៃ​​​របស់​​​ខ្លួន​​​ ដែល​​​នឹង​​​ចាប់​​​ផ្ដើម​​​នៅ​​​ថ្ងៃ​​​ស្អែក​​​នេះ​។

កាលពី​​​សប្ដាហ៍មុន​​​​​​ មន្ត្រី​សាលារាជធានីបាន​​​សម្រេច​​​ថា គណបក្ស​​​សង្គ្រោះ​​​ជាតិ នឹង​​​ត្រូវ​​​អនុ​​​ញ្ញាត​​​ឲ្យ​​​មាន​​​អ្នក​​​ចូល​​​រួម​​​ត្រឹម​​​១០.០០០​​​​​​នាក់​​​ប៉ុណ្ណោះ នៅ​​​ទីលាន​​​ប្រជា​​​ធិបតេយ្យ​​​សម្រាប់​​​​​​​​​បាតុកម្ម​​​របស់​​​ខ្លួន​​​ ហើយ​​​កង​​​សន្តិ​​​សុខ​​​នឹង​​រារាំង​​​មិន​​​ឲ្យ​​​អ្នក​​​ហែ​​​ក្បួន​​​ចាក​​​ចេញ​​​ពី​​​ទីលាន​​​ប្រជា​​​ធិបតេយ្យ​​​ឡើយ​​​។

ប៉ុន្តែ​​​មេដឹកនាំ​​​គណបក្ស​​​សង្គ្រោះ​​​ជាតិ បាន​​​លើក​​​ឡើង​​​ថា ខ្លួន​នឹង​​​មិន​​​អនុវត្តតាម​​​ការ​​​​​​ទាម​​​​​​ទារ​​​របស់​​​សាលារាជធានីនោះឡើយ ហើយ​​​គ្រោង​​​​​​​​​នឹង​​​​​​​​​ហែក្បួន​​​ទៅកាន់​​​ការិយាល័យ​​​របស់​​​អង្គការ​​​សហ​​​ប្រជា​​​ជាតិ​​​ និង​​​ស្ថានទូត​​​បរទេសនានា​​​យ៉ាង​​​តិច​​​ចំនួន​​​ប្រាំពីរ នៅ​​​ក្នុង​​​រាជធានី​​​ ដើម្បី​​​ដាក់​​​ញត្តិ​​​ ដោយ​​​អំពាវ​​​នាវ​​​ឲ្យ​​​មាន​​​អន្តរាគមន៍​​​ពី​​​បរទេស​​​ដើម្បី​ទម្លាយ​ភាព​​​ជាប់​​​គាំង​​​ផ្នែក​​​នយោ​បាយ​​​សព្វថ្ងៃ​​​នៅ​​​​កម្ពុជា​​​។

លោក ឡុង ឌីម៉ង់ អ្នក​​​នាំពាក្យ​​​សាលារាជ​​​ធានី​​​បាន​​​លើក​​​ឡើង​​​ថា ភាគីទាំង​​​ពីរ​​​នៅ​​​តែ​​​មិន​​​ផ្លាស់​​​ប្ដូរ​​​ជំហរ​​​របស់​​​ខ្លួនអំឡុង​​​កិច្ច​​​ប្រជុំ​​​កាលពីម្សិលមិញ ​​​ពាក់​​​ព័ន្ធ​​​នឹង​​​ផែន​​​ការ​​​ហែ​​​ក្បួន​​​នេះ​​ ប៉ុន្តែ​​​លោក​​​បាន​​​បន្ថែម​​​ថា សាលា​​​រាជធានី​​​បាន​​​សម្រេច​​​អនុញ្ញាត​​​ឲ្យ​​​គណបក្ស​​​ប្រឆាំង​​​បញ្ជូន​​​តំណាង​​​របស់​​​ខ្លួន​​​ចំនួន​​​២០​​​រូប​​​ពីទីលាន​​​ប្រជា​​​​​​ធិបតេយ្យ​​​ ដើម្បី​​​ដាក់​​​ញត្តិ​​​របស់​​​ខ្លួន​​​ជូន​​​​​​អង្គការ​​​សហ​​​ប្រជា​​​ជាតិ និង​​​ស្ថាន​​​ទូត​​​នានា​​​។ លោក​មាន​​​ប្រសាសន៍​​​ថា “​​​ពួកគេ​​​អាច​​​ជ្រើស​​​​​​​​​​​​រើស​​​តំណាង​​​របស់​​​ខ្លួន​​​ចំនួន​​​២០​​​រូប​​​ដើម្បី​​​ដាក់​​​ញត្តិ​​​ជូន​​​​​​ស្ថាប័នណាមួយតាម​​​ចិត្ត​​​ចង់”។

លោក ឡុង ឌីម៉ង់ បាន​​​បន្ថែម​​​ថា សាលា​​​រាជធានី​​​នឹង​​​​​​ទុក​ឲ្យ​​​​ក្រសួង​​​មហាផ្ទៃ​​​​​​សម្រេច​រឿង​​​​ហែក្បួន​​​និង​​​​​​រឿង​ចំនួន​អ្នក​ចូល​រួម​ក្នុង​ការ​ធ្វើ​បាតុកម្ម​​​នេះ។
លោក​បាន​ថ្លែង​ថា “យើង​​​ព្យាយាម​​​សម្រុះ​​សម្រួល​គ្នា។ [ប៉ុន្តែ​​​] មាន​អ្នក​​​ចូល​​​រួម​​​ច្រើន​​​​​​ពេក​​​​​​ដូច្នេះ​​​វា​​​​​ហួស​​​ពី​​​​​​សមត្ថកិច្ច​​​របស់​​​សាលា​​​រាជធានីភ្នំពេញ​​​ ​​​​​​ក្នុង​​​ការ​​​​​​សម្រេច​​​​​​ថា តើគួរ​​​អនុញ្ញាត​​​ឲ្យ​​​មាន​​​​​​ការ​​​ហែក្បួន​​​​​​ឬ​​​ក៏​​​អត់​​​​​​”។

មាន​​​អ្នក​​​គាំទ្រ​​​គណបក្ស​​​សង្គ្រោះ​​​ជាតិ​​​ប្រហែល​​​២០.០០០​​​នាក់​​​បាន​​​ចូល​​​រួម​​​នៅ​​​ក្នុង​​​មហាបាតុកម្ម​​​លើក​​​ចុង​​​ក្រោយ​​​របស់​​​គណ​​​បក្ស​​​ដែល​​​បាន​​​ធ្វើ​​​ឡើង​​​​​​ពី​​​ថ្ងៃ​​​ទី​​​១៥ ដល់​​​ថ្ងៃ​​​ទី​​​១៧​​​ ខែ​កញ្ញា​ ហើយ​​​គណបក្ស​​​ប្រឆាំង​​​បាន​​​បញ្ជាក់​​​ប្រាប់​​​សាលារាជធានីថា ចំនួន​​​អ្នក​​​ចូល​​​រួម​​​ស្រដៀង​​​គ្នា​​​នេះ​​​នឹង​​​មក​​​ចូល​​​រួម​​​នៅ​​​ក្នុង​​ការ​​​ហែក្បួន​​​នៅ​​​ក្នុង​​​សប្ដាហ៍​​​នេះ​​​។

លោក​ ស ខេង រដ្ឋមន្ត្រី​​​ក្រសួងមហាផ្ទៃ​​​បាន​​​ចេញ​​​សេចក្ដី​​​ថ្លែង​​​ការណ៍​​​មួយ​​​កាលពី​​​​​​យប់​​​មិញ​​​ ដោយ​​​លើក​​​ឡើង​​​ថា គណបក្ស​​​សង្គ្រោះ​​​ជាតិ អាច​​​ធ្វើ​​​បាតុកម្ម​​​ចំនួន​​​បីថ្ងៃ​​​បាន​​​ ប៉ុន្តែ​​​មិន​​​អាច​​​មក​​​បោះ​​​តង់​​​នៅ​​​ទីលាន​​​ប្រជា​​​ធិបតេយ្យ​​​អំឡុង​​​​​​​​​ពេល​​​យប់​​​បាន​​​ឡើយ​​​។ លោក​ ស ខេង ក៏បាន​​​មាន​​​ប្រសាសន៍ដែរ​​​ថា គណបក្ស​​​សង្គ្រោះ​​​ជាតិ​​​ គួរតែ​​​ទាក់​​​ទង​​​ស្ថាន​​​ទូត​​​​​​នានា​​​ “ដោយ​​​ផ្ទាល់​​​ទុក​​​ជាមុន​​​” ដើម្បី​​​ស្នើ​​​សុំការ​​​អនុញ្ញាត​​​ដាក់​​​ញត្តិ​​​របស់​​​ខ្លួន​​​ ហើយ​​​​​​បន្ទាប់​​​មក​​​សាលា​​​រាជធានី​​​​​​​​​​គួរ​​​តែ​​​សហការ​​​ ក្នុង​ការ​អនុ​​​ញ្ញាត​​​ឲ្យ​​​បាតុករ​​​ធ្វើការ​​​ហែក្បួន​​​របស់​​​ខ្លួន​​​ដោយ​​​សុវត្ថិភាព​​​ចេញពី​​​ទីលាន​​​ប្រជា​​​ធិបតេយ្យ​​​។

លោក ស ខេង បាន​​​លើក​​​ឡើង​​​នៅ​​​ក្នុង​​​សេចក្ដី​​​ថ្លែង​​​ការណ៍​​​នេះ​​​ថា “ពេល​​​ស្ថាន​​​ទូត​​​នានា​​​​​​យល់ព្រម​​​ទទួល​​​ញត្តិហើយ​​​​ សាលារាជ​​​ធានីភ្នំពេញ ត្រូវ​សហការ​​​ក្នុង​ការ​កំណត់​​​ចំនួន​​​​​​អ្នក​​​ទទួល​​​យក​​​ញត្តិ​​​ ចំនួន​​​អ្នក​​​ដាក់​​​ញត្តិ​​​ រយៈពេល​​​ និង​​​ការ​​​ដើរ​​​ក្បួន​​​ទៅកាន់​​​គោល​​​ដៅ​​​​​​នីមួយៗ ដើម្បី​​​​​រក្សា​​​សន្តិសុ​​​ខ​​​ និង​​​សណ្ដាប់​​​ធ្នាប់​​​សាធារណៈ​​​ក្នុង​​​រាជធានីភ្នំពេញ និង​​​​ដើម្បី​សុវត្ថិភាព​​​សម្រាប់​​​ស្ថាន​​​ទូត​​​”។ លោក​បាន​បន្ថែម​ថា “គណបក្ស​​​សង្គ្រោះ​​​ជាតិ ត្រូវ​​​​មាន​​​ការ​​​ទទួល​​​ខុស​​​ត្រូវ​​​នៅ​​​ក្នុង​​​ការ​​​​​​នាំអ្នក​​​ដាក់​​​ញត្តិ​​​ត្រឡប់​​​ទៅកាន់​​​ទីលាន​​​ប្រជា​ធិបតេយ្យ​​​​​​ឲ្យ​មាន​សណ្ដាប់​​​ធ្នាប់​​​វិញ​។ សូម​​​លោក​​​អភិ​បាល​​​រាជធានីភ្នំពេញ ជួយ​​​អនុវត្ត​​​​តាម​​​ខ្លឹម​​​សារ​​​នៅ​​​ក្នុង​​​លិខិត​​​នេះ​​​ឲ្យ​​​មាន​​​ប្រសិទ្ធិភាព​​​”។

នៅ​​​ពេល​​​ត្រូ​​​វ​​​បាន​​​សួរ​​​ឲ្យ​​​បញ្ជាក់​​​ថា តើ​​​​​​មនុស្ស​​​​​​ប៉ុន្មាននាក់​​​នឹង​​​ត្រូវ​​​អនុញ្ញាត​​​​​​ឲ្យ​​​យក​​​ញត្តិ​​​ដាក់​​​ជូន​​​អង្គការ​​​សហ​​​ប្រជា​​​ជាតិ និង​​​ស្ថាន​​​ទូតនានា​​​ ឬថាតើសេចក្ដី​​​ថ្លែង​​​ការណ៍​​​របស់​​​លោក ស ខេង មាន​ន័យ​ស្មើ​នឹង​ការ​ស្នើ​ឲ្យ​សាលា​​​រាជធានី​​​ភ្នំ​​​​​​​​​​​​ពេញ ​​​អនុញ្ញាត​​​ឲ្យ​​​​​​មាន​​​ការ​​​ហែ​ក្បួន​​​នេះ​ ឬ​យ៉ាង​ណា​នោះ​ឧត្តម​​​សេនីយ៍​​​​ឯក​​​ ខៀវ សុភ័គ អ្នក​​​នាំពាក្យ​​​ក្រសួង​​​មហាផ្ទៃ​​​បាន​​​លើក​​​ឡើង​​​ថា បញ្ហា​​​ទាំង​​​ពី​​​រនេះ​​​គឺ​​​ស្ថិត​​​​​​ក្នុង​​​​ការ​​​សម្រេច​​​របស់​​​អភិបាល​​​រាជធានី​​​​​​។

លោកឧត្តម​សេនីយ៍​ឯក ខៀវ សុភ័គ បាន​​​មាន​​​​​​ប្រសាសន៍​​​ថា “អស់​​​លោកអាច​​​សួរ​​​ទៅ​​​កាន់​​​សាលា​​​រាជធានីបាន​​​។ គេ​​​នឹង​​​អញ្ជើញ​​​គណ​​​បក្ស​​​សង្គ្រោះ​​​ជាតិ​​​ ឲ្យ​​​មក​​​ពិភាក្សា​​​គ្នា​​​អំពី​​​បញ្ហា​​​នេះ​​​នៅ​​​ថ្ងៃ​​​ស្អែក​​​”។

លោក យឹម សុវណ្ណ អ្នក​​​ពាក្យ​​​គណបក្ស​​​សង្គ្រោះ​​​ជាតិ បាន​​​លើក​​​ឡើង​​​ថា គណបក្ស​​​ប្រឆាំង​​​សង្ឃឹម​​​ថា អាជ្ញាធរ​​​នឹង​​​យល់​​​ព្រម​​​ឲ្យ​​​តំណាង​​​ជាង​​​២០​​​នាក់​​​ចាក​​​ចេញ​​​ពី​​​ទីលាន​​​ប្រជា​​​ធិបតេយ្យ​​​ ដើម្បី​​​ដាក់​​​ញត្តិ​​​នៅ​​​ថ្ងៃ​​​ស្អែក​​​ ប៉ុន្តែ​​​លោក​​​បាន​​​បន្ថែម​​​ថា គណបក្ស​​​សង្គ្រោះ​​​ជាតិ នឹង​​​​​​យកសំណើ​​​របស់​​​​​​សាលារាជធានីភ្នំពេញ​​​​​​​​​ទៅ​​​ប្រាប់​​​ដល់​​​បាតុករ​​​ ដែល​​​នឹង​​​មក​​​ជួប​​​ជុំគ្នា​​​នៅ​​​ទីលាន​​​ប្រជា​​​ធិបតេយ្យ​​​។ លោក​​​បាន​​​មាន​​​ប្រសាសន៍​​​ថា “ខ្ញុំ​​​នឹង​​​សួរ​​​បាតុករ​​​ថា តើ​​​ពួកគាត់​​​ព្រម​ទទួល​​​យក​​​​​​សំណើ​​​នេះ​​​ដែរ​​​ឬទេ​​​​​​។ ​​​​​​នៅ​​​កន្លែង​​​ធ្វើបាតុកម្ម​ ​​ខ្ញុំ​​​នឹ​​​ង​​​សួរ​​​ពួកគាត់​​​ទាំង​​​អស់គ្នា​​​” ។លោក​​​បាន​​​បន្ថែម​​​ថា “ប្រសិន​​​បើ​​​ពួកគាត់យល់​​​ព្រម ​​​យើង​​​ក៏​ព្រម​​​​​​​។ បើ​​​ពួកគាត់យល់​​​ព្រម​​​យើង​​​នឹង​​​បញ្ជូន​​​ឲ្យ​​​ពួក​​​គាត់។ ហើយ​​​ប្រសិន​​​បើពួកគាត់​​​មិនយល់​​​ព្រម​​​ទេ​​​នោះយើង​​​ក៏​មិន​យល់​ព្រម​​ដូច​គ្នា​”។

លោក កឹម សុខា អនុ​ប្រធាន​​​គណបក្ស​សង្គ្រោះ​​​ជាតិ ​​​លើក​​​ឡើង​​​កាលពីថ្ងៃ​​​អាទិត្យ​​​ថា គណបក្ស​​​ប្រឆាំង​​​នឹង​​​នៅតែ​​​ធ្វើការ​​​ហែ​​​ក្បួន​​​របស់​​​ខ្លួន​​​​ ដោយ​​​មិន​​​ខ្វល់​​​ពីអ្វី​​​ដែល​​​អាជ្ញា​​​ធរ​​​បាន​​​លើក​​​ឡើង​​​មុន​ព្រឹត្តិការណ៍​​​នេះនោះ​​​ទេ ដោយ​​​លោក​​​បាន​​​លើក​​​ឡើង​​​ថា ​​​រដ្ឋធម្ម​​​នុញ្ញ​​​បាន​​​​​​ចែង​​​ថា ប្រជា​​​ពល​​​រដ្ឋ​​​មាន​​​សិទ្ធិធ្វើ​​​ការ​​​ជួប​​​ជុំ​​​គ្នា​ដោយ​​​សន្តិ​​​វិធី​​​ដោយ​​​ពុំ​​​ចាំបាច់​​​មាន​​​ការ​​​អនុញ្ញាត​​​នោះទេ​​​។

ប៉ុន្តែ​​​ទោះ​​​បី​ជាយ៉ាង​​​ណា សាលា​​​រាជធានី​​​បាន​​​​​​ចេញ​​​សេចក្ដី​​​ថ្លែង​​​ការ​​​ណ៍​​​មួយកាល​​​ពី​ម្សិលមិញឆ្លើយ​​​តប​​​នឹង​​​​​​​​​ការ​​​លើក​​​ឡើង​​​របស់​​​លោក កឹម សុខា ដោយ​​​លើក​​​ឡើង​​​ថា អាជ្ញា​ធរ​​​អាច​​​ច្រាន​​​ចោល​​​សំណើ​​​បែប​​​នេះ​​​ដោយ​​​ស្រប់​​​ច្បាប់​​​ ប្រសិន​​​បើ​​​គេ​​​គិត​​​ថា ​​​សន្តិ​​​សុខ​​​ និង​​​សណ្ដាប់​​​ធ្នាប់​​​សាធារណៈ​​​​​​អាច​​​រង​​​ការ​​​គំរាម​​​កំហែង​​​ ហើយ​​​អាច​​​ប្រើ​​​វិធានការណ៍​​​ណា​មួយ​​​​នៅ​​​ក្នុង​​​សមត្ថ​​​កិច្ច​​​របស់​​​ខ្លួន​​​ដើម្បី​​​​​​រក្សា​​​ស្ថិរភាព​​​ ។ សាលារាជធានី​​​បាន​​​លើក​​​ឡើង​​​​​ក្នុង​​​សេច​​​​​​ក្ដី​​​ថ្លែង​​​ការណ៍​​​ថា រដ្ឋាភិបាល​​​មាន​​​សិទ្ធិ​​​ប្រើ​​​​​​អំណាច​​​​​​​​​ណាមួយ​​​ដើម្បី​​​រារាំង​​​សកម្ម​​​ភាព​​​នានា​​​ដែល​​​ត្រូវ​​​បាន​​​ហាម​​​ប្រាម​​​ដោយ​​​ច្បាប់​​​។

​​​យោង​​​តាម​​​លោកស្រី មួរ សុខហួរ តំណាង​​​រាស្ត្រ​​​ជាប់​​​ឆ្នោត​​​របស់​​​គណបក្ស​​​សង្គ្រោះ​​​ជាតិ​​​បាន​​​​​​ឲ្យ​​​ដឹង​​​ថា បាតុកម្ម​របស់​គណបក្ស​​​សង្គ្រោះ​​​ជាតិ គ្រោង​​​នឹង​​​ចាប់​​​ផ្ដើម​​​នៅ​​​ម៉ោង​​​ប្រាំបី​​​ព្រឹក​​​ស្អែក​​​ ដោយ​​​​​​ការ​​ហែក្បួន​​​លើកទី​​​១​​​គ្រោង​​​នឹង​​​ហែ​​​ទៅកាន់​​​ការិយាល័យ​​​ឧត្តម​​​ស្នង​​​ការអង្គ​​​ការ​​​​​​សហ​​​ប្រជា​​​ជាតិ​​​​​​​​​ទទួល​​​បន្ទុក​​​សិទ្ធិ​​​មនុស្ស​​​​​​ ដែល​​​ស្ថិត​​​នៅ​​​ខាង​​​ត្បូង​​​វិមាន​​​ឯក​​​រាជ្យ​​​នៅ​​​ម៉ោង​​​៣រសៀល​​​។

លោកស្រី​​​លើក​​​ឡើង​​​ថា “បាតុករ​​​នឹង​​​ទៅ​​​ដល់​​​ការិយាល័យ​​​អង្គការ​​​សហ​​​ប្រជា​​​ជាតិ​​​នៅ​​​ម៉ោង​​​ប្រហែល​​​៤រសៀល ហើយ​​​ពួក​​​គាត់​​​​​​នឹង​​​មិន​​​រាថយ​​​ឡើយ​​​​​​ប្រសិន​​​បើ​​​មាន​​​ការ​​​រារាំង​​​ណា​​​​​​មួយ​​​ពី​​​កង​​​សន្តិសុខ​​​របស់​​​រដ្ឋាភិបាល​​​នោះ​​​។ លោកស្រី​បាន​លើក​​​ឡើង​​​ពី​​​កិច្ច​​​ខិត​​​ខំប្រឹង​​​ប្រែង​​​ដាក់​​​ញត្តិ​​​ថា ប្រសិនបើ​​​វា​​​ត្រូវ​​​ធ្វើ​​​ឡើង​​​ចំនួន​​​បីថ្ងៃ​​​ គឺ​​​ត្រូវ​​​ធ្វើ​​​ទាំង​​​បីថ្ងៃ​​​”។

លោក​​​ឧត្តម​​​សេនីយ៍​​​ត្រី ខេង ទីតូ អ្នក​​​នាំ​​​ពាក្យ​​​កង​​​រាជ​​​អាវុធហត្ថ​​​លើ​​​ផ្ទៃ​​​ប្រទេស​​​បាន​​​លើក​​​ឡើង​​​ម្ដង​​​ទៀត​​​ថា កង​​​រាជអាវុធហត្ថ​​​បាន​​​ត្រៀម​​​រួច​​​ហើយ​​​ ដើម្បី​​​រារាំង​​​ការ​​​ហែក្បួន​​​ណា​​​មួយពី​​​ទីលាន​​​ប្រជា​​​ធិបតេយ្យ​​​ដោយ​​​​គ្មាន​ការ​​​អនុញ្ញាត​​​​​​។ លោកបាម​​​​​​មាន​​​ប្រសាសន៍​​​ថា “នៅ​​​ពេល​​​ពួកគេ​​​ធ្វើ​​​បាតុកម្ម​​​យើង​​​នឹង​​​អនុវត្ត​​​តាម​​​បទ​​​បញ្ជា។ រឿង​​​សំខាន់​​​បំផុត​​​នោះគឺ​​​ថា បាតុករ​​​​​​ត្រូវ​​​តែ​​​គោរព​​​ច្បាប់​​​ដែល​​​អនុញ្ញាត​​​ឲ្យ​​​ពួកគេ​​​ [ធ្វើ​​​បាតុកម្ម]” ៕

​​​(រាយការណ៍​​​បន្ថែម​​​ដោយ គីម ចាន់)
ប្រែសម្រួល​​​ដោយ ស៊ា ស៊ុយ​​​ឈាង​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស