31 C
Phnom Penh

រដ្ឋា​ភិ​បាល​​​ត្រូវ​​​សហ​ការ​​ជា​មួ​យ​ប្រជា​​​កសិ​ករ​​ក្នុង​​​ការ​​​ប្រយុទ្ធប្រឆាំង​​​បញ្ហា​​​​ប្រែ​ប្រួ​ល​​​អា​កាស​​ធា​តុ

ដោយ ឌឹ ខេមបូឌា ដេលី

បទវិភាគ

នៅ​​​ក្នុង​​​សន្និសីទ​​​ទាក់ទង​​​នឹងវិ​ស័យ​កសិ​កម្ម​ ​​​​មួ​យ​កា​ល​​ពី​សប្តា​​ហ៍​មុន​ ​​​មាន​​​ការ​​​លើក​​​ឡើង​​​ថា ​​ប្រជា​ជន​ខ្មែ​រ​​ប្រ​មាណ​​៩,៥​​លា​ន​​នា​ក់​ ​ដែល​ពាក់​​ព័ន្ធ​ផ្ទាល់​​ក្នុង​វិ​ស័​យ​កសិ​កម្ម​ ត្រូ​វ​​តែប្រើ​​បច្ចេក​ទេស​​ថ្មី​​ ដើម្បី​​​​ទ​ប់​​ទល់​​នឹងបញ្ហា​​​​អា​កាស ​​​ធាតុ​​​ដ៏ស្រ​ច​​ស្រាវ​ ​បណ្តា​ល​​​ពីកា​រ​​​​ប្រែ​​ប្រួល​​អា​​កា​ស​​​ធាតុ​ ហើយ​រដ្ឋា​ភិ​បាល​ត្រូ​វ​​​​​​តែ​សហ​កា​រ​​​​​ជា​​​មួ​យ​​ប្រ​ជា​​កសិ​ករ ​ដើម្បី​ធា​​​​នា​​​ថាបច្ចេក​ទេស​​​​ទាំងនោះ​​​មាន​​​ប្រសិទ្ធភាព​។

​លោក ​វី​អា ​​ហា​រី​ដាស (V.R. Haridas) ​  អ្នក​​​ជំ​នា​​ញ​ផ្នែក​​វិទ្យា​សាស្ត្រ​​​បរិ​ស្ថាន​ប្រចាំ​​​អ​ង្គការ​​​​ការី​​តាសឥ​ណ្ឌា (Caritas India)ដែល  ​​​​​អញ្ជើ្​​ញ​​​មក​​​ទី​នេះ​​​ពី​ប្រទេ​ស​​ឥណ្ឌា ​ដើម្បី​ថ្លែង​​នៅ​ក្នុង​វេទិ​កា​កសិ​ករថ្នាក់​​​ជាតិ (National Farmers’ Forum) នៅ​ក្នុង​​រាជ​​​ធា​នី​ភ្នំ​​ពេញ​​កា​ល​ពីថ្ងៃ​សុក្រ បាន​ជំ​រុញ​ឲ្យ​រដ្ឋា​ភិ​​​បាល​​​​​​​​សហការ​ជាមួយ​ប្រជា​​កសិករ​ ​​​ក្នុង​​​វិស័យ​​​កសិកម្មដែល​ផ្តល់​យ៉ាង​ហោច​ណាស់​មួយ​​​ភាគបី​នៃ​ផលិត​ផល​ក្នុង​ស្រុក​សរុប​ (ជីឌីភី) របស់​ប្រទេស​​​កម្ពុជា​ ក្នុងគោល​​​បំណងធានា​សន្តិសុខ​ស្បៀង​​​អាហារ​របស់​​​ប្រទេស​​​កម្ពុជា​​​។

លោក​ ហារីដាស បាន​មាន​ប្រសាសន៍ថា “អនាគត​របស់​ប្រជាកសិករ​នៅ​ទូទាំង​តំបន់​​​អាស៊ី​អាច​ប្រឈម​​​នឹងហានិភ័យ​​​ដោយ​​​សារ​តែ​លក្ខខណ្ឌ​ទឹក​ភ្លៀង​កាន់​តែ​កើន​ឡើង​ដែល​​​​មិន​អាច​ព្យាករបាន ​ដោយសារ​ឥទ្ធិ​​​ពល​​​នៃ​​​ការ​ប្រែ​ប្រួល​អាកាស​ធាតុ​”។ លោក​បាន​មានប្រសាសន៍​​​បន្ត​​​ថា “កសិករ​​​ទាំង​នេះ​ពឹង​ផ្អែក​តែ​ខ្លួន​ឯង​ប៉ុណ្ណោះក្នុងការ​​​បង្កបង្កើន​​​ផល​​​ តាមវិធីបុរាណរបស់​ខ្លួន​ ក៏​​​ប៉ុន្តែ ពេល​នេះ​តម្រូវ​ឲ្យ​​ធ្វើ​បច្ចុប្បន្ន​ភាព​លើ​របៀប​ធ្វើ​កសិ​កម្ម​នៅលើ​ដីរបស់​ខ្លួន​ដើម្បី​ទទួល​បាន​ផល​ប្រយោជន៍​ប្រសើរ​បំផុត​ដោយ​​​​ខ្លួន​ឯង​ និង​ស្តុក​ស្បៀង​អាហារ​របស់​ប្រទេស​​​ជាតិ​”។

លោក ហារីដាស បាន​ឲ្យ​ដឹង​​ទៀត​ថា ខណៈ​ដែល​ទឹក​ជំនន់​មិន​អាច​ចៀស​វាង​បាន​ ដែល​​​ជា​​​ហេតុ​​​ការណ៍​​​​កើត​ឡើង​ប្រចាំឆ្នាំ​វា​ជាអ្វីដែល​ប្រជា​កសិករ​អាច​ត្រៀមខ្លួន​​​​បាន​ប្រសើ​រជាង​មុន។ លោក​បាន​បន្ត​ថា “មាន​សក្តានុពល​ក្នុង​ការ​ជីក​ត្រពាំងទឹក​​ និង​ប្រឡាយ​​​ធារាសាស្ត្រ​ទ្រង់​ទ្រាយ​តូច​រាប់​ពាន់​ ក្នុង​​​​តម្លៃថោក​ ដែល​នឹង​ជួយ​កាត់​បន្ថយ​ទឹក​ជំនន់​ ហើយ​ក៏​​រក្សា​ទឹក​បាន​យូរ​​ផង​ដែរ​​ សម្រាប់ពេល​ដែល​គ្មាន​ទឹក​​​​។ គេ​​​​ ធ្វើ​បាន​នៅក្នុង​ប្រទេស​ឥណ្ឌា ហើយ​ក៏​អាច​​ ធ្វើ​បាន​នៅ​ទីនេះផង​ដែរ”។

លោក ជា​ ម៉េង​ អនុប្រធាន​រដ្ឋបាល​នៅ​នាយក​ដ្ឋាន​ថវិកា​ក្នុង​ក្រសួ​ងសេដ្ឋកិច្ច ​​​និង​​​ហិរញ្ញវត្ថុ​ បាន​លើកឡើ​ងកាល​ពីថ្ងៃសុក្រថា មូល​និធិ​សម្រាប់​ក្រសួង​កសិកម្ម​ រុក្ខា​​​ប្រមាញ់​​​និង​​​នេសាទ​​​ អាច​​​នឹង​​​កើនឡើង​ចំនួន​ពី​២០,២​លាន​ដុល្លារ​នៃ​ថវិកា​ជាង​៣.០០០​លាន​ដុល្លារ​ របស់​ប្រទេស សម្រាប់​ឆ្នាំ​២០១៣​​ដល់​​​​២៣,៥​​លាន​ដុល្លារ​ក្នុង​ឆ្នាំ ២០១៤​។ បើ​ទោះ​ជា​ចំនួន ​នៃមូលនិធិ​រដ្ឋាភិបាលដែល​ផ្តោត​​​សំខាន់​​​ទៅ​លើវិស័យ​កសិកម្ម​ មាន​តិច​តួច​ក៏ដោយ​ ក៏​មាន​ឆន្ទៈ​​ខិត​​​ខំ​​​ប្រឹង​ប្រែង​ធ្វើ​ការ​​​កាន់តែ​​​ច្រើន​​​ថែម​ទៀត​ដែរ។

​លោក​ ជា​ ម៉េង​ បាន​ឲ្យ​ដឹង​​ថា “ថវិកា​នេះ ​​​​ត្រូវ​បាន​ដំឡើង​ ពីព្រោះ​យើង​ចង់​យក​ចិត្ត​ទុក​ ដាក់​បន្ថែម​ទៀត​ចំពោះ​ក្រសួ​ង​កសិ​​​កម្ម ហើយ​​​ ​យើង​​​​ដឹង​ហើយ​ថា ក្រសួ​ង​ធន​ធាន​ទឹក​​​​ចង់​​កសាង​ [ប្រឡាយ] ធារាសាស្ត្រ​​ជាច្រើន​”។ លោក សាយ សំអាល់​ រដ្ឋមន្ត្រី​ថ្មី​នៃ​ក្រសួង ​បរិស្ថាន​ក៏​បាន​លើកឡើង​ដែរ​ថា លោក​គាំទ្រ​ឲ្យមាន​​​ការ​​​ចំណាយ​ថវិកាជាតិ​​​​បន្ថែម​​​​ទៀត​​​ទៅ​លើ​ប្រព័ន្ធ​ធារាសាស្ត្រ​។

លោក​ សំអាល់​ បាន​មា​ន​ប្រ​សាសន៍​ថា “ប្រសិន​បើ​យើង​គ្រាន់​​​តែ​​​អនុ​វត្ត​នយោ​បាយ​មួយ​ គួរ​តែ​​សាង​សង់​ធារា​សាស្ត្រ​ខ្នាត​តូច​ ជា​ពិសេស​នៅ​ក្នុង​ខេត្ត​កំពង់​ស្ពឺ​។ ប្រសិន​បើ​យើង​អាច​ស្ថាបនា​ផ្លូវ​ថ្នល់​ នោះ​យើង​អាច​សង់​ទំនប់​បាន​”។

របាយការណ៍​របស់​អង្គការ​សហ​ប្រជា​​​ជាតិ​ចេញ​ផ្សាយ​​​កាលពីឆ្នាំ​២០១១​បាន​​​បង្ហាញ​​​ការព្យាករ​ថា កម្ពុជា​ដែល​ស្ថិត​​​ក្នុង​​​ចំណោម​ប្រទេសទាំង​​​ប្រាំមួយ​​​​នៅ​ក្នុង​អាង​ទន្លេ​មេគង្គ​ នឹង​“ ទទួល​ផល​ប៉ះពាល់​ពីការ​ប្រែប្រួល​អាកាស​ធាតុ​យ៉ាង​​​ខ្លាំង​​​ក្លា​​​​បំផុត​” ដោយ​​​មាន​រដូវ​​ក្តៅ ឬ​រដូវ​ប្រាំង​ ដែល​​​ស៊ី​​​ពេល ​​​កាន់តែ​យូរ​ និង​រាំង​​ស្ងួ​ត​កាន់តែ​​​ខ្លាំង​​​​ ហើយ​រដូវ​ភ្លៀង​បែរ​​​​ជា​មាន​​​ពេល​​​ខ្លី​ ខណៈ​ដែល​ភ្លៀង​​​ធ្លាក់​​​កាន់តែ​​​ច្រើន​។

ប្រជាកសិករ​នៅ​ក្នុង​ខេត្ត​កំពង់​ស្ពឺ​ ដែល​​​ជាខេត្តមាន​​​ដំណាំស្រូវ​រង​ភាព​រាំង​ស្ងួត​ និង​ទឹក​ជំនន់​យ៉ាងទៀង​ទាត់​ បាន​លើក​ឡើង​ថា ប្រព័ន្ធ​ធារាសាស្ត្រ​ខ្នាត​តូច​មួយ​នឹង​ផ្តល់ជំនួយ​​ដ៏​ធំសម្បើម​។

លោក​ ឡុង​ ឌឿន កសិករ​មួយរូប​​​នៅ​ខេត្ត​ កំពង់​ស្ពឺ​ និង​ជាតំណាង​ឲ្យ​អង្គការអភិវឌ្ឍន៍​​​ជន​​​បទ​​​ ពន្លឺ​នៃ​ក្តីសង្ឃឹម​​ ​បាន​មាន​ប្រសាសន៍​​​ថា “យើង​ខាត​បង់​ដំណាំ​ស្រូវ​រាប់​ពាន់​ហិក​​​តា​​រៀង​រាល់​ឆ្នាំ​ ដោយ​សារ​តែ​ភាព​រាំង​ស្ងួត​ និង​ទឹក​ជំនន់​  ហើយ​ភាគច្រើន​អាច​ចៀស​​វាង​បាន។​យើង​បាន​ដាក់​​​សំណើ​​​ឲ្យ​មាន​ប្រព័ន្ធ​​​​ ធារា​​​សាស្ត្រ​ខ្នាត​តូច​មួយ​ [ទៅ​អាជ្ញាធរ​ខេត្ត​] ច្រើន​លើក​ហើយ​ ក៏ប៉ុន្តែ ជានិច្ច​កាល​​​ពួក​​​គេ​​​តែង​​​តែ​​ប្រាប់​យើង​ឲ្យ​រង់ចាំ​ ពីព្រោះ​ពួក​គេ​គ្មាន​​​​ប្រាក់​”៕

ប្រែ​​​សម្រួល​​​ដោយ ចេវ ប៊ុននី

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស