30 C
Phnom Penh

ក្មេង​​​ស្រី​​​នៅ​​​ខេត្ត​​​កំពង់​​​ធំ​​​ ក្លាយ​​​ជា​​​អ្នក​​​ទី​​​២១​​​ដែល​​​បាន​​​ឆ្លង​​​ជំងឺ​​​គ្រុង​​​ផ្ដាសាយ​​​បក្សី​​​​​​នៅ​​​ក្នុង​​​ឆ្នាំ​​​នេះ

ដោយ ឌឹ ខេមបូឌា ដេលី

បទវិភាគ

ក្រុម​​​មន្ត្រី​​​បាន​​​លើក​​​ឡើង​​​កាលពី​​​ម្សិល​​​មិញ​​​ថា ក្មេង​​​ស្រី​​​អាយុ​​​៨​​​ឆ្នាំ​​​ម្នាក់​​​ មកពី​​​ស្រុក​​​បារាយ​​​ណ៍​​​ខេត្ត​​​កំពង់​​​ធំ បាន​​​ក្លាយ​​​ទៅ​​​ជា​​​មនុស្ស​​​​​​​​​ទី២១​​​ក្នុង​​​ឆ្នាំ​​​នេះ ដែល​​​បាន​​​ឆ្លង​​​មេរោគ H5N1 ​​​គេ​​​ហៅ​​​ម្យ៉ាង​​​​​​​​​ទៀត​​​ថា ជា​​​ជំងឺ​​​គ្រុន​​​ផ្ដាសាយ​​​បក្សី។

លោក សូនី គ្រីស​​​នែន (Sonny Krishnan) មន្ត្រី​​​ទំនាក់​​​ទំនង​​​នៅ​​​អង្គការ​​​សុខ​​​ភាព​​​ពិភព​​​លោក​​​ (WHO)បាន​​​មាន​​​ប្រសាសន៍​​​កាលពី​​​ម្សិល​​​មិញ​​​ថា “ វិ​​​ទ្យាស្ថាន​​​ប៉ាស្ទ័រ បាន​​​ធ្វើ​​​រោគ​​​វិនិច្ឆ័យ​​​ ហើយ​​​បញ្ជាក់​​​ថា នាង​​​ឆ្លង​​​ជំងឺ​​​គ្រុន​​​ផ្ដា​​​សាយ​​​បក្សី​​​​​​កាលពី​​​ថ្ងៃ​​​ព្រហស្បតិ៍​​​”។ លោក​​​បន្ថែម​​​ថា ក្មេង​​​ស្រី​​​រូប​​​នេះ​​​ស្ថិត​​​ក្នុង​​​​​​ស្ថាន​​​ភាព​​​​​​នឹង​​​ន ហើយ​កំពុង​ទទួល​​ការ​​​ព្យា​​​បាល​​​នៅ​​​មន្ទីរ​​​ពេទ្យ​​​ជ័យ​​​វរ័្មន​​​ទី​​​៧ ក្នុ​​​ង​​​ខេត្ត​​​សៀម​​​រាប​​​។

លោក គ្រីសនែន បាន​​​លើក​​​ឡើង​​​ថា ក្មេង​​​ស្រី​​​រូប​​​នេះ​​​បាន​​​ឆ្លង​​​មេរោគ​​​ដែល​​​​​​កើត​​​ឡើង​​​ និង​​​ឆ្លង​​​រាល​​​ដាល​​​តាម​​​រយៈ​​​មាន់​​​ទា​​​នៅ​​​ក្នុង​​​ភូមិ​​​អូររាំង ឃុំ​​​ពង្រ​​​។
លោក​​​បន្ថែម​​​​​​ថា “ក្មេង​​​ស្រី​​​រូប​​​នេះ​​​បាន​​​ប៉ះ​​​ពាល់​​​​មាន់​​​ទា​​​ដែល​​​ងាប់​​​​​​​ដោយ​ផ្ទាល់​​​នៅ​​​ក្នុង​​​ភូមិ​​​របស់​​​នាង​​​ ហើយ​​​ប្រជា​​​ពល​​​រដ្ឋ​​​បាន​​​យក​​​មាន់​​​ទា​​​ងាប់​​​ទាំង​​​នេះ​​​មក​​​ចម្អិន​​​ធ្វើ​​​ជា​​​ម្ហូប​​​អាហារ​​​” ។

​​​យោង​​​តាម​​​អង្គការ​សុខ​​​ភាព​​​ពិពភ​​​លោក​​​បាន​​​ឲ្យ​​​ដឹង​​​ថា ក្មេង​​​ស្រី​​​រូប​​​នេះ​​​គឺ​​​ជា​​​មនុស្ស​​​ទី៤២​​​ហើយ ដែល​​​បាន​​​ឆ្លង​​​ជំងឺ​​​គ្រុន​​​ផ្ដាសាយ​​​បក្សី​​​ ចាប់​​​តាំង​​​ពី​​​មេរោគ​​​នេះ​​​ត្រូវ​​​​​​បាន​​​បញ្ជាក់​​​ជា​​​លើក​​​​​​​​​ដំបូង​​​​​​នៅ​​​​​​កម្ពុជា​​​ កាលពី​​​ឆ្នាំ​​​២០០៥​​​។ ដោយ​​​មាន​​​ករណី​​​ឆ្លង​​​ចំនួន​​​២១​​​នាក់​​​នៅ​​​ក្នុង​​​ឆ្នាំ​​​នេះ​​​ ហើយ​​​មានអ្នក​​​ឆ្លង​​​ចំនួន​​​១០​​​នាក់​​​បាន​​​រួច​​​ជីវិត​​​ វា​​​បាន​​​ធ្វើ​​​ឲ្យ​​​ប្រទេស​​​កម្ពុជា​​​​​​​​​មាន​​​តួ​​​លេខ​​​នៃ​​​ការ​​​ឆ្លង​​​ខ្ពស់​​​បំផុត​​​​ក្នុង​​​​​​ឆ្នាំ​​​នេះ​​​ ប៉ុន្តែ​​​ក៏​​​មាន​​​អ្នក​​​រួច​​​ជីវិតពី​​​ជំងឺ​​​នេះ​​​​​​ច្រើន​​​បំផុត​​​ផង​​​ដែរ​​​​​។

លោក​​​ គ្រីសនែន ​​​មាន​​​ប្រសាសន៍​​​ថា “គេ​​​​​​សង្ស័យ​​​ថា នាង​​​ប្រហែល​​​ជា​​​ឆ្លង​​​ជំងឺ​​​គ្រុន​​​ផ្ដា​​​សាយ​​​បក្សី​​​ មុន​​​ពេល​​​នាង​​​ត្រូវ​​​​​​បាន​​​ធ្វើ​​​រោគ​​​វិនិ ច្ឆ័យ ហេតុ​​​ដូច្នេះ​​​ហើយ​​​ពួកគេ​​​ [ បុគ្គលិក​​​មន្ទីរ​​​ពេទ្យ​​​ ] បាន​​​ផ្ដល់​​​​​​ថ្នាំតាមីភ្លូ​ (Tamiflu) ជាថ្នាំ​​​​​​តែ​​​មួយ​​​គត់​​​សម្រាប់​​​ការ​​​ពារ​​​មេរោគ​​​ជំងឺ​​​គ្រុន​​​ផ្ដា​​​សាយ​​​បក្សី​​​មក​​​ឲ្យ​​​នាង​​​”។ លោក​​​បន្ត​​​​​​ថា “ ឥឡូវ​​​នេះ យើង​​​បាន​​​ឃើញ​​​​​​​​​មាន​​​អ្នក​​​រួច​​​ជីវិត​​​ពី​​​ជំងឺ​​​គ្រុន​​​ផ្ដាសាយ​​​បក្សី​​​កាន់​​​តែ​​​ច្រើន​​​ឡើង​​​  ព្រោះ​​​នៅ​​​ពេលគេ​​​សង្ស័យ​​​​​​​​​​​​ថា ​​​អ្នក​​​​​​ជំងឺ​​​ឆ្លង​​​ជំងឺ​​​គ្រុន​​​ផ្ដាសាយបក្សី​​​​​​​​​​​​បុគ្គ​​​លិក​​​មន្ទី​​​រ​​​ពេទ្យ​​​បាន​​​ផ្ដល់​​​ថ្នាំ​​​តាមីភ្លូ​​​ឲ្យ​​​អ្នក​​​ជំងឺ​​​ភ្លាម​​​ៗ​​​។

លោក ម៉ម ប៊ុនហេង រដ្ឋមន្ត្រី​​​ក្រសួង​​​សុខា​​​ភិបាល​​​កាលពីម្សិលមិញ បាន​​​ណែនាំ​​​ឲ្យ​​​ប្រជា​​​ពល​​​រដ្ឋ​​​នៅ​​​ឲ្យ​​​ឆ្ងាយ​​​ពី​​​មាន់​​​ទាដែល​​​ងាប់​​​ ឬក៏​​​ឈឺ ហើយ​​​លោក​​​បាន​​​លើក​​​ឡើង​​​ថា ឪពុក​​​ម្ដាយ​​ និង​​​អ្នក​​​មើល​​​ថែទាំ​​​ត្រូវ​​​តែ​​​យក​ចិត្ត​​​ទុកដាក់​​​ក្នុង​​​ការ​​​​​​​​​​មើល​​​ថែទាំ​​​កូន​​​ចៅ​​​​​​​​​របស់​​​ខ្លួន​​​ដែល​​​សង្ស័យ​​​ថា ឆ្លង​​​មេរោគ​​​ H5N1​​​។ លោកបាន​​​លើក​​​ឡើង​​​​​​​​នៅ​​​ក្នុង​​​សេចក្ដី​​​ថ្លែង​​​ការណ៍​​​​​​មួយ​​​ថា “ក្មេងៗ​​​តែង​​​តែ​​​ចូល​​​ចិត្ត​​​ចិញ្ចឹម​​​ ឬ​​​ឲ្យ​​​ចំណី​​​​មាន់​​​ទា​​​​​ ចូល​​​ចិត្ត​​​លាង​​​ទ្រុង​​​ និង​​​ប្រមូល​​​​​​​​​​​​​​​ស៊ុត​​​ ហេតុដូច្នេះ​​​ខ្ញុំ​​​សូម​​​ណែ​​​នាំ​​​ឲ្យ​​​ឪពុក​​​ម្ដាយ​​​ និង​​​អ្នក​​​មើល​​​​​​ថែទាំ មើល​​​ខុស​​​ត្រូវ​​​​​​កូន​​​ចៅ​​​របស់​​​​​​​​​ខ្លួនកុំ​​​​​​ឲ្យ​​​នៅ​​​ជិត​​​មាន់​​​ទា​​​ដែល​​​ងាប់ ឬឈឺ ហើយ​​​​​​​​​កុំឲ្យ​​​កូន​​​ចៅ​​​លេង​​​ជាមួយ​​​មាន់​​​ទា”។ លោក​​​បន្ត​​​ថា “ឪពុក​​​ម្ដាយ​​​ និង​​​អ្នក​​​មើល​​​ថែទាំ​​​ត្រូវ​​​តែ​​​ធានា​​​ឲ្យ​​​បាន​​​ថា កូន​​​ចៅ​​​របស់​​​ខ្លួន​​​ពិត​​​ជា​​​បាន​​​លាង​​​ដៃ​​​ជាមួយ​​​សាប៊ូ​​​ និង​​​ទឹក​​​ឲ្យ​​​បាន​​​​​​​​​ស្អាត​​​ពិត​​​ប្រាកដ​​​មែន មុន​​​ពេល​​​ទទួល​​​ទាន​​​អាហារ និង​​​ក្រោយ​​​ពេល​​​ប៉ះពាល់​​​មាន់​​​ទា”៕

ប្រែសម្រួល​​​ដោយ ស៊ា ស៊ុយ​​​ឈាង​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស