25 C
Phnom Penh

មន្ត្រីរដ្ឋាភិបាល៖ រូបសំណាករណសិរ្ស​សាមគ្គី​គណបក្ស​ប្រជាជន​​នឹង​ត្រូវ​សម្ពោធ​នៅ​ខែក្រោយ​

ដោយ ឌឹ ខេមបូឌា ដេលី

បទវិភាគ

លោក​ ស ចំរ៉ុង​ អភិបាល​ខេត្ត​ក្រចេះ​ បាន​​​ឲ្យដឹងកាល​ពី​ថ្ងៃ​អាទិត្យ​ថា ​រូបសំណាក​រណ​សិរ្ស​សាមគ្គី​គណបក្សប្រជាជន​កម្ពុជា​​សម្រាប់ អភិវឌ្ឍន៍មាតុភូមិ​កម្ពុជា ដែល​ត្រូវ​បាន​សាង​​​សង់​ដោយ​ចំណាយ​ប្រាក់​បីលាន​ដុល្លារ​ នៅ​ក្នុង​ស្រុក​ស្នួល​ ខេត្ត​ក្រចេះ​ នឹង​ត្រូវ​បញ្ចប់​នៅក្នុ​ងខែ​វិច្ឆិកា​ខាង​មុខ​នេះ។

លោក ស ចំរ៉ុង​ បាន​ឲ្យ​ដឹង​ថា គណៈ​ប្រតិ​ភូ​ គណបក្សប្រជាជន​កម្ពុជា​មួយ​ក្រុម​​ដឹកនាំ​ដោយ​លោក ហេង សំរិន ប្រធាន​រដ្ឋសភា​ និង​លោក​ គង់ សំអុល រដ្ឋមន្ត្រី​ព្រះ​បរម​រាជ​វាំង​ បាន​ចុះ​ទៅ​ត្រួត​ពិនិត្យ​មើល​សំណង់​នេះ​កាល​ពីថ្ងៃ​អាទិត្យ​ ដើម្បី​ត្រៀម​រៀប​ចំ​ពិធី​រំឭក​​ខួប​​ទី​៣៥​នៃរណសិរ្សនេះ​ និងជំនួប​ប្រចាំ​ឆ្នាំ​ នៅថ្ងៃ​ទី​២​ ខែ​ធ្នូ​។

លោកបាន​មាន​ប្រសាសន៍ថា “ការ​សាង​សង់​រូប​សំណាក​​នេះ​នឹង​ត្រូវ​បញ្ចប់​នៅ​ចុង​ឆ្នាំ​នេះ ​ហើយ​នឹង​ត្រូវ​សម្ពោធ​ក្នុ​ងខែ​វិច្ឆិកា​”។ ​លោក​បានឲ្យដឹង​បន្ថែ​មទៀត​ថា ការ​សាង​សង់​សាលាបឋម​សិក្សា​ថ្មី​មួយ​ និង​​សារមន្ទី​រ​មួយនៅ​ជិត​រូបសំណាក​នេះ​ក៏​នឹង​ត្រូវ​បញ្ចប់​នៅ​ក្នុង​ខែ​វិច្ឆិកា​ផង​ដែរ។ ផែនការ​សាង​សង់រូប​សំណា​ក​មាន​កម្ពស់​៤១​ម៉ែត្រ​ត្រូ​វបាន​ប្រកាស​កាលពីខែ​ធ្នូ​ឆ្នាំ​២០១១​ ដើម្បី​រំឭកពីការ​បង្កើតរណសិរ្ស​នេះនៅក្នុង​ស្រុក​ស្នួល​ កាលពីឆ្នាំ​១៩៧៨​។ នៅ​ពេល​នោះ​រណសិរ្សនេះ​ត្រូវបាន​គេ​ហៅ​​ ថា រណសិរ្ស​សាមគ្គី​សង្គ្រោះ​ជាតិ​កម្ពុជា​។

នៅថ្ងៃ​ទី៧​ ខែ​មករា ឆ្នាំ​១៩៧៩​ កង​កម្លាំង​​​​វៀត​ណាម​បាន​បង្កើត​សមាជិក​រណ​សិរ្ស​នេះជា​មេដឹកនាំ​កម្ពុជា​​ ក្រោយ​របប​ខ្មែរ​ក្រហម​។ ក្នុង​ឆ្នាំ​២០០៦​ រណ​សិរ្ស​នេះ​បាន​​ប្តូរ​ឈ្មោះ​របស់​ខ្លួន​ទៅ​ជា​រណសិរ្ស​សាមគ្គី​គណបក្ស​ប្រជាជន​កម្ពុជា សម្រាប់​​អភិវឌ្ឍ​ន៍​មាតុភូមិកម្ពុជា និង​បាន​ចុះ​ឈ្មោះ​ជា​អង្គការ​ក្រៅរដ្ឋាភិបាល​មួយនៅ​ក្រសួង​មហាផ្ទៃ​៕

ប្រែ​​​សម្រួល​​​ដោយ ចេវ ប៊ុននី

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស