31 C
Phnom Penh

​សាលា​​ដំ​បូ​ង​​ខេត្ត​សៀម​រាប ​ចោទ​​ប្រកាន់​​​បុរសជន​​ជាតិ​ស្វីស​​ចូល​​ចិត្ត​​រួ​ម​ភេទ​​​ជាមួ​យ​កុមារ​​ជាថ្មី

ដោយ ឌឹ ខេមបូឌា ដេលី

បទវិភាគ

មន្ត្រី​​ត​ុ​លា​ការ​​​​បាន​ឲ្យ​ដឹង​​​ថា​ ​កា​ល​ពី​ម្សិល​មិញថា ​សាលា​​ដំ​បូ​ង​​ខេត្ត​​សៀម​​​រា​ប ​​បា​ន​ចោទ​​​​ប្រកា​ន់​​​អ្នក​​គ្រប់គ្រង​សណ្ឋាគារ​​​ជន​ជាត​ិ​ស្វីស​ម្នាក់​ឈ្មោះ រូ​ដូល ឃ្នុក​​ឃែល (Rudolf ​Knuckel) អា​យុ​​៦៧ឆ្នាំ ​​ពី​បទ​​​ទិ​ញ​​ពេស្យា​កម្មកុ​មា​រ​​​​ បន្ទាប់​​​​​ពី​​កា​រ​​ចាប់​ខ្លួន​​​ជន​បរទេស​​ដ៏​លេច​​ធ្លោ​​រូបនេះ​​​ពី​បទ​​រំលោភ​ផ្លូវ​ភេទ​លើក្មេង​ប្រុស​ៗ​នៅ​ក្នុ​ង​ប្រទេ​ស​កម្ពុជា​​កា​ល​ពី​ថ្ងៃ​ពុធ​។

លោក ជួ​ន សុ​ភា ​​ព្រះ​រាជ​អា​​ជ្ញា​រង​អម​សាលាដំ​បូ​ង​ខេត្ត​​សៀមរាបថ្លែងថា​ “ខ្ញុំ​​​បា​ន​ចោទ​ប្រកាន់​​ជន​នេះ ​ពី​បទ​​​ទិញ​​​ពេ​ស្យាកម្ម​កុ​មា​រ​ និង​បា​ន​បញ្ជូ​ន​ខ្លួ​ន​ជន​នេះ​ទៅ​ឲ្យ​​ចៅ​ក្រម​​សាក​សួរ​ ដើម្បី​សម្រេច​​​ថា​ តើ​​​​ឃុ​ំ​ខ្លួ​ន​គាត់​​រង់​ចាំ​ការកាត់​ក្តី​​ឬ​អត់​”។

ជន​ជាប់​ចោទឈ្មោះ ឃ្នុក​​ឃែល ដែល​​​​ជា​នាយក​​​​គ្រប់​​គ្រ​ង​​​នៅ​សណ្ឋា​​គា​រ​​​​​​​ទំនើប​ចំនួន​ប្រាំ​​នៅក្នុងខេត្ត​សៀម​រា​ប ​ចាប់​តា​ំ​ង​​​ពី​ឆ្នាំ​១៩៩១​មក រួ​ម​​​ទា​ំ​ង​​សណ្ឋា​​គារ Grand Hotel d’Angkor សម័យអា​​ណា​និ​គមផង​នោះ​ ត្រូ​វ​បា​ន​​​​ចាប់​​ខ្លួន​នៅ​​ចំ​ថ្ងៃ​​​កំ​ណើត​លើក​ទី​៦៧​​​​របស់​​ជន​នេះកាល​​ពី​ថ្ងៃ​ពុធ ​បន្ទាប់​​ពី​​យុ​វ​​​ជ​ន​បី​នាក់​​​​​​​​អា​យុ​​១៣ឆ្នាំ ១៥​ឆ្នាំ ​និ​ង​អាយុ​១៨​ឆ្នាំ​ បា​ន​​​អ​ះ​អាង​​​ថា​ ជ​ន​នេះ​​​បា​នរ​ំ​លោភ​​​​ផ្លូវ​ភេទពួ​ក​គេ​ ឬ​​​ប៉ុន​ប៉ង​​​រំលោភផ្លូវភេទ​​ កា​ល​ពី​ដើម​ឆ្នាំ​​នេះ​។

លោកស្រី​ ​ឌួ​ង ​ថា​វ​រី ​​នា​យ​នគរបាល​ប្រឆាំ​ង​កា​រ​​​ជួ​ញ​​ដូរ​​មនុស្ស​​ខេត្ត​​​ ​បា​នថ្លែងថា “ បន្ទាប់​​ពី​ធ្វើ​កា​រ​ស៊ើប​អង្កេត​​ ​​យើង​បា​ន​​​​រក​ឃើញ​​​ថា​ មា​ន​​​​​តែ​ក្មេង​ប្រុស​​អា​យុ​១៥​​​ឆ្នាំ​ម្នាក់​ប៉ុណ្ណោះ​ ​​​​ជា​ប់​​​​ពាក់​ព័ន្ធ​[ក្នុ​ង​ករណី​​រំ​លោភ​នេ​ះ]​”។លោកស្រី​ឲ្យដឹង​​ថា “​​ ជននេះ​​បា​ន​រ​ំ​លោភ​​​ក្មេង​ប្រុស​​​អា​យុ​​​​១៥​ឆ្នាំ​​ជាច្រើន​លើក​។គាត់បា​ន​នា​ំ​​​ក្មេង​ប្រុស​​​​​រូប​នេះ​​​ទៅ​​តំ​បន់​​ដាច់​ស្រយាល​មួ​យ​​​នៅ​​​​ក្រៅ​ក្រុ​ង​សៀមរាប​…ចំ​នួ​ន​ប្រាំ​ដង​ ​​ហើយ​​​​ម្ត​ង​ៗ​​​​ឲ្យ​ប្រាក់​ចំ​នួន​​១០​ដុល្លារ​ទៅ​​១៥​ដុល្លារ​”។ លោក​​​ស្រី​​​បន្ថែមថា​ ​ “ក្មេង​ប្រុស​​​ពី​រ​នាក់​​​ទៀត​ ​​​ជន​​​នេះបា​ន​នាំ​​​ពួ​ក​គេ​​​ទៅ​តំ​បន់​ដាច់​​​ស្រ​យាល​​​​ ​និង​ប៉ុន​ប៉ង​​រំ​លោភ​​ពួ​ក​គេ ប៉ុន្តែ​ពួកគេ​មិនព្រ​ម​”។

កាលពី​ខែ​មេ​សា​ឆ្នាំ​២០១០ ​សាលា​​ដំ​បូ​ង​​ខេត្ត​​សៀម​​រាប ​​បា​ន​ផ្តន្ទា​​ទោស​លោក ឃ្នុក​​ឃែល ឲ្យ​​​ជា​ប់​​ពន្ធនាគារ​រយ​ៈ​​ពេល​​ពីរ​ឆ្នាំ​ ​ពី​បទ​​​រួ​ម​ភេទ​​ជាមួ​យ​ក្មេង​ប្រុស​​​អា​យុ​១៤​ឆ្នាំ ​​ក៏ប៉ុន្តែ​​ត្រូវ​​បា​ន​​ព្យួរ​ទោសរយ​ៈ​ពេល​មួ​យ​ឆ្នាំ​។ ក្នុង​ឆ្នាំ​២០០០ ​​​បុរស​ចូ​ល​ចិត្ត​រួ​ម​ភេទ​​​ជា​មួ​យ​កុមារ​រូបនេះ​ត្រូ​វ​​​បា​ន​ចោទ​ប្រកាន់​​​ពី​បទ[​​ប្រព្រឹត្ត​​អ​ំ​​ពើ​​អ​នា​ចារ] ​​ដោ​យ​​រួ​ម​​ភេទ​​​ជាមួ​យ​​កុមា​រ​​​ពីរ​នាក់​​​​​ ម្នាក់​អា​យ​ុ​១៤​ឆ្នាំ និងម្នាក់​ទៀត​អាយុ​១៨​ឆ្នាំ​ ក៏ប៉ុន្តែ​​ជន​នេះ​​​ត្រូ​វ​បា​ន​​ដោ​ះ​​លែង​ឲ្យ​នៅ​ក្រៅ​ឃុំ​​​បណ្តោះ​​​អា​សន្ន​​រយ​ៈ​ពេល​ប្រាំ​ខែ​​ក្រោយ​ ហើយ​នៅ​ក្នុង​ឆ្នាំ​​២០០២​​​តុ​លា​កា​រ​​បា​ន​លើក​លែ​ង​ការចោទ​ប្រកាន់​​​ជ​ននេះ ដោ​យ​សម្អាងថា​ ខ្វះ​ភ័ស្តុ​តា​ង​។

លោក យី ម៉ូឌែន អនុ​ប្រធាន​ផ្នែក​ប្រតិ​បត្តិការក្នុង​មូល​ដ្ឋាន​ នៅ​អង្គការ​សកម្ម​ភាព​ដើម្បី​កុមារ​ ជា​អង្គការ​ក្រៅ​រដ្ឋា​ភិបាល​ប្រឆាំង​​​​ការ​រួម​ភេទ​ជាមួយ​កុមារ​ បាន​លើក​ឡើង​នៅ​ក្នុង​សេចក្តី​ថ្លែង​ការណ៍​​មួយ​ចេញផ្សាយ​​កាល​ពី​ថ្ងៃ​ពុធ​ថា “ឈ្មោះ​ឃ្នុកឃែល គឺ​ជា​ជន​ល្មើស​រួម​ភេទ​ជាមួយ​កុមារ​ជា​ច្រើន​លើក ដែល​នឹង​មិន​ឈប់​យក​ប្រៀប​លើ​កុមារ​ទេ។ យើង​សង្ឃឹម​ថា ជន​នេះ​នឹង​ត្រូវបាន​ផ្តន្ទា​ទោស​ទៅ​​​​តាម​វិសាល​ភាព​ច្បាប់​ពេញ​លេញ​ ហើយ​​​​នឹង​ត្រូវ​បណ្តេញ​ចេញ​ពី​ប្រទេស​កម្ពុជា​ បន្ទាប់​​​​ពី​ជាប់​ពន្ធនាគារ”។

លោក ម៉ូឌែន បាន​ឲ្យដឹង​​តាម​ទូរស័ព្ទ​កាល​​​ពី​ម្សិល​មិញ​ថា បទ​ចោទ​ប្រកាន់​ “ ពីបទ​ទិញ​ពេស្យាកម្ម​កុមារ​” គឺជា​បទ​ចោ​ទប្រកាន់​សមរម្យ​ហើយ។
បើ​ទោះជា​ ជន​ជាប់ចោទ​ឈ្មោះ ឃ្នុក​​​ឃែល ​​​និង​មេធាវ​ី​របស់​ខ្លួន​​មិន​អាច​ទាក់​ទង​បាន​កាលពី​ម្សិល​មិញ​ក៏​ដោយ​ ក៏​លោក ថានុម​​​​​​សាក់ អាប់បាស់ សមែន (Thanomsak Abbas Sorman) អាយុ​៣៥​ឆ្នាំ​ ដែល​ជា​មិត្ត​ភក្តិ​រាប់​​​អាន​គ្នា​យូរ​ និង​ជា​អតីត​និយោជិករបស់​ជន​ជាប់​ចោទ​រូបនេះ បាន​និយាយ​ការ​ពារខ្លួន​​ថា ជន​នេះ​ជា​មនុស្ស​ស្លូត​ត្រង់។

លោក​ ថានុមសាក់ ដែល​ជា​ជន​ជាតិ​ថៃ​ ធ្វើ​ការ​ឲ្យ​ក្រុម​ហ៊ុន​វិនិយោគ​ឯក​ជន​មួយ​នៅ​ក្នុង​ក្រុង​ប៉ោយ​ប៉ែត ខេត្ត​បន្ទាយ​មាន​ជ័យ បាន​មាន​ប្រ​សាសន៍​ថា “ ប្រសិន​បើ​អ្នកជួប​​មនុស្ស​១០០​នាក់​នៅ​ក្នុង​ខេត្ត​សៀម​រាប ដែល​ស្គាល់​រូប​គាត់​ គ្មាន​នរណា​ម្នាក់​និយាយ​​អាក្រក់​ពី​គាត់ទេ​ ខ្ញុំ​អះអាង​​”។ លោក​បន្ថែម​ថា ជន​ជាប់​ចោទ​ឈ្មោះ ឃ្នុកឃែល បាន​ចេញ​ថ្លៃ​សិក្សា​​រៀន​សូត្រ​របស់​លោក។

លោក ថានុមសាក់ ដែល​មានភរិយា​ និង​កូន​ពីរនាក់​រស់​នៅ​ជាមួយ​ជន​ជាប់​ចោទ​ឈ្មោះ​​​ ឃ្នុកឃែល នៅ​ក្នុង​ក្រុង​សៀម​រាប បាន​ឲ្យ​​​ដឹង​​​​បន្ថែម​ទៀតថា លោក​មាន​ផែនការ​ជួយជន​ជាតិ​​​​ស្វីស​រូប​នេះ​ចេញពីស្ថាន​​​ការ​​​ណ៍​លំបាក​​​ផ្លូវ​​ច្បាប់​​ចុង​ក្រោយ​​របស់​​គាត់​​ ប្រសិន​បើ​អាច។លោក​បានមានប្រសាសន៍​ថា “ គ្រួសារ​របស់​ខ្ញុំ​នឹង​រៀប​ចំ​ស្វែង​រក​មេធាវី​ម្នាក់​ និង​នាំ​យក​អាហារ​ទៅ​ឲ្យ​លោក ឃ្នុកឃែល នៅ​ក្នុង​ពន្ធនាគារ​”៕ ប៊ុននី

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស