27 C
Phnom Penh

គណ​បក្ស​​សង្គ្រោះ​​​ជាតិ​​អំពាវ​នាវឲ្យគ្រឹះ​ស្ថាន​​មី​ក្រូ​​ហិរញ្ញ​វត្ថុកាត់​​​បន្ថយអត្រា​​ ដោ​យ​សារ​​​ទឺក​​​ជំនន់

ដោយ ឌឹ ខេមបូឌា ដេលី

បទវិភាគ

គ​ណ​បក្ស​​ប្រឆាំ​​ង​​បា​ន​លើក​ឡើ​ង​ កា​ល​​​ពី​ម្សិល​មិញ​ថា ​គ្រឹះ​ស្ថាន​មី​ក្រូ​ហិរញ្ញ​វត្ថុ គួរ​​​តែ​កាត់​បន្ថយ​​អត្រា​ការ​​ប្រាក់​​លើក​លែង​​កា​រ​​​ទូទាត់​សង​​​ប្រាក់​កម្ចី ​និ​ងពន្យារ​​​ពេល​​​រឹប​អូស​​យក​សម្បត្តិ​​​សម្រាប់​​រយៈ​​ពេល​​ប្រាំ​មួ​យ​​ខែ​​ខាង​មុខ​​​មួ​យ​រយៈ​សិន​ ដើម្បី​​​ដោះ​​​បន្ទុ​ក​​​គ្រួ​​សារ​​ ដែល​រ​ង​​​​​ប៉ះ​​ពាល់​​​ដោ​យ​សារ​​ទឹក​​​ជំនន់​កាល​ពី​ថ្មីៗ​​​នេះ។

លោកស្រី ​មូរ សុខហួរ ​សមា​​​ជិ​ក​សភាគ​ណ​​​​បក្ស​សង្គ្រោះ​​​ជាតិ​ បា​ន​​លើក​ឡើ​ង​ក្នុង​​សន្និ​​​សីទ​​សារ​ព័ត៌មា​ន នៅ​ឯទី​ស្នាក់​​ការ​​​គណ​​​បក្ស​នេះ​ថា ប្រជា​ពល​​រដ្ឋ​​​​​រាប់​​​ពាន់​​គ្រួ​សារ​​​នៅ​ទូទាំ​ង​​ប្រ​ទេ​ស​កំ​ពុង​​​តែជួប​​​​ការ​សង​ប្រាក់​កម្ចី​ ​ដោ​យ​សារ​តែទឹក​​​ជំនន់​​​បំ​ផ្លិច​​បំ​ផ្លាញ​​ជី​វ​ភាព​​​​របស់​​​​ពួ​ក​គាត់។ លោក​ស្រី​បា​ន​​ថ្លែ​ង​ថា “ដោ​យ​​​ពិ​ចារ​ណា​​​អំ​ពី​កា​រ​​​ប៉ះ​ពាល់​នៃ​បន្ទុក​​នៃការ​​​ជាប់​​ជំ​​ពាក់​បំណុល ​​និង​កត្តា​គំ​រាម​កំហែង​​ដក​​ហូត​ទ្រ​​ព្យ​សម្បត្តិ​មា​ន​​​តម្លៃ​ពី​​ប្រជា​ជន​ ​ដែល​​ងាយ​​រង​​​គ្រោះ​ យើង​សូម​​សំ​ណូម​​​ពរ​​ដោ​យ​ទទូច​ឲ្យ​មាន​ការ​ប្តូរ ​ពីការ​ដាក់បន្ទុកដែ​ល​មាន​កាន់​តែ​ច្រើន​លើប្រជា​​​ពល​រដ្ឋ ឲ្យ​ទៅ​​​ជាសកម្មភាព​សង្គ្រោះ​បន្ទាន់​វិញ​”។

យោង​តា​ម​តួ​លេខ​ថ្មី​របស់​គណៈ​កម្មា​ធិ​កា​រ​​​​​​ជាតិ​គ្រប់​​គ្រង​​គ្រោះ​មហ​ន្តរាយ​​ បា​ន​បង្ហាញ​​ថា មនុស្ស​​យ៉ាង​​តិច​​១៦៨​នាក់​​បា​ន​ស្លាប់​​​អំ​​ឡុ​ង​​​​​​ទឹក​​ជំនន់​​រយៈ​​ពេល​​ជា​ង​មួ​យ​​ខែ​ ហើយ​ប្រជា​​ជន​សរុប១,៧​លា​ន​នាក់​​រ​ង​ប៉ះ​ពាល់​​អាក្រក់​ ​ដោ​យ​សារ​គ្រោះ​​​មហ​ន្តរាយ​​នេះ​។ “ វិធី​សាស្ត្រ​​ផ្អែកលើ​សិទ្ធិ​” ក្នុង​ការ​ដោះ​​ស្រាយ​បញ្ហា​ផ្តល់​ប្រាក់​កម្ចី ​ដែល​​គ​ណ​​បក្ស  ​ស​ង្គ្រោះ​​ជាតិ​​ កំ​ពុ​ង​ស្នើ​​ដល់​គ្រឹះ​ស្ថាន​មី​ក្រូ​ហិរញ្ញ​​​វត្ថុ​​ចំនួន​​៣៧ ​ក្នុង​ប្រទេស​កម្ពុជា​ ដែល​​រួ​ម​គ្នា​មាន​ប្រាក់​កម្ចីស​រុប​​ជា​ង​​១ពាន់​លា​ន​​​​ដុល្លារ នោះ គឺ​​ថា ​​ពួ​ក​​គេ​​គួរ​តែ​ផ្ត​ល់​​ឲ្យ​អតិថិជន​នូ​វកា​រ​​​​​ពន្យារ​​រយៈ​​​ពេ​ល​​ប្រាំ​មួ​យ​​​ខែ​សម្រាប់ ការ​​​​​​​ទូ​​​ទាត់​​សង​បំ​​ណុ​ល​ កាត់បន្ថយ​​អត្រា​ការ​​ប្រាក់​មក១ភាគ​​រ​យ​ (​ពី​​​អត្រា​អប្បបរមា​​២,៥​​ភាគ​​​រយ) ស​ម្រា​ប់​រយៈ​ពេល​មួយ​ឆ្នាំ​ និ​ងដក​កត្តា​​​​គំ​រាម​កំ​ហែងចេញ​ ដើម្បី​​​យក​ពេល​សម្រាប់​ការ​​ស្តារ​ស្ថាន​ភាព​​ឡើង​​វិញ​។

លោកស្រី សុខ​ហួរ ​ថ្លែង​​​ថា​ “ប្រជា​​ជ​ន​​​​កំ​ពុ​ង​ចាប់​ផ្តើម​​ចេញ​​ទៅ​​ប្រ​ទេ​ស​​​​​ថៃ ​​ដើម្បី​ស្វែ​ង​​​រក​ការ​​​ងារ​​​ធ្វើ​​ ​និង​រក​​ប្រាក់​សង​​​​បំណុល ឬ​ក៏គេច​ពី​ការ​​សង​បំណុ​ល។ [ដូច្នេះ​​​] វិ​ធា​ន​ការ​នេះមាន​សារៈ​​សំ​​ខា​ន់​ណាស់​សម្រាប់​​​​ស្តារ​ ​​រៀបចំ​មុខ​​​របរ​​​​និង​​ក​សាង​​​ជី​វ​ភាព​​រស់​​នៅឡើង​​វិញ​”។ ​ទាក់​​​ទ​ង​បា​ន​កា​ល​​​ពី​​ម្សិល​មិញ លោក ម៉ី វ៉ាន់ ​ប្រធា​​ន​​នា​យក​ដ្ឋាន​​ឧស្ស​ហ​​កម្ម​​​នៅ​ក្រ​សួ​ង​​​សេដ្ឋកិច្ច និង​​ហិរញ្ញ​​វត្ថុ​ ​បា​ន​លើក​ឡើង​ថា រដ្ឋា​​​​ភិ​បាល​​​កំ​ពុ​ង​ធ្វើ​កា​រ​​អំពាវ​នាវ​​ដល់​គ្រឹះ​ស្ថាន​មី​ក្រូ​​ហិ​រញ្ញ​វត្ថុ​​ ឲ្យ​ជួ​យ​​​ជ​ន​រង​គ្រោះដោ​យ​សារ​​​​ទឹក​ជំ​នន់។ លោកបា​ន​​មានប្រសាសន៍​ថា “យើង​​ក៏​​កំ​ពុ​ង​ ស្នើ​ថា ក្នុង​ចំណោមបញ្ហា​ផ្សេង​ទៀត​​រយៈ​ពេល​​​​សង​​គួរ​​តែ​​​ត្រូវ​បាន​ពន្យា​រ ក៏​​ប៉ុ​ន្តែ​​ ​យើង​​គ្មាន​សិទ្ធិ​​​​​ អ​នុ​​វត្ត​​​គោល​នយោ​បា​យ​​លើ​​ឧស្សា​​ហ​កម្ម​បែប​នេះ​ទេ​ ព្រោះ​នេះ​​​មិ​ន​មែន​​​ជា​​ប្រាក់​​របស់​​​​រ​​​ដ្ឋាភិ​បាល​​ទេ​ ដូច្នេះ​​​យើង​កំ​ពុ​ង​ស្វែ​ង​រក​​កា​រ​​​យល់​​យោគ​​​មួ​យ ពី​​​​​​​ពួ​ក​គេ និ​ង​កំ​ពុ​ង​​ជំរុញ​ឲ្យ​ពួ​ក​​​​គេ​ធ្វើ​សកម្ម​​ភាព​​ ដើម្បី​​ផល​​ប្រ​យោជ​ន៍​ច្រើន​បំ​ផុត​​​រប​ស់​​​អតិ​ថិ​​ជន​របស់​ពួក​គេ​”៕ ប៊ុននី​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស