34.8 C
Phnom Penh

ប្រទេ​ស​​កម្ពុ​​ជា​​​​​​បន្ត​សកម្ម​ភាព​តា​ម​​​ដាន​​​ស្ថា​ន​ភាព​បក់​បោក​របស់​ខ្យល់​​ព្យុះធំ​បំផុត​ឈ្មោះហេ​​យ៉ាន​​​

ដោយ ឌឹ ខេមបូឌា ដេលី

បទវិភាគ

អាជ្ញា​​​ធរ​​​បា​ន​​ឲ្យ​ដឹង​​កា​ល​​ពី​ម្សិលមិញ​​​ថា​ ពួ​ក​គេ​​​​កំ​ពុ​ង​តែ​តា​ម​​​​ដាន​​​យ៉ា​ង​​​​ដិត​ដល់​អំពី​ដំណើរ​វិវឌ្ឍ​របស់​ព្យុះ​​​ដ៏​ធំ​​​បំ​​ផុត​​​ក្នុ​ង​​ពិ​​​​ភ​​​ព​លោក ​ដែល​បាន​កើត​ឡើង​ក្នុង​ពេល​កន្លង​មក​ ដោយ​សារ​តែ​​​​​ព្យុះ​​ភ្លៀង​នេះ​​បោ​ក​​​បក់​​​ក្នុង​ប្រទេ​ស​ហ្វី​លី​ពីន​​​នៅ​ថ្ងៃ​​​​នេះ ​មុ​ន​​ពេល​​​​​​​បែរ​ឆ្ពោះ​ទៅ​​ទិស​​​​ខាង​លិច​ សំ​ដៅប្រ​ទេ​ស​​វៀត​ណាម និង​​​​កម្ពុជា ក្នុ​ង​​​រយៈ​ពេល​ប៉ុន្មាន​ថ្ងៃ​ខាង​មុខ​។

លោក អ៊ុំ រីណា ​​អនុ​​ប្រធា​ន​​នា​​​យក​ដ្ឋាន​​​ឧតុ​​និ​យ​ម​​​​ នៃក្រ​សួ​​ង​​​​ធ​ន​​ធា​ន​​​ទឹក​​និង​ឧ​តុ​និ​​យម​ ​​​​បាន​ថ្លែងកា​ល​​ពី​ម្សិល​មិញ​​​​ថា “ជំហា​ន​​ដំ​បូង​​​របស់​​យើង​ ​គឺ​​​តា​ម​​ដាន ​[ព្យុះ​​​ភ្លៀង​នេះ​​​]”។ ​ព្យុះ​ភ្លៀង​នេះ​​​នឹ​ង​​​បក់​​បោក​​ក្នុង​ប្រ​ទេ​ស​វៀត​ណាម​​នៅ​ថ្ងៃ​​​អា​ទិត្យ​ទី​១០​ ​ហើយយើង​​​នឹ​ង​​ផ្តល់​​ព័ត៌​មាន​ថ្មី​នៅ​ពេល​​​មា​ន​​​ព័ត៌មា​ន​​ថែ​ម​​ទៀត ហើយ​យើ​ង​​​អា​​​ច​មើល​ឃើញ​​​ថា​​ តើ​​ខេត្ត​​​ចំ​នួ​ន​​ប៉ុ​ន្មាន​​​​ក្នុង​​ប្រទេ​ស​​​​របស់​​យើង​នឹ​ង​​​រង​​​ប៉ះ​​ពា​ល់​​​” និ​ង​​​ថា​ តើព្យុះ​​ភ្លៀ​​ង​នេះ​​មា​ន​កម្លាំ​ង​​​ប៉ុណ្ណានៅ​ពេល​នោះ​។

ព្យុះ ​ហេ​យ៉ាន កំ​ពុង​ត្រូវ​បាន​ចាត់​ទុក​ ជា​ព្យុះ​​ភ្លៀង​ដ៏​ខ្លាំង​បំផុត​នៅ​ឆ្នាំ​នេះ ហើយ​សេ​ច​ក្តី​រាយការណ៍​ព័ត៌​មាន ​កាល​ពី​ម្សិល​មិ​ញ​បាន​ឲ្យ​ដឹង​ថា ព្យុះ​នេះ​មាន​កម្លាំង​កាន់​តែ​ខ្លាំង​ឡើង​​ នៅ​ពេល​វា​ចូល​ជិត​ដល់​ឆ្នេរ​សមុទ្រ​នៃ​ប្រទេស​​​ហ្វីលីពីន​។ កាល​ពី​ម្សិ​ល​មិញ​ ខ្យល់​ព្យុះ​នេះ​បាន​បក់​បោក​ក្នុង​​ល្បឿ​ន៣៣៥គីឡូម៉ែត្រ​ក្នុង​មួយ​ម៉ោង ដែ​ល​ជា​ល្បឿន​លឿន​ខ្ពស់​បំផុត ​លើ​ខ្យល់​បក់​បោក​ខ្លាំង​ Saffir-Simpson ដែល​​ត្រូវ​បាន​ចាត់​ទុក​ថា ​កំពុង​បង្ក​ឲ្យ​ “មាន​ការខូច​ខាត​ទ្រ​ង់​ទ្រាយ​ធំ​”។ ទីភ្នាក់​ងារ​ព័ត៌​មាន​ផ្លូវ​ការ​ហ្វី​លីពីន បា​ន​​​រាយការណ៍​ថា គិត​ត្រឹម​ម្សិ​ល​មិញ​ ប្រជា​ជន​ប្រហែល​២.៥​០​០​នាក់​ ត្រូវ​បាន​ជម្លៀ​ស​ចេញ ហើយ​ឆ្មាំ​ឆ្នេរ​សមុទ្រ និង​អង្គភាព​គ្រប់​គ្រង​គ្រោះ​មហន្តរាយ​ បាន​ត្រៀម​ខ្លួ​ន​ស​ម្រាប់​ស្ថាន​ភាព​ក្រោយពេល​ភ្លៀង​ធ្លាក់​ខ្លាំង ខ្យល់​បក់​បោក​ខ្លាំង និង​ទឹក​ជំនន់​មួយ​រយៈ​ពេល​ខ្លី​។

លោក ច័ន្ទ យុត្ថា អ្នក​នាំ​ពាក្យ​ក្រសួង​ធ​ន​ធាន​ទឹក​ ​និង​ឧតុនិយម ​នៃ​ប្រទេស​កម្ពុ​ជា​ បាន​ឲ្យ​ដឹង​ថា បើ​ទោះ​ជា​មិន​អាច​ព្យា​ក​រ​ទំហំ​ផល​ប៉ះ​ពាល់​ឲ្យ​បាន​ច្បាស់​លាស់ ដែ​លបង្ក​ឡើង​ដោយ​ព្យុះ​ភ្លៀង​ដ៏ធំ​​នេះ​ក៏​ដោ​យ ក៏​រដ្ឋា​ភិបាល​​រំពឹង​ថា ព្យុះ​ភ្លៀង ហេ​យ៉ាន់ នឹង​ចុះ​ខ្សោយ​មុន​​ពេល​បក់​បោក​មក​ដល់​ប្រទេស​កម្ពុជា​។
លោក យុត្ថា បាន​មាន​ប្រសាសន៍​ថា “ព្យុះ​​ភ្លៀង​នេះ​បាន​រីក​ធំ ​ទៅ​ជា​ព្យុះ​ដ៏​ធំ​មួយ​​នៅ​ក្នុង​ប្រទេស​ហ្វីលីពីន ហើយ​យើង​រំពឹ​ង​ថា ព្យុះ​ភ្លៀង​នេះ​នឹង​លែង​បក​់បោក​ខ្លាំង​ទៀត​ទេ​​ នៅ​ពេល​វា​មក​ដល់​ប្រទេស​វៀត​ណាម​។ ជា​ធម្មតា​ នៅ​ពេល​ព្យុះ​ភ្លៀង​បក់​បោកនៅ​ក្នុង​​ប្រទេស​ហ្វីលីពីន វា​ឆ្លង​កាត់​សមុទ្រ​ចិន​ខាង​ត្បូង។ បន្ទាប់​ពី​កម្លាំង​​រប​ស់​វា​ចុះ​ខ្សោយ​ វា​នឹង​មក​ដល់​ប្រទេស​វៀត​ណាម”។ លោក​បន្ត​ថា គិត​ត្រឹម​ថ្ងៃ​សៅរ៍​នេះ​ ក្រសួង​ធន​ធាន​ទឹក និង​ឧតុនិយ​ម​នឹង​អាច​​ព្យាករ​ច្បាស់​លាស់​ជាង​មុនថា តើ​ព្យុះ​ភ្លៀង​នេះ​អាច​ប៉ះ​ពាល់​​ប្រទេស​កម្ពុជា​ដោយ​របៀប​ណា។ លោក យុត្ថា បាន​មាន​ប្រសាសន៍​ថា “យើង​​អាច​ព្យាករ​ប្រសើរ​ជាង​នេះ​ បន្ទាប់​ពី​ព្យុះ​ភ្លៀង​​នេះ​ឆ្លង​កាត់​ប្រទេស​ហ្វីលី​ពីន និ​ង​ស្ថិត​នៅ​ក្នុង​​សមុទ្រចិន​ខាង​ត្បូង នៅ​ពេ​ល​ដែល​យើង​អាច​​ឃើញ​កម្លាំង​របស់​វា​ឡើ​ង​ដល់​កម្រិត​ណា​”។

ព្យុះ​ភ្លៀង​ដ៏​កំណាច​បំផុត​នេះ ដែល​ធ្លាប់​បក់​បោក​នៅ​ក្នុង​ប្រទេស​កម្ពុជា​មាន​ឈ្មោះ​ថា កេតសាណា កាល​ពី​ឆ្នាំ​២០០៩ ដែល​បណ្តាល​ឲ្យ​មនុស្ស​​៤៣​នាក់​ បាត់​បង់​ជី​វិត​ និង​បំផ្លិច​បំផ្លាញ​​លំនៅដ្ឋាន​អស់​​១.០​២២​ខ្នង។ ក្រុម​មន្ត្រី​ខេត្ត​-ក្រុង​ បាន​ឲ្យ​ដឹង​ថា ព្យុះ​ភ្លៀ​ង​កាល​ពី​យប់​ថ្ងៃ​ពុធ​ បាន​បណ្តាល​ឲ្យ​មាន​ការ​ជន់​លិច​ នៅ​ក្នុង​រាជ​ធានី​ភ្នំ​ពេ​ញ​ ហើ​យ​បាន​បំផ្លាញ​លំនៅ​ដ្ឋាន​ធ្វើ​ពី​ឈើ​អស់​៣៦​ខ្នង​ នៅ​ក្នុង​ខេត្ត​កណ្តាល និងលំ​នៅ​​ដ្ឋាន​​៦៤​ខ្នង​ផ្សេង​ទៀត​ នៅ​ក្នុង​ខេត្ត​កំ​ពង់​ឆ្នាំង​៕ ប៊ុននី​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស