29 C
Phnom Penh

រដ្ឋាភិបាល​កម្ពុជា​រំពឹង​ថា ​ប្រាក់ចំណូល​​រដ្ឋ​នឹង​កើន​ឡើង​១៤,៥​ភា​គ​រយ​

ដោយ ឌឹ ខេមបូឌា ដេលី

បទវិភាគ

យោង​តាម​សេចក្តីព្រាង​ថវិកា​ជាតិ​ បា​ន​បង្ហាញថា ​រដ្ឋាភិបាល​មានការ​​បង្កើន​ចំណូ​ល​រដ្ឋ​ចំនួន​៣,៥១​ពាន់​លាន​ដុល្លារ​ សម្រាប់​ឆ្នាំ​​២០១៤​ ដើម្បី​ឲ្យ​មាន​ប្រាក់​៣,៤​ពាន់​លា​ន​ដុល្លារ​ក្នុង​សេចក្តីព្រាង​ថវិកា​នេះ។ គិ​​ត​ជា​ភាគ​រយវិញ ​ចំណូលរដ្ឋ​នេះ​​​​ត្រូវ​​បាន​រំពឹងថា ​នឹង​កើន​ឡើង​១៤,៥​ភាគរយ​  បើ​ធៀ​បនឹង​ឆ្នាំ​ មុន​ ជាឆ្នាំដែល​រដ្ឋាភិបាល​បា​ន​បង្កើន​ចំណូល​២,៩៨​ពាន់​លានដុល្លា​រ​។

​សេចក្តី​ព្រាង​ថវិកា​ ដែល​ប្រហែល​ជា​នឹង​ត្រូវ​បាន​អនុម័ត​នៅ​ព្រឹក​ថ្ងៃស្អែក ដោ​យ​សមា​ជិកសភា​៦៨​រូប​របស់​គណបក្ស​ប្រ​ជា​ជន​កម្ពុជា​ បង្ហាញថា ​ចំណាយ​ថវិកា​ជា​តិ​​កើន​ឡើ​ង​១៣​ភាគរយ បើធៀបនឹង​ឆ្នាំ​មុ​ន​។ ចំណូលរដ្ឋ​ប្រហែល​ពីរពាន់​លាន​ដុ​ល្លារ​នឹង​ជា​ប្រាក់ចំណូល​ពន្ធ ជាពិសេស​បំ​ផុត​គឺកំណើន​​នៃប្រាក់ចំណូល​ពន្ធអចលន​ទ្រព្យ ​និង​ពន្ធ​លើ​ប្រាក់ចំណូល​។ ​កំណើន​សមល្មម​ជាង​នេះ​​ទៀត​ត្រូវ​បានរំពឹង​ថា ​នឹ​ង​ទទួល​បាន​ពី​ពន្ធ​លើ​ប្រេង​កាត ​កាស៊ីណូ និង​អាជីវ​កម្ម​ផ្សេងៗ​។ ប្រាក់ចំណូល​រដ្ឋ​​ប្រ​ហែល​៣៥០​លានដុល្លារ​ នឹង​ទទួល​បាន​ពី​តម្លៃ​ផ្លូវ​ការ​គិត​លើ​អាជ្ញា​ប័ណ្ណរុក្ខា​​ប្រ​មាញ់​ និ​ង​ជលផល សម្ប​​ទា​ន​​រ៉ែ និង​កិច្ច​សន្យា​​ ជួ​ល​ឬ​លក់​អចលន​ទ្រព្យ​​រដ្ឋ​។

យោង​តា​ម​​សេចក្តី​ព្រាង​ថវិកានេះ​​បា​ន​ឲ្យ​ដឹង​​​បន្ថែ​ម​​ទៀត​ថា​ ប្រទេ​ស​​កម្ពុជា​ក៏​នឹង​ខ្ចីប្រាក់​បន្ថែ​មចំ​នួ​ន​​៩២០​លា​ន​​ដុល្លារ​ ពីរដ្ឋា​​​ភិ​បាល​​​ប​រទេស​​នៅ​ក្នុង​ឆ្នាំ​ក្រោយ ដើម្បី​ដោះ​ស្រាយ​​កា​រ​​ចំ​ណាយ​​​របស់​រដ្ឋ​។ ប្រាក់​គ្រោ​ង​នឹង​​ខ្ចី​​ទាំ​​ងនេះ​មា​ន​​ចំ​នួន​ស្មើ​នឹ​ង​ចំ​នួន​ដែល​​ប្រទេ​ស​​នេះ​​​បា​ន​ខ្ចី​​​ពី​រដ្ឋាភិបាល​ផ្សេង​​ៗ​ក្នុ​ង​ឆ្នាំ​​នេះ​។
ប្រាក់​កម្ចី​ទាំ​ង​នេះនឹង​ទទួល​បា​ន​ពី​ប្រទេ​ស​ ចិ​ន​ ជប៉ុ​ន និ​ង​កូ​រ៉េ​ខាង​ត្បូង។

លោក ជាម យៀប ប្រធា​ន​​គណៈ​កម្មាធិ​កា​រ​​សេដ្ឋ​កិច្ច ហិរញ្ញ​​វត្ថុ ធនា​គារ​ និ​ង​សវ​នកម្ម​ នៃ​រដ្ឋ​សភា​​បា​ន​​ឲ្យ​ដឹង​ថា កំ​ណើន​​ប្រាក់​ចំ​​ណូល ​រដ្ឋ​​​ទាំង​នេះ នឹ​ង​​ត្រូវ​បា​ន​​ប្រើ​​ប្រាស់​សម្រាប់​ពង្រឹងវិ​ស័យ​អប់​រំ​ បណ្តុះ​​បណ្តាល​វិជ្ជា​​​ជី​វៈ ​​ថែ​​ទាំ​សុខភាព​ ​និ​ង​សកម្ម​​ភាព​ពង្រី​ក​​កម្ម​វិធី​បង្កើន​ចំ​នួ​ន​ការ​​ងារ។ នៅ​ក្នុង​សេចក្តី​​ព្រាង​ថវិ​កា​​ថ្មី​​នេះ​ក៏​មា​ន​​ផែន​កា​រ​​បង្កើន​ថវិកា​ចំ​ណា​យ​១៧ភា​គ​រយ​ទៅ​លើ​ក្រសួ​ង​ម​ហា​ផ្ទៃ និង​ក្រ​សួ​ង​កា​រ​​​ពា​រ​​​​ជាតិ ដែល​សរុប​រួម​គ្នានឹ​ង​ទទួលបា​ន​​ថវិកា​៤៨៩លា​ន​​ដុល្លារផង​ដែរ ហើយ​​មា​ន​សេចក្តី​ អំ​ពាវ​​នា​វ​ឲ្យ​មា​ន​កា​រ​​បង្កើន​ថវិ​កា៣៧​ភា​គ​រយសម្រាប់​​ក្រសួ​ង​សង្គម​​កិច្ច​ឲ្យ​ឡើង​ដល់​​១៤១​លា​ន​​ដុល្លារ និ​ង​បង្កើ​ន​២០​ភាគ​​រយ​សម្រាប់​ក្រសួ​ង​​​អប់​រំ យុ​វ​ជននិ​ង​កី​ឡា ឲ្យ​ឡើង​​ ដល់​៣៣៥លា​ន​​ដុល្លារ។

លោក ​ជាម យៀប ​បា​ន​លើក​​ឡើង​ថា ​ទោះ​​ បី​​ជា​​​មា​ន​កា​រ​កើន​​ឡើ​ង​ក៏​ដោយ ក៏​ថវិ​កា ​ទាំ​ង​នេះ​​​នៅ​តែ​មិន​គ្រប់​គ្រាន់​។ លោក​ថ្លែង​ ថា “ ប្រសិ​ន​បើ​យើង​ធ្វើ​អ្វី​​ដែល​យើង​​​ចង់ធ្វើ​ ប្រាក់​ចំ​ណូល​​ទាំង​នេះមិ​ន​គ្រប់​​គ្រាន់​​ទេ​”។

កំ​ណើន​​ប្រាក់​ចំ​ណូល​សំ​​​​ខាន់​បំ​ផុត​នឹង​​​ជា​ចំ​ណូ​ល​​ពន្ធ​លើប្រាក់​ចំ​ណូល​ ដែល​ត្រូ​វ​បា​ន​​គ្រោ​ង​នឹង​បង្កើន​១៥,៩​ភាគ​​រយ​ឲ្យ​ឡើង​ដល់​​៨១,៦២លា​ន​​ដុល្លារ​ ហើយ​​​ពន្ធ​លើ​អចល​ន​ទ្រព្យ​ គ្រោ​ង​នឹ​ង​ត្រូ​វ​បា​ន​បង្កើន​៥៣ភា​គ​រយ ឲ្យ​ឡើង​​​ដល់​២៣លា​ន​​ដុល្លារ​។ ចំ​ណូល​ពន្ធ​លើ​​​ប្រេង​កាត​ត្រូ​វ​​បា​ន​កំ​ណត់​ឲ្យ​កើន​ឡើ​ង​៧,៩​ភាគ​រយដល់​១៥,១៧​លា​ន​​ដុល្លារ ខណៈ​​​ដែល​​ចំ​ណូ​ល​​ពន្ធ​លើ​​​អា​ជី​វ​កម្ម​​កា​​ស៊ីណូ​នឹ​ង​កើ​ន​ឡើង​៨ភា​គ​​រយ​ ​ដល់​២,២៤​លា​ន​ដុល្លារ នេះ​បើ​យោង​តា​ម​​សេចក្តី​​ព្រាង​​ថវិ​កា​​​នេះ​។

គ​ណ​បក្ស​សង្គ្រោះ​​​ជាតិ​​​អះ​អា​ង​​​ថា រដ្ឋាភិ​​បាល​បាត់​​​បង់​ប្រាក់​ចំ​ណូ​ល​រដ្ឋ​ជា​ច្រើន​​រយ​លា​ន​ដុល្លារ​ ដោយ​សារ​យន្ត​កា​រ​​​ប្រ​មូល​ពន្ធ​ខ្សោយ​ ​ជា​​ហេតុ​បណ្តាល​ឲ្យ​មា​ន​​​អំ​​ពើ​ពុក​​រលួ​យ​​​​យ៉ាង​ទូ​លំ​​ទូលា​យ​ ​ជា​​​ពិ​សេស​នៅ​ក្នុង​​​ចំ​​ណោម​មន្ត្រី​ គយ​។ គ​ណ​បក្ស​​ប្រ​ឆាំ​ង​​ក៏​បា​ន​​អំ​ពា​​វ​នា​វ​ឲ្យ​មា​ន​កា​រ​​ដំ​ឡើ​ង​​​ពន្ធ​​ខ្ពស់​លើ​សម្ប​ទា​ន​​ដី​​ធ្លី​ និង​កា​ស៊ី​ណូ ដើម្បី​បង្កើន​ចំ​ណូ​ល​រដ្ឋ​ផង​ដែរ។

លោក យ៉ែម ប៉ុញ្ញ​រិទ្ធ តំ​ណា​ង​រាស្ត្រ​​ជាប់​ឆ្នោត​ និង​​​ជា​​អ្នក​នាំ​​ពាក្យ​​គ​ណ​​បក្ស​សង្គ្រោះ​​​ជាតិ​បា​នលើ​កឡើ​ង​ថា លោក​​បា​រម្ភ​​អំ​ពី​​បំ​ណុ​ល​​​បរទេស​ ដែល​គ​ណ​បក្ស​​ប្រជា​ជ​ន​កំ​ពុ​ង​ទទួល​យក។ លោក​បាន​លើក​ឡើង​​បន្ថែ​ម​​ទៀត​ថា គ្រាន់​​តែ​កា​ត់​បន្ថយ​​​អំពើ​ពុក​រលួ​យ​ រដ្ឋា​ភិ​បាល ​​នឹង​​អាច​​បង្កើន​ចំ​ណូល​​ក្នុ​ង​ស្រុ​ក​​​​របស់​​ខ្លួ​ន​​​បា​ន​​យ៉ាង​ច្រើន​។

លោក​ ប៉ុញ្ញរិទ្ធ ​​បា​ន​មា​ន​​ប្រ​សាសន៍​ថា  “កា​រ ​ខ្ចី​ប្រាក់​​ពី​ប្រទេ​ស​ផ្សេង​ៗ​​ទៀត មិ​ន​មែ​ន​ជា​​រឿង​ល្អ​​ទេ ពីព្រោះ​​យើង​នឹង​​​ជំពាក់​បំ​ណុល​​គេ​​​​កាន់​​តែ​ច្រើន​​ឡើង។ ប្រ​សិ​នបើ​រដ្ឋាភិ​បាល​មិន​​អាច​លប់​បំ​​បាត់​​អំ​ពើ​​ពុ​ក​រលួ​យ​​​បា​ន​​ទេ​នោះ ​កា​រ​ប្រ​មូល​​ពន្ធ​ក៏​​មិន​អា​ច​​ត្រូ​វ​​​បា​ន​អនុ​វត្ត​​​តា​ម​ផែន​កា​រ​​បា​ន​​ដែរ​”៕សុធា

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស