28 C
Phnom Penh

បន្ថែម​កម្លាំង​​​ទាហាននៅតំបន់​ព្រំដែន​ មុន​​​ពេល​​​តុលាការ​យុត្តិធម៌​អន្តរជាតិ​ចេញសេចក្តីសម្រេច

ដោយ ឌឹ ខេមបូឌា ដេលី

បទវិភាគ

មន្ត្រី​យោធា​មួយរូបបាន​ឲ្យដឹង​​​កាល​ពី​ម្សិលមិញថា ប្រទេស​កម្ពុជា​បាន​បញ្ជូន​កង​កម្លាំង​បន្ថែម​ទៀត​ទៅ​ប្រាសាទ​ព្រះវិហារ​ មុន​ពេល​តុលាការ​យុត្តិ​ធម៌​អន្តរជាតិ​ចេញ​​​សេចក្តី​​​សម្រេច​​​របស់ខ្លួន​​​ក្នុងថ្ងៃ​នេះ​ ថាតើ​​​ប្រ​​​ទេស​​​មួយណាជាម្ចាស់​ដីដែល​​កំពុងមាន​វិវាទ​យ៉ាង​ក្តៅ​គគុក​នៅ​តាម​ព្រំដែនកម្ពុជា-ថៃ​នោះ។

ប្រទេសទាំងពីរដែលជាប្រទេស​ជិត​ខាងនិងគ្នា​ ​បាន​វាយ​​​​​​ប្រហារ​​​គ្នា​មួយ​ប្រ៉ាវ​ ការ​ប៉ះ​ទង្គិច​គ្នា​នេះ​បានបណ្តាលឲ្យ​​មនុស្ស​ស្លាប់​ ដោយ​សារ​តែ​​​ដីទំហំ៤,៦​គីឡូ​ម៉ែត្រ​ក្រឡា​ ដែល​មាន​វិវាទ​នៅ​ជិត​ប្រាសាទ​ ក្នុង​​​រយៈ​ពេល​ប៉ុន្មាន​ឆ្នាំ​​​កន្លង​​​ ​​​​​​​មក​​​​នេះ​។ ​ភាគី​នីមួយ​ៗ​បាន​និង​កំពុង​តែ​ចោទគ្នា​ទៅវិញ​ទៅមក​ថាបាន​បង្កើន​​​កម្លាំង​​​យោធា​របស់ខ្លួន​នៅ​ក្នុង​តំបន់​នេះ​មុនពេល​តុលាការ​​​យុត្តិធម៌អន្តរ​​​ជាតិ​​​ប្រកាស​​​សេចក្តី​​​សម្រេច​​​របស់ខ្លួន​​​ក្នុង​​​​ថ្ងៃ​នេះ​ ខណៈ​ដែល​​​ភាគីទាំងពីរៗ​​​បាន​​​ច្រានចោល​​​សេចក្តីអះ​​​អា​​​ង​​​របស់ភាគីម្ខាង​​​ទៀត​​​​​។

លោក វរសេនីយ៍​ឯក​ មាស​ យឿន​ មេ​បញ្ជាការ​រង​នៃកង​យោធពល​ខេម​រភូមិន្ទ​ប្រចាំខេត្ត​ព្រះវិហារ​បាន​ឲ្យដឹងកាល​ពីម្សិល​មិញថា ប្រទេស​​​កម្ពុជា​បាន​បញ្ជូន​ទាហាន​បន្ថែម​​​​ទៀត​ទៅ​តំបន់​នោះ ហើយ​ប្រទេស​ថៃ​​​​ក៏បញ្ជូន​ដូច​​​គ្នា​ដែរ។ លោកវរសេនីយ៍​ឯក​ មាស យឿន បាន​មាន​ប្រសាសន៍ថា  “បាទ​ យើង​បាន​បញ្ជូន​ទាហាន​​​​បន្ថែម​​​រួចហើយ​ សម្រាប់​​​​ពេល​​​តុលាការ​យុត្តិ​ធម៌​អន្តរជាតិ​​ចេញ​​​សេចក្តីសម្រេចរបស់ខ្លួន​​​”។

លោក​បាន​បដិសេធ​មិន​ប្រាប់​​​ថា  តើ​ទាហាន​ចំនួន​ប៉ុន្មាន​នាក់ត្រូវ​បាន​បញ្ជូន​ទៅ​នោះ ឬ​ថា​ តើ​ពួក​គេ​​នឹង​ត្រូ​វឲ្យ​ឈរ​ជើង​នៅ​កន្លែង​ណា​ពិត​ប្រាកដទេ។
កាលពីឆ្នាំ២០១១ តុលាការ​យុត្តិធម៌​អន្តរ​ជាតិ​បាន​ដាក់ចេញនូវវិធានការ​​​បង្កាការ​​​វាយ ប្រយុទ្ធគ្នា​​​បន្ថែម​​​ នៅ​​​មុន​​​ពេល​​​ខ្លួន​​​ប្រកាស​​​សេចក្តីសម្រេច​​​របស់ខ្លួន ដោយ​​​​​​បាន​​​បញ្ជា​ឲ្យ​ប្រទេស​​​​ទាំង​ពីរ​ដក​កង​ទ័ព​របស់​ខ្លួន​ចេ​ញ​ ពី​តំបន់​គ្មាន​យោធានៅ​ជុំ​វិញ​ប្រាសាទ​ព្រះ​វិហារ​ និ​ងតំបន់​មាន​ជម្លោះ​។ ប្រទេស​ថៃ​ និង​កម្ពុជា​បាន​​ដក​កង​ទ័ព​រួ​មគ្នា​មួយ​​កាល​ពីឆ្នាំ​មុន ក៏​ប៉ុន្តែ ត្រូវ​បាន​ដាក់​ជំនួស​ដោយ​នគរបា​ល​ប្រដាប់អាវុធ​ភ្លាមៗ​ផង​ដែរ​។

ភ្ញៀវ​​​ទេស​ចរទៅ​ទស្សនា​ប្រាសាទ​ស្ថិត​នៅ​លើ​កំពូល​ចំណោត​ដែល​នៅ​តែ​បើក​ជូន​ភ្ញៀវ​ទេសចរកាល​ពីម្សិលមិញ​ បាន​និយាយ​ថា ស្ថានភាព​​​មើល​​​ទៅ​​​មាន​​​ភាព​តាន​តឹង​។

ព្រះ​តេជគុណ ពេជ្រ​ ចាយណារី ព្រះជន្ម​២១​ព្រះវស្សា​ដែលនិមន្តពី​រាជធានីភ្នំពេញ ដើម្បី​ចែក​អំណោយ​​ជា​ស្បៀងអាហារ​ដល់​​ទា​​​ហាន​​​​​ជាតិ បាន​មាន​សង្ឃដិកា​ថា មន្ត្រី​យោធា​បាន​បញ្ជា​ឲ្យ​ព្រះអង្គ​កុំ​ថត​រូប​ ឬ​ប្រើ​ឧបករ​​​ណ៍​ជីភីអេស​ (GPS) ឬក៏​​​ឧបករណ៍​​​អាច​​​ប្រើ​​​ប្រាស់​​​ អ៊ីនធើណិត នៅ​លើ​ផ្លូវ​ចំណោត​ឆ្ពោះ​ទៅ​ប្រាសាទ​ ដែលចេញពីជើង​​​ភ្នំ។ ព្រះ​អង្គ​ត្រូវ​បាន​អនុញ្ញាត​ឲ្យ​ថតរូប​ភាព​នៅ​​ឯ​ប្រា​​​សាទ​​​​នេះ​តែ​ម្តង​។

ព្រះ​អង្គ​បាន​មាន​សង្ឃដិកាថា “វាជា​លើក​ ទី ២​ហើយ​​សម្រាប់​អាត្មា​​ ដែល​​​បាន​​​មក​​​ទស្សនា​ ប្រាសាទ​ព្រះ​វិហារ​។ ប៉ុន្តែ ពេល​នេះ​​អាត្មា​បាន​​ឃើញ​ទាហាន​​​មាន​​​ការ​​​ប្រុង​​​ប្រយ័ត្ន​​​ ហើយ​​ [ថ្ងៃ​នេះ​] ពួកគេនឹង​​បិទ​ផ្លូវ ហើយ​នឹង​មិន​អនុ ញ្ញាត​ឲ្យ​ប្រជាជន​​ទៅ​ទស្សនា​ប្រាសាទ​ទេ”។

គេ​មិន​ឃើញ​ទាហាន​យោធពល​ខេម​រ​​ភូមិន្ទ​​ នៅ​ជុំ​វិញ​ប្រាសាទ​នេះ​ទេ​កាល​ពី​ម្សិល​មិញ​។ ទោះ​ជាយ៉ាង​ណា លោក​ សួង​ ម៉ិច ភ្ញៀវ​ទេស​ចរ​មក​ពី​ខេត្ត​តាកែវ​បាន​​លើក​​​ឡើង   ​ថា ទាហាន​​ដែល​លោកនិយាយ​ជាមួយ​នៅ​ពេល​ជិត​ទៅដល់​​ប្រាសាទ​ ក៏​បាន​អះ​​​អាង​ផងដែរ​ថា ប្រាសាទ​នឹង​ត្រូវ​បិទក្នុង​​​​ថ្ងៃ​​​នេះ ហើយ​ថា ពួក​គេ​រំពឹង​ថា នឹង​មាន​ការ​ប្រយុទ្ធ​  គ្នា​​​​ជាមួយ​សមភាគីថៃ​ បន្ទាប់​ពី​តុលា​​​ការយុត្តិ​ធម៌​អន្តរ​ជាតិ​​ប្រកាស​សេចក្តី​សម្រេចរបស់​ខ្លួន​នៅ​រសៀល​នេះ​។

លោក​ សួង​ ម៉ិច​ បាន​បន្តទៀតថា “យើង​បាន​ឃើញ​ទាហាន​ថៃតាម​រយៈ​​កែវ​យឺត​ និង​​ទង់​ជាតិ​ថៃ​ ប៉ុន្តែ​ យើង​មិន​បាន​ឃើញ​ប្រជា​ជន​ថៃ​ទេ។ [ថ្ងៃ​នេះ​] ប្រាសាទនឹង​ត្រូវ​បាន​​​បិទ​ ហើយ​ពួក​គេ​មិន​អនុញ្ញាត​ឲ្យ​មាន​មនុស្ស​ឡើង​ភ្នំ​ទៅប្រាសាទ​ព្រះវិហារ​ទេ​ ពីព្រោះ​ទាហាន​របស់យើង​កំពុង​​​តែ​បង្កើន​​​ស្មារតី​ប្រុង​ ប្រយ័ត្ន ​អំពី​ស្ថានភាពក្នុង​​​ពេល​​​សេច​​​ក្តីសម្រេ ច​​​​​ របស់​តុលាការ​យុត្តិធម៌​​អន្តរជាតិ”។

លោក​វរសេនីយ៍​ឯក មាស យឿន បាន​​មាន​ប្រសាសន៍ថា ប្រាសាទនេះ​នឹង​ត្រូវ​បិទ​មិន​ឲ្យសាធារណជន​​ឡើង​ទៅ​​​ប្រាសាទទេ​ ដោយ​សារ​ផ្អែក​លើ​សភាព​ការណ៍​​ ប៉ុន្តែ​លោក​​​មិន​អត្ថា​​​ធិប្បាយលម្អិត​​​ទេ​។ ប្រព័ន្ធផ្សព្វផ្សាយថៃ​បាន​រាយ​ការណ៍​ថា ប្រទេស​ថៃ​បាន​​ផ្អាក​ការ​​​អនុញ្ញាតឲ្យ​សាធារ​ណ​ជន​ចូល​ដល់​ឧទ្យាន​មួយ​នៅ​ផ្នែក​នៃ​ព្រំដែន​របស់​ខ្លួន​ ដែល​អាច​មើល​ឃើញ​ប្រាសាទ​នេះ ហើយ​ថា គ្រួសារ​ប្រជាពល​រដ្ឋ​ថៃ​នៅ​ក្នុង​តំបន់​នេះ​កំពុង​តែ​ត្រៀម​ត្រង់​សេ​។

ប្រទេស​ថៃ​ និង​ប្រទេស​កម្ពុជា​កន្លង​មក​​បាន​ប្រយុទ្ធ​គ្នា​ដែល​នាំ​ឲ្យ​មាន​មនុស្ស​ស្លាប់​កាលពី​​​​ឆ្នាំ​២០១១ ដោយសារតែ​​​វិវាទ​​​ដីនេះ ក៏ប៉ុន្តែ កាលពីពេលថ្មីៗ​​​នេះរដ្ឋាភិ​បាល​ទាំង​ពីរ​​​បាន​ប្តេ​ជ្ញា​គោរព​សេចក្តី​សម្រេច​​ដែល​តុលាការ​យុត្តិធម៌​អន្តរ​ជាតិ​​សម្រេច​​ថ្ងៃ​​​នេះ​។ រយៈពេល​ពីរខែ​ក្រោយការ​ប្រយុទ្ធ​គ្នា​ក្នុង​ឆ្នាំ​២០១១​ ប្រទេស​កម្ពុជា​បាន​ស្នើ​ឲ្យ​​តុលាការ​យុត្តិ​ធម៌​អន្តរ​ជាតិ​ដោះស្រាយ​បញ្ហា​នេះ​ម្តង​ហើយ​ និង​​​សម្រាប់​ភាគី​​​ទាំង​​​អស់​​​តាមរយៈការ​បក​ស្រាយ​សាលក្រមឆ្នាំ​១៩​​​៦២​ ដែល​បាន​ប្រគល់​ប្រាសាទ​ព្រះ​វិហារ​ឲ្យ​មក​ប្រទេស​​កម្ពុជា​។

​​​កម្ពុជា​បាន​អះអាង​ថា  សាល​​​ក្រម​​​នេះ​ផ្តល់​ ឲ្យខ្លួន​នូវ​សិទ្ធិ​​ជាម្ចាស់​ដី​មាន​វិវាទ​​នៅ​ក្បែរ​​ប្រាសាទ​នេះ ដែល​ប្រទេស​ថៃ​បាន​ជំទាស់​ដាច់ខាត​ទៅនឹង​​​ការ​សម្រេច​​​បែបនេះ។ ក្នុងថ្ងៃ​នេះ តុលាការ​យុត្តិធម៌​អន្តរជាតិ​អាច​​ប្រគល់​ដី​មាន​វិវាទ​ឲ្យ​កម្ពុជា​ ឬ​ថៃ​ ឬ​សម្រេច​ថា សេចក្តី​សម្រេច​ឆ្នាំ​១៩៦២​របស់​ខ្លួន​​មិន​មានអ្វីដែល​​​ត្រូវនិយាយ​អំពីនេះ។ នេះ​​​គឺជាចំណាត់ការ​មួយ​ដែល​នឹង​សម្រេច​​​ឲ្យ​ប្រទេស​ទាំង​ពីរ​ត្រឡប់​ទៅរក​សភាព​ដើម​វិញ​ ពោលគឺនៅមុនពេលប្រទេស​កម្ពុជា​បាន​ដាក់​សំណើ​របស់​ខ្លួ​ន​ទៅតុលាការ​នេះ​ក្នុងឆ្នាំ​២០១១៕ ប៊ុននី​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស