28 C
Phnom Penh

អាជ្ញា​​​ធរ​​​ប្រេង​​​កា​​​ត​​​ជាតិ​​​កម្ពុជា​​​នឹង​​​ស្ថិត​​​នៅ​ក្រោម​​​​ចំណុះ​​​ក្រសួ​​​ង​​​រ៉ែ​​​ និង​​​ថាម​​​ពល​​​

ដោយ ឌឹ ខេមបូឌា ដេលី

បទវិភាគ

យោង​​​តាម​​​មន្ត្រី​​​ជាន់​​​ខ្ពស់​​​របស់​​​គណប​​​ក្ស​​​ប្រជាជន​​​កម្ពុជា​​​ បានឲ្យ​​​ដឹងថា ​​​អាជ្ញា​​​ធរ​​​ប្រេង​​​កាត​​​ជាតិ​​​កម្ពុជា​​​ នឹង​​​ស្ថិត​​​ក្រោម​​​ចំណុះ​​​ក្រសួង​​រ៉ែ​​​ និង​​​ថាមពល​​​ ហើយ​​​នេះជា​​​កា​​​រ​​​កាត់​បន្ថយ​ថ្មី​​​បំផុត​​​នូវ​​​​​​ចំនួន​​​ស្ថាប័នរដ្ឋាភិបា​​​ល​​​ដ៏ច្រើន​​​ដែល​​​​ស្ថិត​​​នៅ​​​ក្រោម​​​ការ​​​គ្រប់​​​គ្រ​​​​​​ង​​​របស់​​​លោក​ឧប​នាយករដ្ឋមន្ត្រី​​​ សុខ អា​​​ន​​​។

​​​តាំងពី​​​ការ​​​បោះឆ្នោត​​​ជាតិ​​​កាលពីខែ​​​ក​​​ក្កដា ​​​បាន​​​កន្លង​​​ផុត​​​ ​ស្ថាប័នមិនតិច​​​ជាង​​​១៣​​​​​​​​ទេ ​ត្រូវ​បាន​​​ផ្លាស់ប្តូរ​​​ ចេញពី​​​ការ​​​គ្រប់គ្រង​​​របស់​​​ទីស្តី​ការ​​​គណៈ​​​រដ្ឋមន្ត្រី ដែល​​មាន​​​លោ​​​ក ​​​សុខ អាន​​​​​​ជា​​​អ្នក​​​ទទួលបន្ទុក​​​ ឲ្យទៅ​​​ស្ថិត​​​​​ក្រោម​​​ការគ្រប់​​​គ្រងរបស់ក្រសួងពាក់ព័ន្ធ​​​នានាវិញ​។ នេះ​គឺ​ជា​​​ អ្វីដែល​​​រដ្ឋាភិបាល​​​លើក​​​ឡើងថា ជា​​​កិច្ច​​​ខិត​​​ខំប្រឹងប្រែង​​​ផ្ទេរអំណា​​​ច​​​នៅ​​​ក្នុង​​​រដ្ឋ​​​បាល​​​របស់​​​ លោកនា​​​យករដ្ឋ​​​ម​​​ន្ត្រី ហ៊ុន សែន​​​។

លោក សុខ អាន គឺជា​​​ប្រធាន​​​អាជ្ញា​​​ធ​​​រ​​​ប្រេង​​​​កាត​​​ជាតិកម្ពុជា ដែល​​​ទទួលបន្ទុក​​​ក្នុ​​​ង​​​ការគ្រប់គ្រង​​​ធន​​​ធាន​​​ប្រេង​​​របស់ប្រ​​​ទេ​​​ស​​​កម្ពុជា​​​។ សមាជិកគ្រួសារ​​​របស់​​​លោក​​​ ក៏​​​កាន់តំណែង​​​គ្រប់គ្រង​​​ជាន់ខ្ពស់​​​នៅ​​​ក្នុង​​​អា​​​​​​ជ្ញា​​​ធរ​​​នេះ​​​ផង​​​ដែរ​​​។

លោក ជាម យៀប ​​​សមាជិកសភាជា​​​ន់​ខ្ពស់ ​​​និង​​​ជា​​​អ្នកនាំពាក្យគណបក្ស​​​កាន់​​​អំ​​​ណាច ​បានមានប្រសាសន៍​​​ថា “រដ្ឋាភិបាល​​​​​​​​មាន​​​ផែន​ការ​​​ដាក់​​​បញ្ចូល​​​អាជ្ញា​​​ធរ​​​ប្រេង​​​កា​​​ត​​​ជាតិ​​​ទៅ​​​ក្នុង​​​ក្រសួង​​​ថាមពល​​​”។

លោក ផៃ ស៊ីផាន ​​​អ្នក​​​នាំពាក្យ​​​ទីស្តីកា​​​រ​​​គណៈរដ្ឋមន្ត្រីបាន​​​លើក​​​ឡើងថា ឆាប់​​​ពេ​​​ក​​​មិនអាច​​​ប្រាប់ថា តើ​​​លោក សុខ អាន ​​​នឹង​​​​​កាន់​តំណែង​​​របស់​​​លោក​​​នៅ​​​ក្នុង​​ អាជ្ញា​​​ធរ​​​ប្រេង​​​កាតនេះដែរ​​​ឬក៏អត់​​​ បាន​​​ទេ​​​​​​ ក៏ប៉ុន្តែ ​​​មន្ត្រី​​​ជាន់ ខ្ពស់មួយរូប​​​ នៅ​​​អាជ្ញា​​​ធរ​​​ប្រេង​​​កា​​​ត​​​ជាតិ​​​ បាន​​​ឲ្យដឹងថា លោក សុខ អាន​​​ នឹ​​​ង​ផ្ទេរ​​​តំណែង​​​ជា​​​ ប្រ​​​ធាន​​​របស់​​​លោកឲ្យ​​​មន្ត្រី​​​ផ្សេង​​​ជា​​​អ្នក​​​កាន់​​​។

លោក ម៉ែន ដែន អគ្គ​​​នាយក​​​រង​​​ទទួ​​​ល​បន្ទុក​​​​ ផ្នែក​​​រុករក ​​​អភិវឌ្ឍន៍ និង​​​ផលិតកម្ម​​​នៅ​​​អាជ្ញាធរ​​​​ ប្រេងកាត​​​ជាតិ​​​កម្ពុជា ​​​បាន​​​មា​​​ន​​​ប្រសាសន៍ថា  ​  “ ឯកឧត្តម​​ សុខ​​​ អាន​ ​​​នឹង​​​លែ​​​ង​​​ជា​​​ប្រធាន​​​អាជ្ញា​​​ធរ​​​ប្រេង​​​កាតទៀត​​​ហើ​​​យ​”។

លោក ជាម យៀប​ បាន​​​បញ្ជាក់​​​កាល​​​ពី​​​ថ្ងៃ​​​សុក្រ​​​ បន្ទាប់ពី​​​កិច្ច​​​ប្រជុំ​​​នៅរដ្ឋសភា​​​ថា​​​ ក្រសួង​​​ឧស្សាហកម្ម​​​ ​​​រ៉ែ និងថាមពល​​​នឹង​​​ត្រូវ​​​បែង​​​ចែកចេញ​​​ជា​​​ពីរក្រសួង​​​ គឺក្រសួ​​​ង​​​​​រ៉ែ ​​​និងថាម​ពល និងក្រសួង​​​ឧស្សាហកម្ម ​​​និ​​​ង​​​សិប្បកម្ម​​​។ ​រដ្ឋាភិបាល​​​មិន​​​ទាន់សម្រេច​​​ថា តើ​​​ក្រសួង​​​ណា​ មួយ​​​នឹង​​​ស្ថិត​​​នៅ​​​ក្រោម​​​ការ​​​ដឹកនាំ​​​របស់​​​លោក ចម ប្រសិទ្ធ អតីត​​​រ​​​ដ្ឋមន្ត្រីក្រសួង​​​ពាណិជ្ជកម្ម     ដែល​​​ត្រូវ​​​បាន​​​តែង​​​តាំង​​​ជា​​​រដ្ឋ​​​មន្ត្រីក្រសួង​​​ឧស្សា​​​ហកម្ម ​​​រ៉ែ​​​ និ​​​ង​​​ថាមពល​​​ កាលពីខែកញ្ញា​​​។

លោក សុខា វណ្ណ អគ្គនាយក​​​អាជ្ញាធរ​​​ប្រេង​​​​កាតកម្ពុជា​​​ និង​​​ជា​​​ក្មួយ​​​ប្រុស​​​របស់​​​លោក​​​ សុខ ​អាន មិន​​​បាន​​​ឆ្លើយ​​​តប​​​​​​ទៅ​​​នឹង​​​សំណួរ​​​របស់​​​អ្នក​​​សារព័ត៌មាន​​​​​​ទេកាល​​​ពី​​​ម្សិល​​​មិញ​​​។ អ្នក​​​សារព័ត៌មាន​​​ចង់​​​សួរ​​​ថា តើ​​​លោក​​​នៅ​​​តែ​​​កាន់​​​តំណែង​​​របស់​​​លោក​​​នៅ​​​អាជ្ញាធរ​​​ប្រេង​​​កាត​​​នេះ​​​ទៀត​​​ ឬ​​​យ៉ាង​​​ណា​​​។ លោក​​​​​​ ឌៀប សេរី  វិសិទ្ធ​​​ ដែល​​​ជា​​​ក្មួយ​​​ប្រុស​​​ម្នាក់​​​ផ្សេង​​​ទៀត​​​របស់​​​លោក សុខ​​​ អាន គឺជា​​​អគ្គ​​​នាយក​​​រង​​​​​​អាជ្ញាធរ​​​ប្រេង​​​កាត​​​ជាតិ​​​កម្ពុជា​​​។

អាជ្ញាធរ​​​ប្រេង​​​កាត​​​កម្ពុជា​​​​​​ បាន​​​ទទួល​​​បរា​ជ័យ​​​ក្នុងការ​​​សម្រេច​​​ឲ្យ​​​បាន​​​​​​នូវ​​​គោល​​​ដៅ​​​យក​​​​ប្រេង​​​ចេញ​​​នៅ​​​ដំណាច់​​​ឆ្នាំ​​​២០១២​​​ និង​​​បាន​​​ទទួល​​​សំឡេងរិះគន់​​​យ៉ាង​​​ច្រើន​​​ ដោ​​​យ​សារ​​​ស្ថាប័ន​​​នេះខ្វះ​​​តម្លា​​​ភាព​​​ក្នុង​​​ការ​​​គ្រប់​​​គ្រង​​​របស់ខ្លួន​​​។ កាល​​​ពីឆ្នាំ​​​២០១១​​​ ធនាគារ​​​អភិវឌ្ឍន៍​​ អាស៊ី  ហៅកាត់​​​ថា ADB បាន​​​រាយការ​​​ណ៍​​​ថា ស្ថាប័ន​​​នេះ​​​បាន​​​ទទួល​​​បរាជ័យ​​​នៅ​ក្នុងការ​​​សហ​​​ការ​​​ ជាមួ​​​យ​​​​​​​ក្រុម​​​អ្នក​​​ពិគ្រោះ​​​យោ​​​បល់​​​របស់​​​ធនាគារ​​​ អភិវឌ្ឍន៍​​​អាស៊ី​​​ នៅ​​​ក្នុង​​​គម្រោង​​​មួយ​​​​​​ដែល​គ្រោង​​​នឹង​​​ចំណាយ​​​ប្រាក់​​​១លាន​​​ដុល្លារ​​​​​​ ដើម្បី​​​​ ពង្រឹង​​​អភិ​​​បាល​​​កិច្ច​​​នៅ​​​ក្នុង​​​ស្ថាប័ន​​​នេះ​​​។

របាយការណ៍​​​របស់​​​​​​ធនាគារ​​​អភិវឌ្ឍ​​​ន៍​​​អាស៊ី មាន​​​ខ្លឹម​​​សារ​​​ថា “ការ​​​គ្រប់​​​គ្រង​​​របស់​​​​​​ទី​​​ភ្នាក់​​​ងារ​​​ប្រតិបត្តិ​​​នេះ​​​ បង្ហាញ​​​ពី​​​​​​កង្វះ​​​ខាត​​​កិច្ច​​​សហ​​​​ប្រតិបត្តិ​​​ការ​​​ជាមួ​​​យ​​​ក្រុមហ៊ុន​​​ពិ​​​គ្រោះ​​​យោបល់​​​ពាក់​​​ព័ន្ធ​​​នឹង​​​ការ​​​រឹត​​​បន្តឹង​​​​​​ព័ត៌មាន​​​សំខាន់​​​ៗ​​​ និង​​​បរាជ័យ​​​ក្នុង​​​ការ​​​ជំរុញ​​​ឲ្យមាន​​​ការ​​​ចូល​​​រួម​​​ពីសំណាក់​​​បុគ្គលិក​​​ក្នុង​​​អាជ្ញាធរ​​​ប្រេង​​​កាត​​​កម្ពុជា​​​ហើយ​​​ ក្នុង​​​គម្រោង​​​​នេះ​​​”។

កាល​​​ពី​ ឆ្នាំ​​​២០០៩​​​ អង្គការ​​​ឃ្លាំ​​​មើល​​​បរិស្ថាន​​​ក្លូបល​​​វីត​ណេស (Global Witness)​​​ ដែល​​​មាន​​​មូល​​​ដ្ឋាន​ នៅ​​​ទីក្រុង​​​ឡុងដ៍​​​ បាន​​​ឲ្យ​​​ដឹង​​​ថា ​លោក​ តែ ​ដួង​តារា អតី​​ត​​​អគ្គនាយក​​​អាជ្ញាធរ​​​ប្រេង​​​កាត​​​ជាតិ​​​កម្ពុជា ដែល​​​បច្ចុប្បន្ន​​​ជា​​​ម្ចាស់​​​ចម្ការ​​​ស្ត្រ​ប៊ើរី នៅ​​​ខេត្ត​​​មណ្ឌលគិរី បាន​​​រក្សា​​​ឥរិយាបថ​​​តឹង​​​តែង​​​ផ្នែក​​​ព័ត៌មាន​​​” នៅ​​​ឯអាជ្ញាធរ​​​ប្រេង​​​កាត​​​ជាតិ​​​កម្ពុជា​​​ និង​​​​​​បាន​​​ជ្រើស​​​រើស​​ “បុគ្គលិក ​​​ដែល​​​ស្មោះ​​​ស្ម័គ្រ​​​នឹង​​​ខ្លួន​​​មកពី​​​ក្រសួង​​​ផ្សេងៗ​​​ទៀត​​​​​​ ដោយ​​​​​​មើល​​​រំលង​​​បុគ្គលិក​​​ដែល​​​មាន​​​ការ​​​បណ្ដុះ​​​បណ្ដាល​​​ត្រឹម​​​ត្រូវ​​​នៅ​​​ក្នុង​​​អាជ្ញាធរ​​​ប្រេង​​​កាត​​​នេះ​​​”។

លោក ផៃ ស៊ីផាន បាន​​​លើក​​​ឡើង​​​ថា ​សេចក្ដី​​​សម្រេច​​​ក្នុង​​​ការ​​​ប្រគល់​​​ការ​​​គ្រប់​​​គ្រង​​​អាជ្ញាធរ​​​ប្រេង​​​កាត​​​ជាតិ​​​កម្ពុជា​​​​​​ ឲ្យ​​​​​​ក្រសួង​​​រ៉ែ ​និង​​​ថាមពល​​​ គឺ​​​ជា​​​ផ្នែក​​​មួយ​​​នៃ​​​ផែន​​​ការ​​​របស់​​​រដ្ឋាភិបាល​​​ក្នុង​​​ការ​​​ផ្លាស់​​​ប្ដូរ​​​ទីស្ដីការ​​​គណៈ​រដ្ឋ​មន្ត្រី​​​ឲ្យ​​​ក្លាយ​​​ជា​​​ស្ថាប័ន​​​ត្រួត​​​ពិនិត្យ​​​មួយតាម​​​រយៈ​​​ការ​​​ផ្ទេរ​​​អំណាច​​​គ្រប់​​​គ្រង​​​ស្ថាប័ន​​​រដ្ឋ​​​ដែល​​​ពីមុន​​​ស្ថិត​​​នៅ​​​ក្រោម​​​ការ​​​គ្រប់​​​គ្រង​​​របស់​​​​លោកឧប​​​នាយក​​​រដ្ឋមន្ត្រី សុខ អាន។

លោក ផៃ ស៊ីផាន បាន​​​មាន​​​ប្រសាសន៍​​​ថា​ “វា​​​គឺ​​​ជា​​​ពេល​​​វេលា​​​ដ៏ល្អ​​​មួយ​​​សម្រាប់​​​ដាក់​​​ការ​​​ងារ​​​ទាំង​​​អស់​​​នេះ​​​ និង​​​អំណាច​​​ទៅក្នុង​​​ក្រសួង​​​សម​​​ស្រប​​​ ពីព្រោះ​​​អ្វី​​​គ្រប់​​​យ៉ាង​​​ត្រូ​​វ​​​បាន​​​បង្កើត​​​បាន​​​យ៉ាង​​​ល្អ​​​ដោយទីស្ដីការ​​​គណៈ​រដ្ឋមន្ត្រី​​​រួច​​​ហើយ។ ទីស្ដីការ​​​គណៈរដ្ឋមន្ត្រី​​​នឹង​​​ បំពេញការ​​​ងារ​​​ជា​​​ស្ថាប័ន​​​សម្រប​​​សម្រួល​​​”។ ​លោក​​​បាន​​​លើក​​​ឡើង​​​បន្ថែម​​​ទៀត​​​ថា ​ចំណាត់​​​ ការ​​នេះ​​​នឹង​​​បង្កើត​​​ធនធាន​​​សម្រាប់​​​រដ្ឋមន្ត្រី​​​នានា​​​ និង​​​ពង្រឹង​​​គណនេយ្យ​​​ភាព​​​នៅ​ក្នុង​​​រដ្ឋា​ភិបាល​​​។

លោក​​​បាន​​​មាន​​​ប្រសាសន៍​​​ថា “រដ្ឋមន្ត្រី​ត្រូវ​​​​មាន​​​យន្តការ​​​មួ​​​យចំនួន​​​សម្រាប់​​​លៃ​​​លក​​​ធនធាន​​​ ដើម្បី​​​ឲ្យ​​​មាន​​​រដ្ឋបាល​​​ដ៏ល្អ​​​ គណ​នេយ្យ​​​​ ភាព និង​​​ប្រសិទ្ធភាព​​​”។ លោក​​​បាន​​​មាន​​​ប្រសាសន៍​​​បន្ថែមទៀត​​​ថា “យើង​​​យល់​​​ថា ​ទីស្ដីការ​​​គណៈរដ្ឋមន្ត្រី​​​មិន​​​មាន​​​អំណាច​​​បញ្ជា​​​នរណា​​​ម្នាក់​​​ឲ្យ​​​ធ្វើ​​​អ្វីមួយ​​​ទេ។ យើង​​​ព្យាយាម​​​សម្រប​​​សម្រួល​​​ក្នុង​​​នាម​​​ជា​​​ក្រសួង​​​ត្រួត​​​ពិនិត្យ​​​”។

កាលពីថ្ងៃ​​​ទី១ ខែ​​​វិច្ឆិកា ទីស្ដីការ​​​គណៈ​​​រដ្ឋមន្ត្រី​​​បាន​​​ចេញ​​​បទ​​​បញ្ជា​​​មួយ​​​ដែល​​​ត្រូវ​​​បាន​​​​ចុះ​​​ហត្ថលេខាដោយ​​​លោក​​​នាយក​​​រដ្ឋ​មន្ត្រី​​​ ហ៊ុន សែន ដោយ​​​បញ្ជា​​​ឲ្យ​​​គណៈ​​​កម្មា​ធិ​ការ​​​ទាំង​​​១១ដែល​​​កាលពី​​​មុន​​​ស្ថិត​​​នៅ​​​ក្រោម​​​ការ​​​គ្រប់​​​គ្រង​​​របស់​​​លោក សុខ អាន នៅ​​​ទីស្ដី​ការ​​​គណៈរដ្ឋមន្ត្រី​​​ធ្វើ​​​សមាហរណកម្ម​​​ទៅ​​​ក្នុង​​​​​​ក្រសួង និង​​​ក្រុម​​​ប្រឹក្សា​​​ពាក់ព័ន្ធ​​​។

ក្នុង​​​ចំណោម​​​គណៈកម្មាធិការ​​​ទាំង​​​១១​​​នោះ អាជ្ញាធរ​​​ជាតិ​​​ទទួល​​​បន្ទុក​​​​​​កិច្ច​​​ការ​​​អភិ​​​វឌ្ឍន៍​​​បច្ចេក​​​វិទ្យា​​​គមនាគមន៍​​​ព័ត៌មាន​​​វិទ្យា និង​​​ត្រូវ​​​បាន​​​ដាក់​​​ឲ្យ​​​ស្ថិត​​​ក្រោម​​​ការ​​​គ្រប់​​​គ្រង​​​របស់​​​​ក្រសួង​​​ប្រៃសណី និង​​​ទូរគមនាគមន៍​​​ ហើយ​​​​​​គណៈកម្មាធិការ​​​​​​ជាតិ ប្រជា​​​ជន​​​ និង​​​ការ​​​អភិ​វឌ្ឍដែល​​​ជា​​​ដៃគូ​​​របស់​​​អង្គការ​​​មូល​​​និធិ​​​ប្រជា​​​​ជន​​​សហ​​​ប្រ​​​​​​ជា​​​ជាតិ​​​​​​នៅ​​​ប្រទេស​​​កម្ពុជា​​​ និង​​ត្រូវ​​​បាន​​​ធ្វើ​​​សមាហរណកម្ម​​​ទៅ​​​ក្នុង​​​ក្រសួង​​​ផែន​​​ការ​​​។

ក្នុង​​​សុន្ទរកថា​​​ដំបូង​​​ដែល​​​លោក​​​នាយក​​​រដ្ឋមន្ត្រី​​​ ហ៊ុន សែន បាន​​​ថ្លែង​​​ទៅ​​​កាន់​​​គណៈ​រដ្ឋមន្ត្រី​​​ទើប​​​បង្កើត​​​ថ្មី​​​របស់​​​លោក​​​​​កាលពី​​​ដំណាច់ខែ​​​កញ្ញា លោក​​​បាន​​​ប្រកាស​​​ថា ឧត្តម​​​ក្រុម​​​ប្រឹក្សា​​​កំណែ​​​ទម្រង់​​​រដ្ឋ​​​ ដែលពីមុន​​​ស្ថិត​​​នៅ​​​ក្រោម​​​ការ​​​គ្រប់​​​គ្រង​​​របស់​​​លោក ​សុខ ​អាន នឹង​​​ត្រូវ​​​បាន​​​កាត់ចេញ​​​ដោយ​​​មាន​​​ការ​​​​​​​​​បែង​​​ចែក​​​ការ​​​ទទួល​​​ខុស​​​ត្រូវ​​​របស់​​​ស្ថាប័ន​​​នេះ​​​ក្នុង​​​ចំណោម​​​ក្រសួង​​​ពាក់​​​ព័ន្ធ​​​។

លោក យឹម សុវណ្ណ តំណាង​​​រាស្ត្រ​​​ជាន់​​​ខ្ពស់​​​ និង​​​ជា​​​អ្នក​​​នាំពាក្យ​​​គណបក្ស​​​សង្គ្រោះ​​​ជាតិ បាន​​​លើកឡើង​​​ថា ការ​​​ផ្លាស់​​​ប្ដូរ​​​រចនា​​​សម្ព័ន្ធ​​​នៅ​​​ក្នុង​​​រដ្ឋបាល​​​របស់​​​លោក ​ហ៊ុន ​សែន   ​គឺ​​​ជា​​​រឿង​​​គួរ​​​ឲ្យ​​​ស្វាគមន៍​​​ ក៏ប៉ុន្តែ​​​ នៅ​​​តែ​​​មិន​​​មែន​​​ជា​​​ការ​​​កែរ​​​ទម្រង់​​​ដ៏ស៊ី​​​ជម្រៅ​​​ទេ។ ​លោក​​​​បាន​​​មាន​​​ប្រសាសន៍​​​ថា “យើង​​​មិន​​​ចង់​​​បាន​​​អាជ្ញាធរ​​​​ដាច់​​​ដោយ​​​ឡែក​​​ពីគ្នា​​​ទេ។ យើង​​​ក៏ចង់​​​ដាក់​​​ [ស្ថាប័ន​​​ទាំង​​​នេះ​​​​​​] ឲ្យ​​​ស្ថិត​​​ក្រោម​​​ក្រសួង​​​សម​​​ស្រប​​​មួយដែរ”។

លោក​​​បាន​​​មាន​​​ប្រសាសន៍​​​បន្ថែម​​​ទៀត​​​ថា “រដ្ឋាភិបាល​​​មិន​​​មែន​​​គ្រាន់​​​តែ​​​ត្រូវ​​​ចែក​​​ក្រសួង​​​ឲ្យនៅ​​​ដាច់​​​ដោយ​​​ឡែកពី​​​គ្នា​​​ ឬ​​​ក៏​​​ផ្លាស់​​​ស្ថាប័ន​​​មួយ​​​ឲ្យ​​​ទៅ​​​នៅ​​​ជាមួយ​​​ស្ថាប័ន​​​មួយ​​​ទៀត​​​ប៉ុណ្ណោះទេ។ ពួកគេ​​​មិន​​​បានលុប​​​បំបាត់​​​ឫសគល់​​​នៃ​​​អំពើ​​​ពុក​​​រលួយ​​​ដែល​​​​​​ជា​​​ចំណុច​​​ខ្សោយ​​​របស់​​​ច្បាប់​​​ទេ”៕​​​​​​​​​​​​​​​​​​​​​​​​​​​​​​​​​​សុធា

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស