29 C
Phnom Penh

​ថែនិយាយ​ថា មិន​ទាន់​មានការ​ដកកម្លាំង​ទ័​ព​ចេញ​ពីតំបន់មានជម្លោះនៅឡើ​យ​ទេ​

ដោយ ឌឹ ខេមបូឌា ដេលី

បទវិភាគ

មន្ត្រី​យោធា​ថៃ​ ដែល​បាន​ជួប​សមភា​ភី​កម្ពុជា​ នៅ​មូលដ្ឋាន​ប្រាសាទ​ព្រះវិហារ​កាល​ពីម្សិល​មិញ​ បាន​ឲ្យដឹងថា ​ទាហាន​ថៃ​មិនបាន​ចេញ​ទៅណា​ទេ ​លុះត្រា​តែ​រ​ដ្ឋា​ភិបាល​នៃ​​​ប្រទេស​ទាំង​ពីរ​ ជួប​ពិភាក្សា​គ្នា​បន្ថែម​ទៀត​ អំពី​របៀប​អនុវត្ត​តាម​សេ​ចក្តីសម្រេច​របស់​តុលាការ​អង្គការ​សហ​ប្រ​ជាជាតិ​ កាលពី​ថ្ងៃ​ច័ន្ទ ដោយ​បញ្ជា​ឲ្យ​សម​ភាគីថៃ​ចាកចេញពី​តំបន់​ប្រាសាទ​នេះ​។

លោកឧត្តមសេនីយ៍ឯក ស្រី ឌឹក (ទី២​​​ឆ្វេង​​​) និយាយ​​​ជាមួយ​​​សមភាគី​​​ថៃ​​​ក្នុង​​​ជំនួប​​​នៅ​​​មូល​​​ដ្ឋាន​​​ប្រាសាទ​​​ព្រះវិហារ​​​កាល​​​​​​ពី​​​ម្សិលមិញ។ មិន​​​ទាន់​​​មាន​​​ការ​​​ដក​​​កម្លាំង​​​ទ័ព​​​នៅ​​​ឡើយ​​​ទេ ព្រោះ​​​​​​ភាគី​​​ទាំង​​​ពីរ​​​​​​រង់​​​ចាំ​​​កិច្ច​​​ពិភាក្សា​​​រវាង​​​រដ្ឋាភិបាល​​​របស់​​​ខ្លួន​​​។ ស៊ីវ ចាន់ណា
លោកឧត្តមសេនីយ៍ឯក ស្រី ឌឹក (ទី២​​​ឆ្វេង​​​) និយាយ​​​ជាមួយ​​​សមភាគី​​​ថៃ​​​ក្នុង​​​ជំនួប​​​នៅ​​​មូល​​​ដ្ឋាន​​​ប្រាសាទ​​​ព្រះវិហារ​​​កាល​​​​​​ពី​​​ម្សិលមិញ។ មិន​​​ទាន់​​​មាន​​​ការ​​​ដក​​​កម្លាំង​​​ទ័ព​​​នៅ​​​ឡើយ​​​ទេ ព្រោះ​​​​​​ភាគី​​​ទាំង​​​ពីរ​​​​​​រង់​​​ចាំ​​​កិច្ច​​​ពិភាក្សា​​​រវាង​​​រដ្ឋាភិបាល​​​របស់​​​ខ្លួន​​​។ ស៊ីវ ចាន់ណា

តុលាការ​យុត្តិធម៌​អន្ត​រ​ជាតិ ដែល​មាន​មូលដ្ឋាន​នៅ​ទីក្រុង​ឡាអេ​ បានសម្រេច​ថា​ ប្រទេស​ថៃ​ត្រូវ​ដក​កម្លាំង​ទ័ព្ទ​ នគរបាល ​និ​ង​ឆ្មាំ​ទាំង​អស់​របស់ខ្លួន​ចេញ​ពីតំបន់​ដីមាន​ជម្លោះ ដែលមាន​ប្រាសាទនៅលើកំពូលភ្នំ​គឺ​​​ប្រាសាទព្រះវិហារនៅពីលើ​ ហើយ​ជា​ផ្នែ​ក​មួយ​នៃដី ​ដែ​លប្រទេស​ជិត​ខាងគ្នា​ទាំ​ងពីរ​នេះ​ បាន​វាយប្រយុទ្ធគ្នា​រយៈ​ពេល​ខ្លី​ជា​ច្រើន​​​​លើក​ និង​បណ្តាល​ឲ្យ​មាន​មនុស្ស​ស្លាប់​​ ក្នុង​​​រយៈ​​​​ពេ​លប៉ុន្មានឆ្នាំ​ចុង​ក្រោយ​ក​ន្លង​មក​នេះ​។

​លោកឧត្តម​សេនីយ៍​ទោថៃ​ ថារ៉ាខន​ ថាម​​​ម៉ា​វីនថន (​Tharakhorn ​Thamm​awinthorn) ​បាន​​​​​​ជួបលោក​ឧត្តម​សេនីយ៍​ឯក​ ស្រី​ ឌឹក មេ​បញ្ជា​​​រង​​​​កង​យុទ្ធពល​ខេមរភូមិន្ទ ប្រ​ចាំប្រាសាទ​ព្រះ​វិហារ​ នៅ​​ទីតាំង​ក្នុ​ង​ច​ន្លោះ​ពី​កាំជណ្តើរ​ប្រាសាទ​ ទៅ​បន្ទាត់ព្រំ​ដែន​មានជម្លោះ​ អស់​រយៈ​ពេ​ល​មួយម៉ោង​។ លោក ឧត្តមសេនី យ៍​ទោ ថារ៉ា​ខន បាន​ប្រាប់​ក្រុម​អ្នក​សារព័ត៌​មាន​ក្រោយ​កិច្ចប្រជុំ​ថា “តុលាការ​យុត្តិធម៌អន្តរ​ជាតិ​ បា​ន​ចេញ​បញ្ជា​ឲ្យយើង​ចាកចេញ​​ ប៉ុន្តែ​យើង​នឹង​អនុ​វត្ត​តាម​សេចក្តីបញ្ជា​ពី​រដ្ឋា​​​ភិបាល​​​​​​​​​របស់យើ​ង​។ យើង​នឹង​ធ្វើការ​ងារ​​​តាម​ដំណាក់​​​​កា​ល​ ក៏ប៉ុន្តែ យើង​ត្រូវ​ការ​ពេល​វេលា”។

មេ​បញ្ជា​ការ​ថៃ​មិន​បាន​ឲ្យដឹងថា តើ​ប​ច្ចុ​​​ប្បន្ន មានទាហាន​ប៉ុន្មាននាក់​ឈរ​ជើង​នៅ​តំបន់​ដីមាន​ជម្លោះ​ទេ​។ ក្នុង​ការចេញ​សេចក្តី​សម្រេច​របស់ខ្លួន តុលាការ​យុត្តិធម៌​អន្តរ​ជាតិ​ មិន​បានផ្តល់ផែន​ទី​បង្ហាញពីតំប​ន់​មានជម្លោះ​នោះទេ​ ក៏ប៉ុន្តែ ​តុលាការ​នេ​ះ​បាន​លើក​ឡើង​​​ថា ​តំបន់​នោះ​នៅជាប់​ជ​ម្រាល​ភ្នំ​ ដែល​ស្ថិត​នៅ​ក្នុង​ប្រទេស​កម្ពុជា​នៅ​ភាគ​ខាង​លិច ​និង​ខាង​ត្បូង​ នៅក្បែរ​ប​ន្ទាត់​ព្រំដែន​លើ​ផែន​ទី​សម័យ​អនានិគម​បា​រាំង​ សម្រាប់ភាគខាង​ជើង​ ​និង​នៅជាប់​ជើ​ង​ភ្នំ​ទ្រព្យ នៅភាគ​ខាង​លិច។

​លោកឧត្តម​សេនីយ៍ឯក​ ស្រី ឌឹក ​បាន​ឲ្យ​​​ដឹងថា ​កង​ទ័ព​នៃប្រទេស​ទាំងពីរបាន​ឯ​កភាព​គ្នា​បន្ត​រៀបចំ​កិច្ចប្រជុំ​ នៅ​តាម​តំបន់​ព្រំ​ដែន​ ដើម្បី​កុំឲ្យមាន​ការ​វាយប្រហារ​គ្នា​ ​ហើយ​យើង​​​​បាន​ឯកភាព​ថា ភាគីទាំងពីរ​នឹ​ង​ជួប​​​ពិភាក្សាគ្នា​ជារៀង​រាល់ថ្ងៃ ដើម្បី​រ​ក្សា​សន្តិ​​​ភាព​។ លោក​បានមានប្រសាសន៍ថា “យើង​បានប្រាប់​ទាហាន​របស់យើង​ ឲ្យ​ស​ហការ​ជាមួយ​ទាហាន​ថៃ ​នៅតាម​តំបន់​ព្រំ​ដែន​ ដើម្បី​កុំឲ្យ​មាន​ការ​វាយប្រហារ​គ្នា​ ហើយ​យើង​បាន​ឯកភាពគ្នា​ថា ភាគីទាំងពី​រ​នឹង​ជួប​​​ពិភាក្សាគ្នា​ជារៀង​រាល់ថ្ងៃ”។

ទាក់ទង​នឹង​ការអនុវត្ត តាមសេចក្តី​ប​ញ្ជា​របស់​តុលាការ​យុត្តិធម៌អន្តរ​ជាតិ​ លោ​ក​ឧត្តម​​​សេនីយ៍ឯក​ ស្រី ឌឹក ​បានមានប្រ​សាសន៍​ថា ​” យើង​ជឿជាក់ថា រដ្ឋាភិបាល​ទាំងពីរ​នឹង​ដោះស្រាយ​បញ្ហា​នេះ”។ ​នៅពេល​ទំនាក់​ទំនង​បាន​ក្រោយកិច្ច​ប្រជុំ ​​​​លោកវរសេនីយ៍​ឯក វើ​រ៉ាឆុន ស៊ូខុន​ដា​ដ​ផា​ធី​ប៉ាក់ (Werachon Sukondhadhpatipak) ​អ្នក​​​នាំ​​​ពាក្យ​​​​កង​ទ័ព​ថៃ ​បាន​លើកឡើ​ង​ថា លោក​មិន​ដឹង​ថា តើ​មាន​ទាហាន​ នគ​រ​បាល ​និង​​​ឆ្មាំ​​​ថៃ​ប៉ុន្មាន​​​​នាក់នៅ​ក្នុង​តំបន់​ដី​មាន​ជម្លោះ​នេះ​​​ទេ ​ហើយ​​​​ការ​សម្រេច​នូវ​អ្វី​ដែល​ត្រូវ​ធ្វើ​ជាមួយ​សម​​​ភគី​​​កម្ពុជា “ពួក​គេ​កំពុង​សិក្សា​អំពី​សេចក្តី​​​សម្រេច​​​​​​​របស់​តុ​លាការ​យុត្តិធម៌​អន្តរ​ជាតិ​។ ការសិក្សា​នេះអាច​នឹង​ប្រើ​ពេល​ជាង​ជាច្រើន​ថ្ងៃ​ មិន​មា​ន​សេចក្តីសម្រេចណា​មួយ​ ហើយ​ការ​ស​ម្រេចចិត្តអ្វីដែល​ខ្លួន​ធ្វើ​ ជាមួយ​សមាគីថៃ​ នឹង​​​​ត្រូវ​ប្រើ​ពេលវេលា​​ពីរ​បីថ្ងៃ​។

លោកវរសេ​នីយឯក ស្រី ឌឹក ​​​បាន​មា​ន​ប្រសាសន៍​ថា “នៅពេល​នេះ ពួកគេ​កំពុ​ង​សិក្សា​អំពី​សេ​ចក្តីសម្រេច​របស់​តុលាការ​យុត្តិធម៌អន្តរ​ជា​តិ​ ដែល​អាចស៊ីពេល​ប៉ុន្មា​នថ្ងៃទៀត​ មុន​ពេល​មានសេចក្តីសម្រេច​ណាមួយ​ ហើយ​មាន​ខចែង​ជាច្រើន​ដែល​ត្រូវ​បក​ស្រាយ​”។ ​តាម​បច្ចេក​ទេស ​មិនគួរ​មាន​ទាហាន​ថៃ ឬក៏​ទាហាន​ខ្មែរ​ នៅ​តំបន់​មានជ​ម្លោះ​ ដែល​លាត​សន្ធឹង​ នៅ​ក្នុង​តំបន់​គ្មាន​កង​ទ័ព​ដែល​​​តុលាការ​យុត្តិធម៌អន្តរ​ជាតិ បានគូស​ជុំវិញ​តំបន់​មានជម្លោះ​ កា​លពីឆ្នាំ​២០១១​នេះ ​និង​បានបញ្ជា​ឲ្យកងទ័ព​នៃប្រទេស​ទាំ​ង​ពីរ​ដក​​​ខ្លួនចេញភ្លាមៗ​។ ​ការ​ចរចា​រវាង​ប្រទេស​កម្ពុជា ​និង​ប្រទេស​ថៃ និងការ​ដក​កម្លាំងទ័ព​រួម​គ្នា​ បានស៊ីពេ​ល​អស់​មួយឆ្នាំ​ ក៏ប៉ុន្តែ ​ក្រោយ​​​​​​​មក​មិនទាន់​មានភាព​ច្បាស់​លាស់​ថា តើ​កង​ទ័ព​ទាំង​អស់​នោះ​ធ្លាប់​ចា​ក​ចេញ​មែន​ឬយ៉ាង​​​ណា​នៅ​ឡើយ​ទេ​។

​តុលាការ​យុត្តិធម៌អន្តរ​ជាតិ​ បាន​ចេញ​សេចក្តី​សម្រេច​ កាលពីថ្ងៃច័ន្ទ ​តាម​សំណើ​​របស់​សមភាគីកម្ពុជា​ ដែល​បាន​ស្នើ​ឲ្យ​តុ​លា​ការ​នេះ​​បក​ស្រាយ​សាល​ក្រម​ឆ្នាំ​១៩​៦​២ ដែល​​​​​​​បាន​ប្រគល់​ប្រាសាទ​ព្រះវិហា​ និង​ “តំបន់​​​​ជិត​ប្រាសាទនេះ​” ដល់​ប្រទេស​ក​ម្ពុជា​ ក៏ប៉ុន្តែ ​បាន​បន្សល់​ទុក​នូវ​អត្ថន័យ​មិន​ច្បាស់​លាស់​នៃ​ពាក្យ​ថា តំបន់​ជិត​ប្រាសា​ទ​​នេះ​។ សេចក្តី​​​សម្រេច​នេះ​បាន​ប្រគល់​ឲ្យ​ប្រទេស​កម្ពុជា នូវ​តំបន់​មាន​ជម្លោះទាំង​មូ​លនៅក្បែរ​ប្រា​​​សាទ​​​​ព្រះវិហារ​ ក៏ប៉ុន្តែ ​មិន​មែន​តំបន់​នៅ​ក្បែរ​ភ្នំ​​​ទ្រព្យ ​ដែលស្ថិត​នៅ​ក្បែ​រ​នោះទេ ឬ​ក៏​ព្រំ​ដែន​​​​ផ្លូវការ​​ជាមួយ​ថៃ​​​​ ដោយ​ផ្អែ​ក​លើ​ផែន​​​​​​ទី​​​បារាំង​ ដូច​ដែល​សមភាគី​ក​ម្ពុ​ជា​បាន​​​រំពឹង​ថា សេចក្តី​សម្រេ​ច​នេះ​នឹង​ប្រ​គល់​ឲ្យ​ខ្លួន​ទេ​។​​​

ប្រការ​​​នេះ​ធ្វើ​ឲ្យ​កិច្ច​ចរចា​អំពី​បញ្ហា​ព្រំ​ដែន​​​​រវាងប្រទេ​ស​ថៃ ​និង​ប្រ​ទេ​ស​កម្ពុ​ជា មាន​ស្ថាន​​​ភាព​មិន​ខុ​ស​គ្នា​ប៉ុន្មាន ​ពី​ស្ថាន​ភាព​ចរចា​ កាល​​​ពី​ដើម​ឆ្នាំ​២០១១​ ពេល​​កា​រ​វាយ​ប្រ​យុទ្ធគ្នា​លើកចុង​ក្រោយ​​ បាន​ប​ណ្តា​ល​កិច្ច​ចរចា​ជាប់​គាំងគ្មាន​ពេ​ល​កំណត់​​នោះ​ទេ​។ ក្នុងក្តីសង្ឃឹម​ លោក ផៃ ស៊ីផាន ​អ្នក​នាំ​​​ពាក្យ​​​​ទីស្តីការគណៈរដ្ឋមន្ត្រី​ ​លើក​ឡើង​ថា ​សេច​​​ក្តី​​​សម្រេច​កាលពី​ថ្ងៃច័ន្ទ ​គឺ​ជាការ​ចាប់ផ្តើម​សារ​​​​​​ជាថ្មីនៃ​កិច្ច​ចរចា​ទាំង​នោះ។​​តុលាការ​យុត្តិ​​​ធម៌អន្តរ​ជាតិ​បាន​ច្រា​ន​ចោល​សំណើ​របស់​ប្រទេស​កម្ពុជា​ដែ​ល​​​​បានស្នើ​ឲ្យ​មាន​​​ការ​​​កំណត់​បន្ទាន់​ព្រំដែន​ផ្លូ​វការ​ ជាមួយ​ប្រទេស​ថៃ ​ដោយ​ប្រើ​ផែន​ទី​បារាំង​ ដែល​ត្រូវ​បាន​គេ​ស្គាល់​ផង​ដែរ​ថា ជា​ផែន​ឧបសម្ព័ន្ធ​១។ ក៏ប៉ុ​ន្តែ លោក​ ផៃ​ ស៊ី​ផាន ​បាន​លើក​ឡើងថា ​តុលាការ​យុត្តិធម៌​អ​ន្តរ​ជាតិ ​បាន​ជួយ​ជំរុញ​កិច្ចចរចា​ទ្វេ​ភាគី​អំ​ពី​បញ្ហា​ព្រំ​ដែន​ដំណើរ​ការទៅមុខ ពីព្រោះ​តុលាការ​នេះ​ក៏​បាន​ច្រាន​​​​​​​ចោល​នូវការ​ចង់​បាន​តំបន់​ជម្រាល​ក្នុង​ប្រទេស​ ​​​​​​ពីសំណាក់​ប្រទេស​ថៃ​ផង​ដែរ​។

លោកបានមានប្រសាសន៍​ថា “ តុលា​កា​រ​​​យុត្តិធម៌អន្តរ​ជាតិ​បានប្រើ​ប្រាស់​ផែន​ទី​ឧប​​​សម្ព័ន្ធ​១​ ក្នុង​ការសម្រេច​ថា តើ​ប្រាសា​ទ​ព្រះ​​​វិហារ​ស្ថិត​នៅ​ក្នុង​ប្រទេស​មួយ​ណា​ ហើយ​​​​ប្រទេស​ថៃ បានលើកឡើងថា ​មា​ន​តំបន់​ជម្លោះ​​​​​​​​​ទំហំ​៤,៦​គីឡូ​ម៉ែត្រ​ក្រឡា​ ក៏ប៉ុ​ន្តែ ​តុលាការ​នេះ​​​​​​​បាន​លើកឡើង​ថា ​មិន​រឿ​ង​បែបនេះទេ​។​​​​​​​​​​​​​​ទី៣​ពួកគេ​មិនទទួល​ស្គា​ល់​ផែន​ទី​តំបន់​ជម្រាល​របស់ប្រទេស​ថៃ​ទេ។​ ដូច្នេះ ខ្ញុំ​​មិន​​​ឃើញ​មាន​​​​​​​វិវាទ​អ្វីទៀត​ទេ​”។​

​នេះប្រហែល​ជា​ការ​គិត​បែប​សុទិដ្ឋិ​និ​យម​។ ​តុលាការ​យុត្តិធម៌អន្តរ​ជាតិ​ គ្រាន់​តែ​លើក​ឡើងថា បន្ទាន់​តំបន់​ជម្រាល​មិន​អា​ច​ត្រូវ​ប្រើ​ប្រាស់​ក្នុងការ​សម្រេច​តំបន់​ជិត​ប្រាសាទ​ព្រះវិហារ​បាន​ទេ​។ ​តុលាការ​នេះ​​​បាន​លើក​ឡើត​ទៀតថា ​គ្មាន​អ្វី​ត្រូវ​លើក​​​ឡើង​ថា តើ​វាអាច ឬមិនអាច​ត្រូវ​បា​ន​ប្រើ​​​ប្រាស់​សម្រាប់​គូ​ព្រំដែន​ក្នុង​ក្នុង​ស្រុក​ណា​​​មួយ​ទេ​។

​យោង​តាម​ប្រព័ន្ធផ្សព្វ​ផ្សាយ​ថៃ បា​ន​ឲ្យ​​​ដឹង​ផង​ដែរថា ​មន្ត្រីថៃនៅតែ​ជឿ​ថា សេចក្តី​​​សម្រេច​របស់តុលាការ​យុត្តិធម៌​អន្ត​រ​ជាតិ​ ធ្វើ​ឲ្យខ្លួន​មាន​សិទ្ធិ​បន្ត​ទាមទារ​ផ្នែក​ភាគច្រើន​ នៃ​ផ្ទៃដី​មានជម្លោះ​ទំហំ​៤,៦​គី​ឡូម៉ែត្រ​ក្រឡា​ ​និង​ប្រើ​ប្រាស់​បន្ទាត់​តំបន់​ជម្រាល​នេះ ​ក្នុង​កិច្ចចរចា​នាពេលអនាគត​។ ​លោក អាឡេន ប៉េ​ឡេត (Alain ​Pellet​)​  ដែល​បានដឹកនាំ​ក្រុម​អ្នក​ច្បាប់​​ថៃ​ ​នៅ​ឯ​ទី​ក្រុង​ឡាអេ​ ត្រូវ​បាន​​​ដក​​​ស្រង់​សម្តី​ដោយ​សារព័ត៌មាន​ បាងកក​ ប៉ុស្តិ៍ (Bangkok ​Post ​) ​កាលពី​ម្សិល ដោយ​បាន​​​ឡើង​​​​ថា “យើ​ង​គិត​ថា សេចក្តី​សម្រេច​នេះ​គឺរឿង​វិជ្ជមា​ន​ ​ហើយ​វា​បើក​ផ្លូវ​សម្រាប់​កិច្ច​​​​ចរចា​ជា​សា​កល​អំពី​បញ្ហា​ព្រំដែន​ទាំង​​​មូល​ ដោយ​យោង​តាម​បន្ទាត់​តំបន់​ជម្រាល​”។

​ទោះបីជា​យ៉ាងនេះក៏ដោយ ​ក៏​លោក​ ផៃ ស៊ីផាន ​បាន​អះអាង​ដោយក្តីសង្ឃឹម​ថា ​កិច្ច​ចរចា​ទ្វេ​ភាគី​ដែល​ធ្លាប់​ទទួល​បរាជ័យ​ក្នុ​ង​ការដោះស្រាយ​បញ្ហា​ព្រំដែន​ មក​ទល់​ស​ព្វ​ថ្ងៃ​ ឥឡូវនេះ​នឹង​មានប្រសិទ្ធភាព​។ ​លោ​ក​បានមានប្រសាសន៍​ថា “យោង​តាម​យន្ត​ការ​​​ដែលមានស្រាប់​ យើង​មាន​គណៈ​កម្មាធិកា​រ​ព្រំដែន​រួម​ ​គណៈ​កម្មការ​ព្រំដែនទូទៅ​ ហើយ​​​​​​​​​​យើង​មាន​ស្ថាប័ន​ទ្វេ​ភាគី​។ នេះគឺជា​រឿង​​​សំខាន់​បំផុត​”។​

​លោក ផៃ ស៊ីផាន ​បាន​លើក​ឡើង​ទៀ​ត​ថា ​លោក​មិន​ដឹងថា តើ​កិច្ចចរចា​ទាំង​នោះ​នឹង​កើតឡើង​សារជាថ្មី​ទេ ​ហើយ​បាន​ប​ង្វែរ​សំណួរ​ទៅ​លោក វ៉ា គឹមហុង ​សហ​ប្រ​ធាន​គណៈ​កម្មាធិការ​ព្រំដែនរួម​ នៃប្រទេ​ស​កម្ពុជា​ ប៉ុន្តែ ​លោក​ វ៉ា គឹមហុង​ ​មិន​ទាន់​ត្រឡប់​មក​ពី​ទីក្រុង​ឡាអេ​​ ​និង​មិនអាច​ទំ​នា​ក់ទំនង​ធ្វើ​​​សេច​​​ក្តីអត្ថាធិប្បាយ​បានទេ​៕សុធា​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស