32 C
Phnom Penh

​វីដេអូ​បង្ហោះ​លើ​ទំព័រ​ហ្វេសប៊ុក​ផ្ទាល់ខ្លួន​រ​ប​ស់​ ប៉ូឡុ​នស្គី ​បង្ហាញ​ថា មន្ត្រី​កម្ពុជា​​ប៉ន់ប៉ងទាប្រាក់​

ដោយ ឌឹ ខេមបូឌា ដេលី

បទវិភាគ

រយៈ​ពេល​ពីរ​ថ្ងៃ​ ​មុន​ពេល​ជន​​​សង្ស័យ​ជន​ជាតិ​រុស្ស៊ីឈ្មោះ ​សេរហ្គេ​ ប៉ូឡុន​ស្គី ​(Sergei ​Polo​nsky) ​ត្រូវ​បាន​ចាប់ខ្លួន​កា​ល​ពីថ្ងៃច័ន្ទ​ ​តាម​សំណើ​របស់​អាជ្ញា​ធរ​ទីក្រុ​ង​មូស្គូ ​ជន​​​សង្ស័យ​រូបនេះ​បាន​បង្ហោះ​វី​ដេអូ​លើ​ទំព័រ​គេហទំព័រ​ហ្វេស​ប៊ុក​ផ្ទាល់ខ្លួន​​ ​ហើយ​វីដេអូ​នោះ​ហាក់​​​ដូច​​​ជា​បង្ហាញ​ថា ​ម​ន្ត្រី​ជាន់​ខ្ពស់​រដ្ឋាភិបាល​មួយ​​​រូប​ប៉ន់ប៉ង​ទារ​​ប្រាក់​មួយ​លាន​ដុល្លារ​ ពី​អតីត​សេដ្ឋីរុស្ស៊ីរូ​ប​​នេះ​ ជាថ្នូរ​នឹង​សេរីភាព​របស់​លោក​។

ជន​​​សង្ស័យ​ឈ្មោះ ប៉ូឡុនស្គី ​ដែល​ធ្លាប់​​​ស្ថិតនៅក្នុង​ចំណោម​បុរស​អ្នក​មានទ្រព្យ​សម្បត្តិច្រើន​បំផុត​នៅប្រទេស​រុស្ស៊ី ត្រូវ​បាន​តុលាការ​ទីក្រុង​មូស្គូ ចោទប្រកាន់​កំ​បាំ​ង​មុខ​ កាលពីខែ​កក្កដា ពីបទ​បន្លំលួច​ប្រាក់​ចំនួន​១៧៦​លានដុល្លារ​ ពី​វិនិយោគិន​ផ្សេ​ង​ៗទៀត​ ​នៅ​ក្នុង​គម្រោង​អភិវឌ្ឍន៍​និវេស​នដ្ឋាន​មិន​ចប់​មួយ​។

​នៅ​ក្នុង​វីដេអូរយៈ​ពេល​ប្រាំបីនាទីដែ​ល​ត្រូវ​បាន​បង្ហោះ​លើ​ទំព័រ​ហ្វេប៊ុក កាលពី​ថ្ងៃ​ទី៩ខែ​វិច្ឆិកា​ ជន​​​សង្ស័យ​ឈ្មោះ ប៉ូ​ឡុ​ន​ស្គីព្រមទាំងមេធាវី ជនជាតិរុស្ស៊ី របស់ខ្លួ​ន​ឈ្មោះ ​អេឡិច​សាន​ដឺ ការ៉ាបូណូវ​ (Alex​a​n​der Karabo-nov) ​កំពុង​ព្យាយាម​ចរចា​ជា​លើក​ចុង​ក្រោយ​មួយតាមទូរស័ព្ទ​ ដើម្បី​ចៀ​ស​ផុតពី​ការ​ចាប់​ខ្លួន​ជន​​​សង្ស័យ​ជន​ជាតិ​រុស្ស៊ី​រូបនេះ​ ពី​សំណាក់​ក្រុម​មន្ត្រី​កម្ពុ​ជា​ដែល​កាលពីពេល​ថ្មីៗ​នេះ ​បាន​កំណត់​ថា ​ត្រូវ​ចាប់​ឲ្យបាន​។

​លោក ការ៉ា​បូណូវ​ បាន​និយាយ​នៅ​ចំ​ណុច​ចាប់ផ្តើម​នៃវីដេអូ​ ដែល​ហាក់ដូចជា​ត្រូវ​បាន​ថត​តាម​កាមេរ៉ា​អ៊ីនធើណិត​ នៅ​ក្នុ​ង​លំនៅ​ដ្ឋាន​របស់​ជន​​​សង្ស័យ​ឈ្មោះ ប៉ូ​ឡុនស្គី នៅ​កោះ​ដែកគោល ​ដែល​ជា​កោ​ះ​ឯក​ជន​របស់​ខ្លួន នៅក្បែរ​កោះរ៉ុង។ ​មន្ត្រី​មួយរូប​ដែលបាន​និយាយ នៅ​ខ្សែ​​​ទូរ​​​ស័ព្ទ​ម្ខាង​ទៀត​ ​ជាភាសារុស្ស៊ី​ផងដែរ​នោះ​ បាន​និយាយ​ថា “ លក្ខខណ្ឌ​នា​នា​ត្រូវ​បាន​ពិភាក្សា​…។”

មន្ត្រីរូបនោះ​បាន​និយាយ​បន្ថែម​ទៀត​ថា “​ប្រសិន​បើ​មិនអាច​បំពេញ​លក្ខ​ខណ្ឌទាំង​នេះ​បានទេ យើង​មិ​ន​គួរ​ទំនាក់​ទំនង​​គ្នា​ទៀត​ទេ​ ​និង​ខាត​ពេល​វេលា​របស់​យើង​”។​ មន្ត្រី​ដែល​ត្រូវ​បាន​ដាក់​ឈ្មោះ​ នៅ​ក្នុ​ង​វីដេអូ​នោះ ​និង​ត្រូវ​បាន​បង្ហាញថា មាន​ឋានៈ​​ជា​ឧត្តមសេនីយ៍​ មិនអាច​ទំនាក់ទំនង​ធ្វើ​សេច​ក្តី​អត្ថាធិប្បាយ​បានទេ​ កាលពី​ម្សិ​ល​​មិញ​។ នៅ​ពេល​លោក ការ៉ា​បាណូវ ​និង​លោក​​​ឧត្តម​សេនី​យ៍រូបនោះ​​កំពុង​បន្ត​កិច្ច​ច​រចា​ជាមួយគ្នា​ ជន​​​សង្ស័យ​ឈ្មោះ ​ប៉ូឡុ​ន​ស្គី​ ​បាន​បង្ហាញខ្លួននៅ​ក្នុង​រូប​ភាព​វីដេអូ​នោ​ះ​ ដោយ​គ្រាន់​តែ​ស្លៀកកន្សែង​ពោះគោ​នៅ​នឹង​ចង្កេះ​​​របស់ខ្លួនប៉ុណ្ណោះ ​និង​ចុង​ក្រោយ​បាន​ស៊ក​សម្តីចូល។ សម្តីនោះ​មាន​ខ្លឹម​សារ​ថា “ យើង​រក​លុយ​មិន​បានទេ​នៅ​​​ពេល​ឥឡូវ​​នេះ​”។​

​លោក​ ការ៉ា​បាណូវ ​និយាយ​បន្ថែ​ម​ទៀ​​ត​ថា “ ​យើង​ត្រូវ​ការ​ពេល​វេលា​បន្ថែម​ទៀត​ ដើម្បី​រក​លុយ​ពី​ទីក្រុង​មូស្គូ។ ប្រហែ​ល​ជា​យើង​អាច​ប្រើរបៀប​ទូទាត់​ និង​លក្ខ​ខ​ណ្ឌ​ផ្សេង​ៗ​​ទៀត​បានទេ​? ​ឧទាហរណ៍​ តើ​យើង​អាច​ផ្តល់​ទ្រព្យ​ធានា​បាន​ទេ​?”។​ លោក​ឧត្តមសេនីយ៍​ក៏​បានបដិសេធ​នូ​វ​ជម្រើស​នេះ ដោយ​បាន​និយាយថា “ ​ទេ​ យើង​​​​មិនទាន់​គិត​ពិចារណា​អំពី​ជម្រើស​នេះ​ទេ​…។ ​ប្រាប់ខ្ញុំ​មក​ថា តើ​អ្នក​ត្រូវ​ការ​ពេ​ល​ប៉ុន្មាន​ មួយ​ថ្ងៃឬក៏​ពីរថ្ងៃ?”​ ក៏ប៉ុន្តែ ​ប្រា​ប់​ខ្ញុំ​ឲ្យច្បាស់ កុំលែង​សើច​ជាមួយខ្ញុំ។ ខ្ញុំ​សូ​ម​ព្រ​មាន​អ្នក​ថា ខ្ញុំ​មិន​លែង​សើច​ទេ​​។​

​ជន​​​សង្ស័យ​ឈ្មោះ ​ប៉ូឡុនស្គី ​បាន​និ​យាយ​​ ដោយ​តំឡើង​សំឡេង​ថា “​លោក​ឧ​ត្តម​សេនីយ៍​​​ចាំមើលណា ខ្ញុំ​បាន​យល់​ព្រម​រួច​ហើយ​កាល​ពីម្សិល​មិញ​ថា នឹង​ផ្តល់​ប្រា​ក់​មួយលានដុល្លារ​… ប៉ុន្តែខ្ញុំ​បាន​ប្រាប់ថា​ មិន​មាន​ជម្រើស​នេះ​ទេ ពីព្រោះ​ទ្រព្យ​ស​​ម្បត្តិ​សំខាន់​ៗ​ទាំងអស់​ត្រូវ​​​​​រឹប​​អូស​អស់​ហើ​យ​…។” ជនសង្ស័យ​រូបនេះ​បាន​និយាយ​បន្ត​ទៀត​ថា “​ខ្ញុំបាន​ប្រាប់​លោកថា ខ្ញុំ​អាច​ផ្តល់​ឲ្យ​ទាំង​អស់​ដោយ​ប្រើ​កោះ​នេះ​ ឬក៏​រថយន្ត​ រ៉ូ​ល​រ៉យ​ (Rolls-Royce) របស់ខ្ញុំ​ ក៏​ប៉ុន្តែ ​ខ្ញុំ​មិ​ន​មាន​លុយ​សុទ្ធ​ទេ​”។

ជន​​​សង្ស័យ​រូបនេះ​បាន​និយាយ​បន្ត​​នៅ​ចំណុច​បញ្ចប់​នៃ​វីដេអូថា “ខ្ញុំ​នឹង​ឲ្យ​លុ​យ​មួយ​លានដុល្លារ​។ ខ្ញុំ​រក្សា​ពាក្យ​សម្តីរប​ស់ខ្ញុំ​។ សូម​គិត​អំពី​ចំណុច​នេះ​។ ​យើង​បា​ន​ការ​ឯក​ភាព​គ្នា​មួយ និង​បាន​ចាប់​ដៃគ្នា​…។​” ជនសង្ស័យ​ជន​ជាតិ​រុស្ស៊ី​រូបនេះ​បាន​និយាយ​បន្ថែម​ទៀតថា “សូម​គិត​អំពី​ចំណុច​​នេះ​។ ខ្ញុ​ំនឹង​ហៅទូរ​ស័​ព្ទ​ទៅ​លោក​ ក្នុង​​រយៈ​ពេល​៣០នាទី​ខាង​មុ​ខ​។ អរគុណ​”។

​កាលពី​ថ្ងៃច័ន្ទ ​ជន​​​សង្ស័យ​ឈ្មោះ ប៉ូ​ឡុន​​ស្គី ​ត្រូវ​បាន​ចាប់​ខ្លួន​នៅ​លើ​កោះ​រ៉ុង​ និ​ង​ត្រូវ​បាន​បញ្ជូនទៅ​ពន្ធនាគារ​ប៉េហ្ស៊ី ក្នុ​ង​​រា​ជធានី​ភ្នំ​ពេញ​ ហើយបច្ចុប្បន្ន​ជន​​​សង្ស័យ​រូបនេះ​កំពុង​រង់ចាំ​ការ​ធ្វើ​បត្យាប័ន​​ទៅ​កាន់​ប្រទេស​រុស្ស៊ី​។​

​លោកឧត្តម​សេនីយ៍​ឯក​ ខៀវ​ សុភ័គ្រ​ អ្នកនាំពាក្យ​ក្រសួង​មហាផ្ទៃ ​និង​លោក​ឧត្ត​ម​សេនីយ៍ឯក​ គៀត ច័ន្ទថារិទ្ធ ​សុទ្ធតែ​មិន​អា​​ច​​​​ទំនាក់​ទំនង​ធ្វើ​សេចក្តីអត្ថាធិប្បាយ​បាន​ កា​ល​ពីម្សិលមិញ​។

​លោក រស់ ​ស៊ីថា ​មេធាវី​ខ្មែរ​ ការ​ពា​រ​ក្តី​ជន​​​សង្ស័យ​ឈ្មោះ ប៉ូឡុនស្គី ​បាន​បដិ​សេធ​មិនធ្វើ​សេចក្តីអត្ថាធិប្បាយ​ អំពីខ្លឹម​សា​រ​នៅ​ក្នុង​វីដេអូ​នេះ​ ដោយ​សារតែ​ព្រួ​យ​បារម្ភអំពី​ការ​ផ្តន្ទាទោស​៕ សុធា​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស