29 C
Phnom Penh

​ប្រធាន​រោងចក្រ​ អេស​អិល ​យល់​ព្រម​កោះ​ហៅ​សមាជិ​កសហជីព​១៩​នាក់​ឲ្យចូល​ធ្វើការវិញ​

ដោយ ឌឹ ខេមបូឌា ដេលី

បទវិភាគ

មួយ​សប្តាហ៍​បន្ទាប់ពី​នគរ​បាល​បាន​បា​ញ់​ទៅលើ​ក្រុម​អ្នក​តវ៉ាដែល​គប់​ដុំថ្ម​ មក​ពី​រោង​ចក្រ​កាត់ដេរ​ អេស​អិល ​(SL Gar​ment ​Factory) នោះ​ ​កាលពី​ម្សិល​មិញប្រធាន​រោងចក្រ​នេះ​ បា​ន​ឲ្យដឹង​ថា ​លោក​នឹង​អនុ​វ​ត្ត​តាម​បទ​បញ្ជា​របស់​ទីស្តីការ​គណៈ​រដ្ឋ​មន្ត្រី​ ​ដើម្បី​កោះ​ហៅ​សកម្មជន​សហជីព​១៩​នា​ក់ ដែល​ត្រូវ​បាន​រោងចក្រនេះ​បញ្ឈប់​ពី​កា​រ​ងារ​កាលពី​មុននោះ ឲ្យចូលធ្វើការ​វិញ។

សកម្ម​ភាព​ក្រុម​នគរ​បាល​បង្រ្កាប​ទៅ​លើ​ក្រុម​កម្​មក​រ​មក​ពីី​រោង​ចក្រ​អេស​អិល​កាល​ពី​ថ្ងៃ​ទី​១២​វិច្ឆិកា​នៅ​ក្នុង​ខណ្ឌមាន​ជ័យ​រាជ​ធា​នី​ភ្នំ​ពេញ​។ Lauren Crothers
សកម្ម​ភាព​ក្រុម​នគរ​បាល​បង្រ្កាប​ទៅ​លើ​ក្រុម​កម្មក​រ​មក​ពី​រោង​ចក្រ​អេស​អិល​កាល​ពី​ថ្ងៃ​ទី​១២​វិច្ឆិកា​នៅ​ក្នុង​ខណ្ឌមាន​ជ័យ​រាជ​ធា​នី​ភ្នំ​ពេញ​។ Lauren Crothers

​លោក ចូសិប លី ​(Joseph Lee)​​ ប្រ​ធា​ន​រោង​ចក្រ​ អេស​អិល ​បាន​ឲ្យដឹង​ថា​ រោងចក្រ​មិនមាន​ជម្រើសអ្វី ​ក្រៅពី​អនុវត្ត​តា​មបទ​បញ្ជា​របស់រដ្ឋាភិបាល​ ដែល​ត្រូវ​បា​ន​ផ្សព្វ​ផ្សាយ​ លើ​គេហទំព័រ​របស់​ក្រសួង​​​ការងារ​ បណ្តុះ​បណ្តាល​វិជ្ជាជីវៈ​ កាលពី​ថ្ងៃ​សុក្រ​សប្តាហ៍​មុន ​និង​ត្រូវបាន​ចុះហត្ថលេ​ខា​ដោយ​លោក ឃុន ជិនខេន ​អនុរដ្ឋ​លេ​ខា​ធិការ​ទីស្តី​ការ​គណៈរដ្ឋ​មន្ត្រី​។ ​លោក​បា​ន​មាន​ប្រសាសន៍​ ​អំពី​បទ​ប​ញ្ជានេះថា “ប្រ​សិនបើ​វា​ជា​បទ​បញ្ជា​ ពីរដ្ឋា​ភិបាល​នោះ​យើ​ងត្រូវតែ​អនុវត្ត​តាម​ វា​។ យើងត្រូវ​តែ​គោរព​តាមច្បាប់​កម្ពុជា​”។​

​លោក លី បាន​មានប្រសាសន៍​សំដៅ​ទៅ​លើ​កម្មករដែល​ជា​សមាជិក​ នៅ​ក្នុងស​ម្ព័ន្ធ​សហ​ជីព​ប្រជា​ធិបតេយ្យ​កម្មករ​កាត់ដេ​រ​កម្ពុជា​ ដែលបាន​រៀបចំ​កូដកម្ម និងការ​ត​វ៉ា​អស់រយៈ​ពេល​បីខែ​កន្លងមក​នេះថា “ប្រ​សិន បើ​ពួកគេ [មេដឹកនាំ​សហជីព​]​ ​ត្រឡប់​​មក​ធ្វើការ​វិញ ​ខ្ញុំ​នឹងចាត់​ទុក​ពួក​គេ​ជា​កម្ម​ក​រ​។ ខ្ញុំ​មិនខ្វល់​អំពី​ម្ខាង​ទៀត​ទេ​”។​

​លោក ហួន សឿ ​អនុ​ប្រធាន​នាយក​ដ្ឋាន​វិវាទ​នៃ​ក្រសួង​ការងារបណ្តុះបណ្តា​ល​វិជ្ជា​ជីវៈ​ ក៏​បាន​លើក​ឡើង​ផង​ដែរ​ថា ​ក្រុ​មហ៊ុន​នៅក្រៅប្រទេស​ដែល​ទិញ​ទំនិញ​ ពី​​​រោង​ចក្រ​ អេស​អិល ​នឹង​ជួយ​ចំណាយ​ប្រា​ក់​៥០​ភាគរយ​នៃ​ចំនួន​ប្រាក់​ឈ្នួល​ ដែល​ក​ម្មករ​បានបាត់បង់​ ដោយសារតែ​សកម្មភាព​កូដកម្ម​រយៈ​ពេល​ជាច្រើន​ខែ​របស់​ខ្លួន​ ហើ​យ​ប្រាក់ ឈ្នួល​ទាំងនេះ​ ក៏ជា​លក្ខខណ្ឌទាម​ទារមួយ​ផ្សេង​ទៀត​របស់​សហព័ន្ធសហ​ជី​ព​ប្រជាធិ​ប​តេយ្យ​កម្មករ​កាត់ដេរ​​កម្ពុជា​ ដើ​ម្បី​បញ្ចប់​សកម្មភាពតវ៉ា​របស់​ខ្លួន​។

លោក ហួន សឿ ​បាន​មានប្រសាសន៍ថា “អតិថិ​ជន​នឹង​ជួយ​បង់​ប្រាក់​៥០ភាគរយ​នៃ​ចំនួន​ទឹក​ប្រាក់ដែល​ត្រូវទូទាត់​ឲ្យកម្មករ​”។​ លោក​បាន​ឲ្យដឹង​បន្ថែម​ថា ​ក្រសួ​ង​កា​រ​ងារ​ បណ្តុះបណ្តាល​វិជ្ជា​ជីវៈ​ ​នឹង​ចាត់​វិ​ធាន​ការ​​ព្រមាន​ចំពោះ​រោងចក្រ​នេះ ប្រ​សិន​បើ​បទ​បញ្ជាឲ្យកោះហៅ​មេដឹកនាំ​ស​ហ​ជីព​ទាំង​១៩​រូបឲ្យ​ធ្វើការ​វិញ​​នេះ មិន​ត្រូ​វបាន​អនុវត្ត​ក្នុងរយៈពេល​១៥​ថ្ងៃទេ​។​

​ក្នុងចំណោម​ចំណុច​ទាម​ទារ​សំខាន់ៗ​រ​បស់​កម្មករ​ គឺ​កម្មករ​ទាមទារ​ឲ្យ​រោងចក្រ​ដ​ក​លោក​ មាស​ សុថា ​ជា​អ្នករដ្ឋ​បាល ​និង​ជា​​ស​មា​​ជិក​ភាគ​ហ៊ុននៅ​ក្នុង​រោងចក្រ​នេះ​។​កម្ម​ករ​បាន​និយាយថា ​លោក សុថា ​ត្រូវ​ទ​ទួល​ខុស​ត្រូវ ​​ចំពោះ​ការ​នាំ​បុគ្គ​លិកសន្តិសុ​ខប្រដាប់​អាវុធ​ ​នៅ​ក្នុងរយៈ​ពេល​ប៉ុន្មាន​ខែ​កន្លង​មក​ថ្មីៗ​នេះ ដើម្បី​គំរាម​កម្មករ​មិន​ឲ្យ​ចូល​រួម​ក្នុង​សកម្មភាព​របស់​សហជីព​។​ លោក​ សុថា ​បាន​លើក​ឡើង​ថា លោ​ក​មិន​​មាន​បំណង​លាលែង ​ពីការងារ​របស់​លោក​ទេ។

លោក​ ហួន សឿ បានមានប្រ​សា​សន៍​ថា “រដ្ឋ​មន្ត្រី​នឹង​ជួបពិភាក្សា​ដោយ​ផ្ទា​ល់​ជា​មួយ​ [លោក​ សុថា] និង​ដោះ​ស្រា​យ​បញ្ហា​ជា​មួយ​គាត់​”។ ក៏ប៉ុន្តែ ​លោក​មិន​បា​ន​ផ្តល់​ព័ត៌​មាន​លម្អិត​ទាក់ទងនឹង​រឿង​នេះ​ទេ​”។ ​លោក​បាន​មានប្រសាសន៍​បន្ត​ថា “ត្រូវ​តែ​មាន​ដំណោះ​ស្រាយ​ ហើយ​យើង​ត្រូវ​តែ​យល់​អំពីគ្នា​ទៅ​វិញទៅមក​ ​ហើយ​យើង​សង្ឃឹមថា ​បញ្ហា​នឹងត្រូវ​​បញ្ចប់”។​

ទោះ​ជាយ៉ាងណា​ ​លោក ​អាត់ ​ធន់ ប្រ​ធាន​​សហព័ន្ធ ​សហជីព​ប្រជាធិ​បតេយ្យ​​កម្មករ​កាត់ដេរ​កម្ពុជា មិន​បាន​សន្យាថា ក​ម្មករ​នឹង​ត្រឡប់​ចូល​ធ្វើ​ការ​វិញ​ទេ​​ ពីព្រោះលោក​មិន​­ទាន់​ទទួល​បាន​សេចក្តីធានា​ជា​ផ្លូ​វ​ការថា ​ក្រុម​ហ៊ុន​កាត់​ដេរ​សម្លៀកបំពាក់​នេះ​នឹង​ផ្តល់​ប្រាក់​ឈ្នួល​ដល់​សមាជិក​របស់​លោក​វិញ​នៅ​ឡើយ​ទេ​។​ ​លោក​បាន​មានប្រសាសន៍ថា “យើង​មិន​ដឹង​នៅឡើយ​ទេ​ថា តើ​អតិថិជន​ណាខ្លះ​នឹង​បង់​ប្រាក់ឈ្នួលដល់​កម្មករ​។ ​កម្មករ​នឹ​ង​ត្រឡប់ ចូល​ធ្វើការជា​ធម្មតា​វិញ នៅពេ​ល​​ពួកគេ​ទទួល បាន​ប្រាក់​ទូទាត់​របស់​ខ្លួន​៥​០​ភា​គ​រ​យ​​”។​

​លោក ដេវ ​វ៉េល ​(Dave ​Welsh) ​ប្រ​ធាន​មជ្ឈមណ្ឌល​សាមគ្គីភាព​ ដែល​ជា​អង្គ​ការ​តស៊ូមតិ​ផ្នែក​ការងារ​ មាន​មូលដ្ឋាន​នៅ​សហ​រដ្ឋ​អាមេរិក ​និង​ជា​អ្នក​មានវត្ត​មាន​នៅ​ក្នុង​កិច្ច​ចរចា​រវាង​គណៈ​គ្រប់​គ្រង​រោង​ចក្រ​ អេស​អិល ​និង​មេដឹកនាំ​សម្ព័ន្ធ​សហ​ជី​ព​ប្រជាធិប​តេយ្យ​កម្មករ​កាត់ដេរ​កម្ពុជា​ កា​ល​ពីសប្តាហ៍​មុនបាន​លើកឡើងថា លោក​នៅ​តែ​មាន​សុទិដ្ឋិ និយម​ថា ​រោងចក្រ​ អេ​ស​អិល ​មាន​ឆន្ទៈ​អនុ​វត្ត​តាម​បទ​បញ្ជា​រប​ស់​​រដ្ឋាភិបាល​ ដើម្បីកោះ​ហៅ​មេដឹកនាំ​ស​ហជីព​ដែលត្រូវបាន​បញ្ឈប់ ពីការងារ​នោះ​​ឲ្យត្រឡប់​ចូលធ្វើការវិញ​។

​លោក​បានមានប្រសាសន៍ថា “ដោយ​​ផ្តល់​នូវចំនួន​ទឹកប្រាក់​ដែល​កម្មករ​បាន​បា​ត់​បង់​ [ដោយសារតែ​កូដកម្ម​ ] [គណៈគ្រប់គ្រ​ង​រោងចក្រ​អេសអិល​] បាន​ធ្វើ​ឲ្យ​មាន​ចំ​ណា​ប់​អារម្មណ៍​ [អំឡុង​ពេល​ចរចា​]​ថា ខ្លួន​​ចង់​ឲ្យ​ក្រុម​ហ៊ុន​ដំណើរ​ការ​ទៅមុខ​ មិន​មែ​ន​ត្រឹម​តែ​កោះ​ហៅ​ [មេដឹកនាំ​សហជីព] ទាំ​ង១៩​នាក់​ឲ្យចូល​ធ្វើ​ការ​វិញ​ប៉ុណ្ណោះទេ​”។​ លោក​បាន​ឲ្យ​ដឹង​បន្ថែម​ទៀតថា ​ប្រាក់​ស​ំ​ណង​សម្រាប់​កម្មករ​ដែលធ្វើ​កូដកម្មនៅ​តែ​ជា “ចំណុច​សំខាន់​នៃកិច្ចព្រម​ព្រៀង​”៕សុធា​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស