តាមសេចក្តីរាយការណ៍របស់នគរបាលបានឲ្យដឹងកាលពីម្សិលមិញថា ទាហានយោធពលខេមរភូមិន្ទម្នាក់ដែលល្បាតនៅតំបន់ប្រាសាទព្រះវិហារ បានបាញ់សម្លាប់ទាហានម្នាក់ទៀត អំឡុងការឈ្លោះប្រកែកគ្នាមួយដោយសារស្រវឹងស្រា កាលពីយប់ថ្ងៃអាទិត្យ ហើយក្រោយមកបានយកកាំភ្លើងបាញ់ខ្លួនឯង។
លោក សៃ ស៊ីម អធិការរងនគរបាលស្រុកជាំក្សាន្ត បានមានប្រសាសន៍ថា នគរបាលត្រូវបានជូនដំណឹងអំពីការស្លាប់របស់ទាហានទាំងនេះកាលពីព្រឹកថ្ងៃច័ន្ទ ក៏ប៉ុន្តែមិនត្រូវបានមន្ត្រីយោធាអនុញ្ញាតឲ្យធ្វើការស៊ើបអង្កេតឡើយ។
យោងតាមលោក សៃ ស៊ីម បានឲ្យដឹងថា លោកឧត្តមសេនីយ៍ទោ យ៉ក វ៉ាន់លុច មេបញ្ជាការរងនៃកងពលអន្តរាគមន៍លេខ៣ នៃកងយោធពលខេមរភូមិន្ទបានបញ្ជារូបលោកមិនឲ្យធ្វើកំណត់ហេតុអំពីករណីស្លាប់ នេះឡើយ។
លោក សៃ ស៊ីម បានឲ្យដឹងថា គេប្រាប់លោកថា លោកឧត្តមសេនីយ៍ទោ វ៉ាន់លុច មិនអាចទាក់ទងសុំអត្ថាធិប្បាយបានទេ ប៉ុន្តែ លោកឧត្តមសេនីយ៍ឯក ស្រី ឌឹក មេបញ្ជាការកងពលលេខ៣ ដែលឈរជើងនៅព្រះវិហារបានមានប្រសាសន៍ថា “គ្មានទាហានណាបាញ់គ្នាស្លាប់នោះទេ” មុនពេលលោកដាក់ទូរស័ព្ទចុះមិននិយាយជាមួយអ្នកយកព័ត៌មាន៕ ប៊ុននី