30 C
Phnom Penh

​ក្រសួងសេដ្ឋកិច្ច​ និង​ហិរញ្ញវត្ថុ​ការ​ពារ​ចំ​ណុច​ផ្លាស់ប្តូរ​នៅ​ក្នុង​សេចក្តីព្រាង​ច្បាប់ស្តី​ពី​​ថវិកា​

ដោយ ឌឹ ខេមបូឌា ដេលី

បទវិភាគ

កាល​ពីម្សិលមិញ​ ក្រសួង​សេដ្ឋកិច្ច​ ​និ​ង​ហិរញ្ញវត្ថុ​​ ​បាន​ការ​ពារ​ខ្លួន​ពីសេចក្តីរាយ​ការណ៍​​កាលពីពេលថ្មីៗ​នេះ ដែល​ថា ប្រ​ហែល​​៤៥​ភាគ​រ​យនៃ​ថវិកា​ក្នុង​សេចក្តីព្រា​ងច្បាប់​ថ​វិកា​ចំ​នួន​ ៣,៤​ពាន់​លានដុល្លារ​ របស់​រដ្ឋាភិបាល​ស​ម្រា​ប់​ឆ្នាំ​២០​១៤​ នៅ​តែ​មិន​ត្រូវបាន​បែង​ចែក​។

ក្រសួង​នេះ​បា​ន​ការពារ​ខ្លួន​បែបនេះ ដោយ​ចេញ​សេចក្តី​ថ្លែងការ​ណ៍​មួយ ដែល​មាន​សេចក្តីពន្យល់​ថា ​ថវិកា​ទាំង​នេះនឹង​ត្រូវ​បា​ន​ប្រើ​ប្រាក់ជា​ប្រាក់កម្ចី ក្នុង​កម្មវិធីឧត្ថ​ម្ភ​ធន ​និង​ខ្ទង់ចំណា​យ​សំខាន់ៗ​ផ្សេង​ៗ​ទៀត​។​ ទោះជា​យ៉ាងណា​ សេចក្តីពន្យល់​រប​ស់​ក្រសួង​​សេដ្ឋកិច្ច និង​ហិរញ្ញវត្ថុ​ ​នៅតែ​​នាំ​ឲ្យ​មាន​​ ការ​ងឿង​ឆ្ងល់​ដដែល​។ សេចក្តីព្រាង​ថវិកា​ ដែល​មាន​ច្រើន ​ជាង​ថវិកា​ឆ្នាំ​នេះ​ប្រហែល​ ៤០០លានដុល្លារ​នោះ​ ត្រូវ​បាន​អនុម័ត​កាលពីសប្តាហ៍​មុន​​ដោយរ​ដ្ឋ​សភា​ ដែល​​មាន​តែ​គណបក្ស​ប្រជាជន​ក​ម្ពុ​ជា​ និង​គ្រោង​នឹង​ត្រូវ​បញ្ជូន​ទៅ​ព្រឹទ្ធស​ភា​ក្នុង​ថ្ងៃ​នេះ​។

ក្រសួង​សេដ្ឋកិច្ច ​និងហិរញ្ញវត្ថុ ​បាន​លើក​ឡើងក្នុងសេចក្តីថ្លែងការ​ណ៍​នេះ​ថា“ ប្រព័ន្ធ​ ផ្សព្វផ្សាយ​មួយ​ចំនួន​បានរាយ​កា​រណ៍​បំផ្លើស​ព័ត៌មាន​ទាក់ទងនឹង​សេចក្តី​ព្រាង​ច្បាប់​ស្តីពី​ការ​គ្រប់គ្រង​ហិរញ្ញវត្ថុ​ឆ្នាំ​២០១៤ជាពិសេស​​ថវិកាមិន​បែង​ចែ​ក ឬ​ក៏​ចំណាយ​ផ្សេង​ៗ​របស់ រដ្ឋាភិបាល​”។​ យោង​តាម​សេចក្តី​ថ្លែងការណ៍នេះបា​ន​ឲ្យដឹងថា ​មួយចំនួន​ក្នុងចំណោម​ថវិកា​មិ​ន​បែង​​ចែក​១,៥៣​ពាន់​លាន​ដុល្លារ​ ឬ​ប្រ​ហែល​ ៥៨​លានដុល្លារ​ នឹង​ត្រូវបាន​ប្រើ​ប្រាស់​សម្រាប់​ សង​ការ​ប្រាក់ លើ​ប្រាក់កម្ចី​ដែល​ប្រទេស​កម្ពុជា​ជំពាក់​បរទេស​កាន់​តែ​ច្រើន​។

ក្រសួង​សេដ្ឋកិច្ច និង​ហិរញ្ញវត្ថុ​បា​ន​ឲ្យដឹង​បន្ថែម​ទៀត​ ថា ​ថវិកា​១,៥៣​ពាន់​លានដុល្លារ​ ក៏​បូកបញ្ចូល​ថវិកា​៨២​លានដុ​ល្លារ​​សម្រាប់​ទូទាត់សង​ប្រាក់ ដើម​ ដែល​ប្រ​ទេស​នេះ​បានខ្ចី​ពីបរទេស​ ៦២,៥​ លាន​ដុល្លារ​សម្រាប់​ក្រសួង​សាធារណការ​ និង​​ដឹក​ជញ្ជូន​ ៤៨,១​លានដុល្លារ​សម្រាប់​កម្ម​វិ​ធី​ឧបត្ថមធន​ផ្នែក​ថាមពល​អគ្គិសនី និង​១​៥​លានដុល្លារ​ សម្រាប់​បេសកកម្មការទូត​រ​បស់​ប្រទេស​កម្ពុជា​ផងដែរ​។​

ក៏ប៉ុន្តែ សេចក្តីថ្លែងការណ៍​នេះ​ មិន​បា​ន​បញ្ជាក់ច្បាស់​ថា តើ​ភាគច្រើន​នៃ​ថវិកា​១ ,៥៣​​ ពាន់​លាន​ដុល្លារ​ នឹង​ត្រូវបាន​ចាយ​វា​យ​ដោយ​​របៀ​បណា​ទេ​។ ឧទាហរ​ណ៍​ ថវិ​កា​៨៦៥​លាន​ ដុល្លារ​ត្រូវ​បានបែង​ចែក​ស​ម្រាប់​ “ ក្រសួង​​​ និង​ស្ថាប័ន​” ដែល​មិនត្រូវ​បា​ន​បញ្ជាក់​ច្បាស់​ ​ហើយ​ថវិកា​៣៧,៥​លា​នដុល្លារ​ផ្សេង​ទៀត​ ត្រូវ​បាន​លៃលក​ស​ម្រាប់​គម្រោង​ឧបត្ថម្ភ​ដោយ​ម្ចាស់​ជំនួយ​ ប៉ុ​ន្តែ​ គម្រោង​ទាំង​នោះ​មិនត្រូវ​បាន​បញ្ចេ​ញ​ឈ្មោះទេ​។

ក្រសួង​សេដ្ឋកិច្ច​ និង​ហិរញ្ញវត្ថុ​ក៏​បាន​លើក​​ឡើង​ផងដែរ​ថា ​​តួលេខ​ថវិកា​ពិត​ ដែ​ល​មិន​ត្រូវ​បានបែង​ចែក​នោះ​ មាន​តែ​ប្រ​ហែល​ជា​១២៩​លានដុល្លារ​ប៉ុណ្ណោះ ​ហើ​យ​ភាគ​ច្រើន​នៃ​ថវិកា​ទាំង​នេះ​ ពោល​គឺ​ថវិ​កា​១០៤​លាន​ដុល្លារ​នឹង​ត្រូវបាន​ប្រើ​ប្រា​ស់​សម្រាប់​គម្រោង​​ហេដ្ឋារចនា​សម្ព័ន្ធ​ជា​ច្រើន​ទៀត​។ក្រសួង​នេះ​បាន​បន្ថែម​ថា​ “ ​ថវិកា​២៤,៧​លាន​ដុល្លារ ​នឹង​ទទួល​បាន​ពី​ប្រាក់កម្ចី សម្រាប់​ចំណាយ​ចរន្ត​ក្នុង​ករណី​មាន​តម្រូវ​ការ​បន្ទាន់​ និង​តម្រូវ​ការ​ភ្លាមៗ​ផ្សេង​ៗ​ទៀត​ ដូចជា តម្រូវការ​ក្នុង​ទុក្ខ លំ​បា​ក​ផ្នែកមនុស្ស ធម្ម​ជាតិ ​និង​សង្គម​ ក៏ដូច​ជា​តម្រូវ​ការ​ផ្នែក​អធិបតេយ្យភាព​ជាតិ​​និ​ង​សន្តិសុខ​ជាតិ​ជាដើម​”។

សេចក្តីព្រាងថវិកា​សរុប​៣,៤​ពាន់​លា​ន​ដុល្លារ​សម្រាប់ឆ្នាំ២០១៤​បូករួម​ទាំង​ថវិ​កា​៤៨៩​លានដុល្លារ ​សម្រាប់​ក្រសួង​កា​រ​​​ពារ​ជាតិ ​និង​ក្រសួង​មហាផ្ទៃ ជាហេតុ​ប​ណ្តា​ល​ឲ្យ​ថវិកា​ស​ម្រា​ប់ក្រសួង​ទាំង​ពីរ​កើន​ឡើង​១៧​ភាគរយ​ បើ​ធៀបនឹង​ថវិកា​ឆ្នាំ​នេះ។ ​សេចក្តី​ព្រាង​​ថវិកា​នេះ​ក៏​មានខ្លឹម​សា​រ​អំពាវ​ឲ្យ​មាន​ការ​ខ្ចី​ប្រាក់​៩២០​លាន​ដុ​ល្លារ​បន្ថែម​ទៀត​ពី​បរទេស​នាឆ្នាំ​ក្រោយ​ផង​ដែរ​។

អង្គការ​ក្រៅរ​ដ្ឋាភិបាល ​និង​គណប​ក្ស​ប្រឆាំង​តែង​តែ​រិះគន់​ថវិកា​ជាតិ ដោ​យ​សារ​រដ្ឋាភិបាល​​បែង​ចែង​ថវិកា​ទាំង​​នេះ​ស​ម្រាប់​វិស័យសន្តិសុខ និង​ការពារ​ជាតិ​ច្រើ​ន​ពេក​ ជាជាង​ចំណាយ​ទៅលើ​វិស័យ​សង្គ​ម​ ដូចជា ​វិស័យសុខាភិបាល ​និង​វិស័យ​អ​ប់​រំ​ជាដើម​ ​និង​ពឹង​ផ្អែក​ខ្លាំងពេក​ទៅលើ​ក​ម្ចីបរទេស​ដែលមានការ​ប្រាក់ខ្ពស់​ ជាជាង​​ការ​ប្រមូល​ពន្ធបន្ថែម ​និង​លុប​បំបាត់​អំពើ​ពុករលួយ​។​

លោក យ៉ែម ប៉ុញ្ញា​រិទ្ធ ​អ្នក​នាំពាក្យ​គ​ណ​បក្ស​ប្រឆាំង​ បាន​លើក​ឡើងថា ​ថវិ​កា​នេះ​មិន​ គួរ​បូក​បញ្ចូល​ទាំង​ចំណាយ​មិន​បែ​ងចែក​ទេ​ ​ហើយ​ការ​បែង​ចែកខ្ទង់ចំណា​យ​របស់​ក្រសួង​​សេដ្ឋកិច្ច និងហិរញ្ញវត្ថុ​នៅ​តែ​មិន​ច្បាស់លាស់​​។ ​លោក​បានមានប្រសាសន៍ថា “យើ​ង​មិន​យល់ច្បាស់​ថា តើ​ពួកគេ​និយាយ​អំពី​អ្វី​ទេ​ ទាក់​ទងនឹងថវិកា​មិន​បែងចែក​ទាំង​នេះ​។ ​យើង​មិនយល់​ថា មូលហេតុ​អ្វី​បាន​ជា​មាន​ថវិកា​មិន​បែង​ចែក​ទេ ពីព្រោះ​ខ្ទង់ចំ​ណាយ​ទាំងអស់​ត្រូវ​តែ​មានតម្លាភាព ​និង​គ​ណនេយ្យភាព​។ ពួកគេ​គួរតែ​បញ្ជាក់​ឲ្យ​ច្បា​ស់​លាស់​ពីខ្ទង់​ចំណាយ​​របស់ពួកគេ​”។​​

​លោក ជាម យៀប ​ដែលជា​ប្រធាន​​គ​ណៈ​​កម្មាធិការ​សេដ្ឋកិច្ច ​ហិរញ្ញវត្ថុ ​ធនាគារ​ និង​សវនកម្ម​នៃ​រដ្ឋ​សភា​ ក៏ដូចជា​មន្ត្រី​នៅ​ក្រសួង​សេដ្ឋកិច្ច និង​ហិរញ្ញវត្ថុ​មិន​អាច​ទំ​នាក់​ទំនង​ធ្វើ​សេចក្តីអត្ថាធិប្បាយ​បានទេ​។​ ​គណបក្ស​ប្រជាជន​កម្ពុជា​ បាន​អនុម័​ត​ ថវិកា​នៅក្នុងរដ្ឋសភា​ កាលពី​សប្តាហ៍​មុន ដោយ​​មិនមាន​គណបក្ស​ប្រឆាំង​ ដោយ​សា​រតែ​គណ​​បក្ស​​សង្គ្រោះ​ជាតិនៅ​តែ​មិនព្រម​ទទួល​​យក​អាសនៈ​របស់ខ្លួន​ ដើ​ម្បី​តវ៉ា​ការ​បោះឆ្នោត​កាលពីខែ​កក្កដា និង​បាន​ចោទ​ប្រកាន់​គណ​បក្ស​​ប្រជាជន​កម្ពុជា​​ថា ​ទទួល​ជ័យ​ជម្នះ​ដោយ​​ការ​លួច​បន្លំ​។

តំណាង​រាស្ត្រ​១១​រូ​ប​របស់គណបក្ស​សង្គ្រោះ​ជាតិ​នៅ​ព្រឹទ្ធសភា​ដែ​ល​មាន​៦១​អាស​នៈ​ បាន​លើក​ឡើង​ក្នុង​សេចក្តីថ្លែង​កា​រ​ណ៍​មួយ​ផ្សេង​​ទៀតចេញ​ផ្សាយ​កាលពីម្សិ​លមិញ​ថា ​ខ្លួន​នឹង​ធ្វើ​ពហិកា​ការ​បោះឆ្នោត​ដែល​គ្រោង​​​នឹង​រៀបចំ​ក្នុងថ្ងៃនេះផងដែរ​​។​សមាជិក​ព្រឹទ្ធ សភា​៥០​រូប​របស់គណប​ក្ស​​ប្រជាជន​កម្ពុជា​ត្រូវ​បានរំពឹងថា នឹង​អ​នុម័ត​ថវិកា​នេះឲ្យ​បាន​លឿន​៕ សុធា​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស