28 C
Phnom Penh

អង្គការ​មូលនិធិ​ពិភព​លោក​៖ ​ក្រុម​ហ៊ុន​ត្រូ​វបាន​ព្យួរ​កិច្ចសន្យា​ នឹង​មិន​បង្ក​ហានិភ័យ​ដ​ល់​​ការផ្គត់ផ្គង់​មុងទេ​

ដោយ ឌឹ ខេមបូឌា ដេលី

បទវិភាគ

កាលពី​ម្សិលមិញ ​​អង្គការ​មូលនិធិ​ពិភ​ព​លោក ​ដើម្បីប្រ​យុទ្ធប្រឆាំង​ជំងឺ​អេដស៍​រ​បេង ​និង​ជំងឺគ្រុ​ន​ចាញ់​ (Glo​bal Fu​nd to​Fight ​AIDS, Tuber​c​ul​osis and Malaria) ​បា​នច្រានចោល​សេចក្តីរាយ​ការណ៍​​ ដែលថា​  ការ​ព្យួរ​កិច្ច​សន្យា​ ទាំង​អស់រវាង​ខ្លួន និង​ក្រុ​មហ៊ុន​ផ្គត់ផ្គង់​មុង​ធំៗ​ពីរ​​ ​ដែល​ត្រូវបានរក​ឃើញថា ​បានសូកប៉ាន់​មន្ត្រីកម្ពុជានោះ ​នឹ​ង​បណ្តាល​ឲ្យ​មានការ​ខ្វះ​ខាត​ការផ្គត់ផ្គង់ឧ​​បករណ៍​ការពារ​គ្រុនចាញ់​ដ៏​ខ្លាំងក្លា​ នៅទូទាំ​ង​ពិភព​លោក​ ក៏ប៉ុន្តែ អង្គការ​នេះ​ បាន​លើ​ក​ឡើងថា បញ្ហានេះ​អាច​នាំ​ឲ្យ​មាន​បញ្ហា​ប្រ​ឈម​ផ្នែក​ភ័ស្តុភា​រក្នុងការ​ផ្តល់​មុង​។

​អង្គការមូលនិធិពិភព​លោក​បាន​ព្យួរ​កិច្ច​សន្យា​ទាំងអស់​​នៅទូទាំង​ពិ​ភព​លោក ដែ​ល​ខ្លួន​ បាន​ចុះ​ជាមួ​យ​​​ក្រុម​ហ៊ុន​ផ្គត់ផ្គង់​ទាំ​ង​នោះពោល គឺក្រុម​ហ៊ុនស្វីសឈ្មោះ ​Vestergaard ​Frandsen​ និង​ក្រុម​ហ៊ុន​ Sumitomo Chemical Singapore​ បន្ទាប់​ពី​មានការ​សើុប​អង្កេត​រយៈ​ពេល​ពីរឆ្នាំ​កន្លះ​ក្នុង​ករ​ណី​ប្រាក់​​សូកប៉ាន់​ ដែលក្រុម​ហ៊ុន ទាំងនេះ​បាន​ផ្តល់​ឲ្យ​មន្ត្រីសុខា​ភ​ិ​បាល​កម្ពុជា​ ដើម្បី​ទទួល​បានកិច្ចសន្យា ដែល​ឧបត្ថម្ភ ដោយ​​អ​ង្គការ​មូលនិធិពិភព​លោក​ទាំងនេះ​។​

​បូកបញ្ចូល​គ្នា ​ក្រុម​ហ៊ុនទាំងពីរនេះ​បា​ន​ផ្គត់ផ្គង់​ប្រហែល​ពាក់​កណ្តាល ​នៃ​ចំនួន​មុ​ង​សរុប​ ដែល​អង្គការ​មូលនិធិពិភព​លោក​បាន​ទិញ​ទូទាំងពិភព​លោក កាលពីឆ្នាំ​មុន​។​ សារព័ត៌ មា​ន ឌឹ ញូវយ៉ក ថែមស៍ ​(The New ​York ​Times​)​​ ​បានរាយការណ៍​កាល​ពី​ថ្ងៃពុធ​ថា ​ការព្យួរ​កិច្ច សន្យា​ទាំងនេះ​បាន​ប​ណ្តាល​ឲ្យ​មានការ​ព្រួយ​បារម្ភ​ខ្លាច​មាន​ការ​​​ខ្វះការផ្គត់ផ្គង់​មុង​២០០​លាន​មុង​ ដែល​នឹ​ង​​មាន​តម្រូវការ​នៅ​ទូទាំង​ពិភព​លោក​ស​ម្រាប់​ការពារ​មនុស្សពីជំងឺគ្រុន​ចាញ់​ក្នុង​ឆ្នាំ​២០១៤​។​ ​សារព័ត៌មាន​ ឌឹ ញូវ​យ៉ក ថែ​មស៍ ​​បាន​រាយ​ការណ៍​ថា ក្រុម​ហ៊ុនVester​g​a​ard និង​ក្រុម​ហ៊ុន Sumi​tomo​ គឺជា​ក្រុម​ហ៊ុ​ន​ផលិត​មុ​ង​​ធំបំផុត​ពីរ​លើ​ពិភព​លោក​។​

លោក សេត ​ហ្វេសិន (Seth ​Faison​)​ ​នាយក​ផ្នែក​ទំនាក់​ទំនង​អង្គការ​មូលនិធិ​ពិភ​ព​លោក បាន​លើកឡើង​ថា ​បញ្ហា​ខ្វះខាត​នឹ​ង​ត្រូវបាន​បញ្ចៀស​។ ​លោក​បានមានប្រ​សាសន៍ ថា “ការ​ព្យួរកិច្ចសន្យាទូទាំងពិភព​លោក​ ដែល​បាន​ធ្វើឡើងជាមួយ​ក្រុម​ហ៊ុន​ផ្គត់ផ្គង់​មុង​ទាំងពីរនេះ​ នឹង​មិន​បង្អាក់​ដំ​ណើ​ររបស់​យើង និង​ដៃគូ​របស់យើង​​ក្នុ​ង​ការទិញ​ និង​ផ្តល់​មុង​ក្នុងចំនួនជាច្រើន​ ដែ​ល​ត្រូវ​ការជា​ចាំ​បាច់​ក្នុងឆ្នាំ២០១៤​ទេ​”​។​

លោក​មានប្រសាសន៍​បន្ថែម​ថា​ “យើង​​ កំពុង​សហការ​ជាមួយ​ក្រុម​ហ៊ុន​ផ្គត់ផ្គ​ង់​ជា​ច្រើន​ ដើម្បីឆ្លើយត​ប​ទៅនឹង​តម្រូវ​កា​​រ​នេះ​។ក្នុង​ពេល​ដែល​បញ្ហា​នេះ​បង្ក​ឲ្យ​មា​ន​បញ្ហា​ប្រឈម ​ផ្នែកភ័ស្តុភា​រ  ​ក្រុម​ការងារ​ផ្នែក​លទ្ធកម្ម​របស់​យើង​មាន​ទំនុកចិត្តយ៉ា​ង​ពេញ​លេញ​ថា ​យើង​​អាច​ឆ្លើយតប​ទៅ​នឹ​ង​តម្រូវការ​នេះ​បាន​ និង​អាច​ចៀស​ផុត​ពី​ប​ញ្ហា​ខ្វះខាត​ ​ឬក៏​បញ្ហា​អស់​ស្តុក​ ក្នុងឆ្នាំ២​០១៤​បាន​” ។​ ​លោក​ ហ្វេសិន បានលើក​ឡើង​​ទៀតថា​ លោក​មិន​រំពឹងថា ​នឹង​​មាន​ផល​ប៉ះ​ពាល់​អ​វិ​ជ្ជមាន​​ទៅលើ​ផ្នែក​ផ្គត់​ផ្គង់​មុង ក្នុង​ប្រទេ​ស​កម្ពុជា​ទេ​។

​យោង​តាម​របាយ​ការណ៍​របស់​អង្គកា​រ​មូលនិធិ​ពិភព​លោក​ ​ក្រុម​ហ៊ុន ស៊ូមីតូម៉ូ បា​ន​ផ្គត់ផ្គង់​មុង​ជាង​២,៤​លាន​មុខ​ដល់​ប្រ​ទេស​កម្ពុជា​ តាមរយៈ​កិច្ចសន្យា​ដែល​ត្រូវ​បាន​សម្រប​​សម្រួល​ដោយ​មជ្ឈមណ្ដល​ជា​​តិ​ប្រយុទ្ធនឹង​ជំងឺ​គ្រុន​ចាញ់​ប៉ារ៉ាស៊ីត​សា​ស្ត្រ ​និង​បាណក​សាស្ត្រ (CNM)​ ចន្លោះពីឆ្នាំ​២​០​០៦ដល់​ឆ្នាំ​២០១១​។ចំណែក​ក្រុម​ហ៊ុន​ Vestergaard Frandsen ​បាន​ផ្គត់ផ្គង់​មុង​១,​៨​លាន​​ផ្សេង​ទៀត​ ដល់​មជ្ឈមណ្ឌល​នេះ។

តាម​លទ្ធផល​នៃ​ការ​ស៊ើបអង្កេត​នៅ​ក្នុង​ប្រទេស​កម្ពុជា ​អង្គការ​មូលនិធិ​ពិភព​លោ​ក​បាន​ ដាក់​ការិយាល័យ​អង្គការ​សេវាកម្ម​គ​ម្រោង​​ នៃ​អង្គការ​សហប្រ​ជាជាតិ (U.N. ​Office f​o​r Project ​Services​) ទទួល​បន្ទុក​កា​រ​ងារ​ទ​ទួ​ល​ និងការ​ងារ​ចែក​ចាយ​ជំនួ​យ​ទាំងអស់​រ​បស់​ខ្លួន​ដល់ប្រទេស​កម្ពុជា​កា​ល​ពីដើម​ឆ្នាំ​នេះ​។

​លោក ចាអាប វ៉ាន ហៀ​ដេន (Ja​a​pvan ​Hierden​)  នាយក​អង្គការ​សេវា​កម្ម​គម្រោង​នេះ​ ប្រចាំ​ប្រទេស​កម្ពុ​ជា​​​បាន​ឲ្យដឹងថា ​មុង​ទាំងអស់​នៅក្នុង​ប្រ​ទេ​ស​កម្ពុជា​​​ ដែល​ត្រូវ​អង្គការ​មូល​និធិ​ពិភ​ពលោក​ជាអ្នកចំណាយ​នោះ បច្ចុប្បន្ន ត្រូវ​បាន​ទិញ​តាមរយៈ​ដំណើរការលទ្ធកម្ម​បូក​​សរុប​​​ទាំ​ង​​​សកល​​លោក ​​ក៏​​ប៉ុន្តែ​ លោក​​មិ​ន​ច្បាស់​​ថា ដំ​ណើរ​​កា​រ​​នេះ​​ដំ​ណើរ​​កា​រ​​ទៅ ​ដោ​យ​​របៀប​ណា​​​ទេ។

ខណ​ៈ​ដែល​​ក្រុ​ម​ហ៊ុន​ Vestergaard និ​ង​ក្រុ​ម​ហ៊ុន​ Sumitomo ត្រូ​វ​បាន​​គេ​រាយ​ការណ៍​ថា ​កំពុង​តែ​​បំ​​ពេញ​កិច្ច​សន្យា​បច្ចុប្បន្ន​​នៅ​ទូ​​ទាំ​ង​​សាកល​លោក​ ​លោក​ ចាអាប ​វ៉ាន ហៀ​ដេន បា​ន​ឲ្យ​ដឹង​ថា កាតព្វ​កិច្ច​​​​​របស់​​ក្រុ​មហ៊ុ​ន​ទាំ​ង​នោះ​ក្នុ​ង​ប្រទេ​ស​​​កម្ពុជា​​ទំ​នង​ជា​ចប់​មែ​ន​ទែន​​​ហើយ​។លោក​​​បា​ន​មា​ន​​​ប្រ​សាស​ន៍​ថា “ ខ្ញុំ​ច្បាស់​​ណា​ស់​​​ថា លែងមា​ន​​​មុង​ម​ក​ពី​​ក្រុម​​​ហ៊ុ​ន​ផ្គត់​ផ្គង់ទាំង​​ពីរ​នេះទៀត​​​ហើយ​”។

លោក ចាអាប វ៉ាន ហៀ​ដេន ​​បា​ន​ឲ្យ​ដឹង​ទៀត​ថា  ក៏​មិ​ន​មា​ន​​លិ​​ខិត​បញ្ជា​​ទិញ​​មិន​ទាន់​​​ឆ្លើ​យ​ តប​​ក្នុ​ង​ប្រទេ​ស​​កម្ពុជា​ តា​ម​​​រយៈ​​​អ​ង្គ​ការ​​ មូ​ល​​និ​ធិ​​ពិ​​ភ​ព​លោ​ក​ដែរ​ នា​​ពេល​ឥឡូ​វ​នេះ​ ក៏​ប៉ុន្តែ​​លោក​បា​ន​​បន្ថែ​ម​ថា ​​អង្គកា​រ​​​សេវា​កម្ម​គម្រោង​ នឹង​​​​ដាក់​​ពា​ក្យ​ស្នើ​សុំ​មូ​ល​​និធិ​សម្រាប់​​ ទិ​ញ​​មុង​​បន្ថែម​​ទៀត​​នៅ​​ចុង​ឆ្នាំ​ក្រោយ​ ដើម្បី​​​ចែ​ក​​ចាយ​នៅ​ដើម​ឆ្នាំ​២០១៥។ លោក​​បា​ន​មា​ន​​ប្រ​សាស​ន៍​ថា “យើង​តែង​តែ​​​គិត​កន្លះ​ឆ្នាំ​មុនពេល​​វេ​លា​​ម​ក​ដល់”។

លោក​​បា​ន​លើក​ឡើង​​បន្ត​ថា​ លោក​មិន​ដឹង​ថា តើ​​កា​រ​ផ្លាស់​​ប្តូ​រ​​ក្រុ​ម​​ហ៊ុ​ន​ផ្គត់​ផ្គង់​​​ទាំ​ង​នេះ​​​អា​ច​​បណ្តាល​ឲ្យ​មា​ន​កា​រ​ខ្វះ​​​មុង​​នៅ​ក្នុ​ង​ប្រទេស​កម្ពុ​ជា​​ មុន​ពេលកា​រ​​​ចែ​ក​​ចាយ​បន្ទាប់​​​ចាប់​ផ្តើម​ក្នុង​ឆ្នាំ​​២០១៥។ លោក​បា​ន​​បង្វែរ​សំ​​ណួ​រ​​ពី​​​​តម្រូ​វ​ការ​​​និ​ង​កា​រ​ផ្គត់​ផ្គង់​មុង​​​នា​​​ពេល​ឆាប់ៗ​នេះ​​​ទៅមន្ត្រី​​នៅ​មជ្ឈ​​មណ្ឌ​ល​​ប្រ​យុទ្ធ​នឹ​ង​ជំ​ងឺ​​គ្រុ​ន​ចាញ់​ ប៉ារ៉ា​ស៊ី​ត​សាស្ត្រ និ​ង​បា​ណក​សាស្ត្រ ក៏​ប៉ុន្តែ​មន្ត្រី​​​ទាំ​ង​នោះ​​មិន​អា​ច​​ទំ​នាក់​​​ទំ​នង​​ធ្វើ​សេចក្តី​​អ​ត្ថា​​​ធិ​ប្បាយ​​​បា​ន​​ទេ​។ យោ​ង​​តា​ម​​​​រ​បា​យ​កា​រ​​ណ៍​​អង្គ​កា​រ​មូ​ល​និធិ​​ពិភ​ព​​លោក​​បា​ន​ឲ្យ​ដឹង​ទៀត​ថា ក្រុ​ម​​ហ៊ុន​ Sumitomo ក៏​​បា​ន​​​ផ្តល់​ប្រាក់​​​​១.៩៩០ដុល្លារដល់​​​បុគ្គលិក​​​អ​ង្គកា​រ​​​សុខ​​ភា​ព​ពិ​​ភ​ព​លោក​ (World Health  Organization)ដែល​មិន​ត្រូ​វ​បា​ន​បញ្ចេញ​ឈ្មោះ​​មួយ​​​រូ​បផង​ដែរ ដើម្បី​​​យក​ទៅ​ប្រើ​ប្រាស់ក្នុង​ការ​​ធ្វើ​​ដំ​ណើរ និ​ង​កា​រ​​ស្នាក់​នៅ​​ក្នុ​ង​ដំ​ណើរ​​ទេស​ចរណ៍​ឯក​​​ជ​ន​​មួយ​​​ទៅ​កាន់​​ប្រទេ​ស​​ស​ិង្ហបុរី​កា​ល​​​ពី​ឆ្នាំ ២០០៩ ​​ជា​ថ្នូ​រ​​នឹ​ង​​​ព័ត៌​មា​ន​​ផ្ទៃ​​ក្នុង​​ទាក់​​ទ​ង​នឹ​ង​កិច្ច​សន្យា​​ផ្គត់​ផ្គង់ ​មុ​ង​​​នា​​​ពេល​​ខាង​មុខ។

លោក សូនី គ្រីសនែន អ្នក​នាំ​​ពា​ក្យ​របស់​អង្គ​កា​រ​​​ពិ​​ភ​ព​លោក​​​បា​ន​មាន​ប្រសាសន៍​​ថាទី​ភ្នាក់​​ងារ​​អង្គការ​​សហ​ប្រ​ជា​ជាតិ​មួ​យ​នេះ  ​​​បា​ន​បើក​ប្រតិបត្តិ​កា​រ​ស៊ើប​អង្កេត​ផ្ទាល់​ខ្លួន​ ​អំ​ពី​​​កា​រ​ចោទ​ប្រកាន់​​​នេះ  ​បន្ទាប់​​ពី​​​ខ្លួ​ន​បា​ន​​ទទួល​​សេចក្តី​​ព្រាង​​​របាយ​កា​រ​ណ៍​​​​របស់អង្គ​​​​​​​កា​រ​​​​​មូ​ល​និធិ​​ពិ​ភ​ព​លោកដើម្បី​​​ប្រយុទ្ធ​​​នឹង​​​ជំងឺ​​​អេដស៍​​​ របេង​​​ និង​​​ជំងឺ​​​គ្រុន​​​ចាញ់​​​​​​កា​ល​​ពី​​ប៉ុ​ន្មាន​​​​​​ខែ​មុន។លោក គ្រីសនែន បា​ន​ឲ្យ​ដឹងបន្ថែម​​​​​​ទៀត​ថា​ ​​លោក​​មិ​ន​​អា​​ច​​​អត្ថា​​ធិ​​ប្បាយ​​​បន្ថែ​ម​​​​ទាក់​​​ទង​​​ទៅ​​​នឹង​​​​​បច្ចុប្បន្ន​​ភាព​​​នៃ​ប្រតិ​បត្តិកា​រ​​ស៊ើប​​​​អង្កេត​​​នេះ​បាន​​​ទេ ​ក៏​ប៉ុន្តែ​លោក​បា​ន​ឲ្យ​​​ដឹង​​​បន្ថែម​​ថា ​​បុគ្គលិក​​ដែល​​​គួរឲ្យ​សង្ស័យ​​​បា​ន​​ចូ​ល​និ​វត្ត​​​ទៅ​ហើយ​។

ទាក់​​​ទ​ង​នឹង​មន្ត្រី​សុខា​ភិ​បា​ល​សា​​ធារណៈ​​ដែល​ត្រូ​វ​បាន​​​លាត​​ត្រ​ដាង​​​នៅ​ក្នុ​ង​រ​បាយ​ ការ​ណ៍​​​របស់អង្គ​កា​រ​​​មូ​ល​និធិ​​​ពិ​ភ​ព​លោក​ បា​ន​​លា​​ឈប់​ពី​កា​រងារ​ ឬក៏​​ត្រូ​វ​បា​ន​​​ព្យួរ​​ពី​កា​រងារ​​នោះ រដ្ឋាភិ​បាល​​បា​ន​លើក​ឡើង​ថា ​​អង្គ​ភាព​ប្រឆាំង​​​អំ​ពើ​ពុក​រលួ​យ​​​របស់​​ខ្លួន​​ក៏​នឹង​បើក​ការ​​​ស៊ើប​អង្កេត​​​ផ​ង​ដែរ។ ​អង្គ​​​ភាព​​ប្រ​ឆាំ​ង​​​អំ​ពើ​​ពុក​រលួ​យ​​បា​ន​​បដិ​សេធ​មិនធ្វើ​សេចក្តី​​អត្ថា​​ធិ​ប្បាយ​​ទេ​៕សុធា

(រា​យ​កា​រ​​​ណ៍​បន្ថែ​ម​​​ដោ​យ គុច ណា​រ៉េន)​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស