31 C
Phnom Penh

​រណសិរ្ស​សាមគ្គី​​​កសាង​មាតុភូមិ​កម្ពុជា​ សម្ពោធ​ស្តូប​ចំណាយ​ទឹក​ប្រាក់​​បីលានដុល្លារ​​

ដោយ ឌឹ ខេមបូឌា ដេលី

បទវិភាគ

ដើម្បី​ប្រារព្ធ​ខួ​ប​អនុ​ស្សាវរីយ៍​លើក​ទី ៣៥​នៃការ​បង្កើតរណសិរ្ស​សាមគ្គី​កសាង​មាតុភូមិ​កម្ពុជា​ កាល​ពីម្សិលមិញ​រណសិរ្សនេះបាន​​សម្ពោធ​ស្តូប​ដែលត្រូវបានក៏សាង​ឡើង​ ដោយ​ ចំណាយ​ប្រាក់​អស់បីលាន​ដុល្លារ​នៅ ក្នុង​ស្រុក​ស្នួល​​ ខេត្ត​ក្រចេះ​ ​ក្រោម​អធិបតី​ភាព​​របស់លោក ហេង​ សំរិន​ ប្រធានរដ្ឋ​សភា​ និង​ជា​ប្រធាន​រណសិរ្ស​​នេះ​។

មនុស្ស​ប្រមាណ​២០.០០០នាក់​បាន​ចូល​រួម​ពិធីផ្លូ​វការ​នេះ​នៅ​ក្នុង​ឃុំ​២​ធ្នូ​ នៅ​ក្នុង​ពិធី​សម្ពោធ​ស្តូប​ធ្វើ​ពី​ថ្ម​ម៉ាបដែលមានកម្ពស់​៤១ ម៉ែត្រ​ស្ថិត​នៅ​លើ​​ទីលាន​បែង​ចែង​ជា​ថ្នាក់​មួយ​ និង​កំពូល​ស្តូបធ្វើ​ដោយ​លង្ហិន​​មាន​​មនុស្ស​វ័យ​ក្មេង​ពីរនាក់​កាន់​ទង់​ជាតិ​ខ្មែរ​មួយ​ នេះ​បើ​យោង​តាម​លោក ម៉ែន​ វណ្ណា អភិ​បាល​​​ រង​ស្រុក​ស្នួល។ លោក​ វណ្ណា ​ថ្លែង​កាល​ពី​ ម្សិល មិញថា “ ស្តូប​នេះ​គឺជាស្តូបរំឭក​មួ​យ​ដើម្បី ឲ្យ​អ្នក​​ជំនាន់​ក្រោយ​គោរព​រណ​សិរ្ស​​នេះ​”។

លោក​បាន​ថ្លែង​ថា “នៅថ្ងៃ​ទី​២​ ខែធ្នូ​ ​[ឆ្នាំ​១៩៧៨]​ បុព្វបុរស​របស់​យើងបាន​សង្គ្រោះ​ប្រទេស​ និង​ប្រជាជន​ពីវាល​ពិឃាត​របស់​ខ្មែរ​​ក្រហម​”។ រណសិរ្ស​សាមគ្គី​កសាង​មាតុភូមិ​កម្ពុជា​ ដែល​ពេល​នោះ​ហៅ​ថា រណសិរ្ស​សង្គ្រោះ​ជាតិ​កម្ពុជា ត្រូវ​បាន​បង្កើតឡើង​នៅ​ក្នុង​ឃុំ​២ធ្នូ​ នៅ​ជិត​ព្រំដែន​វៀត​ណាម​ កាល​ពីថ្ងៃ​ទី​២​ ខែធ្នូ ឆ្នាំ​១៩៧៨​។រយៈពេល​ជាង​មួយ​ខែ​ក្រោយ​មក​ នៅថ្ងៃទី​៧​ ខែ​មករា​ ឆ្នាំ​១៩៧៩​​ កង​កម្លាំង​វៀត​ណាម​បាន​តែង​តាំង​សមាជិក​រណសិរ្ស​នេះ​ រាប់​ទាំង​លោក​នាយក​រដ្ឋ​មន្ត្រី​ ហ៊ុន សែន និង​លោក ហេង​ សំរិន ដែល​ជា​មេដឹកនាំ​កម្ពុជា​ក្រោយ​​របប​ខ្មែរ​ក្រហម​។

លោក បឹង វិន មេ​​ឃុំ​២​ធ្នូ​ បាន​ឲ្យ​ដឹង​ថា “ថ្ងៃ​នេះ​ គឺជាខួប​អនុស្សាវរីយ៍​លើក​ទី ៣៥​នៃ​ការ​សង្គ្រោះ​ប្រទេស​របស់​យើង​ដោយ​រណសិរ្ស​នេះ​…។​ គ្មាន​នរណា​ម្នាក់​អាច​បំភ្លេច​បាន​ឡើយ​​”។ អំឡុង​សន្និ​បាត​​ប្រចាំ​​ឆ្នាំ​របស់​រណសិរ្ស​សាមគ្គី​កសាង​មាតុភូមិ​កម្ពុជា​​នៅ​ក្នុង​រាជធានី​ភ្នំ​ពេញ​កាលពីខែ​ឧសភា​ លោក​ មិន ឃិន រដ្ឋ​មន្ត្រី​ក្រសួង​​ធម្មការ​ និង​សាសនា​ និង​ជា​អគ្គ​លេខាធិការ​រណសិរ្ស​នេះ​បាន​ឲ្យ​ដឹង​ថា ស្ថា​ប័ន​​នេះ​មាន​សមាជិក​ចំនួន​៧៤៦.១៤៦​នាក់​នៅ​ទូទាំង​ប្រទេស​។

កាល​ពីថ្ងៃ​អាទិត្យ​ សហ​ភាព​​សហព័ន្ធ​យុវជន​កម្ពុជា​​ ដែល​មាន​សម្ព័ន្ធ​ភាព​ជាមួ​យ​គណបក្ស​ប្រជាជន​កម្ពុជា ដែលដឹក​នាំ​ដោយ​លោក ហ៊ុន ម៉ានី កូន​ប្រុសពៅ​របស់​លោក​នាយក​រដ្ឋ​មន្ត្រី​ ហ៊ុន​ សែន​ បាន​ប្រារព្ធ​ខួប​អនុស្សាវរីយ៍នេះដោយ​មានព្រឹត្តិការណ៍ ប្រគុំ​តន្ត្រី​នៅ​ឯ​ពហុកីឡា​ដ្ឋាន​ជាតិ​អូឡាំ​ពិក​ ក្នុង​រាជធានីភ្នំពេញ​។

ក្នុង​សុ​ន្ទរកថាមួយ​នៅ​ក្នុង​ព្រឹត្តិ​ការណ៍ប្រគុំ​តន្ត្រី​នេះ លោក​ ហ៊ុន ម៉ានី​ បាន​អំពាវ​នាវ​ដល់​​ យុវ​ជន​យុវនារី​នៅក្នុង​ប្រទេស​​ឲ្យធ្វើ​ជាគំរូ​របស់​សមាជិក​រណសិរ្ស​សាមគ្គី​កសាង​មាតុភូមិ​កម្ពុជា​​ ដើម្បី​​ “ការពារ​សន្តិ​ភាព​ និង​ស្ថិរភាព​​របស់ប្រទេសយើង​​”៕ ប៊ុន​នី​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស