27 C
Phnom Penh

គណបក្សសង្គ្រោះជាតិ​​​​​​នឹង​​ប្រារព្ធ​​​ទិវា​​​សិទ្ធិមនុស្ស​​​១០ឆ្នូ​​​ក្នុង​​​ខេត្ត​​​សៀមរាប​​​

ដោយ ឌឹ ខេមបូឌា ដេលី

បទវិភាគ

មន្ត្រី​​​របស់​​​គណបក្ស​​​សង្គ្រោះ​​​ជាតិ​​​បាន​​​ឲ្យ​​​ដឹង​​​ថា កាលពី​​​ម្សិលមិញ​​​​​​គណបក្ស​​​សង្គ្រោះ​​​ជាតិ​​​​​​​​​បាន​​​ចេញ​​​សេចក្ដី​​​ជូន​​​ដំណឹង​​​​​​ដល់​​​​​​អាជ្ញា​​​ធរ​​​ខេត្ត​​​​​​ឲ្យ​​​ដឹង​​​ពី​​​ផែនការ​​​​​​ធ្វើ​​​ពិធី​​​ជួប​​​ជុំ​​​​​​មួយ​​​​​​​​​របស់​​​ខ្លួន​​​​​​​​​​​​ក្នុង​​​ទីក្រុង​​​សៀ​​​មរាប​​​ ដើម្បី​​​​​​រំឭក​​​​​​​​​ទិវា​​​សិទ្ធិ​​​មនុស្ស​​​អន្តរជាតិ​​​នៅ​​​ថ្ងៃ​​​អង្គារ​​​ក្រោយ​​​។

លោក​​​ស្រី​​​ កែ សុវណ្ណារ័ត្ន ប្រធាន​​​ក្រុម​​​ការងារ​​​របស់​​​គណបក្ស​​​សង្គ្រោះ​​​ជាតិ​​​​​​ប្រចាំ​​​ខេត្ត​​​សៀមរាប​​​បាន​​​លើក​​​ឡើង​​​ថា សេចក្ដី​​​ជូន​​​ដំណឹង​​​នេះ​​​​​​​​​ត្រូវ​​​បាន​​​យក​​​ទៅ​​​កាន់​​​អាជ្ញាធរ​​​ខេត្ត​​​​​​ដោយ​​​ផ្ទាល់​​​នៅ​​​ពេល​​​រសៀល​​​។ លោកស្រី សុវណ្ណារ័ត្ន​​​ បាន​​​មាន​​​ប្រសា​​​សន៍​​​ថា “យើង​​​​​​បាន​​​ប្រគល់​​​សេចក្ដី​​​ជូន​​​ដំណឹង​​​នេះ​​​ដល់​​​អាជ្ញាធរ​​​ខេត្ត​​​នៅ​​​ម៉ោង​​​២​​រសៀល​​​ ប៉ុន្តែ​​​នៅ​​​មិន​​​ទាន់​​​ទទួ​​​លបាន​​​ដំណឹង​​​ត្រឡប់​​​មក​​​វិញ​​​ពី​​​​​​អាជ្ញាធរ​​​ទាំង​​​នោះ​​នៅ​​​ឡើយ​​​ទេ​​​”។ លោក​​​ស្រី​​​បាន​​​បន្ថែម​​​ថា លោក​​​ស្រី​​​មាន​​​ទំនុក​​​ចិត្ត​​​ថា អាជ្ញាធរ​​​នឹង​​​អនុញ្ញាត​​​ឲ្យ​​​មាន​​​ការ​​​ប្រារព្ធ​ព្រឹត្តិការណ៍​​​នេះ​​​។ លោក​​​ស្រី​​​បាន​​​មានប្រសាសន៍​​​បន្ត​​​ថា “យើង​​​ជឿជាក់ថា អាជ្ញាធរ​​​​​​នឹង​​​អនុញ្ញាត​​​ឲ្យ​​​យើង​​​​​​ធ្វើ​​​ពិធី​​​ជួ​​​បជុំ​​​នេះ​​​ ពីព្រោះ​​​ថ្ងៃ​​​ទី​​​១០ ខែ​​​ធ្នូ​​​ គឺ​​​ជា​​​ថ្ងៃ​​​​​​ទិវា​​​សិទ្ធិ​​​មនុស្ស​​​​​​អន្តរជាតិ​​​ ហើយ​​​ច្បាប់​​​​​​ក៏​​​អនុញ្ញាត​​​​​​ឲ្យ​​​យើង​​​​​​ធ្វើ [ពិធី​​​ជួប​​​ជុំ​​​] នេះ​​​ដែរ​​​”។

សេចក្ដី​​​ជូន​​​ដំណឹង​​​​​​ច្បាប់​​​ចម្លង​​​​​​មួយ​​​ច្បាប់​​​បាន​​​លើក​​​ឡើង​​​ថា ព្រឹត្តិការណ៍​​​នេះ​​​នឹង​​​ត្រូវ​​​ដឹកនាំ​​​ដោយ​​​​​​មេដឹកនាំ​​​​​​គណបក្ស​​​សង្គ្រោះ​​​ជាតិ​​​​​​ ហើយ​​​​​​នឹង​​​ត្រូវ​​​ធ្វើ​​​ឡើង​​​​​​​​​នៅ​​​ខាង​​​ក្រៅ​​​​​​ក្រុង​​​​​​សៀម​​​រាប​​​ ដែល​​​ជា​​​តំបន់​​​ទេសចរ​​​ណ៍​​​ដ៏​​​សំខាន់​​​។ សេចក្ដី​​​​ជូន​​​ដំណឹង​​​នេះ​​​បាន​​​លើក​​​ឡើង​​​ថា “គណបក្ស​សង្គ្រោះ​​​ជាតិ​​​​​​នឹង​​​ប្រារព្ធ​​​ទិវា​​​សិទ្ធិ​​​មនុស្ស​​​​​​១០​​​ធ្នូ​​​ ដោយ​​​មាន​​​​​​វត្តមាន​​​​​​របស់​​​ឯក​​​ឧត្តម​​​ សម រង្ស៊ី ប្រធាន​​​គណបក្ស​​​សង្គ្រោះ​​​ជាតិ​​​ ឯកឧត្តម​​​ កឹម សុខា អនុប្រធាន​​​គណ​​​បក្ស​​​”។

សេចក្ដី​​​ជូន​​​ដំណឹង​​​នេះ​​​បាន​​​បន្ត​​​ដោយ​​​សំដៅ​​​ទៅ​​​លើ​​​សួនច្បារ​​​សាធារណៈ​​​​​​​​​ដ៏​​​ធំ​​​មួយ​​​​​​​​​នៅ​​​ជាយ​​​ក្រុង​​​សៀម​​​រាប​​​។ “ពិធី​​​នេះ​​​នឹង​​​ត្រូវ​​​ប្រារព្ធ​​​ឡើង​​​​​​នៅ​​​ថ្ងៃ​​​ទី​​​១០ ខែ​​​ធ្នូ​​​ ឆ្នាំ​​​២០១៣ នៅ​​​វេលា​​​ម៉ោង​​​១រសៀល​​​ នៅ​​​កាច់ជ្រុង​​​​​​ភាគ​​​និរតី​​​នៃ​​​ទីតាំង​​​អង្គរ​​​ឃ្យុង​​​យូ”។

សេចក្ដី​​​​ជូន​​​ដំណឹង​​​នេះ​​​បាន​​​ស្នើ​​​ឲ្យ​​​មាន​​​​​​សហការ​​​ពី​​​លោក​​​ ឃឹម ប៊ុន​​​សុង​​​ អភិបាល​​​ខេត្ត​​​សៀម​​​រាប​​​នៅ​​​ក្នុង​​​ការ​​​ផ្ដល់​​​សន្ដិសុខ​​​ និង​​​រក្សា​​​សណ្ដាប់ធ្នាប់​​​អំឡុង​​​ពេល​​​ប្រារព្ធ​​​ពិធិ​​​។ លោក​ ប៊ុនសុង​ បាន​លើក​ឡើង​​​កាល​​​​​​ពី​​​ម្សិលមិញ​​​ថា អាជ្ញាធរ​​​ខេត្ត​​​​​​នៅ​​​មិន​​​ទាន់​​​ពិភាក្សា​​​គ្នា​​​អំពី​​​ផែន​​​ការ​​​របស់​​​គណបក្ស​​​សង្គ្រោះ​​​ជាតិ​​​នៅ​​​ឡើយ​​​ទេ​​​ ដែល​​​ត្រូវ​​​បាន​​​ប្រកាស​​​ជា​​​លើក​​​ដំបូង​​​​​​កាលពី​​​ថ្ងៃ​​​ទី​​​២៤ ខែ​​​វិច្ឆិកា​​​នោះ​​​។

លោក​​​បាន​​​មានប្រសាសន៍​​​ថា “យើង​​​នៅ​​​មិន​​​ទាន់​​​ទទួល​​​បាន​​​សេចក្ដី​​​ជូន​​​ដំណឹង​​​នេះ​​​នៅ​​​ឡើ​​​យ​​​ទេ ប៉ុន្តែ​​​នៅ​​​ពេល​​​ណា​​​​​​យើង​​​​​​ទទួល​​​បាន​​​វា​​​ យើង​​​​​​នឹង​​​ពិភាក្សា​​​​​​ជាមួយ​​​​​​ពួក​​​គេ​​​​​​​​​អំពី​​​រឿង​​​នេះ​​​បន្ថែម​​​”។ អំឡុង​​​ពេល​​​ប្រកាស​​​​​​ជា​​​លើក​​​​​​ទី​​​១ លោក​​​ សម រង្ស៊ី​​​ បាន​​​លើក​​​ឡើ​​​ងថា មេដឹកនាំ​​និង​​​អ្នក​​​គាំទ្រ​​​គណបក្ស​​​សង្គ្រោះ​​​ជាតិ​​​​​​នឹង​​​​​​​​​ដង្ហែក្បួន​​​​​​ពី​​​​​​កន្លែង​​​​​​ជួប​​​ជុំ​​​ទៅ​​​កាន់​​​អង្គរ​​​វត្ត​​​។

លោ​​​ក យឹម​​​ សុវណ្ណ អ្នក​​​នាំពាក្យ​​​របស់​​​គណបក្សសង្គ្រោះ​​​ជាតិ​​​បាន​​​ឲ្យ​​​ដឹង​​​ថា គណ​​​បក្ស​​​របស់​​​លោក​​​​​​នៅ​​​មិន​​​ទាន់ពិភាក្សា​​​ជា​​​ផ្លូវ​​​ការ​​​ពី​​​បញ្ហា​​​លម្អិត​​​នៃ​​​​​​ជួប​​​ជុំ​​​នេះ​​​នៅ​​​ឡើយ​​​ទេ​​​។ លោក​​​ យឹម សុវណ្ណ បាន​​​មាន​​​ប្រសាសន៍​​​ថា “​​​យើង​​​នៅ​​​​​​មិន​​​ទាន់សម្រេច​​​នៅ​​​ឡើយ​​​​​​ទេ។ យើង​​​នឹង​​​រង់ចាំ​​​​​​ដល់​​​ពេល​​​លោក​​​ សម រង្ស៊ី និង​​​លោក​​​ កឹម សុខា ត្រឡប់​​​មក​​​វិញ​​​សិន​​​ ហើយ​​​បន្ទាប់មក​​​យើង​​​​​​នឹ​​​ង​​​ធ្វើការ​​​សម្រេច​​​ចិត្ត”។ លោក​​​បាន​​​បន្ថែម​​​ថា លោក​​​រំពឹង​​​ថា ប្រជាពលរដ្ឋ​​​ប្រហែល​​​៥.០០០​​​ទៅ​​​៦.០០០​​​នាក់​​​នឹង​​​​​​មក​​​ចូល​​​រួម​​​នៅ​​​ក្នុង​​​ពិធី​​​ជួប​​​ជុំ​​​នេះ​​​។

លោក​​​ សម រង្ស៊ី សព្វ​​​ថ្ងៃ​​​កំពុង​​​នៅ​​​​​​​​​ក្នុង​​​​​​តំបន់​​​អឺរ៉ុប រីឯ​​​​​​លោក​​​ កឹម សុខា វិញ​​​កំពុង​​​ស្ថិត​​​នៅ​​​​​​សហរ​​​ដ្ឋ​​​អាមេរិក​​​ ដើម្បិ​​​រៃ​​​អង្គាស​​​ប្រាក់​​​សម្រាប់​​​គណបក្ស​​​សង្គ្រោះ​​​ជាតិ៕ ស៊ុយឈាង​​​

© 2023, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស