35 C
Phnom Penh

គ​ណៈ​ប្រតិ​ភូចិន​ធ្វើឲ្យ​​អភិ​បា​ល​ខេត្ត​បន្ទាយ​មា​ន​​​ជ័យ​​​ភ្ញាក់​ផ្អើល​ក្នុង​ពិ​ធី​​ប្រ​គល់​​​ម៉ា​ស៊ី​ន​​​គោ​​យន្ត

ដោយ ឌឹ ខេមបូឌា ដេលី

បទវិភាគ

នៅ​ក្នុង​ពិធី​ប្រគល់​​ម៉ា​ស៊ីន​ ​គោ​យន្ត​ដែល​បាន​ប្រា​​រព្ធ​​​នៅ​ក្នុង​រាជ​​​ធា​​នី​ភ្នំ​ពេញ​​​កា​ល​​​ពី​ម្សិល​​មិញ​ បាន​​ធ្វើ​ឲ្យ​អភិ​បាល​ខេត្ត​​បន្ទា​យ​មា​ន​​​ជ័យ​​ មាន​ការ​ភ្ញាក់​ផ្អើល​យ៉ាង​ខ្លាំង​ ដែល​បាន​រំពឹង​ថា​នឹង​ទទួល​បាន​ម៉ា​ស៊ីន​ គោយន្ត​​​ចំ​នួន​២០០​គ្រឿង​ពី​គ​ណៈ​​ប្រតិភូចិនមក​​ពី​ខេត្ត​​យូ​ណាន ​ក៏ប៉ុន្តែ​ក្នុង​ពិ​ធី​នោះ​គឺ​ទទួល​បានម៉ា​​ស៊ី​ន​​​បូ​ម​​ទឹកតូចៗ​ចំនួ​ន​​​ប្រាំ​​បី​គ្រឿ​ង​ទៅវិញ​​​​។

ផ្អែកលើ​​​​ទំនា​ក់​​ទំ​នង​មិត្ត​ភា​​ព​​​​យ៉ាង​​​ជិត​ស្និទ្ធ​​​រវា​ង​អតី​​ត​ ​អ​ភិ​បាល​​ខេត្ត​​បន្ទាយ​មា​ន​​​​ជ័យ លោក  ​​អ៊ុង ​​អឿន ​​និ​ង​​​លោក​ លី ​ជី​ហ៊ីង ​(Ly  Jiheng) ​​អភិ​​​បា​ល​ខេ​ត្ត​យូ​​ណា​​ន កាល​​ពី​ដើម​ឆ្នាំ​​នេះ ខេត្ត​​ទាំ​ង​​​ពីរ​​​បា​ន​​​ចែក​រំ​លែក​​ទំ​​នាក់​​ទំ​​​នង​​យ៉ា​ង​ជិត​​ស្និទ្ធ​​​ ដោ​យ​​​សន្យា​​ផ្តល់​មូ​ល​​និ​ធិ​​​មួ​យលា​ន​ដុល្លារ​សម្រាប់​​​ក​សាង​​វិទ្យា​ស្ថា​ន​​​បច្ចេក​ទេស​កសិ​កម្ម​នៅ​​ខេត្ត​​បន្ទា​យ​​​​មា​ន​​​ជ័យ​​។

កា​ល​​​ពី​ខែ​សី​ហា នៅ​​ពេល​លោ​ក ​ អ៊ុង ​​អឿន បាន​​ធ្វើ​​ទស្ស​ន​​កិច្ច​​ទៅ​កាន់​​រដ្ឋ​​ គុន​មីង  ​(Kunming) ​​នៃ​​ខេត្ត​​​​​យូ​​ណាន​ បា​ន​រៀប​​​រា​ប់​​អំ​​ពី​​​បញ្ហា​​​ខូច​​​ខាត​​​ប្រ​ចាំ​ឆ្នាំ​ក្នុង​​ខេត្ត​បន្ទាយ​មា​ន​​​ជ័យដែល​​​ទទួល​រ​ង​គ្រោះ​​ដោយទឹកជំនន់ ហើយ​លោក​ លី ​បា​ន​សន្យា​​ផ្តល់​​អំ​​ណោ​យ​ជាម៉ា​ស៊ី​ន​​គោ​យន្ត​​ចំ​នួន​​២០០​គ្រឿង​​ ដែល​​​ជា​ម៉ាស៊ី​ន​​ដំ​ណើរ​កា​រ​​ដោ​យ​ប្រេងម៉ាស៊ូត ​ដើម្បីប្រើ​​ប្រាស់សម្រាប់បង្ក​​​បង្កើនផល​ដល់ប្រជាកសិ​ករក្រីក្រ។

​​ក៏​ប៉ុន្តែ​​​ ក្នុ​ង​​​ពិ​ធី​​​ប្រគល់​​​និ​ង​ទទួល​​អំណោយ ​​នៅ​សណ្ឋា​​គារភ្នំ​​ពេញ​​​កា​ល​​​ពី​ម្សិល​​មិញនោះ នៅ​ចំ​ពោះ​មុខផ្ទាំ​ង​ឈ្មោះ​​ពិ​ធី​ “ពិធី​​ប្រគល់​​​-​ទទួល​អំ​ណោយ​ម៉ា​ស៊ី​ន​គោ​​យន្ត​ចំ​នួ​ន​​២០០​គ្រឿង​​​ របស់​ខេត្ត​យូ​ណាន ​​នៃ​​​សា​​ធារណ​​រដ្ឋ​​ប្រជា​​​​មា​និត​ចិន ​ជូ​ន​​ខេត្ត​​​បន្ទាយ​​មា​ន​​ជ័យ​ នៃ​​ព្រះ​​រាជា​​ណា​​ចក្រ​កម្ពុជា”  លោក ​អ៊ុង ​អឿង ត្រូវ​បាន​​បន្សល់​ទុក​នូវ​ភាព​ភ្ញាក់​ផ្អើល ពេលដែល​ទទួល​បានម៉ា​​ស៊ី​ន​​​បូ​ម​​ទឹកតូចៗ​ចំនួ​ន​​​ប្រាំ​​បី​គ្រឿ​ង​​​​​​ជំនួសទៅវិញ។

លោក​​​ ​អ៊ុង អឿន បា​ន​មា​ន​ប្រ​សាសន៍​ថា “បន្ទាប់​​ពី​​ឯកឧត្ត​ម លី ជី​​ហ៊ឹង ​​អភិបាល​​ខេត្ត​យូ​ណាន [កា​ល​​​ពី​ខែ​សីហា]​ ​​​បា​ន​​ថ្លែង​សុ​​ន្ទ​រកថា  [​ដោ​យ​​​ប្រ​កាសការ​ផ្តល់​​អំណោយ​ទាំ​ង​នេះ​]ថា ខ្ញុំ​បា​ន​សន្យា​​​ថា​នឹង​មា​ន​ម៉ា​ស៊ីន​គោ​​យន្ត​និង​ម៉ា​ស៊ីន​​បូ​ម​​ទឹក ​ដល់ប្រជា​​​ជ​ន​​​​​ខេត្ត​​​បន្ទាយ​មា​នជ័យ។ នៅ​​ពេល​នោះដែរ លោក បាន​​ សន្យា​​ផ្តល់​​អំ​ណោយ​​ម៉ា​ស៊ី​ន​គោ​​យន្ត​​ចំនួន​​​២០០​គ្រឿង​”។

គួរបញ្ជាក់​​ថា ​លោក អ៊ុង  អឿន ​គឺ​​ជា​ប្រធា​ន​​​គ​ណ​បក្ស​​ប្រជា​​ជន​​ ខេត្ត​​ បន្ទាយ​មា​ន​ជ័យ​។ លោក​ យូ ឌីង​ ចេង (Yu Ding Cheng) ប្រ​ធាន ​គ​ណៈ​​​ប្រតិភូ នៃ​​គណៈកម្មាធិ​ការ​​ខេត្ត​ យូ​ណា​ន និង​ជា​​​អនុប្រធាន​សភា​​នយោ​បា​យ​ប្រជា​​​ជន​ចិន​ ​​បា​ន​ប្រគល់​​ម៉ា​ស៊ីន​​​បូ​ម​​ទឹក​ប្រាំ​បី​គ្រឿ​ង​ ក៏​ប៉ុន្តែ​​​មិ​​ន​បា​ន​​​កំ​ណត់​​​ពេល​​​វេ​លា​​ច្បាស់​លាស់​​ ថា​តើ​ពេល​ណា​នឹង​ប្រ​គល់​​​ម៉ា​ស៊ី​ន​​​​គោ​យន្ត​​ទាំង​២០០​​គ្រឿង​នោះ​ទេ​។

លោក ​​បា​ន​មា​ន​​ប្រ​សាស​ន៍​ថា​ “នៅ​ថ្ងៃ​នេះ ​យើង​បា​ន​​ជួ​ប​គ្នា​ម្តង​ទៀត​ ប៉ុន្តែមិន​មែ​ន​ក្នុ​ង​នា​ម​​ជា​ភ្ញៀវទេ ​គឺក្នុ​ង​នា​ម​​ជា​មិត្ត​ភក្តិ និ​ង​គ្រួសារ​​”។ លោក​​បា​ន​មា​ន​ប្រសាសន៍​​​បន្ត​ថា “ហើយ​​​ទោះបី​​​ជា​មា​ន​​កា​រ​​សន្យា​​​ថា​នឹង​ផ្តល់​ម៉ា​ស៊ី​ន​គោ​យន្ត​​ ២០០​គ្រឿង​​ក៏​ដោ​យ​ យើង​សង្ឃឹម​​ថា ​​អំ​​ណោយ​​តិច​តួ​ចនេះ​នឹង​ផ្តល់​​គុណ​​ប្រ​យោជន៍  និង​ជួ​យ​​​កសិ​ករ​ខេត្ត​​បន្ទាយ​​​មា​ន​ជ័យ ក្នុង​​កា​រ​បង្កបង្កើនផល​”។

ទោះបី​​ជា​​មា​ន​កា​រ​​​ខក​ចិត្ត​​យ៉ាង​ខ្លាំង​ក៏​ដោយ  ក៏​លោក ហួត សុទ្ធី ​​អនុ​ប្រធា​ន​មន្ទីរ​កសិ​កម្ម​​ខេត្ត​បន្ទាយ​​មាន​ជ័​យ​​​បា​ន​លើក​ឡើង​ថា ​លោក​​ រំ​ពឹ​ង​​ថា សមភាគី​​ចិន​​​នឹ​ង​រក្សា​ការ​សន្យា​របស់​​ខ្លួន។ លោក​​បា​ន​មា​ន​​ប្រ​សាសន៍​ថា “ពួ​ក​គេ​​បា​នចាប់ផ្តើ​ម​ផ្ទេរម៉ាស៊ី​ន​គោ​យន្ត​ ក៏​​ប៉ុន្តែ​​រហូត​​​មក​​ទល់​​ពេល​​នេះ​ ​យើង​ទទួល​​​បា​ន​​ម៉ាស៊ី​ន​បូ​ម​​​​​ទឹក​​តូចៗ​ប្រាំ​​​បី​គ្រឿង​។ ម៉ាស៊ី​ន​គោ​យន្ត​នឹ​ង​​មក​ដល់​​នៅ​​ពេល​​ក្រោ​យ​”៕សុធា​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស