30 C
Phnom Penh

ក្រសួង​ធន​ធាន​ទឹក និង​ឧតុ​និយម ក្រើនរំឭកដល់ប្រជាពល​រដ្ឋ​ឲ្យត្រៀម​ខ្លួនទប់ទល់​​អាកាស​ធាតុ​ត្រជាក់​

ដោយ ឌឹ ខេមបូឌា ដេលី

បទវិភាគ

កាល​ពីម្សិលមិញ​ ក្រសួ​ងធនធាន​ទឹក​ និង​​ឧតុនិយម​បាន​ជូន​ដំណឹង​ដល់​ពល​រដ្ឋ​ខ្មែរ​​ឲ្យ​ត្រៀម​កា​រពារខ្លួន​ពី​ធាតុ​អាកាស​ត្រជាក់​ ដែល​ ត្រូវ​បានរំពឹង​ថា នឹង​កើត​ឡើង​រហូតដល់​​ពាក់​កណ្តាល​ខែ​មករា។​ ចំណែកឯក្រសួងសុខា​ភិបាល​ កាល​ពី​ថ្ងៃ​ពុធ​ បាន​ប្រកាស​ឲ្យ​ប្រជា​ពល​រដ្ឋ​​មាន​ការ​ប្រុង​ប្រយ័ត្ន​​ចំពោះ​ជំងឺ​ឆ្លង​ក្នុង​រដូវរងា ដូចជា​ជំងឺ​ផ្តា​សាយ ​ជាដើម​។

ខណៈដែល​គេ​ហទំព័រ​របស់​ក្រសួងធន​ធាន​ទឹក និង​ឧតុ​និយម​នេះ​បាន​ប្រកាសពី​    សី​តុ​ណ្ហ​ភាព​នៅ​រាជធានី​ភ្នំពេញ​ថា ២១​អង្សា​កាល​ពីយប់មិញ លោក អ៊ុំ​ រីណា ប្រធាន ​នា​យ​ក​ដ្ឋាន​ឧតុនិ​យម​របស់​ក្រសួង​នេះ​បាន​ឲ្យ​ដឹងថា នៅ​ក្នុង​តំបន់​ខ្លះ​នៃ​ប្រទេស ​សីតុ​ណ្ហ​​ ភាព​ធ្លាក់​ចុះ​ដល់​១៤​អង្សា។ លោក រីណា បាន​មានប្រសាសន៍ថា “អា​កាស​ធាតុ​ត្រជាក់​នៅពេល​ព្រឹក​ និង​ពេល​យប់​​ជា​ពិសេស​នៅភ្នំដង​រែក​ [ខេត្ត​ព្រះ វិហារ​] ​ដែល​អាកាសធាតុ​អាចធ្លាក់​ចុះ ដល់​ចន្លោះពី១៤ទៅ​១៥​អង្សា​”។

លោក​បាន​បន្ថែម​ថា “យើង​បាន​ព្យាករ​ថា អាកាស​ធាតុ​ត្រជាក់​នឹង​មាន​រហូត​ដល់​​ពាក់​កណ្តាល​ខែ​មករា​”។​ ហើយលោក​បាន​​ក្រើនរំឭក​ឲ្យ​ប្រជាពល​រដ្ឋ​​ស្លៀក​ពាក់​សម្លៀក​បំពាក់​ក្រាស់​ៗ​ ដើម្បីការ​ពារ​ខ្លួនពីអាកាស​ធាតុ​​ត្រជាក់​។ លោកឧត្តម​សេនីយ៍​ឯក ស្រី ឌឹក មេ​បញ្ជា​ការ​យោធភូមិភាគ៣​នៃកង​យោធពល​ខេម​រ ភូមិន្ទ​​បាន​ឲ្យ​ដឹង​ថា សីតុណ្ហភាព​នៅពេល​ថ្ងៃ​ធ្លាក់​ចុះ​ដល់​១៧​អង្សា​ពី​សីតុណ្ហភាព​ធម្មតា​​ប្រហែល​​៣០​អង្សា​។ លោក​បាន​​មានប្រសាសន៍​ថា “ វា​មិន​មែន​ជាបញ្ហាទេ​ ពី​ព្រោះ​យើង​បាន​ត្រៀម​អាវ​រងា​សម្រាប់​កង​កម្លាំង​របស់​យើង​”។

ក្រសួ​ងធន​ធានទឹក និងឧតុនិយម បាន​ប្រកាស​ថា សីតុណ្ហភាព​នៅ​ក្នុង​រាជធា​នីភ្នំ​ពេញ​ ខេត្ត​កណ្តាល​ តាកែវ​ កំពង់​ស្ពឺ កំពង់​ធំ​ កំពត​ ព្រះសីហនុ និង​ខេត្ត​កោះកុង​ ត្រូវ​បាន​ព្យាករ​​ថា នឹងធ្លាក់​ចុះដល់​ចន្លោះពី២២ទៅ​៣០​អង្សា​​ ក្នុង​រយៈពេល​ប៉ុន្មាន​សប្តាហ៍​ខាង​មុន​នេះ​។

កាល​ពីថ្ងៃ​ពុធ​ ក្រសួង​សុខា​ភិបាល​ និង​​អង្គការ​សុខ​ភាព​ពិភពលោក​បាន​ចេញ​សេចក្តី​ ក្រើនរំឭក​រួម​មួ​យ ទាក់ទង​ទៅនឹងការ​ទប់​ស្កាត់​ការ​ឆ្លង​ជំងឺ​​ផ្លូវដង្ហើម​នៅ​​ពេល​មាន​អា​កាស​ធាតុ​ត្រជាក់​​កើត​ឡើង។ សេចក្តី​ក្រើនរំឭកនេះបាន​បង្ហាញ​​ថា ស្ថា​ប័ន​ទាំង​ពីរនេះ​បាន​ឲ្យ​ដឹង​ថា ការ​យក​ចិត្ត​ទុក​ដាក់​ជាពិសេស​ទៅលើកុមារ​ និង​ចាស់​ជរា​​ ដែល​​ងាយ​នឹង​ធ្លាក់​ខ្លួន​ឈឺ​អំឡុង​អាកាស​ធាតុ​​ត្រជាក់​។ ជា​ពិសេស ​មនុស្ស​ចាស់​​ងាយ​នឹង​កើត​ជំងឺ​ នៅ​ពេល​ដែល​​កើត​មាន​ហា​និ​ភ័យ​ជំងឺឆ្លង​​។

សេចក្តី​ប្រកាស​នេះក៏​បាន​ណែនាំ​ដល់​ប្រជាពល​រដ្ឋ​ទាំង​ឡាយអំពីរបៀប​បញ្ឈប់​ការ​រីករាល​ដាល​ជំងឺគ្រុន​ផ្តាសាយ។ សេចក្តី​ប្រកាស​នេះ​បន្តថា “ត្រូវ​ប្រើ​​ក្រដាស​ជូត​មាត់​ដើម្បី​ទប់​ស្កាត់​ការក្អក​ និង​កណ្តាស់។ គ្មាន​ក្រដាស​ជូត​មាត់មែន​ទេ? សូមយក​ដៃអាវ​​របស់​អ្នក​ខ្ទប់​ក្អក​ ឬ​កណ្តាស់​ កុំ​ប្រើដៃ​របស់អ្នក​”៕​ប៊ុននី​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស