29 C
Phnom Penh

កីឡាករចំបាប់កម្ពុជា​​​ដណ្តើម​​​បានមេដាយ​​​មាស​​​ដំបូង​​​នៅ​​​ក្នុង​​​ព្រឹត្តិការណ៍​​​នៃការ​​​ប្រកួត​​​កីឡាស៊ីហ្គេម

ដោយ ឌឹ ខេមបូឌា ដេលី

បទវិភាគ

រហូត​​​មកទល់​​​ពេល​​​នេះ​​​ អត្តពលិកកម្ពុជា​​​​​​ដណ្តើម​​​បាន​​​​​​មេដាយ​​​មាស​​​ពីរ មេដាយ​​​ប្រាក់​​​បួន និង​​​​​​មេដាយ​​​សំរឹទ្ធិ​​​ចំនួន​​​ប្រាំពីរ​​​នៅក្នុង​​​ព្រឹត្តិការណ៍​​​នៃការ​​​ប្រកួត​​​កីឡា​​​ស៊ីហ្គេមលើក​​​ទី​​​២៧ នៅក្នុង​​​រដ្ឋធានី​​​ណៃពិដោ ប្រទេស​​​ភូមា ដែល​​​បាន​​​ចាប់​​​ផ្តើម​​កាលពី​​​ថ្ងៃ​​​ទី​​​៥ ខែ​​​ធ្នូ ហើយ​​​នឹង​​​បន្ត​​​រហូត​​​ដល់​​​ថ្ងៃ​​​ទី​​​២២ ខែធ្នូ ដោយ​​​ពិធី​​​បើកការ​​​ប្រកួត​​​ជា​​​ផ្លូវការ​​ នឹងត្រូវ​​​ធ្វើ​​​​​​​​​ឡើង​​​នៅ​​​​​​ថ្ងៃ​​​នេះ។

ការ​​​​​​ដណ្តើម​​​បាន​​​មេដាយ​​​ចំនួន​​​១៣នេះ ធ្វើឲ្យ​​​កម្ពុជាស្ថិតនៅ​​​​​​លំដាប់​​​លេខរៀង​​​ទី​​​៧ ក្នុង​​​ចំណោម​​​ប្រទេស​​​ចូល​​​រួម​​​ប្រកួត​​​ប្រែង​​​​​​​​​ចំនួន​​​១១ ពោល​​​គឺ​​​តាម​​​ពី​​​ក្រោយ​​​ប្រទេស​​​ភូមា​​​ជា​​​ម្ចាស់​​​ផ្ទះ ​​​ដែលរហូត​​​មក​​​ទល់​​​ពេល​​​នេះ​​​ដណ្តើម​​​​​​បាន​​​មេដាយ​​​មាស​​​ចំនួន​​​១៨និង​​​មេដាយ​​​សរុប​​​ចំនួន​​​៣៤។​​​

វៀតណាម​​​ ថៃ ឥណ្ឌូណេស៊ី ម៉ាឡេស៊ី និង​​​ហ្វីលីពីន ក៏​​​ស្ថិត​​​នៅ​​​ក្នុង​​​តារាង​​​លើកម្ពុជា​​​ដែរ ខណៈដែល​​​សិង្ហបុរី ឡាវ ព្រុយណេ និង​​​ទីម័រ​​​ដណ្តើម​​​បាន​​​មេដាយ​​​តិចជាង​​​គេ​​​។ កីឡាករ កីឡាការិនី​​​ដែល​​​ដណ្ដើម​​​បាន​​​មេដាយ​​​មាស​​​ដំបូង​​​សម្រាប់​​​កម្ពុជា​​​នៅ​​​ក្នុង​​​ការ​​​ប្រកួត​​​កាលពី​​​ល្ងាច​​​ម្សិលមិញ មាន​​​ឈ្មោះ នី សំណាង ​​​​​​ប្រកួត​​​ក្នុង​​​វិញ្ញាសា​​​​​​ឱប​​​​​​ចំបាប់​​​ទម្ងន់​​​៦៣គីឡូក្រាម​​​ផ្នែក​​​នារី និង​​​កីឡាករ កៅ ឆេង​​​ថុង ក្នុង​​​វិញ្ញាសាឱប​​​ចំបាប់​​​ទម្ងន់​​​៨៤​​​គីឡូ​​​ក្រាម​​​ផ្នែក​​​បុរស​​​។

កីឡាករ​​​ កីឡាការិនី​​​ឱបចំបាប់​​​ផ្សេង​​​ទៀត​​​របស់កម្ពុជា​​​ឈ្មោះ ដន សូវ ដណ្តើម​​​បាន​​​មេដាយ​​​ប្រាក់​​​ក្នុង​​​វិញ្ញាសា​​​ឱបចំបាប់​​​​​​ទម្ងន់​​​១២០គីឡូក្រាម​​​ផ្នែក​​​បុរស​​​ រីឯ​​​កីឡាការិនីជា ស្រីមាស ក៏​​​ដណ្ដើម​​​​​​បាន​​​មេដាយ​​​មាស​​​ដែរ​​​ ក្នុងវិញ្ញាសា​​​ឱប​​​ចំបាប់​​​ទម្ងន់​​​៦៧​​​គីឡូក្រាម​​​​​​ផ្នែក​​​នារី​​​។

វិញ្ញាសា​​​ឱប​​​ចំបាប់​​​នៅ​​​ឆ្នាំ​​​នេះ​​​ទទួល​​​បាន​​​លទ្ធផល​​​គួរ​​​ជាទីគាប់​​​ចិត្ត​​​ ហើយ​​​លទ្ធផល​​​នៃ​​​ការ​​​ប្រកួត​​​កាលពីម្សិលមិញបង្ហាញពីការ​​​រីក​​​ចម្រើន​​​គួរ​​​ឲ្យ​​​កត់​​​សម្គាល់​​​ ដោយ​​​កម្ពុជា​​​ទទួល​​​បាន​​​មេដាយ​​​​​​​​​ប្រាក់​​​តែ​​​ពីរ​​​ប៉ុណ្ណោះក្នុង​​​វិញ្ញាសា​​​នេះ​​​នៅ​​​ក្នុង​​​ការ​​​​​​ប្រកួត​​​ស៊ីហ្គេម​​​​​​ក្នុង​​​ឆ្នាំ​​​២០១១​​​​​​​​​​​​នៅ​​​ប្រទេស​​​ឥណ្ឌូណេស៊ី។ ប៉ុន្តែ​​​ក្រុម​​​បាល់​​​បោះ​​​​​​​​​​​​ផ្នែក​​​បុរស​​​ធ្វើ​​​មិន​​​សូវ​​​បាន​​​ល្អ​​​ប៉ុន្មាន​​​ទេ បន្ទាប់​​​ពីប្រកួត​​​ចាញ់​​​ហ្វីលីពីន​​​​​​ដោយ​​​ពិន្ទុ​​​១០៧​​​-៥៧​​​កាលពីម្សិលមិញ​​​។

ក្រុម​​​កម្ពុជា​​​​​​តំណាង​​​​​​ដោយ​​​អត្តពលិក​​​ចំនួន​​​២០៩​​​រូប​​​ដែល​​​ចូល​​​រួម​​​ប្រកួត​​​ប្រជែងនៅ​​​​​​ក្នុង​​​វិញ្ញាសា​​​​​​កីឡា​​​ចំនួន​​​២២​​​ផ្សេង​​​ៗ​​​គ្នា នៅតែ​​​មាន​​​​​​​​​​​​សង្ឃឹម​​​ថា នឹង​​​ដណ្តើម​​​​​​បាន​​​មេដាយ​​​មាស​​​បន្ថែម​​​ទៀ​​​ត​​​ក្នុង​​​វិញ្ញា​​​សាប៉េតង់ ប្រណាំង​​​ទូក​​​​​​ កាយ​​​សម្ព័ន​​​​​​្ធ​​​សាច់​​​ដុំ និង​​​តៃ​​ក្វាន់​​​ដូ ព្រម​​​ទាំង​​​វិញ្ញា​​​សា​​​វ៉ូវីណាំ ជាក្បាច់​​​គុនវៀតណាម និង​​​សីឈិន​​​ឡុង បាល់ទាត់​​​ ក្បាច់​​​គុន​​​ និង​​​កាយ​​​សម័្ពន្ធដែល​​​ក្រុម​​​នារី​​​របស់​​​កម្ពុជា​​​ដណ្តើម​​​បាន​​​មេដាយ​​​សំរឹទ្ធិ​​​មួយ​​​រួចទៅ​​​ហើយ​​​។

ថ្លែង​​​កាលពី​​​ម្សិលមិញ​​​នៅក្នុង​​​ពិធី​​​​​​អបអរ​​​សាទរ​​​ទិវា​​​ជន​​​ពិការ​​​អន្តរជាតិ​​​នៅ​​​កោះ​​​ពេជ្រ​​​នៅ​​​ក្នុង​​​រាជធានី​​​ភ្នំពេញ លោក​​​នាយក​​​រដ្ឋមន្ត្រី​​​ ហ៊ុន សែន បាន​​​អប​​​អរ​​​សាទរ​​​ចំពោះ​​​អត្ត​​​ពលិក​​​ដែល​​​ដណ្តើម​​​បាន​​​មេដាយ​​​រហូត​​​មក​​​ទល់ពេល​​​នេះ​​​ ហើយបាន​​​មាន​​​ប្រសាសន៍​​​ថា ពួកគេ​​​គួរ​​​តែ​​​ទទួល​​​បាន​​​ការ​​​ជំរុញ​​​លើក​​​ទឹក​​​ចិត្ត​​​បន្ថែម​​​ទៀត​​​ បន្ទាប់​​​ពី​​​រដ្ឋាភិបាល​​​បាន​​​ចេញ​​​​​​អនុក្រឹត្យមួយ​​​ក្នុង​​​ពេល​​​ថ្មី​​​ៗនេះ ដំឡើង​​​ប្រាក់​​​រង្វាន់​​​សម្រាប់​​​អ្នក​​​ដណ្តើម​​​បាន​​​មេដាយ​​​។

លោក​​​បាន​​​មាន​​​ប្រសាសន៍​​​ថា “ពេល​​​នេះ​​​ខ្ញុំ​​​ឮថា យើង​​​ដណ្តើម​​​បាន​​​មេដាយ​​​ប្រាក់​​​ និង​​​មេដាយ​​​សំរឹទ្ធិ​​​មួយ​​​ចំនួន​​​រួច​​​ទៅ​​​ហើយ។ ប៉ុន្តែ​​​ពី​​​មុន​​​ប្រាក់​​​រង្វាន់​​​សម្រាប់​​​មេដាយមាស​​​មួយ​​​ដណ្តើម​​​បាន​​​នៅ​​​​​​ស៊ីហ្គេម គឺ​​​ត្រឹម​​​តែ​​​២៦លាន​​​រៀល [ប្រហែល​​​៦.៥០០ដុល្លារ​​​] ហើយ​​​ពេល​​​នេះ​​​ប្រាក់​​​រង្វាន់បាន​​​កើន​​​ដល់​​​៤០លាន​​​រៀល​​​ [​​ប្រហែល​​​១០.០០០ដុល្លារ​​​] ហើយ​​​​​” ។ លោក​​​នាយក​​​រដ្ឋមន្ត្រី​​​ ហ៊ុន សែនបាន​​​លើក​​​ឡើង​​​ទៀត​​​ថា ប្រាក់​​​រង្វាន់​​​នឹង​​​ដូច​​​គ្នា​​​សម្រាប់​​​អត្តពលិក​​​ពិការ​​​ដែល​​​ប្រកួត​​​ប្រជែង​​​នៅ​​​ប៉ារ៉ាឡាំពិក​​​៕សុខុម

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស