31 C
Phnom Penh

រថយន្ត​​​ដឹក​​​ទំនិញ​​​១៣​​​គ្រឿង​​​​​​បិទ​​​ផ្លូវ​​​ជាតិ​​​លេខ​​​៧៣​​​ ដើម្បីតវ៉ារឿង​​​​​​​​ប្រាក់​​​ផាក​​​ពិន័យ​​​

ដោយ ឌឹ ខេមបូឌា ដេលី

បទវិភាគ

រថយន្ត​​​ដឹក​​​ទំនិញ​​​ចំនួន​​​១៣គ្រឿង​​​បាន​​​បិទ​​​​​ផ្លូវ​​​ជាតិ​​​លេខ​​​៧៣​​​ ​​​ក្នុង​​​ស្រុក​​​ឆ្លូង​​​ ខេត្ត​​​ក្រចេះ​​​ កាលពី​​​ថ្ងៃ​​​ច័ន្ទ​​​ ដើម្បីសម្ដែង​​​ការ​​​តវ៉ា​​​ចំពោះ​​​ការ​​​​​​បង្កើន​​​​​​ប្រាក់​​​ពិន័យ​​​ច្រើន​​​ហួស​​​​​​​​​ពី​​​សំណាក់​​​​​​កន្លែង​​​ថ្លឹង​​​ទម្ងន់​​​រថយន្ត​​​​​ផ្លូវ​​​ការ​​​នៅ​​​លើ​​​ផ្លូវ​​​ជាតិ​​​លេខ​​​៧៣​​​នេះ​​​។

លោក ហុង សុខលី អធិ​​​ការ​​​នគរ​​បាល​​​ស្រុក​​​​​​​​​ឆ្លូង​​​បាន​​ឲ្យ​​​ដឹង​​​ថា ការ​​​បិទ​​​ផ្លូវ​​​នេះ​​​បាន​​​ចាប់​​​ផ្ដើម​​​​​​​​​ពេល​​​កន្លែង​​​ថ្លឹង​​​រថយន្ត​​​នេះ​​​​​​ឃាត់​​​រថយន្ត​​​ចំនួន​​​​​​បួន​​​គ្រឿង​​​ក្នុង​​​ចំណោម​​រថយន្ត​​​ដឹក​​​ដំឡូង​​​មី​​​ពីខេត្ត​​​ក្រចេះ​​​ទៅ​​​ខេត្ត​​​ស្ទឹង​​​ត្រែង​​​។ រថយន្ត​​​ដឹក​​​ទំនិញ​​​ទំា​​ង​​​នេះ​​​ត្រូ​​​វ​​​បាន​​​ពិនិត្យ​​​ឃើញ​​​ថា ដឹក​​​លើស​​​ទម្ងន់​​​កំណត់ ហើយ​​​ត្រូវ​​​កន្លែង​​​ថ្លឹ​​​ង​​​រថយន្ត​​​នេះ​​​ពិន័យ​​​ ប៉ុន្តែ​​​​​​​​​​​​លើស​​​​​​​​​​​​តម្លៃ​​​ធម្មតា​​​​​​​​​ ជាហេតុ​​​ធ្វើ​​​ឲ្យ​​​អ្នក​​​បើក​​​បរ​​​ទូរស័ព្ទ​​​ទៅ​​អ្នក​​​បើក​​​បរ​​​រថយន្ត​​​ដឹក​​​ទំនិញ​​​ផ្សេងៗ​​​ទៀត ឲ្យ​​​មក​​​​​​ចូល​​​រួ​​​ម​​​បិទ​​​ផ្លូវ​​​ជាមួយ​​​ខ្លួន​​​។ ការ​​​បិទផ្លូវ​​​រយៈពេល​​​ពីរ​​​ម៉ោង​​​នេះ​​​បាន​​​បញ្ចប់​​​ទៅវិញ​​​បន្ទាប់ពី​​​កន្លែង​​​ថ្លឹង​​​រថយន្ត​​​នេះ លើក​​​លែង​​​ការ​​​ផាក​​​ពិន័យ​​​ ដើម្បី​​​កុំ​​​ឲ្យ​​​កក​​​ស្ទះ​​​ចរាចរណ៍​​​។

លោក អ៊ុយ ហឿន អនុ​​​ប្រធាន​​​ផ្នែក​​​​​​គ្រប់​​​គ្រង​​​បុគ្គលិក​​​នៅ​​​កន្លែង​​​ថ្លឹង​​​រថយន្ត​​​នេះ​​​បាន​​​និយាយ​​​ថា “រថយន្ត​​​ដឹក​​​ទំនិញ​​​ដែល​​​បានបិទ​​​ផ្លូវ​​​ជាតិ​​​ទាំង​​​នោះ ​​​ត្រូវ​​​បាន​​​លើក​​​លែង​​​ពីការ​​​បង់​​​ប្រាក់​​​ពិន័យ​​​ ព្រោះ​​​​​​ថ្ងៃ​​​អង្គារ ​​​​​​គឺ​​​ជា​​​ថ្ងៃ​​​សិទ្ធិ​​​មនុស្ស​​​ ហើយ​​​យើង​​​មិន​​​ចង់​​​ឲ្យ​​​មាន​​​ការ​​​កក​​​ស្ទះ​​​ចរាចរណ៍​​​ទេ”​​​៕សុធា

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស