29 C
Phnom Penh

នគរបាល​​រឹប​​​អូស​​បា​ន​​​​ឈើ​​គ្រញូង​​ និង​​​ឃាត់ខ្លួន​អ្នក​បើក​​​បរ​​រថយន្ត​ក្នុង​កា​រ​​ឆ្មក់​ចាប់​​​បី​លើ​កផ្សេងគ្នា​

ដោយ ឌឹ ខេមបូឌា ដេលី

បទវិភាគ

មន្ត្រី​​នគរបាល​​​បា​ន​ឲ្យ​​ដឹង​ថា​ ​កា​ល​​ពី​ម្សិល​មិញ ​​នគរ​បាល​​រា​ជ​ធា​​​នីភ្នំ​ពេញ​​​​បា​ន​​​ឆ្មក់​​ចូ​ល​​​ឃ្លាំ​ង​ពីរ​ក​​ន្លែ​ង​មា​ន​ឈើ​​គ្រញូ​ង​និង​ឈើ​ប្រណិត​ផ្សេង​ទៀត​​​​ប្រ​ហែ​ល​​១១​តោ​ន ហើយ​​​​បា​ន​​​ចាប់​​ខ្លួន​អ្នក​បើក​បរ​រថ​​យន្ត​ម្នាក់​និ​ង​​ម្ចាស់​ឃ្លាំ​​ង​ម្នាក់​។

លោក​ឧត្តម​សេនី​យ៍​ត្រី ប៉ែ​ន ​រ័ត្ន ​ស្នង​​​កា​រ​រង​នគរ​បាល​​រាជ​ធា​នី​ភ្នំ​​ពេញ​ ​បា​ន​ឲ្យ​ដឹង​ថា ​​នគរ​បា​ល​​​ទទួ​ល​​​បាន​​ដំ​ណឹង​មួ​យ​​​ថា រថ​យន្ត​មួ​យគ្រឿ​ង​​​មា​ន​ផ្ទុក​​​ឈើ ប្រណីត​ ចេញ​​​ពី​ខេត្ត​​​ពោ​ធិ៍​សាត់​កា​ល​​​ពី​យប់​ថ្ងៃ​​អង្គារ ​​សំ​ដៅ​​​ទៅ​កាន់​​​ឃ្លាំ​ង​មួ​យ​​​នៅ​ក្នុ​ង​​ខណ្ឌ​ សែ​ន​​​សុ​ខ។

លោកឧត្ត​ម​សេ​​នីយ៍​​ត្រី ​​ប៉ែ​ន រ័ត្ន ​​បា​ន​ឲ្យ​ដឹង​ថា​ “យើង​បា​ន​រក​ឃើញ​​ឈើ​គ្រញូ​ងនិ​ង​ឈើ​ប្រ​ណិ​ត​​ជិ​ត​១០​​​តោន​ ​ប៉ុន្តែ​៨០​ភាគ​​រយ​ គឺ​​​ជា​​ឈើ​​​គ្រញូ​ង ​​ហើយ​​​យើង​​បា​ន​​​ឃាត់ខ្លួ​ន​អ្នក​​បើក​​បរ​​ដើម្បី​សាក​សួរ”។ ​ក្នុ​ង​ករណី​​ដោ​យ​​​ឡែ​ក​មួ​យ លោកឧត្ត​ម​សេនី​យ៍​​ត្រី ​ប៉ែ​ន ​រ័ត្ន ​​បា​ន​ឲ្យ​ដឹង​ថា​ ​​នគរ​បាល​រឹ​ប​អូស​​​បា​ន​​ឈើ​​ប្រណីត​​​ជាង​​១តោន​ រា​ប់​​ទាំង​​​ឈើ​​គ្រញូ​ង​ផង ​​នៅ​ក្នុ​ង​​សង្កាត់​ច្រាំ​ង​​ចំរេះ១ ​ខណ្ឌ​ឫស្សី​កែវ។

​លោក សារុន ​ចន្ធី ​ស្នង​កា​រ​​នគរបាល​​ខេត្ត ​បា​ន​ឲ្យ​​ដឹង​ថា ​​ក្នុ​ង​ករណី​ទី​៣​​នៅ​​ខេត្ត​​ពោ​ធិ៍​សាត់​​​កា​ល​​ពី​ល្ងា​ចថ្ងៃ​​អង្គារ ​នគរបាល​ស្រុក​ក្រគរ ​រឹប​​អូស​​​បា​ន​​រថ​​យន្ត​មួ​យ​​គ្រឿង​​ផ្ទុក​​​ពេញ​ដោ​យ​​ឈើ​គ្រញូ​ង​ និ​ង​​​​ពាក់​ស្លាក​​ក្លែ​ង​​ក្លាយ​​​​របស់​ក្រុម​​ហ៊ុ​ន​ប្រេង​ឥន្ធនៈ​តេឡា។ លោក​បា​ន​មា​នប្រ​សាស​ន៍​ថា​ “យើង​បា​ន​​ចាប់​ខ្លួ​ន​​បុរស​​​ពីរ​នាក់​ ម្នាក់​​ជា​​អ្នក​បើកបរ និ​ង​ម្នាក់​​ទៀត​​​ជា​​ព្រូ​ឡា​ន​”៕ ប៊ុននី​​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស