29 C
Phnom Penh

សត្វទោច​​​មួយគូ​​​ក្លាយ​​​ជា​សត្វព្រៃ​​​ដំបូង​​​ដែល​​​ត្រូវ​​​បាន​​ផ្ដល់​​​ជម្រក​​​នៅ​​​ឧទ្យាន​​​បុរាណ​​​អង្គរវិញ

ដោយ ឌឹ ខេមបូឌា ដេលី

បទវិភាគ

ជំនាញការ​​​​​​សត្វព្រៃ​​​បាន​​​ឲ្យ​​​ដឹង​​​ថា សត្វ​​​ទោច​​​ជិត​​​​​​ផុត​​​ពូជ​​​មួយ​​​គូ​​​ត្រូវ​​​បាន​​​ព្រលែង​​​ក្នុង​​​ព្រៃ​​​នៅ​​​ឧទ្យាន​​​បុរាណ​​​អង្គរ​​​នា​​​ថ្ងៃ​​​នេះជា​ផ្នែក​​​​​​​​​នៃ​​​ការ​​​ចាប់​​​ផ្ដើម​​​គម្រោង​​​មួយ​​​ដែល​​​នឹង​​​​​​មាន​​​ការ​​​​​​ផ្ដល់​​​ជម្រកជា​​​ថ្មី​​​ដល់​​​​​​សត្វ​​​ព្រៃ​​​ជា​​​ច្រើន​​​ផ្សេង​​​ទៀត​​​ដែល​​​បាន​​​បាត់​​​ពី​​​តំបន់​​​នេះ។

សត្វ​​​ទោច​​​ពីរ​​​ក្បាល​​​ដែល​​​អង្គការ​​​សម្ពន្ធ​​​មិត្ត​​​សត្វ​​​ព្រៃ​​​បាន​​​ព្រលែង​​​ក្នុង​​​ព្រៃ​​​នៅ​​​ឧទ្យាន​​​បុរាណ​​​អង្គរ​​​នាពេលថ្មីៗនេះ​​​។​ Jeremy Holden
សត្វ​​​ទោច​​​ពីរ​​​ក្បាល​​​ដែល​​​អង្គការ​​​សម្ពន្ធ​​​មិត្ត​​​សត្វ​​​ព្រៃ​​​បាន​​​ព្រលែង​​​ក្នុង​​​ព្រៃ​​​នៅ​​​ឧទ្យាន​​​បុរាណ​​​អង្គរ​​​នាពេលថ្មីៗនេះ​​​។​ Jeremy Holden

លោក​​​ នីក ម៉ាកស៍ (Nick Marx) ប្រធាន​​​កម្មវិធី​​​សង្គ្រោះ​​​ និង​​​អភិរក្ស​​​​​​របស់​​​អង្គការ​​​សម្ពន្ធ​​​មិត្ត​​​សត្វព្រៃ​​​ ដែល​​​ដឹក​​​នាំ​​​គម្រោង​​​ផ្ដល់​​​ជម្រក​​​​​​ថ្មី​​​នេះរួម​​​​​​​​ជាមួយរដ្ឋបា​​​ល​​​ព្រៃឈើ​​​​​​​​​​​​និង​​​អាជ្ញាធរ​​​អប្សរា​​​ ដែល​​​ទទួល​​​បន្ទុក​​​គ្រប់​​​គ្រង​​​​​​​​ទីតាំ​​​ង​​​​​​បេតិកភណ្ឌ​​​ពិភពលោក​​​​​​​​​​​​​​​នេះ ​​​បាន​​​​​​មាន​​​ប្រសាសន៍​​​​​​ថា “យើង​​​សង្ឃឹម​​​ថា ប្រសិន​​​បើ​​​ទោច​​​ទាំង​​​នេះ​​​​​​រស់​​​នៅ​​​ក្នុង​​​ព្រៃ​​​នេះ​​​បាន​​​សុខ​​​​​​​​​សាន្ត​​​ វា​​​អាចទាក់​​​ទាញ​​​​​​សត្វ​​​ព្រៃ​​​ផ្សេង​​​ទៀត​​​ ​​​ដែលធ្លាប់​​​រស់​​​នៅទីនេះ​​​​​​ឲ្យ​​​មក​​​រស់​​​នៅ​​​ទីនេះ​​​វិញ​​​។ នេះ​​​ជា​​​ជំហាន​​​ដំបូង​​​តូច​​​មួយ​​​ឆ្ពោះ​​​ទៅ​​​​​​​​​រក​​​គម្រោង​​​ពាក់ព័ន្ធ​​​គ្នា​​​មួយ​​​ទៀត​​​នៅ​​​តំបន់​​​ដ៏​​​សំខាន់​​​ក្នុង​​​ប្រទេស​​​នេះ​​​”​​​​​​ ដោយ​​​លោក​​​បាន​​​បន្ថែម​​​ថា ទោច​​ធំៗ​​​​គូទី២​​​អាច​​​ត្រូវ​​​​​​បាន​​​ព្រលែង​​​​​​​​​​​​ក្នុង​​​រយៈពេល​​​ប៉ុន្មាន​​​ខែ​​​ខាង​​​មុខ​​​នេះ​​​”។

ប្រភេទ​​​សត្វ​​​ផ្សេង​​​ៗ​​​ទៀត​​​​​​ដូចជា ស្វា សត្វ​​​ស៊ីសាច់​​​ជា​​​អាហារ​​​តូចៗ និង​​​សូម្បី​​​តែ​​​ខ្លាឃ្មុំ​​​ក៏​​​អាច​​​​​​ត្រូវ​​​បាន​​​ព្រលែង​​​តាម​​​ក្រោយ​​​ដែរ​​​។​​​ ទោច​​​ទាំង​​​ពីរ​​​ក្បាល​​​ដែលបាន​​​​​​ឈាន​​​ចូល​​​វ័យ​​​បង្កាត់​​​ពូជ​​​ទៅហើយ​​​នេះ​​​​​​បាន​​​កើត​​​នៅ​​​ក្នុង​​​​​​​​​សួន​​​សត្វ​​​ភ្នំតាម៉ៅ​​​ និង​​​មណ្ឌល​​​សង្គ្រោះ​​​​​​​​​សត្វ​​​ព្រៃ​​​​​​ (Wildlife Rescue Center)។ ដោយ​​​សារ​​​ពួក​​​​​​វា​​​​​​ត្រូវ​​បាន​​​ចិញ្ចឹម​​​ដោយ​​​មេ​​​វា​​​ផ្ទាល់​​​នោះ​​​ វា​​​មាន​​​​​​​​​​​​លក្ខណៈ​​​ធម្មជាតិ​​​​​​ខុស​​​ពី​​​សត្វ​​​ទោច​​​​​​​​​តូច​​​ៗ​​​ដែល​​​ត្រូវ​​​បាន​​​ស​​​ង្គ្រោះ​​​ពី​​​អ្នក​​​ជួញ​​​ដូរ​​​សត្វ​​​ព្រៃ​​​។

លោក ម៉ាកស៍​​​ បាន​​មាន​​​ប្រសាសន៍​​​ថា សត្វ​​​ទោច​​​ទាំង​​​ពីរ​​​នេះ​​​ខ្លាច​​​មនុស្ស​​​ដោយ​​​សារ​​​ពួក​​​វា​​​​​​ធំធាត់​​​តាម​​​លក្ខណៈធម្មជាតិ​​​ជាមួយ​​​មេ​​​របស់​​​​​​វា​​​ ឥឡូវ​​​ពួក​​​​​​វា​​​ធំៗ​​​ល្ម​​​ម​​​ហើយ​​​ ហើយ​​​ស័ក្ដិ​​​​​​សម​​​​​​នឹង​​​រស់​​​នៅ​​​ក្នុង​​​ព្រៃ​​​ណាស់​​​”។ លោក អ៊ឹម សុខរិទ្ធី អ្នក​​​នាំពាក្យ​​​អាជ្ញាធរ​​​អប្សរា​​​ បាន​​​ឲ្យ​​​ដឹង​​​ថា ក្នុង​​​រយៈពេល​​​ជាង​​​មួយ​​​ទសវត្សន៍​​​នេះ​​​សត្វ​​​ព្រៃ​​​ជា​​​ច្រើ​​​ន​​​ប្រភេទ​​​ត្រូវ​​​បាន​​​ប្រមាញ់​​​នៅ​​​ក្នុង​​​ឧទ្យាន​​​នេះ​​​​​​ ប៉ុន្តែ​​​កា​​​រ​​​គ្រប់​​​​​​គ្រង​​​​​​​​​​​​ព្រៃ​​​បាន​​​ប្រសើរ​​​​​​​​​ជាង​​​មុន​​​ និង​​​ច្បាប់​​​ដែល​​​ហាម​​​ឃាត់​​​ការ​​​បរ​​​បាញ់​​​បាន​​​ផ្ដល់​​​លទ្ធ​​​ភាព​​​​​​​​​ឲ្យ​​​មាន​​​ការ​​​​​​ផ្ដល់​​​ជម្រក​​​ជាថ្មី​​​ដល់​​​សត្វ​​​ទោច​​​នេះ​​​។

លោក​​​បាន​​​មាន​​​ប្រសាសន៍​​​ថា “ពួក​​​វា​​​ធ្លាប់​​​រស់​​​នៅ​​​ក្នុង​​​ព្រៃ​​​​​​នៅ​​​អង្គរ​​​ ហើយ​​​ឥឡូវ​​​យើង​​​ចង់​​​យក​​​ពួកវា​​​ទៅ​​​ដាក់​​​នៅទីនោះ​​​វិញ​​​ ព្រោះ​​​​​​នៅទីនោះ​​​មាន​​​ការ​​​គ្រប់​​​គ្រង​​​ល្អ​​​ និង​​​ដោយ​​​សារ​​​មាន​​​ការ​​​យល់​​​ដឹង​​​ជាទូទៅ​​​ក្នុង​​​ចំណោម​​​ប្រជា​​​ពល​​​រដ្ឋ​​​ក្នុង​​​មូល​​​ដ្ឋានផង​​​​​​…ឥឡូវ​​​វា​​​ជា​​​កន្លែង​​​មាន​​​សុវត្ថិភាព​​​សម្រាប់​​​សត្វ​​​ទោច​​​ទាំង​​​នោះ ហើយ​​​គ្មាន​​​ការ​​​បរបាញ់​​​អ្វីទៀត​​​ទេ​​​”។

សត្វ​​​ទោច​​​ទាំង​​​នេះ​​​បាន​​​និង​​​កំពុង​​​រស់​​​នៅ​​​ក្នុង​​​ព្រៃ​​​នេះ​​​ក្រោមការ​​​ឃ្លាំ​​​មើល​​​អស់​​​រយៈ​​​ពេល​​​ប្រាំមួយ​​​ខែ​​​​​​មក​​​ហើយ​​​ ដោយ​​​ធ្វើ​​​ឲ្យ​​​វា​​​មាន​​​ឱកាស​​​សម្រប​​​ខ្លួន​​​ទៅនឹង​​​ជម្រក​​​ថ្មី​​​មុន​​​ពេល​​​ពួកវា​​​ត្រូវ​​​បាន​​​ព្រលែង​​​នៅ​​​ព្រឹក​​​នេះ​​​។ បុគ្គលិក​​​ចំនួន​​​បីនាក់​​​ត្រូវ​​​បាន​​​ចាត់​​​តាំង​​​ឲ្យ​​​ឃ្លាំ​​​មើល​​​ទោច​​​ទាំង​​​នេះ​​​នៅ​​​ពេល​​​អនាគត​​​”។

លោក សុខរិទ្ធី ​​​មាន​​​ប្រសាសន៍​​​ថា “យើង​​​នឹង​​​តាម​​​ដាន​​​សុខ​​​ទុក្ខ​​​របស់​​​វា​​​ និង​​​ពីការ​​​សម្រប​​​ខ្លួន​​​របស់​​​វា​​​ទៅ​​​នឹង​​​ធម្មជាតិ​​​ ព្រោះ​​​ពួកវា​​​ធ្លាប់​​​រស់​​​នៅ​​​ដោយ​​​មាន​​​មេចិញ្ចឹម​​​ ដូច្នេះ​​​វា​​​ពិបាក​​​បន្តិច​​​ហើយ​​​សម្រាប់​​​ពួក​​​វា​​​”៕ សេរីវុធ​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស