28 C
Phnom Penh

គ្រួសារ​​​ថ្មី​​​ ដែល​​​ជា​​​អង្គការ​​​ក្រៅ​​​រដ្ឋាភិបាល​​​នឹង​​​ត្រូវ​​​ធ្វើ​​​សមាហរណកម្ម​​​បញ្ចូល​​​​​​​​​ក្នុង​​​​​​ក្រសួង​​​អប់រំយុវជន​​​ និង​​​កីឡា​​​

ដោយ ឌឹ ខេមបូឌា ដេលី

បទវិភាគ

គ្រួសារ​​​ថ្មី​​​ ជា​​​អង្គការ​​​ក្រៅ​​​រដ្ឋាភិបាល​​​ដ៏​​​​​​មាន​​​សារៈ​​​សំខាន់​​​​​​នៅ​​​ក្នុង​​​ប្រទេស​​​កម្ពុជា​​​ ដែល​​​ធ្វើ​​​ការ​​​បណ្ដុះ​​​បណ្ដាល​​​កុមារ​​​ពិការ​​​ កំពុង​​​ស្ថិត​​​ក្នុង​​​​​​ដំណើរ​​​ការ​​​​​​ធ្វើ​​​សមាហរណកម្ម​​​បញ្ចូល​​​​​​ទៅ​​​ក្នុង​​​​​​ក្រសួង​​​អប់រំ យុវជន និង​​​កីឡា​​​ នេះ​​​បើ​​​​​​តាម​​​ប្រធាន​​​អង្គការ​​​នេះ​​​ និង​​​មន្ត្រីរដ្ឋា​​​ភិបាល​​​​​​​​​បាន​​​បញ្ជាក់​​​កាល​​​ពី​​​ម្សិលមិញ​​​។

ថ្លែង​​​នៅ​​​ខាង​​​ក្រៅ​​​សិក្ខាសាលា​​​ថ្នាក់ជាតិ​​​​​​ស្ដី​​​ពី​​​ការ​​​អប់​​​រំ​​​បញ្ចូល​​​គ្នា​​​ លោក Herve Roqueplan ប្រធាន​​​​​​អង្គការ​​​គ្រួសារ​​​ថ្មី​​​ ដែល​​​ត្រូវ​​​បាន​​​បង្កើត​​​ឡើង​​​ ដើម្បី​​​បណ្ដុះ​​​បណ្ដា​​​ល​​​កុមារ​​​​​​តាម​​​ជំរំ​​​ជន​​​ភៀសខ្លួន​​​នៅ​​​ព្រំដែន​​​ថៃ​​​​​​​​​ ក្នុង​​​ឆ្នាំ ១៩៩១​​​​​​បាន​​​មាន​​​ប្រសាសន៍​​​ថា អង្គការ​​​ក្រៅ​​​រដ្ឋាភិបាល​​​​​​នេះ​​​មាន​​​យុទ្ធ​​​​​​សាស្ត្រ​​​ច្រក​​​ចេញ​​​ច្បាស់​​​លាស់​​​។

លោ​​​ក​​​បាន​​​មាន​​​ប្រសាសន៍​​​​​​អំ​​​ពី​​​អង្គការ​​​ក្រៅ​​​រដ្ឋាភិបាល​​​ដែល​​​បណ្ដុះ​​​បណ្ដាល​​​កុមារ​​​ និង​​​ជន​​​ពិការ​​​​​​ជាង​​​១.០០០​​​នាក់​​​នៅ​​​ទីតាំង​​​ប្រាំ​​​កន្លែង​​​ផ្សេង​​​គ្នា​​​​​​ទូទាំង​​​ប្រទេសនេះ​​​​​​ថា “យើង​​​កំពុង​​​​​​ធ្វើ​​​ការ​​​ជាមួយ​​​រដ្ឋាភិបាល​​​មួយ​​​ជំហាន​​​ម្ដង​​​ៗ ហើយ​​​យើង​​​សង្ឃឹម​​​ថា នឹង​​​ប្រគល់​​​​​​ប្រតិបត្តិការ​​​ឲ្យ​​​ទៅ​​​ក្រសួង​​​អប់​​​រំ​​​នៅ​​​ឆ្នាំ​​​២០២១។ យើង​​​ប្រើប្រាស់​​​កម្មវិធី​​​សិក្សា​​​​​​​​ថ្នាក់​​​ជាតិ​​​របស់​​​ក្រសួង​​​អប់រំ​​​ ហើយ​​​គ្រូបង្រៀន​​​​​​របស់​​​យើង​​​ទាំង​​​អស់​​​​​​​​​សុទ្ធ​​​តែ​​​​​​ទទួ​​​ល​​​បាន​​​ការ​​​បណ្ដុះ​​​បណ្ដាល​​​​​​ពី​​​រដ្ឋា​​​ភិ​​​បាល​​​” ដែ​​​ល​​​នឹង​​​ជួយ​​​​​​ឲ្យ​​​​​​អន្តរ​​​កាល​​​ផ្ទេរ​​​​​​ការ​​​​​​គ្រប់​​​គ្រងប្រព្រឹត្ត​​​ទៅ​​​​​​​​​ដោយ​​​រលូន​​​។

លោក​​​បាន​​​មាន​​​ប្រសាសន៍​​​បន្ថែម​​​ទៀត​​​ថា វា​​​ដល់​​​ពេល​​​សម្រាប់​​​រដ្ឋាភិបាល​​​ និង​​​ប្រជា​​​ពល​​​រដ្ឋ​​​កម្ពុជា​​​ទទួល​​​ខុស​​​ត្រូវ​​​​​​ចំពោះ​​​​​​ការ​​​អប់​​​រំ​​​កុមារ​​​ពិការ​​​ហើយ។
នៅ​​​ក្នុង​​​សុន្ទរកថា​​​មួយ​​​ដើម្បី​​​អប​​​អរ​​​សា​​​ទរ​​​ទិវា​​​សិទ្ធិ​​​មនុស្ស​​​អន្តរជាតិ និង​​​ទិវា​​​ជន​​​ពិការ​​​អន្តរជាតិ​​​​​​កាលពី​​​ថ្ងៃ​​​អង្គារ​​​ លោក​​​នាយ​​​ក​​​រដ្ឋ​​​មន្ត្រី​​​ ហ៊ុន សែន ក៏​​​បាន​​​មាន​​​ប្រសាសន៍​​​ដែរ​​​ថា ក្រសួង​​​អប់​​​រំ​​​ យុវជន​​​និង​​​កីឡា​​​​​​ ត្រូវ​​​តែ​​​ទទួល​​​ខុស​​​ត្រូវ​​​ចំពោះ​​​ការ​​​រក្សា​​​ការពារ​​​ការងារ​​​ដ៏​​​ល្អ​​​រយៈ​​​ពេល​​​២៣​​​ឆ្នាំ​​​របស់​​​អង្គការ​​​គ្រួសារ​​​ថ្មី​​​។

លោ​​​ក​​​ ហ៊ុន សែន​​​ បាន​​​មាន​​​ប្រសាសន៍​​​ថា “ប្រសិន​​​បើ​​​មិន​​​ដូច្នោះ​​​ទេ​​​ នៅ​​​ពេល​​​អង្គការ​​​គ្រួសារ​​​ថ្មី​​​ចាក​​​ចេញ​​​ កិច្ចការ​​​នេះ​​​នឹង​​​ត្រូវ​​​​​​រលាយ​​​ទាំង​​​ស្រុង​​​”។ លោក​​​ ចាន់ សុភា ប្រធាន​​​នាយក​​​​​​​​​ដ្ឋាន​​​អប់​​​រំ​​​​​​នៃ​​​ក្រសួង​​​អប់​​​រំ​​​ យុវជន​​​ និង​​​កីឡា បាន​​​បញ្ជាក់ពី​​​ទស្សន​​​របស់​​​លោក​​​ ហ៊ុន​​​ សែន​​​ កាល​​​ពី​​​ម្សិលមិញ​​​​​​ ហើយ​​​បាន​​​បញ្ជាក់​​​ជា​​​ថ្មី​​​ពី​​​ការ​​​ប្ដេជ្ញាចិត្ត​​​របស់​​​រដ្ឋាភិ​​​បាល​​​ ដើម្បី​​​សម្រេច​​​គោល​​​ដៅ​​​អភិវឌ្ឍន៍​​​សហស្ស​​​វត្សរ៍​​​របស់​​​អង្គការ​​​សហប្រជាជាតិ​​​លើ​​​វិស័យអប់​​​រំ​​​។​​​ លោក​​​បាន​​​មាន​​​ប្រសាសន៍​​​ថា “សម្តេច​​​ ហ៊ុន​​​ សែន​​​ សន្យាថា នឹង​​​បញ្ចូល​​​កម្មវិធី​​​​​​បង្រៀន​​​កុមារ​​​​​​ពិការ​​​ ឲ្យ​​​ក្លាយ​​​ជា​​​ផ្នែក​​​មួយ​​​​​​របស់​​​ក្រសួង​​​អប់រំ​​​​​​ជា​​​ផ្លូវ​​​ការ​​។ ហើយ​​​នោះ​​​គឺ​​​ជា​​​ផ្នែក​​​មួយ​​​នៃ​​​ការ​​​សម្រេច​​​គោល​​​ដៅ​​​​​​១០០ភាគ​​​រយ​​​​​​នៅ​​​ក្នុង​​​វិស័យ​​​អប់​​​រ​​​ំ​​​ក្នុង​​​ឆ្នាំ​​​២០១៥”។

លោក Tom Coulter អ្នក​​​ជំនាញ​​​ជន​​​ជាតិ​​​អង់គ្លេស ផ្នែក​​​អប់រំ​​​កុមារ​​​​​​គរ​​​ថ្លង់​​​ ដែល​​​កំពុង​​​ស្ថិត​​​នៅ​​​ក្នុង​​​ប្រទេស​​​កម្ពុជា ​​​រយៈ​​​ពេល​​​មួយ​​​ខែ​​​ដើម្បីជួយ​​​បណ្ដុះបណ្ដាល​​​ និង​​​វាយ​​​តម្លៃ​​​ គ្រូ​​​បង្រៀន​​​ក្នុង​​​ជំនាញ​​​របស់​​​លោក​​​ និង​​​ដែល​​​ធ្លាប់​​​បម្រើ​​​ការ​​​ងារ​​​នៅ​​​​​​ក្នុង​​​ប្រទេស​​​ម៉ាឡាវី ប្រទេស​​​​​ប៉ា​​​ពូ​​​អាស៊ីនូវែល​​​​​​ហ្គីណេ ប្រទេស​​​ថៃ និង​​​ប្រទេស​​​អូម៉ង់ បាន​​​មាន​​​ប្រសាសន៍​​​ថា ការ​​​ដាក់​​​​​​បញ្ចូល​​​ការ​​​អប់​​​រំ​​​ជន​​​ពិការ​​ឲ្យ​​​ស្ថិត​​​ក្រោម​​​ការ​​​គ្រប់​​​គ្រង​​​របស់​​​រដ្ឋាភិបាល​​​គឺ​​​ជា​​​ចំណាត់​​​ការ​​​វិជ្ជមាន​​​។

លោក​​​បាន​​​មាន​​​ប្រសាសន៍​​​ថា “​​​វិស័យ​​​នេះ​​​ហាក់​​​ដូច​​​ជា​​​ កំពុង​​​តែ​​​ទទួល​​​បាន​​​ការ​​​ឧប​​​ត្ថម្ភ​​​គាំទ្រ​​​យ៉ាង​​​ខ្លាំង​​​ពី​​​រដ្ឋមន្ត្រី​​​ថ្មី​​​ [ហង្ស ជួន​​​ណារ៉ុន] ដូច្នេះ​​​វា​​​ជា​​​ពេល​​​ដ៏​​​ល្អ​​​បំផុត​​​។ ខ្ញុំ​​​មើល​​​ឃើញ​​​គេ​​​ធ្វើ​​​​​​អនុវត្ត​​​ពីនេះ​​​ផ្សេង​​​នៅ​​​ក្នុង​​​ប្រទេស​​​ប៉ាពូ​​​អាស៊ីនូវែល​​​ហ្គីណេ ទី​​​ដែល​​​រដ្ឋា​​​ភិបាល​​​បន្ដ​​​ចាត់​​​ទុក​​​ថា ការ​​​អប់​​​រំ​​​កុមារ​​​ពិការ​​​ជា​​​កិច្ច​​​ការ​​​របស់​​​អង្គការ​​​ក្រៅ​​​រដ្ឋាភិបាលតែ​​​ម្នាក់​​​គត់​​​​​​ ហើយ​​​វា​​​ជា​​​គំរូ​​​ដ៏​​​ទន់​​​ខ្សោយ​​​មួយ​​​ វា​​​មិន​​​​​​បាន​​​ផល​​​​​​ទេ​​​៕ សុខុម​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស