30 C
Phnom Penh

រដ្ឋាភិបាល​ត្រូវ​បង្កើត​គណៈកម្មាធិការ​ដើម្បី​ទប់ស្កាត់​​ការ​ធ្វើ​ទារុណកម្ម​​​លើ​ទណ្ឌិត​ និ​ង​អ្នក​ត្រូ​វបាន​ឃុំ​ខ្លួន​

ដោយ ឌឹ ខេមបូឌា ដេលី

បទវិភាគ

អង្គការ​សហ​ប្រជាជាតិបាន​ជំរុញ​ឲ្យ​រដ្ឋា​ភិបាល​បង្កើត​ស្ថា​ប័ន​ឯករាជ្យ​មួយ​ដើម្បី​ត្រួត​ពិនិត្យ​ស្ថាន​ភាព​ទណ្ឌិត​ និង​អ្នក​ត្រូវ​បាន​ឃុំ​ខ្លួន​ បន្ទាប់​ពី​អនុ​គណៈ​កម្មាធិការ​​ទទួល​បន្ទុក​កិច្ច​ការ​ពារ​ទារុណកម្ម​របស់​អង្គការ​កម្រិត​ពិភពលោក​នេះ​។

ជា​ផ្នែកមួយ​នៃ​ពិធីសារ​មាន​ជម្រើស​នៅ ក្នុង​​អនុសញ្ញា​ប្រឆាំ​ងការ​ធ្វើ​ទារុណ​កម្ម​​របស់​អង្គការ​សហ​ប្រជា​ជាតិ​​ ប្រទេស​កម្ពុជា​មាន​​កាតព្វកិច្ច​បង្កើត​ស្ថាប័ន​ឯករាជ្យ​មួយ​ដើម្បី​ត្រួត​ពិនិត្យ​ការ​ធ្វើ​ទារុណកម្ម​ក្នុង​រយៈ​ពេល​មួយ​ឆ្នាំ​ បន្ទាប់​ពីបាន​ផ្តល់​សច្ចានុម័ត​លើ​​ពិធី​សារ​នេះ​កាល​ពីឆ្នាំ​២០០៧​។ ទោះ​ជាយ៉ាង​ណា គិត​រហូត​មក​ទល​់​ពេល​នេះកម្ពុជា​បាន​ត្រឹម​តែ​បង្កើត​គណៈ​កម្មាធិការ ​បណ្តោះ​អាសន្ន​មួយ​ ដើម្បី​ទប់​ស្កាត់​ការ​ធ្វើទារុណកម្ម​ ដែល​ដឹក​នាំ​ដោយ​លោក​រដ្ឋ​មន្ត្រី​ក្រសួង​មហាផ្ទៃ ស ខេង​ ហើយ​អនុ​គណៈ​កម្មា ធិការ​ទទួល​បន្ទុក​កិច្ច​ការ​ការ​ពារ​ការ​ធ្វើ​ទារុណ​ កម្មរបស់អង្គការ​សហ​ប្រជា​ជាតិ​​លើ​កឡើង​ថា គណៈ​កម្មាធិការ​បែ​ប​នេះ​មិន​ទាន់​ឈាន​ដល់​ស្តង់​ដារ​ដែលអាច​ទទួល​យក​បាន​ទេ​។

លោក​ ម៉ាលខុម អីវ៉ាន (Malcolm Evans) ​ប្រធាន​អនុ​គណៈ​កម្មាធិការ​​ទទួល​បន្ទុក​កិច្ច​ការ​ការពារ​ការ​ធ្វើ​ទារុណកម្ម​ បាន​លើក​ឡើង​នៅ​ក្នុង​សេចក្តី​ថ្លែង​ការណ៍​មួយ​ នៅ​ពេល​ក្រុម ​របស់​លោក​បញ្ចប់​បេសកកម្ម​មក​កាន់​ប្រទេស​កម្ពុជា​ថា “ប្រទេស​កម្ពុជា​បច្ចុប្បន្ន​មាន​រយៈ​ពេល​ជាច្រើន​ឆ្នាំ​សម្រាប់​ក្រេប​យក​​ បទ​ពិសោធន៍​ដ៏ចាំបាច់​ ហើយ​ពេល​វេលា​បាន​ មក​ដល់​សម្រាប់​ប្រទេស​នេះ​អនុវត្ត​តាម​ស្មា​រតី ​ប្តេជ្ញា​ជា​អន្តរ​ជាតិ​របស់​ខ្លួន​ ដោយ​បង្កើត​ឯកសារ​យន្តការ​ការ​ពារ​ថ្នាក់​ជាតិ​​”។គួរ​បញ្ជាក់​ ថា ក្រុម​របស់​លោក​បាន​បញ្ចប់​បេស​កកម្ម​របស់​ខ្លួន​កាល​ពីថ្ងៃ​សុក្រ​ ហើយ​​ក្រុម​​បេសក​ជន​ដែល​មាន​សមាជិក​បួន​រូប​នេះ​ បាន​ចុះ​ទៅ ពន្ធនាគារ​ចំនួន​ប្រាំបួន​កន្លែង​ ប៉ុស្តិ៍​នគរ បាល​ និង​កន្លែង​ឃុំ​ឃាំង​ផ្សេង​ៗ​ជាច្រើន​ទៀត​។

របាយការណ៍​របស់​គណៈកម្មាធិការ​នេះ​បាន​បង្ហាញ​ពី​ដំណើរ​ទស្សនកិច្ច​រយៈពេល​ប្រាំ​ថ្ងៃ​របស់​ខ្លួន ហើយ​នឹង​ត្រូវ​បាន​ផ្ញើ​ជូន​រដ្ឋាភិបាល​ ក៏​ប៉ុន្តែ នឹង​រក្សា​ការ​សម្ងាត់​នៅ​ឡើយ​ ប្រសិន​បើ​រដ្ឋាភិបាល​មិន​សម្រេច​ចិត្ត​​ចេញ​ផ្សាយ​របាយការណ៍​នេះ​ទេ​។ ថ្លែង​កាល​ពីម្សិលមិញ នៅ​ក្រៅ​កិច្ច​ប្រជុំ​រយៈពេល​ពីរថ្ងៃ​ក្នុង​រាជធានី​ភ្នំពេញ​ ដើម្បី​ពិភាក្សា​អំពីការ​បង្កើត​ស្ថាប័ន​ឯករាជ្យ​នេះ​ លោក អេវ៉ាន បាន​លើក​ឡើង​ថា គណៈកម្មា​ធិការ​បច្ចុប្បន្ន​ដែល​ត្រូ​វបាន​ដឹក​នាំ​ដោយ​លោក ស ខេង​ នៅ​ប្រទេស​កម្ពុជា​ “ គ្មាន​ការ​ ខ្វះខាត​ កត្តាចាំបាច់​​ដែល​ត្រូវ​បាន​​កំណត់​”។

លោក​បាន​មាន​ប្រសាសន៍​បន្ថែម​ទៀត​ថា  “ [​ គណៈកម្មាធិការ​នេះ​] មិន​ដែល​មាន​បំណង​ ឬ​ក៏​បង្ហាញ​ថា ជា​អ្នក​អនុវត្ត​ទេ​។ តែង​តែ​មាន​​​ការ​បង្កើត​គណៈកម្មាធិការ​បណ្តោះ​អាសន្ន​ ដែល​នាំ​ឲ្យ​មាន​ការ​បង្កើត​ស្ថាប័ន​អនុ​វត្ត​មួយ​​…គឺ​យន្ត​ការ​ការពារ​កម្រិត​ជាតិ​ឯករាជ្យ​​”។ យន្ត​ការ​បែ​ប​នេះ​​ត្រូវ​តែ​ផ្តល់​លទ្ធភាព​​ក្នុង​ការ​ចូល​ទៅកាន់​ទី​កន្លែង​ឃុំឃាំង​ ដោយ​គ្មាន​កំណត់​ និង​គ្មាន​ការ​ប្រកាស​ ហើយ​សិទ្ធិ​និយាយ​ស្តីជាមួយ​អ្នក​ត្រូ​វបាន​ឃុំខ្លួន​ ដោយ​មាន​ការ​រក្សា​ការ​សម្ងាត់​។ លោក អីវ៉ាន បាន​​លើកឡើង​ថា នៅ​ប្រទេស​ផ្សេង​ៗ​ទៀត​ កិច្ច​ការ​នេះ​គឺជា​កិច្ច​ការ​របស់​អង្គការ​សិទ្ធិ​មនុស្ស​ឯករាជ្យ​​។

ថ្លែង​នៅក្នុង​សិក្ខាសាលា​នេះដែរ​  លោក ស ខេង បាន​លើក​ឡើង​ថា លោក​មិន​អាច​​ “​បដិសេធ​គ្មាន​ការធ្វើ​ទារុណកម្ម​របស់​អាជ្ញា​ធរ​ទាំង​ស្រុង​បាន​ទេ​។ សមត្ថភាព​របស់​នគរ​បាល​យុត្តិធម៌​យើង​ និង​មន្ត្រី​ពន្ធនាគារ​របស់​យើង​នៅ​តែ​មាន​កម្រិត​ ហើយ​ត្រូវ​ការ​ភាព​រីក​ចម្រើន​ជាច្រើន​”។ ទោះ​ជាយ៉ាង​ណា​ លោក​បាន​លើកឡើង​​ការ​ពារ​គណៈកម្មាធិការ​របស់​លោក​ផ្ទាល់​ក្នុង​ការ​ទប់​ស្កាត់​ការ​ធ្វើ​ទារុណកម្ម​ ហើយ​​ប្រជា  ​ជន​ ​គួរ​តែ​ផ្តោ​តសំខាន់​ទៅលើ​ [​ អ្វី​ដែល​យើង​សម្រេច​ ​បាន​] ​វាជាជាង​មាន​បញ្ហា​ខ្វះខាត​នៅ​ក្នុង​ក្រុម។  លោក​ ស ខេង​ មិន​បាន​អត្ថាធិប្បាយ​​លម្អិត​អំពី​អ្វី​ដែល​ក្រុមការងារ​របស់​លោក​ សម្រេច​បាន​នោះ​ទេ​​។ លោក អីវ៉ាន បាន​លើក​ឡើង​បន្ត​ថា លោក​ក៏​មិន​មាន​យោបល់​ទាក់​ទង​នឹង​បញ្ហា​នេះ​ដែរ​។

កាល​ពីខែ​មិថុនា​ គណៈកម្មាធិការ​សិទ្ធិ​មនុស្ស​អាស៊ី បាន​ឲ្យ​ដឹង​ថា រដ្ឋាភិបាល​កម្ពុជា​បាន​បរាជ័យ​ក្នុង​ការ​ទប់ស្កាត់​សកម្មភាព​អ្វី​ដែល​ខ្លួន​ហៅថា “ ការធ្វើ​ទារុណកម្ម​ជា​លក្ខ​ណៈ​ប្រព័ន្ធ​” នៅទូទាំង​ប្រទេស​។ យ៉ាង​តិច​១០០ករណី​នៃការ​ធ្វើ​ទារុណ​កម្ម​ ត្រូវ​បាន​កត់​ត្រា​ទុ​ក​ចាប់​តាំង​ពីឆ្នាំ​២០១០​មក​ នេះ​បើ​យោង​តាម​តួលេខ​ទទួល​បាន​ពី​​សមា​គមសិទ្ធិមនុស្ស​អាដហុក​។ ក៏​ប៉ុន្តែ ចំនួន​ករណី​ជាក់​ស្តែង​​ត្រូវ​បាន​គេ​ជឿថា មាន​ចំនួន​ច្រើន​ជាង​នេះ​។ អង្គការ​សិទ្ធិ​មនុស្ស​បាន​​អះ​អាង​ថា ការ​សារភាព​នៅ​ក្នុង​មន្ទីរ​ឃុំ​ឃាំង​ដែល​បាន​បង្ខំ​ឲ្យធ្វើ​​តាម​រយៈ​ការធ្វើ​ទារុណ​កម្ម​ ដូចជា ការដាក់​ច្រវ៉ាក់​ ការ​គំរាម​កំហែង​ និង​ការ​វាយ​ដំ​៕ សុធា

http://www.cambodiadailykhmer.com/news/8439/

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស