38 C
Phnom Penh

ចាប់ខ្លួន​​​ជនសង្ស័យ​​​បីនាក់​​​ពីបទ​​​រំលោភបូក ហើយ​​​ស្វែងរក​​​ចាប់ខ្លួន​​​ពីរនាក់ទៀត​​​ពីបទរំលោភហើយសម្លាប់

ដោយ ឌឹ ខេមបូឌា ដេលី

បទវិភាគ

នគរ​​​បាល​បាន​​និយាយ​កាលពីម្សិលមិញ​ថា​ ជន​សង្ស័យ​បីនាក់​ត្រូវ​បាន​ចាប់​ខ្លួន​កាលពី​ថ្ងៃ​ពុធ​ ពីបទ​រំលោភ​បូក​ស្ត្រី​អាយុ​១៩​ឆ្នាំ​ម្នាក់ ​កាល​​​​ពីថ្ងៃ​អង្គារ ​ក្នុង​ស្រុក​ក្រគរ ខេត្ត​ពោធិ៍​សាត់។
លោក ប៊ិន វណ្ណា អធិការ​នគរបាលស្រុក​​​ក្រគរ​ បាន​មាន​ប្រសាសន៍​ថា នគរ​បាល​បាន​ចាប់​ខ្លួន​ជន​សង្ស័យ​បីនាក់​បន្ទាប់ពី​ម្ដាយ​ស្ត្រី​រង​គ្រោះ​បាន​ដាក់​ពាក្យ​បណ្ដឹង​។

លោក ម៉ោល សុត នាយរង​​​​ការិយាល័យ​​​នគរ​បាល​ព្រហ្មទណ្ឌ​ស្រុក​បានមាន​ប្រសាសន​​៍​​​​ថា​ ជន​សង្ស័យទាំ​ងបីនាក់​មាន​ឈ្មោះ សូ ជា អាយុ​២២​ឆ្នាំ ជា​ជាង​ជួស​ជុល​ម៉ូតូ និង​មិត្ត​ភក្តិ​របស់​​​​គេ​​​​ពីរនាក​់ទៀត​ឈ្មោះ កុល តុងហា អាយុ​១៦​ឆ្នាំ និង​ ចាន់​ តុលា អាយុ​២២​ឆ្នាំ​។

លោក​ ម៉ោលសុត​ បានមាន​ប្រសាសន៍​កាលពីថ្ងៃ​​អង្គារ​ថា ស្ត្រី​រង​គ្រោះ​បាន​ទៅ​ជួប​ឈ្មោះ ជា​ ដែល​នាង​មាន​ទំនាក់​ទំនង​ជាមួយ ហើយ​ក្រោយ​មក​បុរស​រូប​នេះ​បាន​បបួល​នាង រួម​ជាមួយ​នឹង​មិត្ត​ភក្ដិ​របស់​ជននេះ​​​ពីរ​នាក់​​ទៀត​ទៅផ្ទះ​សំណាក់​។

លោក​ ម៉ោលសុត បាន​មាន​ប្រសាសន៍​បន្ថែម​ថា ជន​សង្ស័យទី១ បាន​ទូរស័ព្ទ​ហៅ​មិត្ត​​ភក្ដិ​របស់​ខ្លួន​ពីរ​នាក់មក​ទៀត ហើយ​ពួក​​​គេ​​​​បាន​ចាប់​រំលោភ​ជន​រង​គ្រោះម្នាក់​ម្ដង​ៗ​”។

កាលពីថ្ងៃ​ពុធ ឈ្មោះ ជា បាន​​​ហៅ​​​ឲ្យ​​​ជន​រង​គ្រោះ​មកជួប​ខ្លួននៅ​ផ្ទះ​សំណាក់​​​​ម្តង​​​ទៀត​​​​ ម្តងនេះគឺនៅ​ក្នុង​ឃុំ​កំពង់​លួង ប៉ុន្តែ​ឪពុក​​​​ម្ដាយ​របស់​នាង​បាន​តាមដាន​នាង​ ហើយ​ក៏​បាន​ទូរស័ព្ទ​ប្រាប់​នគរបាល​។

លោក​ ប៊ិន វណ្ណា បាន​មាន​ប្រសាសន៍​ថា​ យើង​ទទួល​បាន​សេចក្ដី​បង្គាប់ពី​ព្រះរាជ​អាជ្ញា​​​​ឲ្យ​ឆ្មក់​ចូល​​ផ្ទះ​សំណាក់​ ហើយ​ចាប់​ខ្លួន​ជន​សង្ស័យទាំងនេះ​​នៅ​ម៉ោង​៨ ​និង​៣០​នាទី​យប់​​នៅ​ក្នុង​បន្ទប់មួយ​”។

លោក ម៉ោល សុត បាន​​​មាន​​​ប្រសាសន៍ថា បន្ទាប់ពីការ​ចាប់​ខ្លួន ​ជន​សង្ស័យ​ទាំង​បី​បាន​សារភាព​ថា​ ពួកគេ​ពិត​ជា​បាន​រំលោភ​ជន​​រង​​​​គ្រោះមែន​។ លោក​បាន​បន្ថែម​ថា​ បុរស​ទាំង​បីនាក់​នេះ​​ត្រូវ​បាន​បញ្ជូន​ទៅសាលា​ដំបូង​ខេត្ត​ដើម្បី​ធ្វើការ​ចោទ​ប្រកាន់​នៅ​ថ្ងៃ​នេះ។

ស្ត្រីរង​គ្រោះ​បានប្រាប់​នគរ​បាល​ថា បុរស​ទាំងបីនាក់​នេះ​បានគំរាម​នាង នោះ​​​ហើយ​​​ជាមូល​ហេតុ​ដែល​នាង​មិនបាន​រាយការណ៍​ពី​​​ករណី​​​​រំលោភ​​​នេះ​។
លោក ម៉ោល សុត បានមាន​ប្រសាសន៍​ថា “ពួកគេ​បាន​គំរាម​សម្លាប់​នាង ប្រសិន​បើ​នាង​ដាក់​ពាក្យ​បណ្ដឹង​ទៅ​អាជ្ញាធរ​”។

នៅ​ក្នុង​ករណី​ដាច់​ដោយ​ឡែក​មួយ​ទៀត​កាលពីម្សិលមិញ​ នគរ​បាល​បាន​ប្រទះ​ឃើញ​សាក​សព​អាក្រាត​កាយ​របស់​​​ស្ត្រី​អាយុ​២៤​ឆ្នាំ​​​​ម្នាក់ ដែល​ពួកគេ​សង្ស័យ​ថា ត្រូវ​បាន​គេ​រំលោ​ភ​ ហើយ​សម្លាប់​នៅ​​ស្រុក​ស្នួល​​ ខេត្ត​ក្រចេះ​​​។​​​

លោក ចាន់ សុគីម អធិការ​នគរ​បាល​ស្រុក​​​​​មាន​ប្រសាសន៍​ថា ស្ត្រី​រូប​នេះ​ត្រូវ​គេ​ស្គាល​​​់​​ថា ឈ្មោះ ត្រេន ស្រីអូន មាន​ស្នាម​របួស​​​​ក្បាល​​​ផ្នែក​ខាង​ក្រោយ​។
លោក សុគីម បាន​​​មាន​​​ប្រសាសន៍ថា កាល​ពីថ្ងៃ​ច័ន្ទថា ស្ត្រី​រង​គ្រោះ​បាន​ទៅ​ចូល​រួមពិធី​ឡើង​ផ្ទះមួយ​ ​​​ហើយ​​​នៅពេល​នោះ​មិត្ត​ភក្ដិ​ប្រុស​​ពីរ​នាក់​បាន​សុំ​ឲ្យ​​នាង​ចេញ​មក​ក្រៅ​និយាយ​គ្នា​លេង​ បន្ទាប់មក​ពួកគេ​បាន​រំលោភ​​​​​​​ហើយ​សម្លាប់​នាង​មុនពេល​យក​សាក​សព​​​​ទៅ​ទម្លាក់ចោលក្នុង​ចម្ការ​ក្បែរ​នោះ។

លោក​បានមាន​ប្រសាសន៍​ថា “ យើង​ស្គាល់​ជន​សង្ស័យទាំងពីរ​នាក់​នោះ​ហើ​យ ប៉ុន្តែ​ពួកគេ​បាន​គេច​ខ្លួនទៅ​ស្រុក​ផ្សេង​បាត់​ទៅ​​​​ហើយ​៕ សារុន​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស