36 C
Phnom Penh

តុលាការ​ផ្តន្ទាទោស​អតីត​​ឧត​្តម​សេនីយ៍ទោ និង​គូកន​ម្នាក់ទៀត​ឲ្យ​ជាប់ពន្ធនាគារ​ម្នាក់ៗ​២០ឆ្នាំ

ដោយ ឌឹ ខេមបូឌា ដេលី

បទវិភាគ

កាល​ពី​ម្សិល​មិញ សាលា​ដំបូងរាជ​ធានី​ភ្នំពេញ​បាន​ផ្ត​ន្ទាទោស​​លោក ចាន់ រិទ្ធីឌី អាយុ​​​៤៥ឆ្នាំ​ ជា​អតីត​ឧត្តម​សេនីយ៍ទោ​ក្នុង​ជួរ​កង​យោធពល​ខេមរ​ភូមិន្ទ និង​បុរស​​ទី​២ឈ្មោះ ឌៀប ស៊ុនឡាយ អាយុ​៥៤​ឆ្នាំ​ឲ្យ​ជាប់​ពន្ធ​នា​គារ​​ម្នាក់​ៗ​រយៈ​ពេល២០ឆ្នាំ ពី​បទ​ចែក​ចាយ​ថ្នាំ​ញៀន​នៅ​ក្នុង​រាជ​ធានី​ភ្នំពេញ​ដែលមាន​ប្រភព​មក​ពី​ប្រទេស​ឡាវ។
លោកស្រី គឹម ដានី ចៅក្រម​ប្រធាន​ក្រុម​ប្រឹក្សា​ជំនុំជម្រះ​​មាន​ប្រសា​សន៍​ថា លោកស្រី​​បាន​សម្រេច​ដោះ​លែង​ជន​សង្ស័យ​ទី​៣ ឈ្មោះ ​​លាង ឈុនរី អាយុ​២៩ឆ្នាំ​ ដោយ​សារ​​ជន​នេះ​មិន​ជាប់ពាក់​ព័ន្ធ​ក្នុង​ប្រតិបត​្តិការ​ចែក​ចាយ​ថ្នាំញៀន​ដែល​មាន​ទីតាំង​នៅក្រៅ​ភូមិ​គ្រឹះ​របស់​ឧត្ត​ម​សេនីយ៍​ទោ​រូបនេះ​ស្ថិត​ក្នុង​ខណ្ឌ​មាន​ជ័យ រាជ​ធានី​ភ្នំពេញ​​​ឡើយ​​​។

អំឡុង​ពេល​ជំនុំជម្រះ​ក្តី​កាលពី​ថ្ងៃទី​១២ ខែ​វិច្ឆិកា ​លោក ចាន់ រិទ្ធីឌី បាន​សារ​ភាព​ប្រាប់​ត​ុលាការ​ថា លោក​មាន​ថ្នាំមេតំ​ហ្វេតាមីន​គ្រី​ស្តាល់​ប្រហែល​១គីឡូក្រាម និង​ថ្នាំអិុច​ស្តា​ស៊ី​១៥គ្រាប់នៅ​ផ្ទះរបស់​លោក​ នៅពេល​នគរ​បាល​ប្រឆាំ​ងគ្រឿ​ង​ញៀន​បាន​ឆ្មក់​ចូល​កាល​ពី​ខែ​សីហា ឆ្នាំ​២០១២​។

លោ​ក​បានមាន​ប្រសាសន៍​ថា ថ្នាំ​ញៀន​ទាំង​នោះ​ត្រូវ​បាន​ស្ត្រី​ជន​ជាតិ​ឡាវ​ម្នាក​់​នាំ​មក​​​​​​​​កាន់រាជធានីភ្នំពេញ ប៉ុន្តែ​លោក​បាន​បដិ​សេធ​​​​​​​​​ចំពោះ​​​​​​របាយការណ៍​នគរបាល​ដែល​ថា ថ្នាំ​ញៀន​ទម្ងន​់​៥​គីឡូក្រាម​ត្រូវ​បាន​រក​ឃើញ​អំឡុង​​​​ពេល​​​ឆ្មក់​ចូល​នោះ។

លោក ណាច ទ្រី មេធាវី​ការ​ពារ​​លោក​ ចាន់ រិទ្ធីឌី បានមាន​​ប្រសាសន៍​ថា លោក​មិន​មាន​វត្តមាន​នៅ​តុលាការ​ទេ​ កាល​ពីម្សិល​មិញ​​នៅ​ពេល​ដែល​តុលាការ​​​​ប្រកាស​​​​សាល​ក្រម​នោះ ហើយ​ថា លោក​មិន​ដឹង​ថា តើកូន​ក្ដី​របស់​លោក​នឹង​ប្ដឹង​ឧទ្ធរណ៍​ឬ​​​អត់​​​ទេ​​​។

លោកស្រី​ ងួន មករា មេធាវីការពារ​​​លោក ឌៀប សុ៊នឡាយ មាន​ប្រសា​សន៍​ថា ការផ្ត​ន្ទា​ទោសឲ្យ​ជាប់ពន្ធ​នាគារ​នេះ​មិនអាច​ទទួល​យក​បានទេ​ ហើយ​កូន​ក្ដី​របស់​លោកស្រី​នឹង​​ប្ដឹង​ឧទ្ធរ​ណ៍​​​​ជំទាស់​​​​​​សេចក្តី​​​សម្រច​​​នេះ​​​។ លោកស្រី​បាន​មាន​​ប្រសាសន៍​ថា “ វាមិន​អា​ច​ទទួល​យក​បានទេ”។

អំឡុងពេល​​ជំនុំ​ជម្រះ​ក្ដី​កាលពី​ខែ​វិច្ឆិកា លោក ឌៀប ស៊ុន​ឡាយ បាន​ប្រាប់​តុលា​ការ​ថា កាលពីឆ្នាំ​​២០០៧​លោក​បាន​យល់ព្រម​​ចែក​ចាយ​គ្រឿង​ញៀន​ឲ្យ​លោក​​ ចាន់ រិទ្ធីឌី ដែលពេល​នោះ​ជា​ឧត្តម​សេនីយ៍​ទោ។ ​បញ្ជា​ដំបូង​របស់​ឧត្តម​សេនីយ៍​ទោរូប​នេះ គឺ​ឲ្យលោក ឌៀប ស៊ុន​ឡាយ ធ្វើ​ដំណើរ​ទៅ​ប្រទេស​ឡាវ​ដើម្បី​​ជួប​ជាមួយ​ឈ្មួញ​កណ្ដាល​ម្នាក់​ដែល​ផ្ដល់​ថ្នាំ​ញៀន​សម្រាប់​​​ចែក​​​ចាយ​​​​ក្នុង​រាជ​ធានីភ្នំពេញ​៕​​​​​សារុន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស