អង្គការ​​​សិទ្ធិមនុស្ស​​​អំពាវ​​​នាវ​​​ឲ្យ​​​រដ្ឋាភិបាល​​​សើុប​​​អង្កេត​​​ករណី​​​ធ្វើ​​​ទារុណកម្ម​​​ស្ត្រីខ្មែរ​​​នៅកាសីុណូថៃ

អង្គការសិទ្ធិមនុស្ស​​​អាដហុក​​​បាន​​​អំពាវ​​​នាវ​​​ឲ្យ​​​រដ្ឋាភិបាល​​​សើុប​​​អង្កេត​​​កា​​​របង្ខាំង​​​​​​និង​​​ធ្វើ​​​ទារុណកម្ម​​​ស្ត្រីខ្មែរ​​​ម្នាក់​​​​​​នៅ​​​កាសីុណូលួច​​​លាក់​​​មួយ​​​កន្លែង​​​ដែល​​​នាង​​​ធ្វើ​​​ការ​​​ក្នុងទីក្រុង​​​បាង​​​កក​​​ ប្រទេស​​​ថៃ​​​។

តាម​​​រយៈសេចក្តីថ្លែងការណ៍​​​មួយ​​​ដែល​​​បាន​​​ចេញ​​​កាល​​​ពីថ្ងៃសុក្រ​​​ អង្គការ​​​អាដហុក​​​បាន​​​លើក​​​ឡើង​​​ថា រដ្ឋាភិបាល​​​ត្រូវ​​​តែ​​​ជំរុញ​​​ឲ្យ​​​មាន​​​ការ​​​​​​ “ សើុបអង្កេត​​​ពេញ​​​លេញ​​​” លើ​​​ករណី​​​របស់​​​ស្ត្រីរូប​​​នេះ​​ដែល​​​រួច​​​ជីវិត​​​​​​​​​ពេល​​​នាង​​​ត្រូវ​​​បាន​​​សង្គ្រោះ​​​នៅថ្ងៃ​​​អង្គារ​​​។​​​​​​អង្គការ​​​ នេះ​​​បាន​​​​​​បន្ថែម​​​ថា អាជ្ញាធរ​​​ថៃ​​​បាន​​​បរាជ័យ​​​ក្នុងការ​​​ចាត់​​​វិធាន​​​ការសើុប​​​អង្កេតពី​​​ករណី​​​​​​ នេះ​​​​​​ឲ្យ​​​បាន​​​ទាន់​​​ពេលនិងនៅ​​​ក្នុងការ​​​នាំ​​​​​​អ្នក​​​ប្រព្រឹត្ត​​​​​​មក​​​ផ្តន្ទា​​​ទោស​​​។

អ្នកនាង​​​ ផាត់​​​ សំ​​​មេសា ​​​អាយុ​​​៣២​​​ឆ្នាំ​​​មក​​​ពី​​​ខេត្ត​​​បន្ទាយ​​​មាន​​​ជ័យ​​​ បាន​​​ធ្វើការ​​​នៅ​​​កាសីុ​​​ណូ​​​មួយ​​​នៅ​​​ប៉ោយ​​​ប៉ែត​​​អស់​​​រយៈពេល​​​ពីរ​​​ឆ្នាំ​​​មុន​​​ពេល​​​ធ្វើ​​​ចំណាកស្រុក​​​ទៅធ្វើការ​​​នៅ​​​ក្នុង​​​កាសីុណូមួយ​​​នៅ​​​ទីក្រុង​​​បាងកក​​​។ គ្រួសារ​​​របស់​​​ សំមេសា បានបាត់​​​ដំណឹង​​​របស់​​​នាង​​​អស់​​​រយៈពេល​​​ពីរសប្តាហ៍​​​​​​គិត​​​ចាប់​​​​​​ពី​​​ចុង​​​ខែ​​​វិច្ឆិកា មុនពេល​​​រូប​​​ភាព​​​អាក្រាត​​​កាយ​​​របស់​​​នាង​​​លេច​​​ឡើង​​​តាម​​​ហ្វេសប៊ុក កាល​​​ពីដើម​​​ខែ​​​នេះ​​​។

អង្គការ​​​អាដហុក​​​បាន​​​ឲ្យដឹង​​​តាម​​​រយៈ​​​សេចក្តី​​​ថ្លែង​​​ការណ៍នេះថា “ ចាប់ពីថ្ងៃទី​​​២៨​​​ខែ​​​វិច្ឆិកា រហូតដល់​​​ថ្ងៃទី​​​១៧​​​ ខែធ្នូ​​​ នាង​​​ត្រូវ​​​បាន​​​បង្ខាំង​​​ទុក​​​និង​​​ត្រូវ​​​បាន​​​​​​វាយ​​​ដំ​​​​​​ម្តង​​​ហើយ ​​​ម្ត​​​ងទៀត​​​ដោយ​​​​​​អ្នក​​​គ្រប់​​​គ្រង​​​របស់​​​នាង​​​​​​ដែល​​​ក៏​​​បាន​​​បង្ខំ​​​ឲ្យនាង​​​ធ្វើ​​​សកម្មភាព​​​ដែល​​​ធ្វើ​​​ឲ្យ​​​បាត់​​​បង់​​​សេចក្តីថ្លៃថ្នូរ​​​ ដូចជាឲ្យនាង​​​ស្រាត​​​នៅ​​​មុខ​​​គេ​​​មុខ​​​ឯង​​​និង​​​បង្ហោះរូប​​​អាក្រាត​​​ពាក់​​​កណ្តាលកាយ​​​​​​របស់​​​នាង​​​ដែល​​​បន្ទាប់​​​មក​​​ត្រូវ​​​បាន​​​បង្ហោះ​​​ពេញ​​​អីុ​​​នធើ​​​ណិត​​​​​​ជាដើម”។

សេចក្តីថ្លែងការណ៍នេះមាន​​​ខ្លឹម​​​សារ​​​បន្ត​​​ថា “ អង្គការ​​​អាដហុក​​​​​​ ថ្កោល​​​ទោស​​​ពេញ​​​ទំហឹង​​​​​​ចំពោះការ​​​ប្រើ​​​ទារុណកម្ម​​​ និង​​​ការ​​​ធ្វើ​​​ឲ្យ​​​បាត់​​​បង់​​​សេចក្តីថ្លៃថ្នូរ​​​របស់​​​មនុស្ស​​​​​​​​​តាម​​​រយៈការ​​​បង្ខំ​​​ឲ្យជន​​​រងគ្រោះ​​​​​​ធ្វើ​​​សកម្មភាព​​​មិន​​​សមរម្យ​​​ ដែលជាការ​​​រំលោភ​​​លើ​​​ច្បាប់​​​ជាតិ​​​និង​​​អន្តរជាតិ​​​នានា​​​។
អង្គការអាដ​​​ហុក​​​​​បាន​​​អំពាវ​​​នាវ​​​ឲ្យ​​​រដ្ឋា​​​ភិ​​​បាល​​​កម្ពុជា​​​ចាត់​​​វិធាន​​​ការ​​​បន្ទាន់ជាមួយ​​​រាជ​​​រដ្ឋាភិ​​​បាល​​​ថៃ​​​ ដើម្បី​​​ជំរុញ​​​ឲ្យមានការសើុប​​​អង្កេត​​​ពេញ​​​លេញ​​​លើ​​​ការ​​​ប្រព្រឹត្ត​​​ចំពោះ អ្នកនាង សំមេសា ដើម្បីស្វែង​​​រកយុត្តិធម៌​​​សម្រាប់​​​នាង​​។

កាល​​​ពីដើម​​​សប្តាហ៍នេះ បងថ្លៃ​​​ប្រុស​​​របស់​​​ជន​​​រងគ្រោះ​​​បាន​​​ឲ្យ​​​ដឹង​​​ថា សំមេសា បាន​​​លួច​​​ទាក់ទង​​​មក​​​គ្រួសារ​​​របស់​​​ខ្លួន​​​ពីក្រុង​​​បាងកក​​​ ហើយ​​​បាន​​​ប្រាប់​​​ក្រុម​​​គ្រួសារ​​​ថា អ្នក​​​គ្រប់​​​គ្រង​​​កាសីុណូ បាន​​​គំរាម​​​នាង​​​ និង​​​បាន​​​យក​​​​​​ប្រាក់សន្សំរបស់​​​នាង​​​ បន្ទាប់ពីបាន​​​ចោទ​​​ប្រកាន់រូប​​​នាង​​​និង​​​ស្ត្រីមា្នាក់​​​ទៀតថាបាន​​​ជួយ​​​​​​អ្នក​​​លេងល្បែង​​​ឲ្យលេង​​​ឈ្នះ​​​ច្រើន​​​នៅឯ​​​កាសីុណូ​​​នោះ។

លោក ផៃ សីុផាន អ្នក​​​នាំពាក្យ​​​ទីស្តីការ​​​គណៈរដ្ឋមន្ត្រី​​​បាន​​លើក​​​ឡើង​​​ថា លោក​​​ជឿ​​​ថា នឹង​​​មានការសើុប​​​អង្កេត​​​។លោក​​​បាន​​​មាន​​​ប្រសាសន៍ថា “ ចាប់​​​តាំង​​​ពី​​​លោកជំទាវ​​​ឯក​​​អគ្គ​​​រាជទូត​​​ [យូ អយ] បាន​​​​​​ចេញ​​​មុខ​​​ដោះ​​​ស្រាយ​​​រឿងនេះមក ​​​ខ្ញុំជឿ​​​ជាក់​​​ថា  ការ​​​សើុប​​​អង្កេត​​​ ​​​កំពុង​​​ដំណើរ​​​ការ​​​ហើយ​​​”៕សេរីវុធ​​​