31 C
Phnom Penh

កូនលោក​ ហ៊ុន សែន និយាយថា គណបក្ស​​​ប្រឆាំង​ទាក់​ទាញ​អ្នក​តវ៉ា​​​បាន​ច្រើន​ដោយ​ប្រើ​ទឹក​លុយ

ដោយ ឌឹ ខេមបូឌា ដេលី

បទវិភាគ

លោក ហុ៊ន ម៉ានិត កូន​ប្រុស​ទី២​របស់​លោក​​នាយក​រដ្ឋ​មន្ត្រី ហ៊ុន សែន បាន​លើក​ឡើង​ថា អ្នក​ចូល​រួម​នៅ​ក្នុង​ការ​ហែក្បួន​ប្រាំបីថ្ងៃ​ជាប់​ៗ​គ្នា​របស់​គណបក្ស​សង្គ្រោះជាតិ​​ក្នុង​ទីក្រុង​ភ្នំពេញ​​ កាលពីថ្ងៃ​អាទិត្យ​​ ដោយ​សារ​តែ​ការ​​ប្រើ​លុយ​​ទាក់​ទាញ​អ្នក​តវ៉ា​ឲ្យ​មក​ចូល​រួម​។ 

មនុស្ស​ប្រហែល​៣០.០០០​នាក់​បានជួប​ជុំគ្នា​នៅទីលាន​ប្រជា​ធិបតេយ្យ​កាលពី​ថ្ងៃ​អាទិត្យ​ ដើម្បីទាមទារ​ឲ្យ​លោក​ ហ៊ុន សែន ចុះ​ចេញពីតំណែង​ ឬ​រៀប​ចំការ​បោះឆ្នោ​ត​ឡើង​វិញ​ ហើយ​នៅ​ពេល​ក្រោយ​មក​មនុស្ស​​ប្រហែល​២០.០០០​នាក់​បាន​ហែក​្បួន​តាម​ផ្លូវ​ចាប់​ពីម៉ោង​២និង​៣០​នាទី​រសៀល ​រហូត​ដល់​​​ម៉ោង​៧យប់​។

លោក ហ៊ុន ម៉ានិត បាន​សរសេ​រ​នៅ​លើ​ទំព័រ​​​ហ្វេស​ប៊ុក​របស់​គាត់​កាលពីល្ងាច​ថ្ងៃ​អាទិត្យ​ថា ចំនួន​អ្ន​ក​ចូល​រួម​ខុស​គ្នា​នេះ ​បើ​ប្រៀប​​​ធៀប​ទៅ​នឹង​ការ​ហែក្បួន​ប្រាំពីរ​ថ្ងៃ​ដំបូង ដែល​​​មាន​មនុស្ស​​ចូលរួម​ហែក្បួន​ក្នុង​មួយ​ថ្ងៃ​តិច​ជាង​១០.០០០​នាក់​នោះ គឺ​គួរ​ឲ្យ​សង្ស័យ​​ណាស់​។

លោក ម៉ានិត បាន​សរសេរ​ថា “ ខ្ញុំ​ដឹង​ថា វាគួរ​ឲ្យ​​អស់​សំណើច​ណាស់​​នៅ​ពេល​ដែល​គណបក្ស​​សង្គ្រោះជាតិប្រកាស​ថា ​ការ​ចូល​រួម​ធ្វើ​បាតុ​កម្ម​ពីថ្ងៃ​ទី១៥ ដល់​ថ្ងៃ​ទី​២១​គឺ​ជា​ការ​​ស្ម័គ្រ​ចិត្ត​។ ជា​មធ្យម​មាន​អ្នក​តវ៉ា​ប្រហែល​ពី​១.៥០០​នាក់ទៅ​២.៥០០​នាក់​”​។

លោក​បាន​សួរ​ថា “ នៅ​ថ្ងៃ​ទី​​២២​ ខែធ្នូ ឆ្នាំ​​២០១៣​ វា​មិន​មែនជា​ករ​ស្ម័គ្រ​ចិត្ត​ទៀត​ទេ។ មាន​អ្នក​តវ៉ា​ពី​១៥.០០០​នាក់​ទៅ​២០​.០០០​នាក់​នេះ​ តើ​មាន​ន័យ​ដូចម្ដេច​?”។

លោក​បាននិយាយ​ថា “​ ចំពោះ​ខ្ញុំ​ គណ​បក្ស​សង្គ្រោះជាតិ​ត្រូវ​ចំណាយ​លុយ​ច្រើន​​ដើម្បី​ទាក់​ទាញ​មនុស្ស​ពីតាម​ជន​បទ​។ តើ​​ពួកគេ​គិត​ដូចម្ដេច​ ២០.០០០​រៀល​ ជាមួយ​​នឹង​​ការ​បន្ថែម​អាហា​ថ្ងៃត្រង់?​​”​។

គណបក្ស​​ប្រជាជន​​កម្ពុជា​​របស់​លោក​ ហ៊ុន សែន តាម​ទម្លាប់​ឲ្យលុយ​ និង​អាហារ​ដើម្បី​ទាក់​ទាញ​មនុស្ស​ឲ្យ​មក​ចូល​រួម​ការ​ជួប​ជុំ​ផ្នែក​នយោបាយ​របស​់​ខ្លួន​​។ គណបក្ស​នេះ​បាន​ទទួល​រង​ការ​រិះ​គន់​ជា​ច្រើន​ចំពោះ​ការ​ធ្វើ​ដូច្នេះ​​ អំឡុង​ពេល​ធ្វើ​យុទ្ធនាការ​ឃោសនា​​បោះ​ឆ្នោត​កាលពីខែកក្កដា។

លោក សម រង្ស៊ី បាន​បដិសេធ​កាលពីម្សិល​​​មិញ​ថា គណបក្ស​សង្គ្រោះជាតិ​មិន​បាន​ធ្វើ​បែប​នេះទេ តាម​ពិត​​គណបក្ស​មិនអាច​មាន​លទ្ធ​ភាព​ធ្វើ​ដូច្នេះ​ឡើយ​។

លោក​បានមាន​ប្រសាសន៍​ថា “ ខ្ញុំ​សូម​ប្រាប់​​លោក​ថា ប្រសិន​បើ​យើង​ធ្វើ​ដូច្នេះ​​ ខ្ញុំ​នឹ​ង​ខូច​កេរ្តិ៍ឈ្មោះ ហើយ​គណបក្ស​សង្គ្រោះជាតិ​នឹង​​​ដួល​រលំ។ តើ​ខ្ញុំ​មាន​លុយពីណា​ឲ្យ​មនុស្ស​រាប់​ម៉ឺន​នាក់​នោះ?”។លោក​បាន​បន្ថែម​ថា “ មន្ត្រី​​គណបក្ស​ប្រជា​ជន​កម្ពុជា​ជាច្រើន​ រួម​ទាំង​កូន​លោក​ ហ៊ុន សែន ផង​ ពួកគេ​សុាំ​នឹង​ការ​​ធ្វើ​ដូច្នេះ​​ ហើយ​ពួកគេ​បក​ស្រាយ​ថា ការ​ធ្វើ​បាតុកម្ម​របស់​យើងបាន​​ធ្វើ​ដូច្នេះ​”​។

លោក​បាន​មាន​ប្រសាសន៍​ថា “ យើង​មាន​​ទម្លាប់​ខុស​គ្នា​។ អ្នក​គាំទ្រ​របស់​យើង​មក​ចួូល​​រួម​ដោយ​មិន​រំពឹង​ថា​ ទទួលបាន​អ្វី​សម្រាប់​ខ្លួន​​គេ​ឡើយ​។ តាមពិត​អ្នក​ចួូលរួម​ជាច្រើន​បាន​​​​បរិច្ចាគ​ដល់​យើង​ថែម​​ទៀត​​”៕​គឹមហឿន

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស