មេបញ្ជាការកងរាជអាវុធហត្ថម្នាក់បាននិយាយកាលពីម្សិលមិញថា មន្ត្រីកងរាជអាវុធហត្ថខេត្តម្នាក់ត្រូវបានគេបាញ់សម្លាប់នៅក្នុងហាងខារ៉ាអូខមួយកន្លែងក្នុងក្រុងព្រះសីហនុ កាលពីយប់ថ្ងៃច័ន្ទ បន្ទាប់ពីមិត្តភក្ដិរបស់គាត់មួយក្រុមមានជម្លោះជាមួយក្រុមផ្សេងទៀតនៅក្នុងបន្ទប់ជាប់គ្នានោះ។
លោក ហា៊ន និន មេបញ្ជាការកងរាជអាវុធហត្ថខេត្តបានមានប្រសាសន៍ថា លោកអនុសេនីយ៍ឯក ពៅ សុធារ័ត្ន អាយុ៤៦ឆ្នាំត្រូវបានបាញ់មួយគ្រាប់ធ្លាយក្រអូមមាត់នៅខាងក្នុងភោជនីយដ្ឋាន និងខារ៉ាអូខេម្ចាស់ចិត្តក្នុងសង្កាត់លេខ៤។
លោកឧត្តមសេនីយ៍ត្រី ហ៊ាន និន បានមានប្រសាសន៍ថា “ លោក ធារ័ត្ន និងមិត្តភក្ដិរបស់គាត់មានជម្លោះជាមួយមនុស្សមួយក្រុមទៀត ហើយពួកគេបានវាយគ្នា”។ លោកអនុសេនីយ៍ឯក សុធារ័ត្ន បានស្លាប់នៅតាមផ្លូវទៅកាន់មន្ទីរពេទ្យ។
នៅពេលឈ្លោះគ្នា ជនរងគ្រោះបានដកកាំភ្លើងកា៥៤របស់គាត់ ភ្ជង់ក្រុមដែលគាត់មានជម្លោះជាមួយ ហើយមនុស្សម្នាក់នៅក្នុងក្រុមម្ខាងទៀតបានចាប់យកកាំភ្លើងនោះបាញ់គាត់ចំមាត់តែម្ដង។
លោក ហា៊ន និន បានមានប្រសាសន៍ថា បុរសពីរនាក់ត្រូវបាននាំយកមកសាកសួរក្នុងនាមជាសាក្សី ប៉ុន្តែពួកគេមិនជាប់សង្ស័យថា ជាអ្នកបាញ់ទេ៕ គឹមហឿន