30 C
Phnom Penh

អង្គបុរេ​​​ជំនុំ​​​ជម្រះ​​​នៅ​​​សាលាក្ដី​​​ខ្មែរ​​​ក្រហម​​​ចេញ​​​ផែនការ​​​ការងារ​​​​​​សម្រាប់​​​សវនាការ​​​បន្ទាប់នេះ​​​

ដោយ ឌឹ ខេមបូឌា ដេលី

បទវិភាគ

កាល​​​ពីម្សិលមិញ​​​ អង្គបុរេ​​​ជំនុំជម្រះ​​​នៅ​​​សាលា​​​ក្ដី​​​ខ្មែរ​​​ក្រហម​​​​​​បាន​​​ស្នើ​​​ឲ្យ​​​ក្រុម​​​មេធាវី​​​ការពារ​​​ក្ដី​​​​​​ផ្ដល់​​​របាយ​​​ការណ៍​​​​​អំពី​​​ស្ថាន​​​ភាព​​​កូន​​​ក្ដី​​​របស់​​​ខ្លួន​​​ថា តើ​​​អាច​​​ឡើង​​​សវនាការ​​​​​​ក្នុង​​​​​​ដំណាក់​​​កាល​​​ទី២នៃ​​​សំណុំ​​​រឿង​​​បច្ចុប្បន្ន​​​​​​បាន​​​ឬ​​​អត់​​​​​​ ឲ្យ​​​បាន​​​​​​មុន​​​​​​ថ្ងៃ​​​​​​ទី​​​១៥​​​ ខែ​​​មករា​​​ ហើយ​​​បាន​​​ស្នើ​​​ឲ្យ​​​ភាគ​​​ី​​​ទាំង​​​អស់​​​​​​​​​លើក​​​​​​ជា​​​សំណើ​​​ពាក់​​​ព័ន្ធ​​​នឹង​​​​​​​​​វិសាល​​​ភាព​​​នៃ​​​​​​សវនាការ​​​​​​វគ្គ​​​តូច​​​​​​បន្ទាប់​​​​​​ឲ្យ​​​បាន​​​មុន​​​ថ្ងៃ​​​ទី​​​៣១​​​ ខែ​​​មករា។

កាល​​​បរិច្ឆេទ​​​នេះ​​​គឺ​​​ជា​​​ផ្នែក​​​នៃ​​​​​​ផែន​​​ការ​​​​​​ការងារ​​​ដ៏​​​ទូលំទូលាយ​​​មួយ​​​ដែល​​​អង្គបុរេ​​​ជំនុំ​​​ជម្រះ​​​​​​បាន​​​ដាក់​​​ចេញ​​​​​​កាលពី​​​ម្សិលមិញ​​​​​​សម្រាប់​​​ដំណាក់​​​កាល​​​ទី​​​២​​​នៃ​​​សំណុំ​​​រឿង​​​០០២ ដែល​​​ក្នុង​​​នោះ​​​​​​ មេដឹកនាំ​​​ជាន់​​​ខ្ពស​​​់​​​ខ្មែរ​​​ក្រហម​​​ នួន ជា និង​​​ ខៀវ សំផន​​​​ ជាប​​​់​​​ចោទ​​​ពី​​​បទ​​​​​​ប្រព្រឹត្ត​​​អំពើ​​​ប្រល័យ​​​ពូជ​​​សាសន៍​​​ ឧក្រិដ្ឋ​​​កម្ម​​​ប្រឆាំ​​​ង​​​មនុស្ស​​​ជាតិ​​​ និង​​​ការ​​​រំលោភ​​បំពាន​​​​​​យ៉ាង​​​ធ្ងន់​​​លើ​​​អនុសញ្ញា​​​ក្រុងហ្សឺណែវ​​​ ឆ្នាំ​​​១៩៤៩។

ខណៈ​​​ពុំ​​​បាន​​​កំណត់​​​កាល​​​បរិច្ឆេទ​​​សម្រាប់​​​ការ​​​ចាប់​​​ផ្ដើម​​​សវនាការ​​​លើ​​​សំណុំ​​​រឿង​​​​​​០០២​​​/០២​​​នោះ​​​ ផែន​​​ការ​​​​​​ការងារ​​​នេះ​​​គឺ ជា​​​កាល​​​វិភាគ​​​​​​សម្រាប់​​​ការ​​​​​​សម្រេច​​​ចិត្ត​​​​​​ថាតើ​​​បទ​​​ឧក្រិដ្ឋ​​​កម្ម​​​អ្វី​​​ឲ្យ​​​​​​ពិត​​​ប្រាកដ​​​ដែល​​​សវនា​​​ការ​​​ដ៏​​​ស្មុគស្មាញ​​​នេះ​​​​​​គួរ​​​ផ្ដោត​​​លើ​​​។

លោក​​​ និល នុន ប្រធាន​​​អង្គបុរេ​​​ជំនុំ​​​ជម្រះបាន​​​លើក​​​ឡើង​​​ថា ដំណាក់​​​​​​កាល​​​នៅ​​​​​​ក្នុង​​​ផែនការ​​​ការងារ​​​ថ្មី​​​នេះ​​​មាន​​​ការ​​​គិត​​​គូអំ​​​ពី​​​ចំណុច​​​​​​​​​ទាំងនេះ​​​ ដែលចំណុច​​​នីមួយ​​​ៗ​​​​​​ត្រូវ​​​វាយ​​​​​​តម្លៃ​​​មុន​​​ពេល​​​អង្គ​​​បុរេ​​​ជំនុំ​​​ជម្រះ​​​កំណត់​​​កាល​​​បរិច្ឆេទ​​​​​​សម្រាប់​​​ការ​​​ចាប់​​​ផ្ដើម​​​​​​បើក​​​​​​សវ​​​នាការ​​។

បន្ទាប់​​​ពី​​​ក្រុម​​​មេធាវី​​​ការពារ​​​ក្ដី​​​​​​ទាំង​​​ពីរ​​​​​​និង​​​​​​អយ្យ​​​ការ​​​​ដាក់​​​ជូន​​​សំណើ​​​ពាក់ព័ន្ធ​​​នឹង​​​វិសាល​​​ភាព​​​​​​នៃ​​​​​​សវនាការ​​​នេះ​​​​​​មុន​​​ដំណាច់​​​ខែ​​​មករា​​​រួច​​​​​​ផែនការ​​​ការងារ​​​នេះ​​​តម្រូវ​​​ឲ្យ​​​មាន​​​ការ​​​​​​ផ្ដល់​​​​​​ទឡ្ហីករណ៍ផ្ទាល់​​​មាត់​​​រយៈ​​​ពេល​​​មួយ​​​ថ្ងៃ​​​​​​ពាក​​​់​​​ព័ន្ធ​​​នឹង​​​សំណើ​​​របស់​​​ខ្លួន​​​នៅ​​​ថ្ងៃ​​​ទី​​​១១ ខែ​​​កុម្ភៈ​​​។

បច្ចុប្បន្ន​​​នេះ​​​ អង្គបុរេ​​​ជំនុំជម្រះ​​​កំពុង​​​ពិចារណា​​​​​​អំពី​​​​​​សាល​​​​​​ក្រម​​​​​​ក្នុង​​​សវនាការ​​​​​​វគ្គ​​​តូច​​​ទី​​​១នៃ​​​សំណុំ​​​រឿង​​​០០២​​​សម្រាប់​​​ចុង​​​ចោទ​​​ទាំង​​​ពីរ​​​នាក់​​​ ហើយ​​​រំពឹង​​​ថា នឹង​​​ចេញ​​​សេចក្ដី​​​សម្រេច​​​អំឡុង​​​​​​​​ត្រី​​​មាស​​​ទី១​​​នៃ​​​ឆ្នាំ​​​ក្រោយ​​​នេះ​​​។

ក្រុម​​​មេធាវី​​​ការពារ​​​ក្ដី​​​របស់​​​លោក​​​​​​ ខៀវ សំផន បាន​​​ស្នើ​​​ឲ្យ​​​តុលាការ​​​​​​ពន្យារពេល​​​ចាប់​​​ផ្ដើម​​​សវនាការវគ្គ​​​​​​តូច​​​ទី​​​២​​​ រហូត​​​ទាល់​​​តែ​​​សវនា​​​ការ​​​វគ្គ​​​តូច​​​ទី​​​១ បាន​​​បញ្ចប់​​​ជា​​​ស្ថាពរ​​​ ក្នុង​​​នោះ​​​រាប់​​​ទាំង​​​ដំណើរ​​​ការ​​​ប្ដឹង​​​ជំទាស់​​​ផង​​​។ ក្រៅពី​​​វិសាល​​​ភាព​​​នៃ​​​សវនាការ​​​ទី២​​​ ក្រុម​​​មេធាវី​​​នេះ​​​​​​​​​នឹង​​​​​​ផ្ដល់​​​ទឡ្ហីករណ៍​​​សម្រាប់​​​ការ​ពន្យារ​​​ពេល​​​នេះ​​​នៅ​​​ចំពោះ​​​មុខ​​​អង្គ​​​បុរេ​​​ជំនុំ​​​ជម្រះ​​​នៅ​​​ថ្ងៃ​​​ទី​​​១១ ខែកុម្ភៈ។

នៅ​​​ថ្ងៃ​​​ទី​​​១៥​​​ ខែមករា មេធានី​​​ការពារ​​​ក្ដី​​​​​​ទាំង​​​ពីរ​​​នឹង​​ជម្រាប​​​ប្រាប់​​​​​​តុលាការ​​​ថា តើ​​​​​​ខ្លួន​​​ជឿ​​ថា ស្ថានភាព​​​កូន​​​ក្ដី​​​របស់​​​​​​ខ្លួន​​​គួរ​​​វាយ​​​តម្លៃ​​​ឡើង​​​វិញ​​​​​ឬ​​​យ៉ាង​​​ណា​​​នោះ​​​៕សុធា

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស