38.8 C
Phnom Penh

សាលា​​​រាជធានី​​​បដិសេធ​​​ថា​​​ពុំបាន​​​​​​ប្រព្រឹត្តមិន​​​គប្បី​​​លើ​​​ព្រះ​​​សង្ឃ​​ ចោទ​​​ថាព្រះសង្ឃ​​​បង្ក​​​បញ្ហា​​​

ដោយ ឌឹ ខេមបូឌា ដេលី

បទវិភាគ

សាលា​​​រាជធានីភ្នំពេញ​​​បាន​​បដិសេធ​​​ការ​​​អះអាង​​​របស់​​​​​​លោក​ សម រង្ស៊ី​​​ ប្រធានគណ​​​បក្ស​​​សង្គ្រោះ​​​ជាតិ​​​ដែល​​​ថា មន្ត្រី​​​សាលា​​​រាជ​​​ធានី​​​​​​បាន​​​ប្រព្រឹត្ត​​​មិន​​​គប្បីលើ​​​ព្រះ​​​សង្ឃ​​​។ 

លោក​​​ សម រង្ស៊ី ដែល​​​​​​បាន​​​អះអាង​​​បែប​​​​​​​​​នេះ​​​អំឡុង​​​ការ​​​​​​តវ៉ា​​​ដ៏​​​ធំ​​​មួយ​​​​​​ប្រឆាំង​​​លោក​​​នាយក​​​រដ្ឋ​​​មន្ត្រី​​​ ហ៊ុន សែនក្នុង​​​រាជធានី​​​ភ្នំពេញ​​​ កាល​​​ពីថ្ងៃ​​​អាទិត្យ​​​នោះ​​​ បាន​លើក​ឡើង​​​ពី​​​ការ​​​គំរាម​​​​​​របស់​​​​​​លោក​​​ ប៉ា​​​ សុជាតិ​​​វង្ស អភិបាល​​​រាជធានី​​​ ដែល​​​ថា នឹង​​​មាន​​​ការ​​​​​​​​​ដក​​​ហូត​​​សិទ្ធ​​​ិ​​​បោះឆ្នោ​​​ត​​​របស់​​​ព្រះ​​​សង្ឃ​​​ ប្រសិន​​​បើ​​​នៅ​​​តែ​​​បន្ត​​​ពាក់​​​ព័ន្ធ​​​នឹង​​​រឿង​​​​​​នយោបាយ​​​​​​​​​ទៀត។

សាលា​​​រាជធានី​​​បាន​​​លើក​​​ឡើងតាម​​​រយៈ​​​សេចក្ដី​​​ថ្លែង​​​ការណ៍​​​មួយ​​​​​​ដែល​​​បាន​​​ចេញ​​​កាល​​​ពី​​​ថ្ងៃ​​​ច័ន្ទ​​​ថា “ការ​​​ចោទ​​​ប្រកាន់​​​គ្មាន​​​មូល​​​ដ្ឋាន​​​ [របស់​​​លោក​​​ សម រង្ស៊ី] គឺ​​​គ្មាន​​​​​​ការ​​​ពិត​​​ទេ”​​។

លោក​​​ ឡុង​​​ ឌីម៉ង់ អ្នក​​​នាំពាក្យ​​​សាលា​​​រាជ​​​ធានីភ្នំពេញ ​​​​​​បាន​​​​​​ឲ្យ​​​ដឹង​​​កាល​​​ពី​​​ម្សិលមិញ​​​ថា រដ្ឋាភិបាល​​​​​​មាន​​​ការ​​​​​​​​​ខក​​​ចិត្ត​​​ចំពោះ​​​ការ​​​អះ​​​អាង​​​របស់​​​ថ្នាក់​​​ដឹកនាំ​​​​​​​​​គណបក្ស​​​ប្រឆាំង​​​ដែល​​​ថា សាលា​​​រាជធានី​​​បាន​​​ប្រព្រឹត្ត​​​មិន​​​គប្បី​​​លើ​​​ព្រះ​​​សង្ឃ​​​ ប៉ុន្តែ​​​រូប​​​លោក​​​​​​ផ្ទាល់​​​​​​ក៏​​​បាន​​​​​​​​​និយាយ​​​​​​​​​ដូច​​​លោក​​​ ប៉ា សុជាតិវង្ស ដែរ​​​ថា ព្រះ​​​សង្ឃ​​​​​​ដែល​​​​​​ធ្វើ​​​ការ​​​​​​តវ៉ា​​​​​​គឺ​​​បាន​​បំពាន​​​​​​ភារកិច្ច​​​សាសនា​​​​​​របស់​​​ខ្លួន​​​​​​ ហើយ​​​លោក​​​បាន​​​ចោទ​​​ប្រកាន់​​​​​​​​​ព្រះ​​​សង្ឃ​​​ទាំង​​​នោះ​​​ថា ជា​​​អ្នក​​​​​​បង្ក​​​​​​បញ្ហា​​​។​​​

លោក​​​​​បាន​​​មាន​​​ប្រសាសន៍​​​ថា “យើង​​​​​​បាន​​​ឃើញ​​​ព្រះ​​​សង្ឃ​​​មួយ​​​ចំនួន​​​តូច​​​ដែល​​​បាន​​​ធ្វើ​​​សកម្មភាព​​​​​​ហួស​​​ពី​​​អ្វី​​​ដែល​​​ព្រះ​​​សង្ឃ​​​គួរ​​​ធ្វើ​​​។ ព្រះ​​​សង្ឃ​​​មិន​​​ត្រូវ​​​​​​បង្ក​​​ភាព​​​អនាធិបតេយ្យ​​​​​​អំពើ​​​ហិង្សា​​​ ឬ​​​ភាព​​​ចលាចល​​​ឡើយ​​​”។

ព្រះ​​​សង្ឃ​​​រាប​​​់​​​រយ​​​អង្គ​​​បាន​​​ចូល​​​រួម​​​​​​ក្នុង​​​ការ​​​​​​ប្រមូល​​​ផ្ដុ​​​ំគ្នា​​​​​​​​​និង​​​ការធ្វើ​​​បាតុកម្ម​​​ក្នុង​​​រយៈ​​​ពេល​​​ប៉ុន្មាន​​​ខែ​​​ថ្មីៗ​​​នេះ​​​ ដែល​​​​​​ភាគ​​​ច្រើនបាន​​​​​​​​​ប្រព្រឹត្ត​​​ទៅ​​​​​​ដោយ​​​សន្ដិវិធី​​​។

ប៉ុន្តែ​​​កាល​​​ពី​​​ម្សិលមិញ​​​​​​នេះ​​​ ព្រះ​​​សង្ឃ​​​មួយ​​​​​​ចំនួន​​​តូច​​​ដែល​​​បាន​​​ធ្វើ​​​ការ​​​​​​តវ៉ា​​​​​​ បាន​​​​​​រំលំ​​​​​​របាំង​​​​​​នគរបាល​​​​​​នៅ​​​ជុំ​​​វិញ​​​សាលា​​​រាជធានី​​​ បន្ទាប់​​​ពី​​​កង​​​រាជអាវុធ​​​ហត្ថ​​​បាន​​​ប្រើ​​​កម្លាំង​​​បំបែក​​​​​​ព្រះ​​​សង្ឃ​​​ដែល​​​បាន​​​​​​និមន្ត​​​​​​មក​​​ធ្វើ​​​ការ​​​តវ៉ា​​​​​​សម្ដែង​​​ការ​​​​​​គាំទ្រ​​​​​​ចំពោះ​​​សហគមន៍​​​បឹង​​​កក់​​​។

គួរ​​​រំឭកថា ប្រជាពល​​​រដ្ឋ​​​រាប់​​​ពាន់​​​នាក់​​​ត្រូវ​​​បាន​​​បណ្ដេញ​​​ចេញ​​​ពី​​​តំបន់​​​បឹងកក់​​​ដោយ​​​មា​​​ន​​​កា​​​រចូល​​​រួម​​​ពី​​​សាលា​​​រាជធានី​​​ដើម្បី​​​ត្រួស​​​ត្រាយ​​​ផ្លូវ​​​សម្រាប់​​​គម្រោង​​​​​​សាង​​​សង់​​​​​​លំដាប់​​​ខ្ពស់​​​មួយ​​​ ដែល​​​ជា​​​កម្មសិទ្ធិ​​​របស់​​​សមាជិក​​​ព្រឹទ្ធ​​​សភា​​​មួយ​​​រូប​​​​​​មក​​​ពីគណបក្ស​​​ប្រជាជនកម្ពុជា​​​​​​​​​កំពុង​​​កាន់​​​អំណាច​​​​​​របស់​​​លោក​​​នាយក​​​រដ្ឋ​​​មន្ត្រី​​​ ហ៊ុន​​​ សែន​​​។

តាម​​​រយៈ​​​សេចក្ដី​​​ថ្លែ​​​ង​​​ការណ៍​​​របស់​​​ខ្លួន​​​កាល​​​ពី​​​ថ្ងៃ​​​ច័ន្ទ​​​​​​ សាលា​​​រាជធានី​​​បាន​​​លើក​​​ឡើង​​​​​​ថា ខ្លួន​​​មាន​​​ភារកិច្ច​​​ “ពង្រឹងព្រះ​​​​​​​​​ពុទ្ធសាសនា​​​​​​ដោយ​​​អនុលោម​​​តាម​​​រដ្ឋ​​​ធម្មនុញ្ញ​​​”៕ សេរី​​​វុធ​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស