26 C
Phnom Penh

អតីត​​​បុគ្គលិក​​​​សណ្ឋាគារ​​​ប៉ារីស​​​បដិសេធ​​​ថា​​​​​​­­មិន​​​បានដឹង​​​ពី​​​ការ​​​រួម​​​ភេទ

ដោយ ឌឹ ខេមបូឌា ដេលី

បទវិភាគ

អតីត​​​អ្នក​​​គ្រប់គ្រងម្នាក់​​​និង​​​អ្នក​​​គិតលុយ​​​​នៅ​​​សណ្ឋាគារ​​​បា៉រីស​​​ក្នុង​​​រាជធានី​​​ភ្នំពេញ​​​បាន​​​ប្រាប់​​​សាលា​​​ឧទ្ធរណ៍​​​កាល​​​ពី​​​ម្សិល​​​មិញ​​​ថា​​​ពួក​​​គេ​​​មិន​​​បាន​​​ដឹង​​​ថា​​​មាន​​​មនុស្ស​​​រួម​​​ភេទ​​​នៅ​​​ក្នុង​​​បន្ទប់​​​មា៉ស្សា​​​របស់​​​សណ្ឋាគារ​​​បា៉ារីសនោះ​​​ទេ ហើយ​​​បាន​​​លើក​​​ឡើង​​​ថា​​​អតិថិជន​​​បាន​​​ទៅ​​​ទីនោះ​​​គឺ​​​ដើម្បី​​​តែ​​​ម៉ាស្សា​​​ប៉ុណ្ណោះ។

លោក​​​ ពួយ គៀក អាយុ​​​៣៦​​​ឆ្នាំ​​​ អតីត​​​អ្នក​​​គ្រប់គ្រង​​​និង​​​អ្នក​​​គិត​​​លុយ​​​ ឈ្មោះ​​​ ដួង​​​ ដានី​​​ អាយុ​​​២៩​​​ឆ្នាំ​​​ត្រូវ​​​បាន​​​រក​​​ឃើញ​​​ថា​​​មាន​​​ទោស កំហុសកាល​​​ពី​​​ខែ​​​តុលា ហើយ​​​ពួក​​​គេ​​​ត្រូវ​​​បាន​​​ផ្តន្ទាទោស​​​ឲ្យ​​​ជាប់​​​ពន្ធនាគារ​​​​​​រយៈពេល​​​​៥​​​ខែ​​​ ហើយ​​​​​ត្រូវ​​​បាន​​​ព្យួរ​​​ទោស​​​រយៈ​​​ពេល​​​៧​​​ែខ​ក្នុង​​​ម្នាក់​​​ៗ។​ ពួក​​​គេ​​​ក៏​​​ត្រូវ​​​បាន​​​​​​ពិន័យ​​​ជាប្រាក់​​​ប្រហែល​​​​១.៨០០​​​ដុល្លា​​​ក្នុង​​​ម្នាក់​​​ៗ​​​ផង​​​ដែរ​​​ ពី​​​បទ​​​រក​​​ស្រី​​​ឲ្យ​​​​​អតិថិជន​​​និង​​​ផ្តល់​​​កន្លែង​​​សម្រាប់​​​រួម​​​ភេទ​​​។

លោក​​​ ពួយ គៀក​​​ បាន​​​ប្រាប់​​​តុលាការ​​​កាល​​​​​​ពី​​​ម្សិល​​​មិញ​​​ថា​​​ លោក​​​មិន​​​បាន​​​អនុញ្ញាត​​​ឲ្យ​​​មាន​​​ការ​​​រួម​​​ភេទ​​​នៅ​​​ក្នុង​​​បន្ទប់​​​ម៉ាស្សាឡើយ​​​ ហើយ​​​ប្រសិន​​​បើ​​​រឿង​​​នេះ​​​កើត​​​ឡើង​​​មែន​​​នោះ​​​គឺ​​​លោក​​​មិន​​​ដឹង​​​ទេ​​​។ លោក​​​បន្ត​​​ថា​​​ស្រោម​​​អនា​ម័យ​​​ប្រើ​​​រួច​​​ដែល​​​នគរបាល​​​បានរក​​​ឃើញ​​​គឺ​​​ជា​​​របស់​​​អតិថិជន​​​ដែល​​​មក​​​ស្នាក់​​​នៅ​​​ក្នុង​​​សណ្ឋា​គារ​​​បា៉រីស។

រី​​​ឯ​អ្នក​គិតលុយ​​​ ដួង​​​ ដានី​​​ វិញ​​​បាន​​​ឲ្យ​​​ដឹង​​​ថា​​​ខ្លួន​​​គ្រាន់​​​តែ​​​ជា​​​អ្នក​​​​​​គិតលុយ​​​ប៉ុណ្ណោះ​​​។អ្នក​ស្រី​​​បាន​​​និយាយ​​​ថា​​​ “ ខ្ញុំ​​​គ្រាន់​​​តែ​​​ជា​​​អ្នក​​​​គិត​​​លុយ​​​ប៉ុណ្ណោះ​​​ ។ ខ្ញុំ​​​មិន​​​ដឹង​​​អ្វី​​​នោះទេ”។

ប៉ុន្តែ​​​អ្នក​​​ម៉ាស្សា​​​មួយ​​​ចំនួន​​​បាន​​​លើក​​​ឡើង​​​ថា​​​ ពួក​​​គេ​​​ពិត​​​ជា​​​បាន​​​រួ​​មភេទ​​​ជាមួយ​​​អតិថិជន​​​មែន​​​ដោយ​​​អ្នក​​​ស្រី​​​ ដានី​​​ បាន​​​យក​​​ប្រាក់​​​ចំនួន​​​ ៥​​​ដុល្លារ​​​ពី​​​ពួក​​​គេ​​​។ ហើយ​​​អ្នក​​អនាម័យ​​​ម្នាក់​​​នៅ​​​ក្នុង​​​សណ្ឋាគារ​​​​​និយាយ​​​ថា​​​ នាង​​​បាន​​​ឲ្យ​​​ស្រោម​​​​​​​​​​​​​អនាម័យ​​​ទៅ​​​ស្ត្រី​​​ម៉ាស្សា។

កាលពី​​​ខែ​​​មិថុនា​​​ នគរបាល​​​បាន​​​ឆ្មក់​​​ចូល​​​ក្នុង​​​សណ្ឋាគា​​រប៉ារី​​​សនេះ​​​ហើយ​​​បាន​​​ចាប់​​​ខ្លួន​​​លោក​​​ ​ពួយ​​​ គៀក ​​​អ្នក​​​ស្រី​​​ ដានី​​​ អ្នកម៉ាស្សា​​​ ជន​ជាតិ​​​ខ្មែរចំនួន​​​២៥​​​នាក់​​​ និង​​​ អ្នក​​​មា៉ាស្សា​​​ជនជាតិ​​​ វៀតណាម​​​ ចំនួន១០នាក់។

លោក​​​ ឱម​​​​ សារិទ្ធ ​​​ចៅក្រមប្រធាន​ក្រុម​​​​​ប្រឹក្សា​​​ជំនុំ​​​ជម្រះ​​​បាន​​​លើក​​​ឡើង​​​ថា​​​ តុលា​​​​ការ​​​នឹង​​​ប្រកាស​​​សាល​ក្រម​នៅ​​​ថ្ងៃ​​​ទី​​​២២​​​ ខែ​​​មករា​​​ឆ្នាំ​​​ក្រោយ៕ ​ស៊ុយ​​​​​​ឈាង

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស