29 C
Phnom Penh

កងយោធពល​​​ខេមរភូមិន្ទនឹង​​​សាកល្បង​​​កាំភ្លើង​​​ប្រតិកម្ម​​​ថ្មី តែ​​​ការចំណាយ​​​វិញមិនដឹង​​​ឡើយ

ដោយ ឌឹ ខេមបូឌា ដេលី

បទវិភាគ

កង​​​យោធពល​​​ខេមរភូមិន​​​្ទ​​​នឹង​​​ចាប់​​​ផ្តើម​​​សាកល្បងកាំភ្លើង​​​ប្រតិកម្មថ្មី​​​នៅ​​​ក្នុង​​​ការ​​​ធ្វើ​​​លំហាត់​​​បាញ់គ្រាប់ពិតរយៈពេល​​​៥​​​ថ្ងៃ​​​នៅក្នុង​​​ថ្ងៃ​​​នេះ​​​​​​ក្នុង​​​ខេត្ត​​​កំពង់​​​ស្ពឺ​​​។ ការ​​​ធ្វើលំហាត់​បាញ់់​​​គ្រាប់​​​ពិត​​​នេះ​​​គឺ​​​ជា​​​ព្រឹត្តិការណ៍​​​លើក​​​ទី​​៣​​​ហើយ​​​របស់​​​កង​​​យោធ​​​ពល​​​​​​ខេមរ​​​ភូមិន្ទ​​​នៅ​​​ក្នុង​​​ឆ្នាំ​​​នេះ​​​។

លោក​​​ ទៀ បាញ់​​​ រដ្ឋ​​​មន្ត្រី​​​ក្រសួង​​​​​​ការ​​​ពារ​​​ជាតិ​​​នឹង​​​ធ្វើ​​​ជា​​​អធិបតី​​​នៅក្នុង​​​ការសាក​​​ល្បង​​​កាំភ្លើង​​​ប្រតិកម្ម​​​ RM-70 ​​​​​​ជា​​​លើក​​​ដំបូងដែលមិន​​​ធ្លាប់​​​មាន​​​នេះ។កាំភ្លើង​​​ប្រតិកម្ម RM-70  គឺ​​​ផលិត​​​នៅប្រទេស​​​ ឆែក ដោយ​​​បំពាក់​​​បច្ចេក​​​វិទ្យា​​​បន្ថែម​​ពីលើកាំភ្លើង​​​ប្រតិកម្ម​​​ ​​​BM-21 ដែល​​​ផលិត​​​នៅ​​​ប្រទេស​​​រុស្ស៊ី ។

ឧត្តម​​​សេនីយ៍ឯក​​​  ណុប រតនា មេ​​​ញ្ជាការ​​​នៅ​​​ទី​​​បញ្ជាការ​​​កង​​​រថក្រោះ ACO ក្នុង​​​ស្រុក​​​ភ្នំ​​​ស្រួច​​​កន្លែង​​​លំហាត់​​​បាញ់​​​គ្រាប់​​​ពិត​​​នឹង​​​ត្រូវ​​​ធ្វើ​​​ឡើង​​​​​​បាន​​​មាន​​​ប្រសាសន៍​​​ថា​​​ “គ្រាប់​​​រ៉ុក​​​កែត​​​ ដែល​​​យើង​​​នឹង​​​បាញ់​​​លើក​​​នេះ​​​មិន​​​មែន​​​ជា​​​ BM-21 ទេវា​​​គឺ​​​ជា​​​កាំភ្លើង​​​ប្រតិកម្ម​​​ទំនើប​​​ជាង​​​នេះហេតុដូច្នេះ​​​យើង​​​ចាំបាច់​​​ត្រូវ​​​តែ​​​ធ្វើ​​​ការ​​​ហ្វឹក​​​ហាត់​​​”។

កាំភ្លើង​​​ប្រតិកម្ម​​​BM-21 គឺ​​​វា​​​ដូច​​​គ្នា​​​បេះ​​​បិទនឹង​​​ កាំ​​​ភ្លើង​​​ប្រតិកម្ម​​​ RM-70  ប៉ុន្តែវាខុស​​​គ្នា​​​តែ​​​ត្រង់​​​ផ្នែក​​​ខាងមុខ​​​របស់​​​កាំភ្លើង​​​​​​​​ប្រតិកម្ម RM-70 និង​​​សមត្ថភាព​​​ផ្ទុក​​​គ្រាប់​​​រ៉ុកកែត​​​បាន​​​៤០​​​គ្រាប់​​​បន្ថែម​​​ទៀត​​​ពី​​​លើ​​​គ្រាប់​​​រ៉ុក​​​កែត​​​ចំនួន​​​៤០​​​ផ្សេង​​​ទៀត​​​ដែល​​​ដាក់​​​ចូល​​​ក្្នុង​​​កាណុង​​​រួច​​​ហើយ​​​។

កាំភ្លើង​​​ប្រតិកម្ម​​​ RM-70 អាច​​​បាញ់​​​បាន​​​ចម្ងាយ២០​​​គីឡូម៉ែត្រដូច​​​កាំ​​​ភ្លើង​​​ប្រតិកម្ម​​​ BM-21ដែរហើយ​​​អាច​​​ដាក់​​​បញ្ចូល​​​គ្រាប់​​​រ៉ុកកែត​​​ទាំង​​​៤០​​​គ្រាប់​​​ចូល​​​ទៅ​​​ក្នុង​​​កាណុង​​​ត្រឹម​​​តែ​​​រយៈពេល​​​២០​​​វិនាទី​​​ប៉ុណ្ណោះ។

ឧត្តមសេនីយ៍ឯក​​​ រតនា បាន​​​បដិសេ​ធ​​​មិន​​​និយាយ​​​ថា​​​ តើ​​​លំហាត់​​​បាញ់​​​គ្រាប់​​​ពិតរយៈ​​​ពេល​​​៥​​​ថ្ងៃ​​​នេះ​​​នឹង​​​ត្រូវ​​​ចំណាយ​​ប្រាក់​​​អស់​​​ប៉ុន្មាននោះ​​​ទេ ប៉ុន្តែ​​​លោក​​​បាន​​​លើក​​​ឡើង​​​ថា​​​អាច​​​នឹង​​​មាន​​​ការ​​​បាញ់​​​គ្រាប់​​​រ៉ុក​​​កែត​​​ជា​​​ច្រើន​​​គ្រាប់។
លោក​​​បាន​​​មាន​​​ប្រសាសន៍​​​ថា​​​ “កាំភ្លើង​​​ប្រតិកម្ម​​​ RM-70 នឹង​​​បាញ់​​​គ្រាប់​​​រ៉ុក​​​កែត​​​ជា​​​ច្រើន​​​គ្រាប ់​​​ហើយ​​​ថ្ងៃ​​​ដែល​​​បាញ់​​​ច្រើន​​​បំផុត​​​នោះ​​​គឺ​​​នៅ​​​ថ្ងៃ​​​ទី​​​៣០​​​ ខែ​​​ធ្នូ​​​”។

យោង​​​តាម​​​គេហទំព័រ​​​មួយ​​​ចំនួន​​​បាន​​​ឲ្យ​​​ដឹងថា​​​ គ្រាប់​​​រ៉ុកកែត​​​ ១២២ មីល្លី​​​ម៉ែត្រ​​​ដែល​​​ នឹង​​​បាញ់​​​ចេញ​​​ពី​​​កាំភ្លើង​​​ប្រតិកម្ម RM-70 អាច​​​មាន​​​តម្លៃ​​​ពី​​​១.២០០ ដុល្លារ​​​ដល់​​​៣.៨០០ដុល្លារ​​​ក្នុង​​​មួយ​​​គ្រាប់។ ហើយ​​​ដោយ​​​យោង​​​តាម​​​តួ​​​លេខ​​​នេះ​​​ រាល់​​​ការ​​​បាញ់​​​គ្រាប់​​​រ៉ុកកែត​​​ចេញ​​​ពី​​​កាំ​​​ភ្លើង​​​ប្រតិកម្ម​​​​​​ RM-70 មួយ​​​លើក​​​ៗ​​​ ប្រទេស​​​កម្ពុជា​​​អាច​​​ចំណាយ​​​ប្រាក់​​​យា៉ង​​​តិច​​​ ៤៨.០០០​​​ដុល្លារ។ ឧត្តមសេនីយ៍​​​ឯក​​​ រតនា​​​ បាន​​​បដិសេធ​​​មិន​​​និយា​​​យ​​​ថា​​​កាំ​​​ភ្លើង​​​ប្រតិកម្ម​​​ថ្មី​​​នេះ​​​ទិញ​​​មក​​​ពី​​​ទី​​​ណា​នោះ​​​ឡើយ។

កង​​​យោធពល​​​ខេមរភូមិន្ទ​​​នឹង​​​ធ្វើ​​​លំហាត់​​​បាញ់​​​គ្រាប់​​​ពិត​​​នៅ​​​កន្លែង​​​ដដែល ដែល​​​ធ្វើ​​​ឡើង​​​​​​កាល​​​ពី​​​ខែ​​​មេសា។ កាល​​​ពី​​​ខែ​​​តុលា ​​​កង​​​រាជ​​​អាវុធហត្ថ​​​បាន​​​ធ្វើ​​​សមយុទ្ធបាញ់គ្រាប់​​​ពិតរយៈពេល​​​មួយ​​​ថ្ងៃ​​​នៅ​​​ខេត្ត​​​កំពង់ឆ្នាំង៕ ស៊ុយឈាង

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស