29 C
Phnom Penh

អង្គការ​​​ក្រៅ​​​រដ្ឋាភិបាល​​​អំពាវនាវ​​​ឲ្យមាន​​​ការ​​​បញ្ជូល​​​​​​​​​ស្ត្រី​​​​​​កាន់​​​តែ​​​ច្រើន​​​នៅ​​​ក្នុងឆាក​​​នយោបាយ​​​

ដោយ ឌឹ ខេមបូឌា ដេលី

បទវិភាគ

ខណៈ​​​ប្រទេស​​​កម្ពុជា​​​ជិត​​​ដល់​​​ថ្ងៃ​​​បោះ​​​ឆ្នោត​​​ក្រុម​​​ប្រឹក្សា​​រាជ​​​ធានី ​​​ខេត្ត ស្រុ​​ក ខណ្ឌ ​ ​​​ ​​​ជា​​​លើក​​​​​​​​​ទី​​​២​​​របស់​​ខ្លួន​​​ ដែល​​​នឹងប្រព្រឹត្តទៅ​​​នៅ​​​ខែ​​​ឧសភា​​​នោះ​​​ សមាជិក​​​ក្រុ​​ម​​​ប្រឹក្សា​​​​​​ជា​​​ស្ត្រី​​​ប្រហែល​​​២០០នាក់​​​មក​​​ពី​​​ថ្នាក់​​​ក្រោម​​​ជាតិ​​​ បាន​​​ចូល​​​រួម​​​នៅ​​​ក្នុង​​​សិក្ខាសាលាមួយ​​​កាល​​​ពី​​​ថ្ងៃ​​​សុក្រ​​​ដើម្បី​​​អំពាវ​​​នាវ​​​ឲ្យ​​​គណបក្ស​​​នយោបាយ​​​បង្កើន​​​ចំនួន​​​បេក្ខជន​​​​​​ជា​​​ស្ត្រី​​​​​​ ​​​ឲ្យ​​​បាន​​​កាន់តែ​​​ច្រើន​​​នៅក្នុង​​​ការ​​​បោះ​​​ឆ្នោត​​​នា​​​ពេល​​​ខាងមុខ​​​។

លោក​​​ស្រី​​​ ធីតា  ឃឹះ នាយិកា អង្គ​​​ការ​​​​​​សីល​​​​​​ការ  ដែល​​​បើក​​​សិក្ខាសាលា​​​រួម​​​គ្នា​​​ជាមួយ​​​អនុ​​​​​​គណៈកម្មាធិការស្តី​​​ពី​​​ការ​​​អភិវឌ្ឍ​​​សមត្ថភាព​​​ដើម្បី​​​លើកកម្ពស់​​​ស្ត្រី​​​នៅ​​​ក្នុង​​​ឆាក​​​នយោ​​​បាយ​​​បាន​​​ឲ្យ​​​ដឹង​​​ថា​​​ សព្វ​​​ថ្ងៃ ​​​​​​សមាជិក​​​ក្រុម​​​ប្រឹក្សា​​​នៅ​​​ថ្នាក់​​​ក្រោម​​​ជាតិ​​​​​​ជា​​​ស្ត្រី​​​មាន​​​តែ​​​១២ ភាគរយ ប៉ុណ្ណោះ​​​ ​​​ហើយ​​​ខេត្ត​​​ខ្លះ​​គ្មាន​​​តំណាង​​​ជា​​​ស្ត្រី​​​ទាល់​​​តែ​​​សោះ​​​។

លោក​​​ស្រី​​​ ធីតា ឃឹះ បាន​​​លើក​​​ឡើង​​​ថា​​​នៅ​​​ថ្នាក់​​​ខេត្ត​​​ មាន​​​​​សមាជិក​​​ក្រុម​​​ប្រឹក្សាជា​​​ស្ត្រីតែ​​​ចំនួន​​​៣៧​​​នាក់​​​ប៉ុណ្ណោះ​​​ក្នុង​​​ចំណោម​​​សមាជិក​​​ក្រុម​​​ប្រឹក្សា​​​ចំនួន​​​៣៧៤​​​នាក់​​​ ​​​ហើយ​​​នៅ​​​ថ្នាក់​​​ស្រុក​​​ខណ្ឌ មាន​​​​​សមាជិកក្រុម​​​ប្រឹក្សា​​​​ជាស្ត្រីតែ​​​ចំនួន​​​៣៦០​​​នាក់​​​ប៉ុណ្ណោះ​​​ក្នុង​​​ចំណោម​​​សមាជិក​​​ក្រុមប្រឹក្សា​​​ចំនួន​​​២.៨៨០នាក់។

លោក​​​ស្រី​​​បាន​​​មាន​ប្រសាសន៍​​​​បន្តទៀត​ថា​​​ ក្នុង​​​ចំណោម​​​សមា​ជិក​​​ក្រុម​​​ប្រឹក្សា​​​ ឃុំ-​​​សង្កាត់ ទាំង​​​១៦.០០០ នាក់​​​នៅ​​​ទូ​​​ទាំង​​​ប្រទេស​​​ មាន​​​១៨​​​ភាគរយ​​​ជា​​​ស្ត្រី​​​។

លោក​​​ស្រី​​​មាន​​​ប្រសាសន៍ថា​​​ “ចំនួន​​​ដ៏​​​តិច​​​តួច​​​នៃ​​​តំណាង​​​ជា​​​ស្ត្រី​​​នេះ​​​បាន​​​ធ្វើ​​​ឲ្យ​​​មាន​​​ផល​​​ប៉ះ​​​ពាល់​​​យ៉ាង​​​ខ្លាំង​​​លើ​​​សមត្ថភាពសមា​​​ជិក​​​​​​​​​ក្រុម​​​ប្រឹក្សាដើម្បី​​​ធ្វើការ​​​ងារ​​​របស់​​​ខ្លួន​​​នៅ​​​គណៈ​​​កម្មាធិការដើម្បី​​​ស្ត្រី​​​និង​​​កុមារដែល​​​មាន​​​ចំនួន​​​៥២​​​ភាគរយ​​​”។

ការ​​​បោះ​​​ឆ្នោត​​​ក្រុមប្រឹក្សា​​​រាជធានី​​​ ខេត្ត​​​ ស្រុកខណ្ឌ ​​​ ជាលើក​​​ដំបូង​​​របស់​​​ប្រទេស​​​កម្ពុជា​​​ គឺ​​​នៅ​​​ក្នុង​​​ឆ្នាំ​​​២០០៩​​​ ហើយ​​​ការ​​​បោះ​​​ឆ្នោត​​​ជា​​​លើក​​​ទី​​​២​​​នេះ​​​នឹង​​​ធ្វើ​​​ឡើង​​​នៅ​​​ថ្ងៃ​​​ទី​​​១៨​​​ ខែ​​​ឧសភា។ រយៈពេល​​​នៃ​​​ការ​​​ធ្វើ​​​យុទ្ធ​​​នាការ​​​សម្រាប់​​​ការ​​​បោះ​​​ឆ្នោត​​​នេះ​​​នឹង​​​ត្រូវ​​​ចាប់​​​ផ្តើម​​​ពីថ្ងៃ​​​ទី​​​២​​​ ដល់​​​ថ្ងៃ​​​ទី​​​១៦​​​ ខែ​​​ឧសភា​​​។

លោក​​ស្រី​​​ ធីតា ឃឹះ​​​ បាន​​​ឲ្យ​​​ដឹង​​​ថា​​​  សិក្ខា​​​សាលានេះ​​​ត្រូវ​​​បាន​​​រៀប​​​ចំ​​​ឡើង​​​ដើម្បី​​​ជំរុញ​​​ឲ្យ​​​គណបក្សនយោបាយ​​​បង្កើន​​​ចំនួន​​​ស្ត្រី​​​ចូល​​​រួម​​​ឲ្យ​​​បាន​​​កាន់​​​តែ​​​ច្រើន​​​នៅ​​​ក្នុង​​​ការ​​​បោះ​​​ឆ្នោត​​​រាជធានី​​​ ខេត្ត​​​ ស្រុក ខណ្ឌ ​​​ នេះ​​​ នឹង​​​ដើម្បី​​​កែ​​​ទម្រង់​​​គោលនយោបាយ​​​ជាតិ​​​ ក្នុង​​​គោល​​​បំណង​​​ដាក់​​​បញ្ចូល​​​ស្ត្រី​​​ជា​​​បេក្ខជន​​​អាទិភាព​​​ក្នុងបញ្ជី​​​បោះ​​​ឆ្នោត​​​ក្នុង​​​ឆ្នាំ​​​២០១៤​​​។

លោក​​​ស្រី​ ចាន់ សោភ័ណ្ឌ​​​ អ្នក​​​សម្រប​​​សម្រួលកម្មវិធី​​​​​​សម្រាប់​​​ស្ត្រី​​​នៅ​​​ក្នុង​​​យុទ្ធ​​​នាការ​​​នយោបាយនៅ​​​អង្គការ​​​សីលការ បាន​​​លើក​​​ឡើង​​​ថា​​​ ទោះ​​​បី​​​ជា​​​ស្ត្រី​​​មួយ​​​ចំនួន​​​ត្រូវ​​​បាន​​​បោះ​​​ឆ្នោត​​​ជ្រើស​​​រើស​​​ឲ្យ​​​មាន​​​តំណែង​​​នៅ​​​ថ្នាក់​​​ក្រោម​​​ជាតិ​​​ក៏ដោយ​​​ ក៏​​​ពួក​​​គាត់​​​បាន​​​ដើរ​​​តួ​​​បន្តិច​​​បន្តួចប៉ុណ្ណោះ ​​​នៅ​​​ក្នុង​​​ការ​​​ធ្វើ​​​ការ​​ ការ​​​សម្រេច​​​ចិត្ត​​​ណាមួយ​​​។

លោក​​​ស្រី​​​បាន​​​មាន​​​ប្រសាសន៍ថា​​​ “តំណាង​​​​​​ជា​​​ស្ត្រី​​​នៅ​​តែ​​​មាន​​​ចំនួន​​​កំណត់​​​នៅ​​​ក្នុង​​​ការ​​​ធ្វើការ​​​សម្រេច​​​ចិត្ត​​​នៅ​​​ថ្នាក់​​​ក្រោម​​​ជាតិ ​​​ព្រោះតំណាង​​​ជា​​​ស្ត្រី​​​មាន​​​ត្រឹម​​​តែ​​​១០​​​ភាគរយ​​​ប៉ុណ្ណោះ​​​”។ លោក​​​ស្រី​​​បាន​​​បន្តថា​​​  “បញ្ហា​​​របស់​​​ស្ត្រី​​​និង​​​កុមារ​​​ ពាក់​​​ព័ន្ធ​​​នឹង​​​អំពើ​​​ហិង្សា​​​គ្រប់​​​ប្រភេទ​​​ កុមារី​​​បោះ​​​បង់​​​ចោល​​​ការ​​​សិក្សា​​ ពលករ​​​ចំណាក​​​ស្រុក​​​ និងសុខុមាលភាព​​របស់​​​ស្ត្រី​​​គឺ​​​កំពុង​​​តែ​​​​​​មាន​​​ការ​​​កើន​​​ឡើង​​​​​​ ហេតុ​​​ដូច្នេះ​​​ការ​​​លើក​​​កម្ពស់​​​​​​តួនាទី​​​របស់​​​ស្ត្រី​​​នៅ​​ក្នុង​​​ឆាកនយោបាយ​​​និង​​​ការ​​​សម្រេចចិត្ត​​​ គឺ​​​មាន​​​សារៈ​​​សំខាន់​​​ណាស់”។

អ្នក​​​ចូល​​​រួម​​​ម្នាក់ ឈ្មោះ​​​ ឡេង​​​ លក្ខិណា  សមាជិក​​​ក្រុម​​​ប្រឹក្សា​​​ស្រុក​​​មក​​​ពី​​​គណបក្ស​​​ប្រជាជន​​​កម្ពុជា​​​នៅ​​​ស្រុក​​​ បាភ្នំ​​​ ខេត្ត​​​ព្រៃ​​​វែង​​​ បាន​​​គាំទ្រផែនការ​​​ដាក់​​​បញ្ចូល​​​ស្ត្រី​​​ឲ្យ​​​មាន​​​ចំនួន​​​ស្មើ​​​បុរស​​​នៅ​​​ក្នុង​​​តំណែង​​​ជា​​​សមាជិក​​​ក្រុម​​​ប្រឹក្សា។

អ្នក​​​ស្រី​​​បាន​​​មាន​​​ប្រសា​សន៍​​​ថា​​​ “ស្ត្រី​​​ចាំា​​​បាច់​​​ត្រូវ​​​តែ​​​បង្កើន​​​សមត្ថភាព​​ និង​​​គួរ​​​តែ​​​បត់បែន​​​ប្រកប​​​ដោយ​​​ភាព​​​វៃ​​​ឆ្លាត​​​នៅក្នុង​​​ទំនាក់​​​ទំនង​​​ជាមួយ​​​សមភាគី​​​ជាបុរស​​​នៅ​​​ថ្នាក់​​​ក្រោម​​​ជាតិ​​​ដើម្បី​​​បញ្ជាក់​​​ឲ្យ​​​បាន​​​ច្បាស់​​​ថា​​​ស្ត្រី​​​កំពុង​​​តែ​​​ទទួល​​​បាន​​​ជំនួយ​​​”៕ ស៊ុយឈាង

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស