26 C
Phnom Penh

​អ្នក​តវ៉ាជាច្រើន​ក្រុម​រួបរួម​គ្នា​ទាម​ទារឲ្យលោក​នាយក​រដ្ឋ​មន្ត្រី​​  ហ៊ុន សែន​ ចុះចេញ​ពី​តំណែង​

ដោយ ឌឹ ខេមបូឌា ដេលី

បទវិភាគ

កាល​ពី​ម្សិល​មិញ​ មាន​មនុស្ស​​កាន់​តែ ច្រើន​ចូល​រួម​តវ៉ា​​ចំនួន​ប្រាំក្រុម​ដោយ​ឡែក​ពី​គ្នា​នៅ​ក្នុង​​ទីក្រុង​ភ្នំពេញ​ នៅខាង​​មុខ​វិមាន​សន្តិភាព​ ដែល​ជា​ការិយាល័យ​របស់​លោកនាយក​រដ្ឋ​មន្ត្រី​ ហ៊ុន សែន ដោយ​មាន​អ្នក​តវ៉ា​ប្រមាណ​៥០.០០០នាក់​បាន​ហែ​ក្បួន​តាម​​មហា​វិថី​សហ​ព័ន្ធ​រុស្ស៊ី​ ទាម​ទារ​ឲ្យមេដឹក​នាំ​គណបក្ស​ប្រជាជន​កម្ពុជា​​កាន់​អំណាច​យូររូប​នេះ​ ចុះ​ចេញ​តំណែង​។

បាតុករ​​​​​​ប្រហែល​​​៥០.០០០នាក់​​​ ហែក្បួន​​​តាម​​​មហាវិថីម៉ៅសេទុង​​​ កាលពីម្សិលមិញ ដើម្បី​​​ទាម​​​ទារ​​​ឲ្យ​​​លោក ហ៊ុន សែន​​​ ចុះ​​​ចេញ​​​ពី​​​តំណែង​​​។សីុវ ចាន់ណា
បាតុករ​​​​​​ប្រហែល​​​៥០.០០០នាក់​​​ ហែក្បួន​​​តាម​​​មហាវិថីម៉ៅសេទុង​​​ កាលពីម្សិលមិញ ដើម្បី​​​ទាម​​​ទារ​​​ឲ្យ​​​លោក ហ៊ុន សែន​​​ ចុះ​​​ចេញ​​​ពី​​​តំណែង​​​។សីុវ ចាន់ណា

ដោយ​ឥឡូវ​នេះ​ឈាន​ដល់​ថ្ងៃ​ទី​១៥​ហើយ​នោះ​ ការ​ធ្វើ​បាតុកម្ម​របស់​គណបក្ស​សង្គ្រោះ​ជាតិ​ដើម្បីទាមទារ​ឲ្យមាន​ការ​បោ​ះ​ឆ្នោត​ឡើង​វិញ​សាជាថ្មី​ និង​ការ​លាលែង​របស់​នាយក​រដ្ឋមន្ត្រី​​ បាន​កើនឡើង​កាន់​តែ​ខ្លាំង​នៅ​សប្តាហ៍​នេះ​ ដោយ​មាន​ការ​ហែ​ក្បួន​ដ៏ធំបំផុត​កាល​ពីម្សិលមិញប្រឆាំង​នឹង​រដ្ឋា​ភិ​បាល​របស់​លោក​ ហ៊ុន សែន​ ក្នុង​រយៈ​ពេល​១៥​ឆ្នាំ​មក​នេះ​។

បាតុកម្ម​បួន​​ក្រុម​ដាច់​ដោយ​ឡែក​ពីគ្នា​ដែល​ដឹកនាំដោយ​សកម្មជន​ប្រឆាំង​ការ​បណ្តេញ​ចេញ​ មន្ត្រី​រាជការ កម្មករ​ក្នុង​វិស័យ​ក្រៅ​ប្រព័ន្ធ​និង​ព្រះសង្ឃ​​ បាន​ចូល​រួម​ជាមួយ​អ្នក​គាំទ្រ​គណបក្ស​សង្គ្រោះ​ជាតិ​នៅ​ខាង​ក្រៅ​​សា្ថន​ទូត​​ចិន​ ដែល​ស្ថិត​នៅតាម​មហា​វិថី​​ម៉ៅ​សេទុង​​នៅ​ម៉ោង​៤​និង​១៥​នាទី​ល្ងាច​ ហើយ​បាន​ហែក្បួន​រួម​គ្នា​កាត់តាម​ផ្សារ​ដើម​គរ​ឆ្ពោះទៅ​មហា​វិថី​សហព័ន្ធរុស្ស៊ី​ ឆ្លងកាត់​ក្រសួង​ការពារជាតិ​ អគារ​ទីស្តី​គណៈរដ្ឋមន្ត្រី និង​​ចុង​ក្រោយ​​បាន​ឆ្លង​កាត់​ការិយាល័យ​របស់​លោក​ ហ៊ុន សែន មុន​ពេល​ត្រឡប់​ទៅ​ទីលានប្រជាធិបតេយ្យ​វិញ។

ការ​ហែ​ក្បួន​ដែល​មាន​រយៈពេល​ប្រហែល​ ៤​ម៉ោង​ និង​មាន​ប្រវែង​ជាង​បី​គីឡូម៉ែត្រ​នេះ​ស្ទើរ​តែ​មិន​បាន​ជួប​​វត្តមាន​របស់​មន្ត្រី​សន្តិសុខ​ រហូត​ដល់​កំណាត់​ផ្លូវ​ចុង​ក្រោយ​នៃមហាវិថី​សហ​ព័ន្ធ​រុស្ស៊ី​ ប៉ុន្តែ​​នៅតែ​ប្រព្រឹត្ត​ទៅ​​ដោយ​សន្តិវិធី​។

អ្នកតវ៉ា និង​​​ព្រះ​​​សង្ឃ​​​កាន់​​​ទង់ជាតិ និងទង់សាសនា​​​ហែក្បួន​​​ទៅ​​​កាន់​​​ក្រសួង​​​ធម្មការ និងសាសនា​​​ ។ សីុវ ចាន់ណា
អ្នកតវ៉ា និង​​​ព្រះ​​​សង្ឃ​​​កាន់​​​ទង់ជាតិ និងទង់សាសនា​​​ហែក្បួន​​​ទៅ​​​កាន់​​​ក្រសួង​​​ធម្មការ និងសាសនា​​​ ។ សីុវ ចាន់ណា

ការ​ធ្វើ​បាតុកម្ម​ជាច្រើន​ក្រុម​ពេញមួ​យ​ថ្ងៃ​ម្សិលមិញ​នេះ មាន​ព្រះសង្ឃ និង​អ្នក​តវ៉ា​​មួយ​ក្រុម​ប្រមាណ​៣០០នាក់​ដឹកនាំដោយ​ព្រះ​តេជគុណ ប៊ុត ប៊ុនទិញ ហែក្បួន​ពី​ទី​លាន​ប្រជាធិបតេយ្យ​ទៅក្រសួង​ធម្មការ និង​សាសនា​ ហើយ​អ្នក​ហែ​ក្បួន​បាន​ទៅដល់​ទី​នោះ​ម៉ោងប្រហែល​​៨និង៣០នាទីព្រឹក​។

ព្រះសង្ឃ​ដែល​ចូល​រួម​ជាមួយ​បណ្តាញ​ព្រះសង្ឃ​ឯករាជ្យ​ដើម្បី​យុត្តិធម៌​សង្គម​បាន​បិទ​កំណាត់​តីរវិថី​​សីុសុវត្ថិ​​​នៅកន្លែង​ដែល​​​ព្រះ​សង្ឃ​ទាំង​នោះ​បាន​បិទ​កាល​ពីដើមខែ​នេះ​នៅពេល​​ព្រះសង្ឃ​ទាំង​នោះ​បាន​ឡោម​​ព័ទ្ធ​អនុសំវច្ឆរ​មហា​សន្និបាត​សង្ឃ​ដើម្បី​ទាម​ទារ​ឲ្យ​​ចាត់​វិធាន​ការ​​លើ​ការ​លួច​ព្រះ​សារី​រិក​ធាតុ​​ព្រះពុទ្ធ​កាល​ពីថ្ងៃ​ទី​១០​ ខែធ្នូ​ ពី​ភ្នំ​ឧដុង្គ។

នៅពេល​នេះ​ព្រះសង្ឃ​បាន​ទាម​ទារ​ឲ្យ​លោក​ មិន​ ឃិន រដ្ឋមន្ត្រី​ក្រសួង​ធម្មការ​ និង​សាសនាចុះ​ចេញ​ពី​តំណែង​ ដោយ​សារ​រដ្ឋា​ភិបាល​មិន​បាន​ចាត់​វិធាន​ការ​ចំពោះការ​លួច​ព្រះ​សារីរិកធាតុនេះ​ ហើយ​បាន​ប្តូរ​ការ​ស្រែក​​​ “ ហ៊ុន សែន អើយចុះ​ចេញ​ទៅ​!”​ ជា​ឃ្លា​ដែល​គណ​បក្ស​ប្រឆាំង​បាន​ស្រែ​ក​នៅពេល​ធ្វើ​បាតុកម្ម​នាពេល​ថ្មី​ៗ​នេះ ​ទៅជា​ស្រែក​ថា “ មិន ឃិន អើយ ​ចុះ​ចេញ​ទៅ​!” វិញ​។

ក្រោយ​ម៉ោង​៩​និង​៣០​នាទី​ព្រឹក​បន្តិច​​​តំណាង​ក្រសួង​​ម្នាក់​បាន​ចេញ​មក​ទទួល​ញត្តិ​របស់​ព្រះសង្ឃ​ ដែល​ទាម​ទារ​ឲ្យលោក​ មិន​ ឃិន​ ចុះ​ចេញ​ពី​តំណែង​ក្នុង​រយៈពេល​១៤​ថ្ងៃ ដោយ​គ្មានលក្ខខណ្ឌ​។

ញត្តិ​នោះ​លើក​ឡើង​ថា “ នៅពេលថ្មី​ៗ​នេះលោក មិន ឃិន មិន​បាន​​យក​ចិត្ត​ទុក​ដាក់​ចំពោះការ​បាត់​ព្រះសារីរិកធាតុ​ព្រះ​ពុទ្ធ​ទេ​​ ហើយ​មិន​បាន​ចាត់​វិធានការ​​ចាប់​ខ្លួន​ចោរ​លួច​​មកផ្តន្ទា​ទោស​ឡើយ​”។

បន្ទាប់​ពី​ឈប់​សម្រាក​​​និយាយ​រិះគន់​មន្ត្រី​ក្រសួង​អប់​រំ​ មន្ត្រី​ធនាគារ​ជាតិ​ និង​មន្ត្រី​ក្រសួងកិច្ច​ការ​នារី​ ព្រះសង្ឃទាំង​នោះ​បាន​មក​ដល់​វត្ត​ភ្នំ​នៅម៉ោង​១១ព្រឹក​។ នៅទី​នោះ​ ព្រះសង្ឃ​បានហែ​ក្បួន​កាត់​​តាម​ការ​ជួប​ជុំ​​គ្នា​របស់​ក្រុម​អ្នក​​តវា៉​ផ្សេង​ទៀត​ ដែល​ទាម​ទារ​ឲ្យ​ដំឡើង​ប្រាក់​ឈ្នួល​អប្បបរមា​ ដំឡើង​ប្រាក់​ខែ​មន្ត្រី​រាជការ​ បញ្ចុះ​តម្លៃ​ប្រេង បញ្ចប់​ការ​ចាប់​យក​ដី និង​ឲ្យ​លោក​ ហ៊ុន សែន ចុះ​ចេញពី​តំណែង​។

ក្នុង​ចំណោម​ក្រុម​អ្នក​តវ៉ា​ទាំង​នោះ​ក៏​មាន​អ្នក​តវ៉ា​ប្រឆាំង​ការ​បណ្តេញ​ចេញ​ប្រហែល​២០០នាក់​ផង​ដែរ​ ដែល​​ពាក់​​​អាវ​​​ប៉ាក់​​​ពណ៌ស​ និង​សំពត់​​​ផាមួង ​​​កាន់​ផ្កា​ឈូក​​ ហើយ​​​​បាន​ចាប់​ផ្តើម​ជួប​ជុំ​គ្នា​នៅម៉ោង​ប្រហែល​៨ ​និង​៣០​នាទី​ព្រឹក​ និង​ហែក្បួន​ទៅកាន់​សាលា​រាជ​ធានី​ ដែល​នៅ​ទីនោះ​​ពួកគេ​បាន​ទាម​ទារ​ឲ្យ​លោក ប៉ា សុជាតិ​វង្ស អភិបាល​រាជធានី​ភ្នំពេញ​​ចុះ​ចេ​ញ​ពី​តំណែង​។

ពេល​មក​ដល់​ខាង​ក្រៅ​ការិយាល័យ​របស់លោក បា៉ សុជាតិវង្ស មុន​ម៉ោង​៩​ព្រឹក​បន្តិច​ អ្នក​តវ៉ា​ទាំង​នោះ​បាន​អះអាង​ថា តំណាង​ឲ្យ​សហ​គម​ន៍ចំនួន​២៨​នៅក្នុង​ទីក្រុង​ភ្នំពេញ​ដែល​ត្រូវ​បាន​បណ្តេញ​ចេញ​ ឬ​ប្រឈម​មុខ​​​នឹង​ការ​បណ្តេញ​ចេញ​​ ហើយ​បាន​ទាម​ទារ​ឲ្យ​អភិបាល​ក្រុង​រូប​នេះ​ដោះ​ស្រាយ​ជម្លោះ​របស់ខ្លួន​ បើ​មិន​ដូច្នោះ​ទេ​ត្រូវ​ចុះ​ចេញ​។

អ្នក​ស្រី សុង​ ស្រីលាភ អតីត​អ្នក​ភូមិ​នៅ​សហគមន៍​បឹងកក់​បាន​ស្រែក​តាម​ឧបករណ៍​បំពងសំឡេង​ពីលើ​ដំបូល​រឺុម៉ក​មូ៉តូ​កង់បី​ថា    “ ខ្ញុំសូម​ស្នើ​ឲ្យលោក បា៉ សុជាតិវង្ស ឈប់​ប្រើ​អំពើ​ហិង្សា​លើ​​ប្រជា​ពល​រដ្ឋ​​ស្លូត​ត្រង់។ យើង​ក៏​ស្នើ​សុំ​ឲ្យគាត់​ចុះ​ចេញ​ពី​តំណែង​ផង​ដែរ ​ពី​ព្រោះ​គាត់​ខ្វះ​សមត្ថភាព​”។

មួយ​សប្តាហ៍​​បន្ទាប់​ពីបាន​ជំនួស​លោក កែប​ ជុតិមា​ ជា​អភិបាល​ក្រុង​ភ្នំពេញ​កាល​ពី​ខែ​ឧសភា​ លោក ប៉ា សុជាតិវង្ស បាន​ជួប​តំណាង​សហគមន៍​បឹងកក់​ដោយ​ផ្ទាល់​ និង​បាន​សន្យា​ដោះស្រាយ​ជម្លោះ​ជាមួយក្រុម​ហ៊ុនរបស់​​លោក ឡៅ​ ម៉េងឃិន សមាជិក​ព្រឹទ្ធសភា​មក​ពី​គណបក្ស​ប្រជាជន​កម្ពុជា​។

លោក ឡុង​ ឌីម៉ង់ អ្នក​នាំពាក្យសាលា​រាជ​ធានី​បាន​មាន​ប្រសាសន៍ថា ការ​ធ្វើ​បាតុកម្ម​របស់​គណបក្ស​ប្រឆាំង​មាន​បាតុករ​ប្រហែល​២០.០០០នាក់​ និង​បាន​​កើន​ឡើង​ពីរដង​លើស​​ការ​ជួប​ជុំ​គ្នា​កាល​ពីថ្ងៃ​អាទិត្យ​​សប្តាហ៍មុន​ ពីព្រោះ​គណបក្ស​ប្រឆាំង​បាន​ដឹកអ្នក​គាំទ្រ​ពី​តាម​ខេត្ត​ឲ្យ​មក​ចូល​រួម​។

កាល​ពីថ្ងៃ​សៅរ៍ ទីស្តីការ​គណៈរដ្ឋមន្ត្រី​បាន​ចេ​ញ​សេចក្តីថ្លែងការណ៍​មួយ​​ថ្កោល​ទោស​​​ការ​ធ្វើ​បាតុកម្ម​របស់​គណបក្ស​ប្រឆាំង​​​ដែល​​​ខ្លួន​លើក​ឡើង​ថា ផ្ទុយ​ពីច្បាប់​ និង​ធ្វើ​ឲ្យប៉ះពាល់​ដល់​សិទ្ធិ​និង​ការ​រស់​នៅ​របស់​ប្រជាពលរដ្ឋ​។

ទីស្តីការ​គណៈរដ្ឋមន្ត្រី​បាន​លើកឡើង​នូវ​កង្វល់​ជាច្រើន​ថា “ ជាពិសេស​ ការ​បំពាន​ច្បាប់​​​ធ្វើ​បាតុកម្ម​អហិង្សា​ ការ​បិទ​ផ្លូវ​ ​ការ​បំផ្លាញ​ទ្រព្យ​សម្បត្តិ​សាធារណៈនិង​បំផ្លាញ​ទ្រព​្យ​សម្បត្តិ​រដ្ឋ​ និង​ការ​​រារាំង​ដល់​ការ​ងារ​របស់​ស្ថាប័ន​សាធារណៈ​”។

ក្រោយ​ពី​បាន​ចាក​​ចេញ​ពី​សាលា​រាជធានី​កាល​ពីព្រឹក​ម្សិលមិញ ​​បន្ទាប់​មក​អ្នក​តវ៉ា​ប្រឆាំង​ការ​បណ្តេញចេញ​​​​ ទាំង​នោះបាន​ែហក្បួន​កាត់​តាម​​ទីលាន​ប្រជាធិបតេយ្យ​ ដែល​នៅ​ទី​​​នោះ​អ្នក​គាំទ្រ​គណបក្ស​សង្គ្រោះ​ជាតិ​ពីរ​បីពាន់​នាក់​បាន​ជួប​ជុំ​គ្នា ​​ហើយនិងបាន​​បន្ត​ហែ​ទៅ​កាន់​ក្រុម​ប្រឹក្សា​អភិវឌ្ឍន៍​កម្ពុជា​នៅ​ជិត​នោះ​ដើម្បីទាមទារ​ឲ្យបរទេស​ផ្អាក​ជំនួយ​​​ដល់​​រដ្ឋា​ភិបាល​របស់លោក​ ហ៊ុន សែន ។

អ្នក​ស្រី​ ទេព វន្នី​ ជា​អ្នក​ភូមិម្នាក់ទៀត​នៅ​អតីត​សហគមន៍​បឹងកក់​បាន​និយាយថា “យើង​ហែក្បួន​នៅថ្ងៃ​នេះ​ដើម្បីផ្ញើ​សារទៅ​លោក ហ៊ុន សែន​ ឲ្យចុះ​ចេញ​ពីតំណែង ពី​ព្រោះ​គាត់​គ្មាន​សមត្ថភាព​អភិវឌ្ឍ​ប្រទេស​ទេ​”។ អ្នក​ស្រី​បាន​និយាយ​ថា ក្រុម​ប្រឹក្សា​អភិវឌ្ឍន៍​កម្ពុជា និង​ម្ចាស់​ជំនួយ​ជាប់​ពាក់​ព័ន្ធ​នៅក្នុងការ​​បណ្តេញ​​​ពួក​គេ​។

អ្នកស្រី​បាន​និយាយ​ថា “ យើង​សូម​​ថ្កោល​ ទោស​ដល់​ម្ចាស់​ជំនួយ ​ពីព្រោះ​ពួក​េគ​រួម​គំនិត​ ជាមួយ​រដ្ឋាភិបាល​​ បណ្តេញ​ប្រជា​ពល​រដ្ឋ​ខ្មែរ​ដោយ​​យក​ការ​អភិវឌ្ឍ​ធ្វើ​ជា​លេស​”។
នៅពេល​រសៀល​ព្រះសង្ឃ​បាន​ជួប​​ជុំ​គ្នា​ម្តង​ទៀត​រួមជាមួយតំណាង​សមាគម​​ប្រជា​   ធិ​បតេយ្យ​សេដ្ឋ​កិច្ច​ក្រៅ​ប្រព័ន្ធ​​ និង​សមាគម​មន្ត្រី​រាជការ​ឯករាជ្យកម្ពុជា​នៅ​ទីស្តីការ​គណៈ​រដ្ឋ​មន្ត្រី​។

លោក ភួន សុវណ្ណ ទីប្រឹក្សា​សមាគម​មន្ត្រី​រាជការ​ឯករាជ្យ​​កម្ពុជា​បាន​និយាយ​តាម​ឧបករណ៍​បំពងសំឡេង​ថា “ នាយក​រដ្ឋមន្ត្រី​ ហ៊ុន សែន ត្រូវ​តែ​ប្រាប់​លោក​ សុខ គង់ ឲ្យ​​បញ្ចុះ​តម្លៃ​ប្រេង​មក​ត្រឹម​៤.០០០រៀល​ក្នុង​មួយ​លីត្រ​។ ប្រសិន​បើ​គាត់​​មិន​ធ្វើ​ដូច្នេះ​ទេ​យើង​នឹង​ធ្វើ​បាតុកម្ម​រៀង​រាល​់ថ្ងៃ​អាទិត្យ​”។

លោក សុវណ្ណ​ បាន​ស្រែក​ថា “ យើង​ចង់​ឲ្យរដ្ឋាភិបាលដំឡើង​ប្រាក់​ខែ​ឲ្យមន្ត្រី​រាជការ​ដល់​២លាន​រៀល​ក្នុង​មួយ​ខែ ដើម្បី​ឲ្យ​ពួកគេ​រស់បានស្រួល​”។

នៅពេលចាប់ផ្តើម​ហែក្បួន​នៅម៉ោង​ប្រហែល​២​រសៀល លោក សម រង្ស៊ី និង​លោក កឹម សុខា បានហែ​ទៅទិសខាង​ត្បូង​តាម ​មហាវិថី​ព្រះមុនីវង្ស​​មុន​ពេល​បត់​ទៅ​ទិសខាង​​​​លិចតាម​មហាវិថីម៉ៅសេទុង​ និង​ត្រឡប់​មក​​ទីលាន​ប្រជាធិបតេយ្យវិញ​តាម​មហាវិថី​សហព័ន្ធរុស្ស៊ី ដែលមាន​រយៈពេល​ជាង​៤​​​ម៉ោង។

ឈរនៅផ្នែក​ខាង​ក្រោយ​រថយន្ត​ភីក​អាប់​​ដែល​ស្ថិត​នៅកណ្តាល​​ក្បួន​ មេដឹកនាំ​គណបក្ស​​
ប្រឆាំង​ទាំង​ពី​រអម​ដោយ​លោក ម៉ម សូណង់​ដូ ម្ចាស់​វិទ្យុ​សម្បុក​ឃ្មុំ និង​ជា​ប្រធាន​សមាគម​​អ្នក​ប្រជាធិបតេយ្យ ​ដែល​បាន​ជិះ​នៅក្នុង​រថយន្ត​ទំនើប​មួយ​គ្រឿង។

ដើរ​ពី​ក្រោយប្រធាន​គណបក្ស និង​អនុ​​​ប្រធាន​​គណបក្ស​សង្គ្រោះ​ជាតិ កញ្ញា កឹម មុនី​​​វិទ្យា កូន​ស្រី​របស់​លោក កឹម សុខា និង​​ កញ្ញា សម រ៉ា​​​ឆែល កូនស្រី​របស់​​លោក សម រង្ស៊ី ដែល​អង្គុយ​នៅលើ​ដំបូល​រថយន្ត​​ទំនើប​មួយ​គ្រឿង​ទៀត​ បាន​​គ្រវី​ដៃ​ស្វាគមន៍ក្រុម​មនុស្ស​​​ ​ ហើយ​យូរៗម្ត​ង​បាន​កាន់ដៃគ្នា​​លើក​ឡើង​លើដូច​​ឪពុក​របស់​ពួកគេធ្វើ​អ៊ីចឹង​ដែរ។

នៅក្នុង​ការ​ហែក្បួន​នោះ​ មេដឹកនាំ​តវ៉ា បាន​អង្គុយ​លើដំបូល​រ៉ឺម៉ក​ម៉ូតូកង់បី​ ហើយ​និយាយ​តាម​ឧគ្ឃោសនសព្ទ ដឹក​នាំ​ក្រុម​បាតុករ​ស្រែក​ទាមទារ​ឲ្យ​មាន​ការ​បោះ​ឆ្នោត​ឡើងវិញ និង​ទាមទារ​ឲ្យ​លោក ហ៊ុន សែន ចុះ​ចេញ​ពី​តំណែង​។

ពួកគេ​ក៏បាន​ដឹក​នាំ​ការ​​ស្រែក​រៀបរាប់​ពី​ទុក​្ខ​លំបាក​​របស់ខ្លួន​ទៅកាន់លោក នាយក​រដ្ឋ​មន្ត្រី​​​ផង​​​ដែរ។ អ្នក​ដឹក​នាំស្រែក​បាន​សួរ​ថា “តើ​នរណា​លក់ដី?”​​​​​​ ហើយអ្នកត​វ៉ាទាំងនោះ​​ឆ្លើយ​ថា “ហ៊ុន សែន” ។

កងរាជអាវុធហត្ថរាប់រយនាក់ឈរ​​​តម្រង់​​​ជួរ​​​នៅ​​​ជិត​​​ភូមិគ្រឹះ​​​របស់លោក​​​ ហ៊ុន សែន នៅក្បែរ​​​វិមាន​​​ឯករាជ្យ​​​។សីុវ ចាន់ណា
កងរាជអាវុធហត្ថរាប់រយនាក់ឈរ​​​តម្រង់​​​ជួរ​​​នៅ​​​ជិត​​​ភូមិគ្រឹះ​​​របស់លោក​​​ ហ៊ុន សែន នៅក្បែរ​​​វិមាន​​​ឯករាជ្យ​​​។សីុវ ចាន់ណា

នៅពេលការ​ហែក​្បួន​មក​ដល់​កំណាត់​មហាវិថី​សហព័ន្ធរុស្ស៊ី ទន្ទឹម​អគារ​រដ្ឋាភិបាល​នោះ ពួកគេ​បាន​ដើរ​​ឆ្លង​គន្លង​ផ្លូវ​និងសួន​ច្បារ​នៅ​ជាប់គ្នា​នោះ ហើយ​បានដើរ​​តែ​ប៉ុន្មាន​ម៉ែ​ត្រ​​ប៉ុណ្ណោះ​​​ពីច្រក​ទ្វារ​​ចូល​​វិមាន​សន្តិភាព ស្រែក​ឲ្យ​លោក​ ហ៊ុន សែន ចុះ​ចេញ​ពី​តំណែង។

មន្ត្រី​កង​រាជ​អាវុធ​ហត​្ថ​ពីរនាក់​ប្រដាប់​ដោយ​កាំភ្លើង​វែង​ឈរ​នៅ​ខាង​ក្រៅ​អគារ​ការ​ិយាល័យ​របស់​លោក​ ហ៊ុន សែន និង​នគរបាល​ក្រុង​ជាច្រើននាក់​រួម​មាន​មន្ត្រី​កង​រាជ​អាវុធហត្ថ​ប្រដាប់ដោយ​អាវុធ​គ្រប់​ដៃ​យ៉ាងហោច​​ណាស់​១២នាក់ទៀត​នោះ​បានឈរខាងក្នុង​ច្រកទ្វារចូល​ ហើយ​កម្លាំង​​សន្ត​ិសុខផ្សេង​ទៀត​អង្គុយនៅ​លើ​ដំបូល​។

ត្រឡប់មក​កាន​់​ទីលាន​ប្រជាធិប​តេយ្យ​​​វិញ​បន្ទាប់ពី​ថ្ងៃលិច​លោក កឹម សុខា បាន​ថ្លែង​ទៅកាន់​ក្រុមអ្នក​គាំទ្រ​រាប់​ម៉ឺន​នាក់​ដែល​បាន​ប្រមូល​ផ្តុំគ្នា​នៅក្នុង​ទីលាន​ប្រជា​ធិប​តេយ្យ​ដោយ​អំពាវនាវ​ឲ្យ​លោក ហ៊ុន សែន ចេញ​មក​ប្រឈម​មុខ​ជាមួយ​ប្រជា​ពល​រដ្ឋ​។

លោក កឹម សុខា បានមាន​ប្រសា​សន៍ថា “ហ៊ុន សែន ឃោរឃៅ​ណាស់​​​ប្រជា​​ពលរដ្ឋ​លែងគាំទ្រ​គា​ត់​ទៀត​ហើយ​”។

លោក កឹម សុខា បាន​មាន​ប្រសា​សន៍​​​បន្ថែម​​​​ថា “យើង​​មាន​ប្រជា​ពល​រដ្ឋ​គ្រប់​គ្រាន់​ក្នុង​ការ​ឲ្យ​គា​ត់​ចុះ​ចេញ ប៉ុន្តែ​យើង​អាណិត​គា​ត់​ ហើយ​​ទុក​ពេល​ឲ្យ​គា​ត់​គិត​​ពីរ​បី​ថ្ងៃទៀត”។
លោក​បាន​បន្តថា “កុំគិត​ថា យើង​ខ្លាច​ឲ្យ​សោះ។ យើង​មិន​ខ្លាច​ស្លាប់​ទេ ប៉ុន្តែ​យើង​ខ្លាច​បាត​់​បង់​ជាតិ​របស់​យើង”។

ដោយ​សំដៅ​ជាក់ស្តែង​ដល់​ភូមិ​គ្រឹះ​​របស់​លោក ហ៊ុន សែន នោះ លោក កឹម សុខា បាន​មាន​ប្រសាសន៍ថា “យើង​អាច​ទៅ​កាន់​វិមាន​ឯករាជ្យ ប៉ុន្តែ​យើង​មិន​ចង់​ទៅទេ។​ដូច្នេះ​សូម​កុំ​ព្រួយអី។ ​ដេក​ឲ្យ​​លក់​ស្រួ​ល​​​ចុះ”៕
គឹម ហឿន និង សារុន

(រាយការ​ណ៍បន្ថែម​ដោយ ផន បុប្ផា អូន​ភាព ម៉ិច ដារ៉ា  Alex Willemyns និង Coliin Meyn)

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស