ហាងលក់អាហាររហ័សទាន់ចិត្ត Burger King របស់អាមេរិកនិងបើកសាខាទី២របស់ខ្លួននៅក្នុងសង្កត់បឹងកេងកង១ រាជធានីភ្នំពេញមុនដំណាច់ខែមករា នេះបើតាមការឲ្យដឹងពីអ្នកគ្រប់គ្រងហាងនេះកាលពីសប្ដាហ៍មុន។
មានទីតាំងស្ថិតនៅកាច់ជ្រុងផ្លូវលេខ៥១ និងផ្លូវលេខ៣១០ ហាងនេះនឹងស្ថិតនៅក្នុងអគារដែលធ្លាប់ជាហាងកាហ្វេ True Coffee។
លោក នូន កក្កដា អ្នកគ្រប់គ្រងហាង Burger King សាខាបឹងកេងកង មានប្រសាសន៍ថា ខ្ញុំគិតថា ហាងនេះនឹងបើកចន្លោះពីពាក់កណ្ដាលខែមករាទៅចុងខែមករា។ ប៉ុន្តែវាអាស្រ័យលើការសាងសង់ដែរ។
លោក កក្កដា បានឲ្យដឹងថា សង្កត់បឹងកេងកង១ ត្រូវបានជ្រើសរើសដោយសារវាជាតំបន់ដែលសម្បូរទាំងជនជាតិខ្មែរ និងជនបរទេស។ លោកបានមានប្រសាសន៍ថា វាជាកន្លែងដ៏ពេញនិយមដែលគេស្គាល់ច្រើន”។
សាខាទី១របស់ហាង Burger King បានបើកនៅអាកាសយានដ្ឋានអន្តរជាតិភ្នំពេញកាលពីខែកុម្ភៈ។ លោក កក្កដា បានឲ្យដឹងថា សៀវភៅមុខម្ហូប និងតម្លៃអាហារនៅសាខាបឹងកេងកង គឺមិនខុសគ្នាពីនៅសាខាអាកាសយានដ្ឋានអន្តរជាតិភ្នំពេញទេ។ ដៃគូរបស់ក្រុមហ៊ុន Burger King ក្នុងប្រទេសកម្ពុជា គឺក្រុមហ៊ុនក្នុងស្រុក HSC ដែលជាក្រុមហ៊ុនរបស់លោក សុខ ហុង កូនប្រុសអ្នកជំនួញដ៏ល្បីគឺលោក សុង គង់ និងក្រុមហ៊ុនវៀតណាម Imex Pan-Pacific Group Inc. ៕ សេរីវុធ