27 C
Phnom Penh

អង្គភាព​​​ប្រឆាំង​​​អំពើ​​​ពុករលួយ​​​​​​រាយការណ៍​​​អំពី​​​ករណី​​​ទទួល​​​​​​សំណូក​​​​​​ក្នុង​​​វិស័យ​​​សុខាភិបាល​​​

ដោយ ឌឹ ខេមបូឌា ដេលី

បទវិភាគ

កាល​​​ពី​​​ថ្ងៃ​​​អង្គារ​​​ អង្គភាព​​​​​​ប្រឆាំង​​​អំពើ​​​ពុក​​​រលួយ​​​​​​របស់​​​រដ្ឋាភិបាល​​​បាន​​​ចេញ​​​​​​សេចក្ដី​​​រាយ​​​ការណ៍​​​ចុង​​​ក្រោយ​​​របស់​​​​​​ខ្លួន​​​ស្ដី​​​ពី​​​​​​ការត្រួត​ពិនិត្យ​ឡើង​វិញ​របស់ខ្លួន​លើ​​ការ​​​ចោទ​​​​​​ប្រកាន់​​​​​​​​​ពី​​​បទ​​​ទទួល​​​សំណូក​​​​​​យ៉ាង​​​ច្រើន​​​​​​ក្នុង​​​ក្រសួង​​​សុខាភិបាល​​​​​​​​​ ដែល​អង្គការ​​​​​មូល​​​និធិ​​​ពិភព​​​​លោក​​​បានជួយ​ដើម្បី​​​​​ប្រយុទ្ធ​​​ប្រឆាំង​​​​​​ជំងឺ​​​​​​អេដស៍ របេង​​​ និង​​​​​​​​​ជំងឺ​​​​​​គ្រុន​​​ចាញ់​​​ក្នុង​​​​​​ខែ​​​វិច្ឆិកា​​។

កាល​​​ពី​​​ម្សិលមិញ​​​​​​ ក្រុ​​​ម​​​មន្ត្រី​​​​មកពី​អង្គភាព​ប្រឆាំង​អំពើពុករលួយ​មិនបាន​និយាយ​អ្វី​ពាក់ព័ន្ធនឹង​ការ​​ត្រួត​​​​ពិ​និត្យ​ឡើង​វិញ​ឡើយ​ ​ ហើយ​ក៏មិនបាន​និយាយ​​​ថា​​​តើ​​​ត្រូវ​​​​​​មាន​​​​​​ផែន​ការ​​​បែប​​​ណា​​​​​​ ដើម្បី​​​ដោះ​​​ស្រាយ​​​សំណើ​​​​របស់​​​​​​​អង្គការ​​​មូលនិធិ​​​ពិភព​​​លោក ដែល​ស្នើឲ្យ​សង​​​​សំណង​​​រាប់​​ម៉ឹនដុល្លារ​​​​​​ ដែលត្រូវ​បាន​កេងប្រ​វ័ញ្ច​​ដោយ​​​មន្ត្រី​​​ពុក​​​រលួយ​​​។

បន្ទាប់ពី​​​ការ​​​​​​ធ្វើ​​​សវនកម្ម​​​​​​រយៈ​​​ពេល​​​មួយ​​​ឆ្នាំ​​​​​​​​​​​ពី​​​ការ​​​ផ្ដល់មូល​និ​ធិឥត​សំណងកន្លង​​​មក​​​​​​របស់​​​​​​ខ្លួន​​​​​​ដល់​​​​​​កម្ពុជា​​​​​​ អង្គការ​មូលនិធិ​​ពិភព​លោក​​​​បាន​​​ចេញ​​​របាយ​​​ការណ៍​​​លម្អិត​មួយ​​​នៅ​​​​​​ក្នុង​​​​​​ខែ​​​​​​វិច្ឆិកា​​​ ដោយ​​​ចោទ​​​ប្រកាន់​​​មន្ត្រី​​​សុខា​ភិបាល​​​ ដែល​​​​​​​​ចាប់​​​​​​តាំង​​​​​​ពី​​​ពេល​​​​​​នោះ​​​​​​បាន​​​​​លា​លែង​តំណែង​របស់ខ្លួន​ពីបទ​ទទួល​​​សំណូក​​​​​​ជាង​​​៤០០.០០០​​​ដុល្លារ​​​​​​ ដើម្បី​​​ទទួល​​​បាន​​​កិច្ច​​​សន្យា​​​​​​ពី​អ្នក​ផ្គត់ផ្គង់​​​​​​​​​​មុងនៅក្រៅប្រទេស​។ អង្គការ​ក្រៅ​​​រដ្ឋាភិបាល​​​​​​ មេឌីកាំ ក៏​​​ត្រូ​វ​បាន​​​រក​​​ឃើញ​​​​​​ថា​​​ ​​​​​​​​​​​​​​​បាន​កេង​ប្រ​វ័ញ្ចជា​ប្រាក់​ពី​មូ​ល​និធិ​​​​ពិ​ភព​លោក​ជិត​​​​​​​២១.០០០​​​ដុល្លារ​​​ផងដែរ។

កាល​ពី​ម្សិល​មិញ​លោក​​​ ប្រាក់ សុខ អនុ​ប្រធាន​​​​​​ក្រុម​​​ប្រឹក្សា​​​​​​ប្រឆាំង​​​អំពើ​​​ពុក​​​រលួយ​​​ដែល​​​គ្រប់​​​គ្រង​​​ការងារ​​​របស់​​​អង្គភាព​​​ប្រឆាំង​​​អំពើ​​​ពុក​​​រលួយ​​​បាន​​​បញ្ជាក់​​​ថា អង្គភាព​​​​​​ប្រឆាំង​​​​អំពើ​​​ពុក​​​រលួយ​​​បាន​​​រាយ​​​ការណ៍​​​ទៅ​​​ក្រុម​​​ប្រឹក្សា​​​​នេះ​​​អំពី​​​ការត្រួត​​​​​​​ពិនិត្យឡើងវិញ​លើ​​​​​​​របាយ​​​ការណ៍​​​​​​ស្ដី​​​ពី​​​ការ​​​ពុក​រលួយ​​​ របស់​​​អង្គការមូល​​​និធិពិភពលោក​​​​​​​​​និង​​​ការ​​​ចោទ​​​ប្រកាន់​​​របស់​​អង្គការនេះក្នុង​​​កិច្ច​​​ប្រជុំ​​​មួយ​​​​​​កាល​​​ពី​​​ថ្ងៃ​​​អង្គារ​​​។ លោក​​​បាន​​​​​​​​​មាន​ប្រសាសន៍​​​ថា “យើង​​​បាន​​​ពិភាក្សា​​​​​​យ៉ាង​​​ច្រើន​​​អំពី​​​​​​​​​បញ្ហា​​​របស់​​​​​​​​​អង្គការ​​​​​​មូលនិធិ​​​ពិភព​​​លោក​​​​​​នៅ​​​ក្នុង​​​​​​កិច្ច​​​ប្រជុំ ប៉ុន្តែខ្ញុំ​មិនអាច​និយាយ​អ្វីច្រើន​ទាក់ទិន​នឹង​ករណី​នេះ​ឡើយ​។​ នេះ​​​គឺ​​​ជា​​​​​​កិច្ច​​​ប្រជុំ​​​​​​ឯក​​​ជន​​​មួយ​​​ ដូច្នេះ​​​​​​ខ្ញុំ​​​មិន​​​អាច​​​​បរិយាយ​​​​បាន​​​ទេ​​​”។

លោក​​​ ឆាយ​​​ សាវុធ អនុប្រធាន​​​​​​​​​អង្គភាព​​​ប្រឆាំង​​​អំពើ​​​ពុក​​​រលួយ​​​ ក៏បាន​​​បដិសេធ​​​​​​​​​មិន​​​ធ្វើ​​​អត្ថាធិប្បាយ​​​ផង​​​ដែរ​​​។ ចាប់​​​តាំង​​​ពី​​​​​​​​​​អង្គការ​​​​​​មូលនិធិ​​​ពិភព​​​លោក​​​បានលើកឡើងពី​ការ​ប្រព្រឹត្តត​អំពើ​ពុក​រលួយ​នេះ​រួច​មក​​​ អង្គការ​​​​​​​ មេឌីកាំ និង​​​មន្ត្រី​​​សុខា​ភិបាល​​​​​​​បាន​​​​​​​​​ច្រាន​​​ចោល​​​​​​ការ​​​ទទួល​​​ខុស​​​ត្រូវ​​​​ការ​​​​​​ទទួល​​​​សំណូក​​​​​​ដែល​​​​​​​​មាន​ការ​រៀប​ចំ​​​​​​​ឯកសារបាន​យ៉ាងល្អ​អស់​​​​រយៈ​​​ពេល​​​ច្រើន​​​ឆ្នាំ​​​ ដោយមិនចាត់ទុករឿង​នេះ​ជារឿង​សំខាន់​​​​​​​ និង​​​បាន​​​​​​​​​សួរ​​​​​​នាំ​​​អំពីទំហំ​នៃ​​​​​​​​​​អំពើ​​​ពុករលួយ​​​ ដែល​​​​ត្រូវ​បាន​ចោទ​​​ប្រកាន់នេះ​​​​​​​។

នៅ​​​ក្នុង​​​លិខិត​​​មួយ​​​ចុះ​​​ថ្ងៃ​​​ទី​​​៩ ខែ​​​ធ្នូ​​​ ដែល​ផ្ញើ​​​​ជូន​​​​ ​​​លោក​​​ ម៉ម ប៊ុន​​​ហេង រដ្ឋមន្ត្រី​​​ក្រសួង​សុខា​​​ភិ​​​បាល​​​​​​ អង្គការ​​​មូលនិធិពិភពលោក​​​​​​បាន​​​ស្នើ​​​ឲ្យ​​​​​​ក្រសួង​​​​​​និង​​​​​​​​​អង្គការ​​​​​​​ មេឌីកាំ សង​​​​​​ប្រាក់​​​​​​​​​ចំនួន​​​៤៧៣.០០០​​​ដុល្លារ​​​​​​ក្នុង​​​រយៈ​​​ពេល​​​​​​៣០​​​ថ្ងៃ​​​ ឬ​​​បើ​​​​​​មិន​​​អ៊ីចឹង​​​ទេ​​​​​​នឹង​​​ប្រឈម​​​មុខ​​​​​​នឹង​ការបាត់​បង់​​​ប្រាក់​ទាំង​​​អស់ដែល​ការ​​​​​​​​​ផ្ដល់​​​មូល​​​និធិ​​​​​​​ិពិភពលោកបាន​ផ្តល់​ក្នុង​​​​ចំនួន​​​១០៦​​​លាន​​​ដុល្លារ​​​​​​ដល់​​​ប្រទេសកម្ពុជានោះ​​​​។

មន្ត្រី​​​​​អង្គការ​​ មេឌីកាំ​​​ និង​​​ក្រសួង​​​​​​សុខា​ភិ​បាល​​​​​​បាន​​​បដិសេធ​​​ចំពោះ​​​​​​​​​សំណើ​សុំ​​​ការ​​​អត្ថា​ធិប្បាយ​​​​​​​​​លើ​លិខិត​​​​​​​​នេះម្ត​ងហើយ​ម្ត​ងទៀត​​​​​​​ និង​​​​​​ថា​​​តើ​​​ពួក​​​គេមាន​បំណង​​​​សង​​​​ប្រាក់​​​ដែល​​​​​​ដាក់​​​ក្នុង​​​ហោប៉ៅ​​​ហើយ​ឬ​​​យ៉ាង​​​​​​ណា​​​នោះ​​​ទេ​​​។ ទឹក​​​ប្រាក់​​​ចំនួន​​​​​​១០៦​​​លាន​​​ដុល្លារ​​​ ដែ​​​​​​ល​​​អង្គការ​​​​មូលនិធិពិភពលោ​​​ក​​​កំពុង​​​តែ​​​គំរាម​​​​​​ដក​​​យកវិញ​​​​​​​ នឹង​​​​​​អាច​បង្ករ​​​​​​​​​​ផល​​​វិបាក​​​យ៉ាងខ្លាំង​​​​​​​ដល់​​​​​​​វិស័យ​​​​​​សុខាភិបាលនៅទូទាំង​​​​ប្រទេស​​​។

កាល​​​ពី​​​សប្ដាហ៍​​​មុន​​​ លោក​​​ សេត ហ្វេ​​​សិន​​​ (Seth Faison) អ្នក​​​នាំពាក្យ​​​របស់​​​អង្គការ​​​មូល​​​និធិពិភព​​​លោក​​​​​​បាន​លើកឡើងថា​ អង្គការ​នឹង​ព្យាយាម​​​មិន​​​ឲ្យ​​​​​​មាន​​​ការ​​​​​​​​​ផ្អាក​​​​​​មូល​​​និធិ​​​​​​នេះ​ទេ​ ព្រោះ​វា​អាច​​​​ប៉ះពាល់​​​ដល់​​​ជីវិត​ពលរដ្ឋ​​​​។ លោក​​​បាន​​​មាន​ប្រសាសន៍​​​ថា​ “​​​យើង​ ជា​​​និច្ច​​កាល​​​​​​​​​​​​តែ​​ង​​​តែ​​​ប្រុ​​​ង​​​ប្រយ័ត្ន​​​មិន​​​ឲ្យ​​​​​​ជីវិត​របស់​នរណា​ម្នាក់​ជួប​​​ហានិ​​​ភ័យ​​​នោះទេ​​​។ ​នៅ​​​ពេល​​​ដែល​​​​​​​​​វា​​​ចាំ​​​បាច់​​​ត្រូវ​​​តែ​​​​​​ផ្អាក​​​​​​​​​ ឬ​​​កាត់​​​បន្ថយ​​​​​​ជំនួយ​​​​​​ឥត​​​សំណង​​​​​​នោះ​​​ យើង​​​តែ​​​​​​​​​ង​​​តែ​​​​​​ខិត​​​ខំ​​​​​​ស្វែង​​​រក​​​ជម្រើស​​​​​​ផ្សេង​ដែលអាច​​​​ផ្ដល់​​​​​​​​​​​សេវាកម្ម​​​​​​បន្ត​សម្រាប់​​​​​​អ្នក​​​ដែល​​​​​​រង​​​ផល​​​ប៉ះពាល់”។  ក៏​​​ប៉ុន្តែ​​​​​​លោក​​​មិន​​​បានបរិយាយ​​​​​​​ថា តើ​​​​​​ត្រូវ​​​ធ្វើ​​​បែប​​​ណា​​​នោះ​​​ទេ​​​៕ ប៊ុននី​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស