34 C
Phnom Penh

ឪពុកក្មេកវាយ​​កូន​ប្រសារបស់ខ្លួន​​រហូត​​ដល់​​ស្លាប់ដោយសារ​ទាស់សម្តី​គ្នា​រឿង​ចាយលុយខ្ជះខ្ជាយ​

ដោយ ឌឹ ខេមបូឌា ដេលី

បទវិភាគ

យោង​តាម​នគរ​បាល​បាន​ឲ្យ​ដឹង​ថា បុរស​​អាយុ​៤៩ឆ្នាំម្នាក់​​ត្រូវ​ឪពុក​ក្មេក​របស់​ខ្លួន​វាយ​​រហូត​ដល់ស្លាប់​ក្នុង​ខេត្ត​កំពង់​ចាម​កាលពី​ថ្ងៃ ច័ន្ទ​ បន្ទាប់អ្នក​ទាំង​ពីរ​ទាស់​គ្នា​​រឿង​លុយ​កាក់។

លោក សួន​ រស់ អធិការ​រង​នគរ​បាល​ស្រុក​​ ព្រៃឈរ​បានមាន​ប្រសាសន៍ថា បុរស​ឈ្មោះ ម៉ែន អាន អាយ​ុ​៧២ឆ្នាំ​មាន​កំហឹង​​យ៉ាងខ្លាំង​នឹង​កូនប្រសារបស់ខ្លួន​ឈ្មោះ​ រៀល រេន មួយ​ រយៈមក​ហើយ​ ពីព្រោះ​គា​ត់​គិត​​ថា កូន​ប្រសា រូបនេះ​​បាន​យកលុយ​ដែល​ប្រពន្ធ​របស់ខ្លួន​ទៅ​ធ្វើការ​ជា​ពលករ​ចំណាកស្រុកនៅ​ក្នុង​ប្រទេស​ថៃ​ផ្ញើមក​ផ្ទះទៅចាយវាយមិន​ត្រឹម ត្រូវ​ ដោយ​យក​ទៅទិញ​ស្រា​ មិន​ទុក​ផ្គត់​ផ្គង់​កូន​ៗរបស់ខ្លួន។

លោក សួន​ រស់​ បាន​មាន​ប្រសា​សន៍ថា   “ កាល​ពី​ថ្ងៃច័ន្ទ បន្ទាប់ពី​ដឹង​ថា កូន​ប្រសា​របស់ខ្លួន​ស្រវឹងស្រា​ដេកមិនដឹង​ខ្លួន​នោះ បុរសជា​ឪពុកក្មេក​ឈ្មោះ​ អាន បាន​វាយ​ជន​រងគ្រោះ​ជា​ច្រើន​ដំបងត្រង់ក្បាល ដោយ​បណ្តាល​ឲ្យ​ស្លាប់​ភ្លាមៗតែម្តង”។

លោក​បាន​បន្ថែម​ថា នគរបាល​កំពុង​ស្វែងរក​ចាប់ខ្លួន​​ឪពុក​ក្មេកជាជន​ដៃ​ដល់​​នេះ​ដែលបាន​​​រត់​គេចខ្លួន​បន្ទាប់ពី​ប្រព្រឹត្ត​​បទ​ឧក្រិដ្ឋ​រួចមក។

ក្នុង​ករណី​ដាច់​ដោយ​ឡែក​មួយ​ទៀត បុរសម្នាក់​ត្រូវ​មិត្ត​ភក្តិរបស់​ខ្លួន​វាយរហូ​ត​ដល់​ស្លាប់​ក្នុ​ងស្រុក​ពញាក្រែក​ ខេត​្ត​កំពង​់​ចាម ​​កាល ពី​ថ្ងៃអង្គារ​ បន្ទាប់ពី​ទាស់​សម្តី​គ្នា​ពេល​​ផឹក​ស៊ី។

លោក ពុយ ដាវី នាយប៉ុស្ត​ិ៍ឃុំ​កោង​​កាង​​បានមានប្រសាសន៍ថា បុរស​ដែល​នគរបាល​ស្គាល់ថា ឈ្មោះ​ ឈឿន បាន​វាយមិត​្ត​ភក្តិ​របស់​ខ្លួន​ឈ្មោះ ជា​ សារ៉ាត់ អាយុ​​៣០ឆ្នាំ​រហូត​​ដល់ស្លាប់ ហើយឥឡូវ​នេះ​​កំពុង​​រត់​គេចខ្លួននៅឡើយ៕សារុន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស