មន្ត្រី​​​មន្ទីរ​​​ការ​​​ងារ​​​ខេត្ត​​​តាកែវ​​​ជាប់​​​ពន្ធនាគារ​​​ពីបទ​​​ពុករលួយ​​​​​​ដោយសារ​​​កិបកេង​​​មូលនិធិសាធារណៈ

កាល​​​ពី​​​ថ្ងៃ​​​អាទិត្យ ​​​សាលា​​​ដំបូង​​​ខេត្ត​​​តាកែវ​​​បាន​​​ចោទ​​​ប្រកាន់​​​មន្ត្រី​​​មន្ទីរ​​​ការងារ​​​ខេត្ត​​​មួយ​​​រូប​​​ពី​​​បទ​​​ពុក​​​រលួយ​​​បន្ទាប់ពី​​​​​​ការ​​​​​​ស៊ើប​​​អង្កេត​​​​​​របស់​​​អង្គភាព​​​ប្រឆាំង​​​អំពើ​​​ពុក​​​រលួយ​​​​​​បាន​​​លាត​​​ត្រដាង​​​ថា មន្ត្រី​​​រូប​​​នេះ​​​​​​បាន​​​កិប​​​កេង​​​​​​មូល​​​និធិ​​​សាធារណៈ​​​ចំនួន​​​១.២៥៥​​​ពាន់​​​លាន​​​រៀល​​​ (៣១៣.៧៥០​​​ដុល្លារ​​​) ក្នុង​​​រយៈ​​​ពេល​​​ប្រាំ​​​ពីរ​​​ឆ្នាំ​​​មក​​​នេះ​​​។

លោក​​​ស្រី​​​ សុខ រ៉ានី ប្រធាន​​​មណ្ឌល​​​បណ្ដុះ​​​បណ្ដាល​​​វិជ្ជាជីវៈ​​​ខេត្ត​​​បាន​​​កេង​​​បន្លំ​​​ប្រាក់​​​ខែ​​​របស់​​​គ្រូបង្រៀន​​​ចំនួន​​​១៨​​​នាក់​​​ព្រម​​​ទាំង​​​កិប​​​កេង​​​មូលនិធិ​​​បាន​​​ពី​​​ថវិកា​​​ខេត្ត​​​សម្រាប់​​​​​​ការ​​​បណ្ដុះ​​​បណ្ដាល​​​វិជ្ជាជីវៈ​​​ផង​​​ដែរ នេះ​​​បើ​​​យោង​​​​​​តាម​​​សេចក្ដី​​​ថ្លែង​​​ការណ៍​​​មួយ​​​​​​ចេញ​​​ដោយ​​​អង្គ​​​ភាព​​​ប្រឆាំង​​​អំពើ​​​ពុក​​​រលួយ​​​កាលពី​​​ម្សិលមិញ។​​​

លោក​​​ មាស សុភ័ក្រ ព្រះ​​​រាជ​​​អាជ្ញា​​​អម​​​សាលា​​​ដំបូង​​​ខេត្ត​​​តាកែវ​​​បាន​​​មានប្រសាសន៍​​​ថា ពេល​​​នេះ​​​លោក​​​ស្រី​​​ សុខ រ៉ានី ដែល​​​ត្រូវ​​​បាន​​​ចាប់​​​ខ្លួន​​​កាលពី​​​ថ្ងៃ​​​សុក្រ​​​ កំពុង​​​ជាប់​​​ឃុំ​​​នៅ​​​ពន្ធនាគារ​​​ខេត្ត​​​។ លោក​​​បាន​​​មានប្រសាសន៍​​​ថា “ខណៈ​​​ពេល​​​ព្រះរាជអាជ្ញារង​​​មួយរូប​​​ធ្វើ​​​ការ​​​សាក​​​សួរ​​​ គាត់​​​ពិត​​​ជា​​​បាន​​​សហការ​​​យ៉ាង​​​ខ្លាំង​​​ ហើយ​​​បាន​​​សារភាព​​​ទទួល​​​ស្គាល់​​​ថា ខ្លួនពិត​​​ជា​​​បាន​​​ប្រព្រឹត្ត​​​អំពើ​​​ពុក​​​រលួយ​​​មែន​​​ ចន្លោះ​​​ពី​​​ឆ្នាំ​​​២០០៦ ដល់​​​ឆ្នាំ​​​២០០៨”។

ប្រសិន​​​បើ​​​តុលាការ​​​កាត់​​​សេចក្ដី​​​​​​ឲ្យ​​​ជាប់​​​ទោស​​​​​​ដូច​​​ការ​​​ចោទ​​​ប្រកាន់​​​នេះ​​​មែន​​​នោះ លោក​​​ស្រី​​​ សុខ រ៉ានី ប្រឈម​​​នឹង​​​ការ​​​ជាប់​​​ពន្ធ​​​នាគារ​​​រហូត​​​ដល់​​​ប្រាំ​​​ឆ្នាំ​​​ និង​​​​​​ពិន័យ​​​ជា​​​ប្រាក់​​​២.៥០០​​​ដុល្លារ​​​៕សុខុម​​​