35 C
Phnom Penh

ស្ត្រី​​​កម្ពុជា​​​ម្នាក់​​​ដាក់​​​ពាក្យ​​​បណ្តឹង​​​អ្នក​​​គ្រប់គ្រង​​​​​​កាស៊ីណូ​​​​​​ពី​​​បទ​​​ចាប់​​​បង្ខាំង​​​​​​និង​​​ប្រើ​​​អំពើ​​​ហិង្សា​​​

ដោយ ឌឹ ខេមបូឌា ដេលី

បទវិភាគ

ស្ដ្រី​​​កម្ពុជា​​​ម្នាក់​​​ដែល​​​ត្រូវបាន​​​​​​​​​​​​អ្នក​​​គ្រប់​​​គ្រង​​​​​​កាស៊ីណូ​​​មួយ​​​កន្លែង​​​​​​​​​នៅ​​​ក្នុង​​​ទីក្រុង​​​បាង​​​កក​​​ ប្រទេស​​​ថៃ​​​ ចាប់​​​បង្ខាំ​​​ង​​​និងប្រើ​​​អំពើ​​​ហិង្សា​​​​​​​​​វាយ​​​ដំ​​​​​​កាល​​​ពី​​​ខែ​​​ធ្នូ​​​​​​ បាន​​​ធ្វើ​​​ដំណើ​​​រ​​​វិល​​​ត្រឡប់​​​ទៅ​​​ប្រទេស​​​ថៃ​​​វិញ​​​កាល​​​ពី​​​ម្សិលមិញ​​​ ដើម្បី​​​ដាក់ពាក្យ​​​បណ្ដឹង​​​​​​ទៅ​​​តុលា​​​ការ​​​​​​ប្ដឹង​​​​​​ជន​​​​​​ល្មើស​​​ដែល​​​ធ្វើ​​​បាប​​​​​​នាង​​​។

ស្ត្រី​​​ឈ្មោះ​​​ ផាត​​​ សុមេសា​​​ អាយុ​​​៣២​​​ឆ្នាំ​​​មក​​​ពី​​​ខេត្ត​​​បន្ទាយ​​​មាន​​​ជ័យ​​​បាន​​​និយាយ​​​​​​តាម​​​ទូរស័ព្ទ​​​​​​បាន​​​និយាយ​​​កាលពី​​​ម្សិលមិញ​​​ថា នាង​​​កំពុង​​​ធ្វើ​​​ដំណើរ​​​ទៅ​​​ប្រទេស​​​ថៃ​​​ ដើម្បីជួប​​​ជាមួយ​​​មន្ត្រី​​​ស្ថានទូត​​​​​​កម្ពុជា​​​ប្រចាំ​​​ទីក្រុង​​​បាង​​​កក ព្រម​​​ទាំង​​​​​​មេធាវីជនជាតិ​​​ថៃ​​​ម្នាក់​​​នៅ​​​ថ្ងៃ​​​នេះ​​​ ដើម្បី​​​ឲ្យ​​​ជួយ​​​​​​នាង​​​​​​ដាក់​​​ពាក្យ​​​បណ្ដឹង​​​ទៅ​​​​​​តុលាការ​​​ថៃ​​​ ប្ដឹង​​​ពី​​​បទ​​​ចាប់​​​បង្ខាំង​​​ខុស​​​ច្បាប់​​​និង​​​ធ្វើ​​​ទារុណកម្ម​​​។

នាងបាន​​​លើក​​​ឡើង​​​​​​ថា “ខ្ញុំ​​​គ្រាន់​​​តែ​​​ស្វែង​​​រក​​​យុត្តិ​​​ធម៌​​​សម្រាប់​​​ខ្លួន​​​ឯង​​​ ដែល​​​ត្រូវ​​​គេ​​​ចាប់​​​​​​បង្ខាំង​​​​​​និង​​​ធ្វើ​​​ទារុណកម្ម​​​ប៉ុណ្ណោះ​​​ ហើយ​​​ខ្ញុំ​​​ចង់​​​​​​ជួយ​​​​​​ពល​​​ករ​​​​​​ចំណាក់​​​ស្រុក​​​​​​កម្ពុជា​​​ផ្សេង​​​ៗទៀត​​​​​​នៅ​​​ក្នុង​​​ប្រទេស​​​ថៃ​​​ឲ្យ​​​ទទួល​​​បាន​​​​​​ការ​​​គោរព​​​ជាង​​​នេះ​​​”។

កាលពីខែ​​​វិច្ឆិកា ឆ្នាំ​​​២០១៣ សាច់​​​ញាតិ​​​របស់​​​​​​ស្ត្រី​​​ឈ្មោះ​​​ ផាត សុមេសា បាន​​​ប្រទះ​​​ឃើញ​​​​​​រូប​​​ថត​​​​​​​​​អាក្រាត​​​ពាក់​​​កណ្ដាល​​​​​​ខ្លួន​​​របស់​​​នាង​​​​​​នៅ​​​ក្នុង​​​បណ្ដាញ​​​ទំនាក់ទំនង​​​​​​សង្គម​​​ហ្វេស​​​ប៊ុក​​​ ហើយ​​​​​​បាន​​​​​​ដឹង​​​ថា នាង​​​ត្រូវ​​​បាន​​​គេ​​​ចាប់​​​បង្ខាំង​​​​​​ផ្ទុយ​​​ពី​​​ឆន្ទៈ​​​របស់​​​នាង​​​នៅ​​​កាស៊ីណូ​​​ដែល​​​​​​​​​​​​នាង​​​ធ្វើការ​​​​​​។ មន្ត្រី​​​នៅ​​​ស្ថានទូត​​​កម្ពុជា​​​​​​ប្រចាំ​​​ប្រទេស​​​​​​ថៃ​​​ ត្រូវ​​​បាន​​​ជូន​​​ដំណឹង​​​​​​​​​ពី​​​ករណី​​​នេះ​​​ ហើយ​​​ស្ត្រី​​​ឈ្មោះ​​​ ផាត​​​ សុមេសា ត្រូវ​​​បាន​​​សង្គ្រោះ​​​​​​កាលពី​​​ថ្ងៃ​​​ទី​​​១៧ ខែ​​​ធ្នូ​​​។​​​

លោក​​​ ស៊ុម​​​ ចាន់​​​គា មន្ត្រី​​​សម្រប​​​សម្រួល​​​​​​​​​របស់​​​​​​អង្គការ​​​សិទ្ធិមនុស្ស​​​ក្នុង​​​​​​ស្រុក​​​​​អាដហុក​​​​​​ ប្រចាំ​​​ខេត្ត​​​បន្ទាយ​​​មាន​​​ជ័យ​​​ ដែល​​​​​​បាន​​​​​​អម​​​ដំណើរ​​​​​​ស្ត្រី​​​​​​ឈ្មោះ​​​ ផាត​​​ សុមេសា ទៅ​​​កាន់​​​ទីក្រុង​​​បាងកក បាន​​​​​​មាន​​​​​​ប្រសាសន៍​​​ថា ពួក​​​​​​លោក​​​​​​នឹង​​​ជួប​​​​​​ជាមួយ​​​​​​នគរបាល​​​ថៃ​​​នៅ​​​​​​ថ្ងៃ​​​សៅរ៍ ដើម្បី​​​​​​ចង្អុល​​​បង្ហាញ​​​​​​​​​​​​​​កន្លែង​​​​​​ដែល​​​​​​ស្ត្រី​​​ឈ្មោះ​​​ ផាត​​​ សុមេសា ត្រូវ​​​បាន​​​ចាប់​​​បង្ខាំង​​​​​​និង​​​​​​ធ្វើ​​​ទារុណ​​​កម្ម​​​មុន​​​ពេល​​​ដាក់​​​ពាក្យ​​​បណ្ដឹង​​​ទៅ​​​តុលាការ​​​ថៃ”៕ សុខុម​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស