38 C
Phnom Penh

លោក​ ​បារ៉ាក់ អូបាម៉ា ចុះ​ហត្ថលេខាលើ​សេចក្តីព្រាង​ថវិកាដែល​ផ្អាក​ការ​ផ្តល់​មូលនិធិដល់​រដ្ឋាភិបាល

ដោយ ឌឹ ខេមបូឌា ដេលី

បទវិភាគ

កា​ល​​ពីថ្ងៃសុក្រ លោក​ប្រធា​នា​​ធិប​តី​សហ​​រដ្ឋ​​អាមេរិក​ ​បា​រ៉ាក់ ​អូ​បា​​ម៉ា (Barack Obama)  ​​បា​ន​​ចុះ​ហត្ថ​លេខា​លើសេចក្តី​ព្រាង​ថវិកា​ ចំ​​ណា​យ​​​មួ​យ​​ ដែល​មាន ខចែង​អំពីការ​​ផ្អាក​កា​រ​ផ្តល់​មូ​ល​និធិ​ខ្លះ​​ដល់​​រដ្ឋា​​ភិ​បាល​​​​របស់​លោក​នា​​​យក​រដ្ឋ​មន្ត្រី​ ហ៊ុន សែ​ន ​រហូត​ទាល់តែ​មាន​អនុវត្ត​ប្រតិបត្តិ​កា​រ​​ស៊ើប​​អង្កេត​ឯក​រាជ្យ​ទៅ​លើ​កា​រ​​បោះ​ឆ្នោត​ជាតិ​ដ៏​ចម្រូ​​ង​ចម្រាស​​​​កា​ល​​​ពី​ឆ្នាំ​​មុន ឬ​ក៏រហូត​​ទាល់តែ​គ​ណ​បក្ស​​សង្គ្រោះ​​​ជាតិឈប់​ធ្វើ​​ពហិការ​​សភា​។

សេចក្តីព្រាងថវិកា​​​នេះ​​មា​ន​គោល​ដៅ​តែ​ផ្នែក​​​តូចមួយ​ ពោលគឺ​មាន​តែ​​ថវិកា​៨០​​លា​ន​ដុល្លារ​​​​ក្នុង​មួ​យ​ឆ្នាំ​​​ប៉ុណ្ណោះ សម្រាប់​​ផ្តល់​ឲ្យ​ប្រទេស​កម្ពុជា​ ​តាមរយៈ​​​រដ្ឋាភិ​បាល​ដោយ​ផ្ទាល់​។ ទោះ​បីជា​​​យ៉ាង​ណា មូលនិធិ​ផ្សេងៗ​ទៀត​គឺ​​ជា​មូលនិធិជំនួយ​មនុស្ស​ធម៌ និង​មូល​និធិសម្រាប់កា​រ​​បណ្តុះ​បណ្តាលអំពីសិទ្ធិ​មនុស្ស​ដល់កង​យោធ​ពលខេម​រភូមិន្ទ។

សេចក្តីព្រាងថវិកា​នេះ​បង្ហាញ​ថា ​​​​ជំ​​​នួ​យ​នេះ​នឹង​ត្រូ​វ​កាត់​​​ពី​​រដ្ឋា​ភិ​បាល​​​របស់​លោក ហ៊ុន សែ​ន ​រហូ​តទាល់​តែ​លោក ចន ឃែរី (John Kerry) ​​រដ្ឋ​មន្ត្រី​ក្រសួ​ង​កា​រ​​បរទេ​ស​​សហ​រដ្ឋអាមេរិ​ក​​​បា​ន​បញ្ជាក់​​ថា “រដ្ឋាភិបាល​កំ​ពុ​ង​តែ​​រៀបចំ និង​អនុ​វត្ត​ការ​ស៊ើបអង្កេត​ឯករាជ្យ​ និង​គួរ​ទុកចិត្ត​មួយ ទៅលើ​ភាព​មិន​ប្រក្រតីពាក់ព័ន្ធ​នឹង​ការ​បោះឆ្នោត​ជ្រើស​តាំង​តំណាងរាស្ត្រ​កាលពី​ថ្ងៃ​ទី​២៨ ខែ​កក្កដា ឆ្នាំ២០១៣​ ដោយ​មានការ​ឯកភាពពីគ​ណ​បក្សប្រឆាំ​ង​នៅ​ក្នុង​ប្រទេ​ស​កម្ពុជា​ ឬរហូត​ទាល់តែ​គ​ណ​បក្ស​សង្គ្រោះ​​​​ជាតិ​​​ទទួល​​យក​​អាសនៈ​​​​របស់ខ្លួ​ន។

លោក សម រង្ស៊ី ​មេដឹក​នាំគ​ណ​បក្ស​ប្រឆាំ​ង​​​​បា​ន​ស្វាគមន៍​​សេចក្តីព្រាង​ថវិកា​នេះ​ ​ដោយ​លើក​ឡើង​​ថា ​ខណៈ​ដែល​​​ជំ​នួ​យ​​​ចំនួនតិច​តួច​ប៉ុណ្ណោះ​បា​ន​កំ​​ពុង​ដក​ចេញ​ ​រដ្ឋា​​ភិ​បាល​​​​​របស់​​គ​ណ​បក្ស​ប្រជា​ជន​កម្ពុជា​​ អាច​នឹង​មើល​ឃើញ​ គំរូនៃ​កា​រ​កាត់​​ផ្តាច់​ជំ​នួ​យ​នេះ។ លោក សម រង្ស៊ី ​បា​ន​​មានប្រសាសន៍ថា “​នេះ​បង្ហាញ​​​ពី​ភា​ព​អា​ម៉ាស់​​របស់​លោក ហ៊ុ​ន សែន​ ហើយ​ភាព​អា​​​ម៉ាស់​​មា​ន​​សារៈ​សំខាន់​ជាង​ប្រាក់​​ទៅ​ទៀត ពោលគឺវា​​រួ​ម​ចំ​ណែក​យ៉ាង​ច្រើនក្នុង​ការ​បញ្ជាក់ពីភាព​មិន​ស្រប​ច្បាប់​នៃ​​របប​របស់លោក​ ហ៊ុន សែន”។ លោក​បា​ន​បន្ត​ថា​ “លោក ​ហ៊ុន សែន …ខ្លាច​​​ទិដ្ឋ​​ភាព​​​ឯកោ​​​ពី​អន្តរ​ជាតិ​​ជា​ង​​​អ្នក​ផ្សេង​ទៀត​នៅ​ក្នុង​​ប្រទេ​ស​កម្ពុជា។ ពេល​នេះ​របប​​​របស់​​គាត់​ប្រឈម​នឹង​បញ្ហា​​ផ្លូ​វ​ច្បាប់​”។

លោក ស៊ាន ម៉ា​​ឃីន​តុស (Sean Mclntosh)​​អ្ន​ក​នាំ​​ពាក្យ​​​​​ស្ថា​ន​​ទូត​​អាមេ​​រិក​ មិន​បញ្ជាក់​​​ថា​តើ​​សេចក្តីព្រាង​ថវិកា​នេះនឹង​កាត់​ផ្តាច់​មូល​និធិជំ​​នួ​យ​​ចំ​នួ​ន​​ប៉ុន្មាន​​ទេ។លោក​បា​ន​លើកឡើ​ង​នៅ​ក្នុ​ង​​​អ៊ី​មែល​​​ថា “យើង​​នៅ​តែ​​គាំ​ទ្រ​​ឲ្យ​មាន​ការ​​ស៊ើប​អង្កេត​ប្រកប​​​ដោ​យ​តម្លាភាព​មួ​យ​ទៅលើភាព​មិន​ប្រក្រតី​​​​​ដែល​ត្រូ​វ​​​​បា​ន​រាយ​កា​រ​​ណ៍​​ អំឡុង​ការ​បោះ​ឆ្នោត​​​ជាតិ​កាលពីខែ​កក្កដា​ឆ្នាំ​​២០១៣​និ​ង​កា​រ​អនុវត្ត​កម្មវិធីកំណែ​​ទម្រង់​ ដើម្បី​ធា​នា​​ថា កា​រ​បោះ​ឆ្នោត​ដែល​កំពុង​បោះជំហាន​ទៅ​មុខ​ពិតគួរ​​ទុក​ចិត្ត​បា​នមែន​​”។

លោកក៏បា​ន​លើកឡើង​វិញ​ផង​ដែរ​ថា កា​រ​​កាត់​ផ្តាច់​​ជំ​នួ​យ​​​របស់​សហរដ្ឋ​មេរិក​នេះ នឹង​មិ​ន​ប៉ះ​ពាល់​ផ្ទាល់​​ដល់​​ពល​រដ្ឋ​កម្ពុជា​​​ទេ។ លោក​បាន​មានប្រសាសន៍ បន្ត​ទៀត​ថា “ការដាក់​កំហិត​​​នេះនឹង​មិន​ប៉ះ​​​ពាល់​ដល់​​​ជំនួយ​មនុស្ស​​​ធម៌​​របស់​យើង​ និងគម្រោង​​​ផ្សេងៗទៀត​​​ដែល​ផ្តល់​ផល​ប្រយោជ​ន៍​ផ្ទាល់​ដល់​ប្រជា​​ជន​កម្ពុជា​ទេ”។

លោក ឯក ថា ​អ្ន​ក​នាំ​​ពាក្យ​​​របស់​អង្គភាពព័ត៌មា​ន​ និង​ប្រតិ​កម្ម​​រហ័ស​​​នៅ​ទី​ស្តី​ការ​គណៈ​រដ្ឋ​មន្ត្រី​​​ បា​នឲ្យដឹង​ថា ​គ​ណ​បក្ស​ប្រ​ជាជន​កម្ពុជា​​​ បា​ន​ឈ្នះ​​ឆ្នោត​យ៉ាង​ត្រឹម​ត្រូ​វនិ​ង​​​បា​ន​​អំពា​វ​នាវ​ឲ្យ​​ពិ​ចារណា​ក្នុ​ង​ការ​​​កាត់​ជំ​នួ​យ​។ លោក​បាន​មានប្រសាសន៍ថា “ ​យើង​កំ​ពុង​អំ​ពាវ​​នា​វ​​ដល់​អ្នក​ផ្តល់​​ជំ​នួ​យ​នានា ប្រទេស​ ជា​មិត្ត​ជិត​ឆ្ងាយ​ កុំ​ឲ្យកាត់​បន្ថយ​ ឬផ្តាច់​​ជំ​នួ​យ​​ដល់​កម្ពុជា​ ​ពី​ព្រោះ​ក្នុង​នាមប្រជា​ជន​កម្ពុជា​ យើង​ត្រូ​វ​កា​រ​​ជំ​នួ​យ​​គាំទ្រ​ ក្នុង​ការ​​អ​ភិ​វឌ្ឍ​ប្រទេ​ស​”៕ ប៊ុននី 

(រាយការណ៍​បន្ថែម​ដោយ Zsombor Peter)

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស