37 C
Phnom Penh

ប្រតិបត្តិការ​សាក​ល្បង​ផ្តល់​សេវា​ដឹក​អ្នក​ដំណើរ​​ដោយ​រថយន្ត​ក្រុង​នៅ​​ភ្នំពេញនឹង​ចាប់​ផ្តើម​ក្នុង​ខែ​កុម្ភៈ

ដោយ ឌឹ ខេមបូឌា ដេលី

បទវិភាគ

ទីភ្នាក់​ងារ​សហប្រតិបត្តិការ​អន្តរ​ជាតិ​ជប៉ុន ហៅកាត់​ថា JICA  នឹង​ចាប់​ផ្តើម​ប្រតិបត្តិការ​សាកល្បង​លើ​កទី២​របស់​ខ្លួន​ ក្នុង​ការ​ផ្តល់​សេវា​ដឹក​អ្នក​ដំណើរ​ដោយ​រថយន្ត​ក្រុង​ ក្នុង​រាជធានី​ភ្នំពេញ ក្នុង​ខែកុម្ភៈ នេះ​បើ​យោង​តាម​​សេចក្តី​ប្រកាស​ដែល​អង្គការ​នេះ​បានចេញ​ផ្សាយ​កាលពីម្សិលមិញ ដើម្បី​បង្ហាញ​ពី​គម្រោង​​សាក​ល្បង​ដំណើរការ​រថយន្តក្រុង​មាន​ម៉ាស៊ីន​ត្រជាក់​ចំនួន​១០គ្រឿង​ ​​លើ​ផ្លូវព្រះ​មុនី​វង្ស​។

អង្គការ​ JICA  នឹង​សាលា​រាជធានី​ភ្នំពេញ បាន​សាកល្បង​ផ្តល់​សេវា​កម្ម​ដឹក​អ្នក​ដំណើរ​ដោយ​រថយន្ត​ក្រុង​នៅ​ក្នុង​ទីក្រុង​កាលពី​ឆ្នាំ​២០០១ ក៏​ប៉ុន្តែ បាន​បញ្ឈប់​គម្រោង​នេះ​តែ​ប៉ុន្មាន​សប្តាហ៍​នៃ​រយៈពេល​សាកល្បង​ពីរខែ​ ដោយ​សារ​តែ​សាធារណជន​មិន​សូវជា​​ចាប់​អារម្មណ៍​ និង​ខ្វះ​មូលនិធិ​។ ក៏ប៉ុន្តែ នៅ​ពេល​មាន​រថយន្ត​កាន់​តែ​ច្រើន​ឡើង​ៗនៅ​លើ​មហា​វិថី​នេះ​ និង​មាន​បញ្ហា​ស្ទះ​ចរាច​រកាន់​តែ​ខ្លាំង​ អង្គការ​ JICA  ជឿថា ពេល​វេលា​ត្រឹម​ត្រូវ​សម្រាប់​ដំណើរការ​ប្រព័ន្ធ​ដឹក​អ្នក​ដំណើរ​ជា​សាធារណៈ​បាន​មក​ដល់​ហើយ​។

អង្គការ ​JICA  បាន​លើក​ឡើង​នៅ​ក្នុង​ឯក​សារ​របស់​ខ្លួន​ដែល​ត្រូវ​បាន​ចែក​ចាយ​នៅ​ក្នុង​កិច្ច​ប្រជុំ​ត្រៀម​លក្ខណៈ​ចុង​ក្រោយ​របស់​ខ្លួន​កាលពី​ថ្ងៃ​សុក្រ​សប្តាហ៍​មុនថា “ ពលរដ្ឋ​ម្នាក់​ៗ ក្នុង​រាជធានី​ភ្នំពេញ​ពិត​ជា​ចង់​បាន​ដំណោះ​ស្រាយ​សម្រាប់​បញ្ហា​ស្ទះ​ចរាចរ​ជាច្រើន​នៅ​ក្នុង​ទីក្រុង​មែន​”។ ឯកសារ​នោះ​មាន​ខ្លឹម​សារ​បន្ត​ទៀត​ថា “ មានការ​រំពឹងថា ការ​ចាប់​ផ្តើម​ផ្តល់​សេវា​កម្ម​ដឹក​អ្នក​ដំណើរជា​សាធារណៈ​ (សេវា​រថយន្ត​ក្រុង​) ដែល​អាច​ដឹក​អ្នក​ដំណើរ​បាន​ច្រើន​នាក់​ក្នុង​ពេល​តែ​មួយ​ គឺ​ជា​ដំណោះ​ស្រាយ​សមស្រប​បំផុត​ សម្រាប់​បញ្ហាកក​ស្ទះ​ចរាចរ​នៅ​ក្នុង​រាជធានី​ភ្នំពេញ”។

ប្រតិបត្តិការ​សាកល្បង​ផ្តល់​សេវា​កម្ម​ដឹក​អ្នក​ដំណើរ​ជា​សាធារណៈ​នេះ​នឹង​ចាប់​ផ្តើម​នៅ​ថ្ងៃ​ទី​៥ ខែកុម្ភៈ​ រហូត​ដល់​ថ្ងៃ​ទី៤ ខែមីនា នៅ​លើមហាវិថី​ព្រះ​មុនី​វង្ស​ ដោយ​ចាប់​ផ្តើម​ពី​រង្វង់​មូល​ស្តាតចាស់​ នៅ​ភាគ​ខាង​ជើង​នៃ​រាជធានី​ភ្នំពេញដល់សង្កាត់​ច្បារអំពៅ១ ខណ្ឌ​មាន​ជ័យ​ រាជធានី​ភ្នំពេញ។

សេវា​កម្មនេះ​នឹង​ចាប់​ផ្តើម​ដំណើរការ​ពី​ម៉ោង​៥និង​៣០នាទី​ព្រឹក​ រហូតដល់​ម៉ោង​៨និង​​៣០នាទី​យប់​ និង​ឈប់​៣៦ដង​ក្នុង​រយៈ​ពេល១០ទៅ​១៥នាទី​ម្តង ដូចជា ឈប់​នៅ​មន្ទីរពេទ្យ​កាល់ម៉ែត​ និង​ផ្សារ​ធំថ្មី​។ សំបុត្រ​សម្រាប់​ការ​ធ្វើ​ដំណើរ​ម្តង​មាន​តម្លៃ​១.៥០០​រៀល​​ ឬ​ប្រហែល​០,៣០ដុល្លារ​ ដោយ​មិន​គិត​ចម្ងាយ​នៃ​ការ​ធ្វើ​ដំណើរ​ទេ​។

ចំណត​រថយន្ត​ក្រុង​នីមួយ​ៗ​និង​មាន​សញ្ញា​សរសេរ​ជា​ភាសា​ខ្មែរ​ និង​ភាសា​អង់គ្លេស​ ដែល​បង្ហាញ​ពីពេល​វេលា​ធ្វើ​ដំណើរ​ ហើយ​យុទ្ធនាការ​ផ្សព្វផ្សាយ​ឲ្យ​សាធារណជន​បាន​ដឹង​ នឹង​ចាប់​ផ្តើម​មុន​ថ្ងៃ​ចាប់​ផ្តើម​នៃ​សេវា​កម្ម​ដឹក​អ្នក​ដំណើរ​ជា​សាធារណៈ​នេះ​។ យុទ្ធនាការ​នេះ​​​​នឹង​ធ្វើ​ឡើង​តាម​រយៈផ្ទាំង​ផ្សព្វ​ផ្សាយ​ វិទ្យុ​ និង​ឈុត​ផ្សព្វផ្សាយ​តាម​ទូរទស្សន៍ និង​ខិត​ប័ណ្ណ​ផ្សព្វផ្សាយ​ ដើម្បី​ជំរុញ​ឲ្យ​ប្រជាជន​សាក​ល្បង​ប្រើ​មធ្យោបាយ​ធ្វើ​ដំណើរ​ថ្មីនៅ​ខែ​កុម្ភៈ​​”។

លោក គឹម បូ​រី ​​អគ្គ​នា​​​យក​អគ្គ​នា​​​យក​ដ្ឋាន​សា​​ធា​​រ​ណ​ការនៃ​ក្រសួ​ង​​សាធា​​រណ​ការ​ និ​ង​ ​ដឹក​​ជញ្ជូន ​​បា​ន​ឲ្យដឹងផង​ដែរថា ​​ដើម្បី​​ទាក់​​​ទាញ​​សាធារ​​​ណជន​​ឲ្យ​ប្រើ​ប្រាស់​​​ប្រព័​ន្ធ​​រថ​​យន្ត​ក្រុ​ង​ គឺ​ត្រូវ​ប្រើ​ពេល​វេលា​យូរ​ ក៏ប៉ុន្តែ​​​នៅ​ពេលមា​ន​សេវា​​កម្មពេញ​លេញ​ហើ​យ ​​នឹង​​​​​​​មា​ន​មនុស្ស​​​ជិះ​​ច្រើន​។

លោ​ក​បា​ន​​​មាន​ប្រសាសន៍​ថា “​ខ្ញុំ​​គិត​ថា ​សេវា​​នេះ នឹង​​​ទាក់​ទាញ​​​​អ្នក​​ដំ​ណើរ​​​ក្នុង​ស្រុក​ និ​ង​​អន្តរ​ជាតិ​ ​ដើម្បី​​ឲ្យ​​​ពួ​ក​គេ​ប្រើ​​រថយន្ត​ក្រុ​ង​ ហើយ​វា​ក៏​នឹង​ជួ​យ​​កាត់​​ប​ន្ថយចំនួន​គ្រោះ​​ថ្នាក់​​ចរាចរ​ និង​​ការ​​​​ស្ទះ​​ចរា​ចរ​ផង​ដែរ​”។

គម្រោងរថ​​យន្ត​ក្រុ​ង​​នេះគឺ​​ជា​​​ជំ​ហាន​ដំ​បូង​​​ក្នុង​គម្រោង​ផែនការ​មេផ្នែក​ដឹក​ជញ្ជូ​ន​​​ក្នុង​​រាជ​ធា​​នី​ភ្នំ​ពេញ​​ឆ្នាំ​២០៣៥ ​ដែល​ក៏​នឹង​ស្នើ​ឲ្យ​មា​ន​ផ្លូ​វ​​​រថ​​ប្រើ​ចរន្ត​អគ្គិសនី ផ្លូ​វ​រថ​ភ្លើង ក្នុងក្រុង​ និង​រថភ្លើង​ក្រោម​​ដី​ ​ជា​​ដំណោះ​ស្រាយ​រយៈ​ពេល​​វែង​ចំ​ពោះ​បញ្ហាចរាចរ​កាន់​​តែ​លំ​បាក​​​ទៅៗ​ក្នុង​រាជធា​នី​ភ្នំ​​ពេញ​​៕ សុធា

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស