32 C
Phnom Penh

មនុស្ស​​​៩នាក់​​​​​​ស្លាប់​​​នៅ​​​ក្នុង​​​ករណី​​​​​​គប់​​​គ្រាប់​​​បែក​​​ចូល​​​រោងការ​​​​​​ពេល​​​រាំ

ដោយ ឌឹ ខេមបូឌា ដេលី

បទវិភាគ

ការ​គប់​គ្រាប់​បែក​ចូល​ក្នុង​ពិធី​មង្គល​ការ​នៅ​ក្នុងខេត្ត​កំពង់​ធំ​កាល​ពីយប់​ថ្ងៃសៅរ៍​ បាន​ធ្វើ​ឲ្យ​អ្នក​ចូល​រួម​ប្រាំបួន​នាក់​ស្លាប់​ និង​រង​របួស​ចំនួន​៣០​នាក់​ទៀត​ នេះ​បើ​យោង​តាម​នគរ​បាល​ដែល​បាន​ឃាត់​ខ្លួន​ជន​សង្ស័យ​  ម្នាក់​ដែល​គេ​ជឿ​ថា មាន​ការ​ច្រណែន​នឹង​​​​អាពាហ៍​ពិពាហ៍​​នេះ​។


នគរបាលនិយាយថា នៅ​ម៉ោង​ប្រហែល​​​​១០និង​៣០នាទីយប់​ បុរស​ម្នាក់​បាន​គប់​​​​គ្រាប់​​​បែក​​​មួយ​​​គ្រាប់​​​ទៅ​​​លើ​​ដំបូល​រោង​ការ​នៅ​​​ក្នុងស្រុក​​ប្រាសាទ​សំបូរ​ ពេល​​អ្នក​ចូល​រួម​កំពុង​រាំ​កម្សាន្ត​។ មនុស្ស​ប្រាំមួយ​នាក់​បាន​ស្លាប់​ភ្លាម​ៗ​ដោយសារ​ត្រូវ​អំបែង​គ្រាប់​ចំ​​​ផ្នែក​​​​ខាង​លើ​នៃ​ដង​ខ្លួន​។ មនុស្ស​បីនាក់​ទៀត​បាន​ស្លាប់​​​បន្ទាប់​ពី​បាន​នាំទៅដល់​មណ្ឌល​សុខ​ភាព​មួយនៅក្បែរ​នោះ​។

ជន​រងគ្រោះ​ម្នាក់​កំពុង​សម្រាក​នៅ​គ្លីនិក​ បន្ទាប់ពី​បាន​រង​របួស​ដោយសារ​ការ​គប់​គ្រាប់​បែក​ដៃ​ចូល​ក្នុង​រោង​ការ​ក្នុង​ខេត្ត​កំពង់­ធំ កាល​ពីយប់​ថ្ងៃ​សៅរ៍។ នៅក្នុង​ហេតុការណ៍​នេះ​មនុស្សប្រាំបួន​នាក់​បាន​ស្លាប់​ និង​៣០​នាក់​រង​របួស​។ Lim Cheavutha
ជន​រងគ្រោះ​ម្នាក់​កំពុង​សម្រាក​នៅ​គ្លីនិក​ បន្ទាប់ពី​បាន​រង​របួស​ដោយសារ​ការ​គប់​គ្រាប់​បែក​ដៃ​ចូល​ក្នុង​រោង​ការ​ក្នុង​ខេត្ត​កំពង់­ធំ កាល​ពីយប់​ថ្ងៃ​សៅរ៍។ នៅក្នុង​ហេតុការណ៍​នេះ​មនុស្សប្រាំបួន​នាក់​បាន​ស្លាប់​ និង​៣០​នាក់​រង​របួស​។ Lim Cheavutha

នគរបាល​បាន​និយាយ​ថា ក្នុង​ចំណោម​អ្នក​ស្លាប់​ទាំង​នោ​ះ​មាន​មនុស្ស​​ពេញ​វ័យ រួម​ទាំង​ស្ត្រី​ពីរនាក់​ផង​ដែរ​។ ក្នុង​ចំណោម​មនុស្ស​រង​របួស​ទាំង​៣០នាក់​នោះ​មាន​១៥​នាក់​រង​បួស​ធ្ងន់​ និង​១៣​នាក់​កំពុង​ស្ថិត​នៅក្នុង​មន្ទីរពេទ្យ​នៅឡើយ​កាល​ពីល្ងាច​ម្សិលមិញ។

លោក​ ផាន់​ សុផេង​ ស្នង​ការ​នគរបាល​ខេត្ត​កំពង់​ធំ​បាន​មាន​ប្រសាសន៍ថា “ សាក​សព​ត្រូវបាន​បញ្ជូន​ទៅឲ្យ​​​គ្រួ​​​សារ​​​រួច​​​ហើយ​​​កាល​ពីយប់​មិញ​ ហើយ​ជន​រង​គ្រោះដែល​រង​របួស​ត្រូវ​បាន​រថយន្ត​សង្គ្រោះ​បន្ទាន់​ដឹក​ទៅ​កាន់​មន្ទីរពេទ្យ​” ។កូន​ក្រមុំឈ្មោះ ភឿន សុផល អាយុ​២២​ឆ្នាំ​បាន​រង​របួស​ធ្ងន់​​ត្រូវ​ចំជើង​ រីឯកូន​កម្លោះ​ឈ្មោះ ជា ចូក អាយុ​២៤​ឆ្នាំ​​បាន​រង​របួស​អំបែង​គ្រាប់​បែក​ចំស្មាឆ្វេង​។ ក្នុង​ចំណោម​អ្នកស្លាប់​មានឈ្មោះ វណ្ណ លឹម អនុប្រធាន​ភូមិ​ចោម​ ក្នុងឃុំ​តាំង​ក្រសៅ។លោក សុផេង​ បាន​មាន​ប្រសាសន៍ថា ជន​​សង្ស័យ​ម្នាក់​ដែល​លោក​បដិសេធមិ​ន​ប្រាប់​ឈ្មោះ​​ត្រូវ​បាន​ឃាត់ខ្លួន​នៅម៉ោង​៦​និង​៣០នាទីព្រឹក​ម្សិលមិញ​ ហើយ​នគរបាល​ខេត្ត​កំពុង​សាក​សួរ​។លោក​ថ្លែង​ថា “ រឿង​នេះ​ពាក់​ព័ន្ធ​នឹង​ជម្លោះផ្ទាល់​ខ្លួន​រវាង​ជន​ល្មើស​និង​ជន​រងគ្រោះ”។ លោក​បាន​បន្ថែម​ថា លោក​មិន​អាច​ផ្តល់​ព័ត៌មាន​​​​​​បន្ថែម​​​​អំពីជន​សង្ស័យ​​​​នេះ​បាន​ទេ​ ពីព្រោះនគរបាល​កំពុង​សើុប​​អង្កេត​នៅឡើយ​។

លោក អ៊ុត​ សំអន អភិបាល​ខេត្ត​កំពង់​​​​ធំ​បាន​មាន​ប្រសាសន៍ថា ជន​សង្ស័យ​នេះ​ធ្លាប់​ស្រឡាញ់​គ្នាជាមួយ​កញ្ញា សុផល​ និង​ធ្លាប់​មាន​​ជម្លោះ​ជាមួយ​កូន​កម្លោះ​។លោក សំអន បាន​មាន​ប្រសាសន៍ថា “  បុរស​ ទាំង​ពីរ​បាន​ស្រឡាញ់​កូន​ក្រមុំ​នេះ​ និង​មាន​ការ​ច្រណែន​​គ្នា” ។ លោក​បាន​បន្ថែម​ថា មន្ត្រី​​ នគរបាល​ឃុំ​ធ្លាប់​បាន​ឃាត់​ខ្លួន​បុរ​សទាំង​ពី​រ​នាក់​នេះ​យក​មក​អបរំ​ឲ្យឈប់​ឈ្លោះ​គ្នា។លោក អ៊ុក សំអន បានមាន​ប្រសាសន៍ ថា    “ ជន​សង្ស័យនេះ​​​មាន​​​​ជម្លោះ​ផ្ទាល់​ខ្លួន​ជា​មួយ ​កូន​កម្លោះ​​ ហើយ​ប្រហែល​ជា​ជន​សង្ស័យ​រូប​នេះ​ប្រើ​ប្រាស់​ថ្នាំ​ញៀន​ទៀត​ផង​ ពីព្រោះ​​​ជន​​​​​សង្ស័យ​គឺ​ជា​កម្មករ​​ចំណាកស្រុក​នៅក្នុង​ប្រទេស​ថៃ​។ កាល​ពីមុន​កូន​កម្លោះ​​និង​ជន​សង្ស័យ​រូប​នេះ​ធ្លាប់​បាន​ឈ្លោះ​គ្នា ហើយ​នគរ​បាល​ឃុំ​​​​ធ្លាប់​​​បាន​អប់រំ​ពួក​គេ​​​​ឲ្យ​ឈប់​ឈ្លោះគ្នា​​​​ទៀត​​​ផង​​​”។មន្ត្រី​នគរបាល​បាន​និយាយ​ថា ខ្លួន​កំពុង​សើុប​អង្កេត​ពី​ប្រភព​នៃ​គ្រាប់​បែក​នោះ​​នៅ​ឡើយ​​​​។

បន្ទាប់​ពី​ហេតុការណ៍គប់​គ្រាប់​បែក​នេះ ជន​រងគ្រោះ​ត្រូវ​បាន​បញ្ជូន​ទៅ​គ្លីនិកពីរ​​នៅ​ជិត​នោះ​ និង​មន្ទីរពេទ្យ​បង្អែក​ខេត្ត​កំពង់ធំ​។​លោក ហ៊ុល ចាន់ឡុង​ ​អ្នក​​​គ្រប់​​​គ្រង​​​​គ្លីនិក​៥១៥កំពង់ធំ​​បាន​និយាយថា កូនក្រមុំ និង​កូនកម្លោះ​ស្ថិត​នៅក្នុង​ចំណោម​ជន​រងគ្រោះ​ទាំង​១៣​នាក់​​ដែល​កំពុង​សម្រាក​ព្យាបាល​នៅ​ទី​នោះ​កាល​ពីម្សិលមិញ​៕ គឹមហឿន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស