34 C
Phnom Penh

គណបក្ស​​​ប្រជាជន​កម្ពុជា​រំពឹង​ថា នឹងទទួល​​​បាន​តួនាទី​ប​ន្ថែម​​​ទៀត​​​​ពីខណ្ឌ​ថ្មីដែល​ទើប​បង្កើត​​ឡើង​

ដោយ ឌឹ ខេមបូឌា ដេលី

បទវិភាគ

គណបក្ស​​​ប្រជាជន​​​កម្ពុជា​​​អាចឈ្នះបាន​​​តំណែង​​​ជា​​​សមាជិក​​​ក្រុម​​​ប្រឹក្សា​​​សង្កាត់​​​៣៧​​​រូប ច្រើន​ជាង​​​​​តំណែង​​​ដែល​​​ខ្លួន​​​មាន​​​មុន​​​​​​ការ​​​បង្កើត​​​ខណ្ឌ​​​ថ្មី​​​ចំនួន​​​បី​​​​​​​​​ក្នុង​​​រាជធានីភ្នំពេញ​​​កាល​​​ពី​​​ឆ្នាំ​​​មុន​​​ ហើយ​​​គណ​បក្ស​​​សង្គ្រោះ​​​ជាតិដែល​ជា​គណបក្ស​ប្រឆាំង​​​​អាច​​​ទទួល​​​បាន​​​​​​សមា​​​ជិក​​​ក្រុម​​​ប្រឹក្សាសង្កាត់​​​​​​១៤​​​រូប​​​ ប្រសិន​​​បើ​​​សមា​ជិក​​​​ក្រុម​​​ប្រឹក្សា​​​ក្នុងរាជធានី​​​​​​ទាំង​​​​​​៨១០​​​នាក់​​​​​​បោះឆ្នោត​​​គាំទ្រ​​​​​​សមាជិក​​​​​​នៅ​​​ក្នុង​​​បក្ស​​​របស់​​​​​​ខ្លួន​​​​ក្នុង​​​ការ​​​បោះឆ្នោត​​​​​​ដែល​​​គ្រោង​​​ធ្វើ​​​នៅ​​​ខែ​​​​ឧសភា​​​ ខាង​​​មុខ​​​​​នេះ​​​​។

កាល​​​ពី​​​សប្ដាហ៍​​​មុន​​​ រដ្ឋាភិបាល​​​បាន​​​អនុ​​​ម័ត​​​​​​អនុក្រឹត​​្យ​​​​​​មួយ​​​​​​​​​ដែល​​​បង្ហាញ​​​ពី​​​​​​ចំនួន​​​សមា​​​ជិក​​​ក្រុម​​​ប្រឹក្សាដែល​​​ត្រូវ​​​បោះ​ឆ្នោត​ជ្រើស​រើស​​​​​​​នៅ​​​ក្នុង​​​ខណ្ឌនីមួយៗក្នុង​ចំណោម​ខណ្ឌ​​​ចំនួន​​​១២​​​ក្នុង​​​រាជធានីភ្នំពេញ​​​នៅ​​​ខែ​​​ឧសភា​​​​​ ខាង​មុខ​នេះ​រួម​​ទាំង​​​ខណ្ឌ​​​ទើប​​​បង្កើត​​​ថ្មី​​​បី​​​ គឺ​​​ខណ្ឌ​​​ជ្រោយ​​​ចង្វា​​​ ខណ្ឌ​​​ច្បារ​​​អំពៅ និង​​​ខណ្ឌ​​​ព្រែក​​​ព្នៅ​​​។

យោង​​​តាម​​​អនុក្រឹត្យ​​​​​​​​​និង​​​ការ​​​សន្មតថា សមាជិក​​​ក្រុម​​​ប្រឹក្សា​​​សង្កាត់​​​ក្នុង​​​រាជ​​​ធានី​​​ភ្នំពេញ​​​​​​បោះឆ្នោត​​​គាំទ្រ​​​​​​សមាជិក​​​របស់​​​ខ្លួន​រៀង​ៗខ្លួ​​​​​ន​​​​នោះ គណបក្ស​​​ប្រជា​ជន​​​កម្ពុជា​​​​​​នឹង​​​ទទួល​​​បាន​​​១៥៥​​​រូប​​​ ​​​ស្មើ​​​៧១,៧៦​​​​​​ភាគ​​​រយ​​​ក្នុង​​​​ចំណោម​​​តួនាទី​​​ក្រុម​​​ប្រឹក្សា​​​ខណ្ឌ​​​ទាំង​​​២១៦ទូទាំង​​​​រាជធានី​​​។

តួនាទី​​​ដែល​​​នៅ​​​សេស​​​សល់​​​៦១​​​ទៀត​​​​​​នឹង​​​​​​បាន​​​ទៅ​​​លើ​​​គណបក្ស​​​សង្គ្រោះ​​​ជាតិ​​​​​​ដោយ​​​​សារ​​​​​​​​ការ​​​បោះ​​​ឆ្នោតគាំទ្រពី​​​ស​​​មាជិក​​​​​​ក្រុម​​​ប្រឹក្សា​​​​សង្កាត់​​​របស់​​គណបក្ស​​​សម រង្ស៊ី និង​​​​គណបក្ស​​​សិទ្ធិ​​​មនុស្ស​​​។

តំណែង​​​របស់​​​គណបក្ស​​​ប្រជាជនក​​​ម្ពុជា​​​​​​​​​​​​​អាច​​​ធ្លាក់​​​ចុះ​​​ដល់​​​១១៨​​​អាសនៈ ឬ​​​ស្មើ​​​នឹង​​​៧១,៥៦​​​ភាគ​​​រយ​​​ក្នុង​​​ចំណោម​​​អាសនៈ​​​ចំនួន​​​១៦៥​​​ដែល​​​គណបក្ស​​​​​​​​​នេះ​​​អាច​​​​ទទួល​​​បាន​​​​​​​​​នៅ​​​​​​ក្នុង​​​ការបោះឆ្នោត​​​នេះ បើគ្មាន​​​​​​ការ​​​បង្កើត​​​​​​ខណ្ឌ​​​ថ្មី​​​ទាំង​​​បី​​នេះ​​​។

រដ្ឋាភិបាល​​​ដែល​​​គ្រប់​​​គ្រង​​​ដោយ​​​គណ​​​បក្ស​​​ប្រជាជន​​​កម្ពុជា​​​​​​បានប្រកាស​​​កាល​​​ពី​​​ថ្ងៃ​​​  ទី​​​១៧ ខែ​​​ធ្នូ ថា ខណ្ឌ​​​ថ្មី​​​ទាំង​​​បី​​​នេះ​​​នឹង​​​​​​ត្រូវ​​​បំបែក​​​​​​​​​​​ចេញ​​​ពី​​​ខណ្ឌ​​​ចំនួន​​​ប្រាំបួន​​​​​​ដែល​​​មាន​​​ស្រាប់​​​ក្នុង​​​រាជធានីភ្នំពេញ​​​សម្រាប់ការ​​​​​​​បោះ​​​ឆ្នោត​​​ជ្រើស​​​រើស​​​​​​សមាជិក​​​ក្រុម​​​ប្រឹក្សា​​​​​​រាជ​​​ធានី ខេត្ត​​​ក្រុង​​​ ស្រុក​​​​​​ខណ្ឌ​​​ ដែល​​​​​​មាន​​​តែ​​​​​​សមា​ជិក​​​​​​ក្រុម​​​ប្រឹក្សា​​​​​​​​​ឃុំ​​​សង្កាត់​​​តែ​​​ប៉ុណ្ណោះ​​​មាន​សិទ្ធិបោះឆ្នោត​​​​​​​​​ ប៉ុន្តែ​​​​​ចំនួន​​​សមាជិក​​​ក្រុម​​​ប្រឹក្សា​​​​​នៅ​​​ក្នុង​​​ខណ្ឌ​​​នីមួយៗនោះ​​​មិន​​ត្រូវ​​​បាន​​​បញ្ជាក់​​​ឲ្យ​​​​​​ដឹង​​​ទេ។

លោក​​​ សក់​​​ សេដ្ឋា រដ្ឋលេខាធិការ​​​ក្រសួង​​​មហា​​​ផ្ទៃ​​​ទទួល​​​បន្ទុក​​​​​​វិមជ្ឈការ​​​ បាន​​​មាន​​​ប្រសាសន៍​​​ថា ​​​ការ​​​បង្កើត​​​ខណ្ឌ​ថ្មី​​​​នេះគឺ​​​ដើម្បី​​​​​ធ្វើ​​​ឲ្យ​​​ការ​​​គ្រប់​​​គ្រង​​​រដ្ឋបាល​​​ក្នុង​​​រាជធានី​​​មានភាពប្រសើរ​ជាង​​​មុន​​​។

ប៉ុន្តែលោក​​​ សុន​​​ ឆ័យ​​​ ប្រធាន​​​ក្រុម​​តំណាង​​​​​​រាស្ត្រ​​​គណបក្ស​​​សង្គ្រោះ​​​ជាតិ​​​បាន​​​មាន  ​​​ប្រសា​​​សន៍​​​ថា ការ​​​​​​​​​​​​បង្កើត​​​ខណ្ឌ​​​ថ្មី​​​ទាំង​​​នេះ​​​​គឺ​​​​​​​​​សម្រាប់​​​​​​តែគណបក្សប្រជាជន​​​កម្ពុជា​​​​​​ដាក់​បញ្ជូល​សមាជិក​​​​​​របស់​​​ខ្លួន​​​​ប៉ុណ្ណោះ​​​។លោក​​​បាន​​​មានប្រសាសន៍​​​ថា “ វា​​​ជា​​​រឿង ​​​ចាស់​​​ដដែល​​​ ពួក​​​គេ​​​បង្កើត​​​ក្រសួង​​​ថ្មី​​​​​​ដើម្បី​​​បង្កើត​​​តួនាទី​​​ថ្មី​​​​​​​​សម្រាប់​​​សមាជិក​​​របស់​​​ខ្លួន​​​​​​។​​​ តួនាទី​​​​​​ថ្មីមាន​​​ន័យ​​​ថា លុយ​​​ថ្មី​​​ ប៉ុន្តែ​​​យើងត្រូវ​​​​​​​​​​ផ្ដោត​​​ការ​យក​ចិត្ត ទុក​ដាក់​បន្ថែម​​​ទៅ​​​លើ​​​​​​រយៈ​​​ពេល​​​វែង​​​”។

ក្នុង​​​ចំណោម​​​ខណ្ឌ​​​ថ្មី​​​ដែល​​​រដ្ឋាភិបាល​​​បាន​​​​​​បង្កើត​​​ឡើង​​​​​​កាលពី​​​ខែ​​​ធ្នូ​​​ ខណ្ឌ​​​ច្បារ​​​អំពៅ​​​នឹង​​​មាន​​​សមាជិក​ក្រុម​​​ប្រឹក្សា​​​គណបក្ស​​​ប្រជាជន​​​​​​កម្ពុជា​​​១៣​​​រូប​​​ ហើយ​​​ប្រាំ​​​មួយ​​​រូប​​​មក​​​ពី​​​គណ​បក្ស​​​សង្គ្រោះ​​​ជាតិ​​​ ចំណែក​​​ខណ្ឌ​​​ជ្រោយ​​​ចង្វា​​​នឹង​​​មាន​​​សមាជិកក្រុមប្រឹក្សា​មក​ពី​​​​​​​គណបក្ស​​​ប្រជាជន​​​​​​កម្ពុជា​​​​​​១១​​​រូប​​​ និង​​​បួន​​​រូប​​​​​​មក​​​ពី​​​គណ​បក្ស​​​សង្គ្រោះ​​​ជាតិ​​​​​។ ខណ្ឌ​​​ព្រែក​​​ព្នៅ​​​ នឹង​​​មាន​​​សមាជិកក្រុម​ប្រឹក្សា​មក​ពី​​​​​​​​​​​​​គណបក្ស​​​​​​ប្រជាជន​​​កម្ពុជា​​​១៣​​​រូប​​​ និង​​​ពីរ​​​​​​រូប​​​​​​មក​​​ពី​​​គណ​​​បក្ស​​​សង្គ្រោះ​​​ជាតិ​​​។

ខណ្ឌ​​​​​​ចាស់​​​​​​​​​ដែល​​​​​​មាន​​​ការ​​​កាត់​​​សង្កាត់​​​មួយ​​​ចំនួន​​​សម្រាប់​​​បង្កើត​​​ខណ្ឌ​​​ថ្មី​​​នោះ ​​​​​​នឹង​​​គ្មាន​​ការ​​​​ផ្លាស់​​​ប្ដូរ​​​​​​សមា​​​ភាព​​​របស់​​​ខ្លួន​​​ឡើយ​​​ លើក​​​លែង​​​​​​តែ​​​ខណ្ឌ​​​សែន​​​សុខជា​ខណ្ឌ​​​​​​​មួយ​នឹង​​​​​​​ទទួល​​​បាន​​​​​​តួនាទី​​​​​​សមាជិក​​​ក្រុម​​​ប្រឹក្សា​​​ថ្មី​​​។​​​

អាសនៈ​​​ក្រុម​​​ប្រឹក្សា​​​ចំនួន​​​ពីរ​​​​​​​​​នឹង​​​កើន​​​ឡើង​​​សម្រាប់​​​​​​គណបក្ស​​​សង្គ្រោះ​​​ជាតិ​​​នៅ​​​ក្នុង​​​ខណ្ឌ​​​នេះ​​​ សរុប​​​​​​ចំនួន​​​ប្រាំមួយ​​​ បើ​​​ប្រៀប​​​ធៀប​​​​​​ទៅ​​​​​​នឹង​អាសនៈចំនួន​​​​​​​​​​១៣​​​រូប​​​​​​របស់​​​គណប​ក្ស​​​ប្រជាជន​​​កម្ពុជាដែលគ្មាន​ការ​ផ្លាស់​ប្តូរ​​​​។

ខណ្ឌ​​​ប្ញស្សីកែវ​​​ នឹង​​​នៅ​​​តែ​​​មាន១២​​​អាសនៈ​​​ដដែល​ ហើយ​​​​៧អាសនៈ​កាន់កាប់​ដោយ​​​​គណបក្ស​​​កាន់​​​អំណាច​​​ ហើយ​​​​​​ខណ្ឌ​​​មាន​​​ជ័យ​​​នឹង​​​​​​មាន​១៣​អាសនៈ ហើយ​គណ​បក្ស​ប្រជា​ជន​កម្ពុជា​កាន់កាប់​​​​៦​​អាសនៈ​​។ ខណ្ឌ​​​ពោធិ៍​​​សែន​​​ជ័យ​​​នឹង​​មានការ​បែង​ចែក​រហូត​​ដល់​​​​​១៦អាសនៈ ហើយ​គណបក្ស​ប្រជា​ជន​កម្ពុជា​​កាន់កាប់​​​​៣អាសនៈ​​​។

ទោះ​​​ជា​​​យ៉ាង​​​ណា​​​ លោក​​​ សុន ឆ័យ បាន​​​មានប្រសាសន៍​​​ថា គណបក្ស​​​សង្គ្រោះ​​​​ជាតិ​​​​​​នឹង​​​មិន​​​បារម្ភ​​​អំពី​​​​​​លទ្ធផល​​​នៃ​​​ការ​​​បោះឆ្នោត​​​​​​នៅ​ខែ​​​ឧសភា ខាង​​​មុខ​​​​​​ឡើយ​​​ ដែល​​​នៅ​​​ក្នុង​​​នោះ​​​​​​គណបក្ស​​​នេះ​​​ទទួល​​​ស្គាល់​​​ថា គណបក្ស​​​ប្រជាជន​​​កម្ពុជា​​​​​​នឹង​ឈ្នះ​​​តែ​​​​​ក្នុង​​​​​​សង្កាត់​​​ដែល​​​ខ្លួន​​​កាន់​​​កាប់​​​តែ​​​ប៉ុណ្ណោះ​​​។
លោក សុន ឆ័យ បាន​​​មាន​ប្រសាសន៍​បន្ថែម​​​​ទៀត​​​ថា  “ យើង​​​​​​នឹ​ង​រង់​​​ចាំ​​​មើ​​​ល​​​រយៈ​​​ពេល​​​បី​​​ឆ្នាំទៀត ​​​​គឺ​នៅពេល​​​​បោះឆ្នោត​​​​​​ជ្រើស ​រើស​​​​​​ក្រុម​​​ប្រឹក្សា​​​ឃុំ​​​សង្កាត់​​​នៅ​​​ឆ្នាំ២០១៧ យើង​​​ជឿ​​​ថា យើង​​​នឹង​​​ឈ្នះ​​​ភ្លូក​​​ទឹក​​​ភ្លូក​​​ដី​​​”៕សារុន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស