26 C
Phnom Penh

ក្រសួ​ង​​​មហាផ្ទៃ សាក​សួ​រ​​តំ​ណាង​​​សហ​ជីព​​​ជុំ​វិញ​​តួ​នា​​ទី​ក្នុ​ង​កា​រ​​តវ៉ា​ទាម​​ទារ​ប្រាក់​ឈ្នួ​ល​អប្បបរមា​១៦០ដុល្លារ

ដោយ ឌឹ ខេមបូឌា ដេលី

បទវិភាគ

ក្រ​​សួងម​ហា​ផ្ទៃ​​​បា​ន​កោះ​​ហៅ​​តំ​ណាង​​សហ​​ជីព​ចំ​នួ​ន​​ប្រាំ​មួ​យ​នាក់​​​ដើម្បី​​សាក​សួ ​បន្ទាប់​​ពី​មា​ន​​​ពាក្យ​បណ្តឹង​មួ​យ​​​ពីលោក ចាក លី​ (Jack Liu) ​​អគ្គ​នា​យក​របស់​ក្រុ​ម​​ហ៊ុនថៃ​ណាន (កម្ពុជា​​​) (Tainan  Enterprise(Cambodia)  Co.Ltd, ​ដោយ​​​ចោទ​​​ថា ​​ពួ​ក​គេ​បា​ន​ញុះ​ញង់​ឲ្យ​​មា​ន​​អំ​ពើ​ហិង្សា ​នៅ​ក្នុ​ង​រោង​ចក្រកាត់​ដេរ​​​​​របស់​លោក​នៅ​ក្នុ​ង​ខេត្ត​កណ្តាល​​កា​ល​ពី​ខែ​​ចុ​ង​ខែ​ធ្នូ​។

លិខិ​ត​​​មួយ​ច្បាប់​​ចុះ​កា​ល​​​ពី​ថ្ងៃ​ព្រហស្បតិ៍​ចុះ​ហត្ថ​លេ​​ខា​ដោ​យ​​លោក អ៊ិន បូ​រ៉ា ប្រធា​ន​នា​យក​ដ្ឋាន​ព្រហ្មទណ្ឌ​​​របស់​ក្រសួ​ង​មហា​​ ផ្ទៃ ​​បា​ន​កោះ​ហៅ​​ឈ្មោះ ​ខែ​ម ​ណា​តឈឹម និមល ​និង ឈ្មោះ​ ង៉ែត មុនី​រ័ត្ន ​​ពី​ស័ម្ពន្ធ​​សហ​​​ជីព​​កម្មករ​​កម្ពុជា​ ហៅ​កាត់ថា ​CATU ​​​ទៅ​សាក​សួ​រ​​នៅ​ថ្ងៃ​នេះ​។លិខិត​នេះ​ក៏បា​នបង្គាប់​ផង​ដែរ​ឲ្យ​សមា​​ជិ​ក​​សហ​ជីពចំ​នួ​ន​បី​រូប​ទៀត​ ឈ្មោះ ​​កុល ​ខឿន ​​អ៊ុក ​ខេន និង​ឈ្មោះ សែ​ម កុ​សល ​មក​​​បង្ហាញ​ខ្លួ​ន​ដើម្បី​សាក​​សួរ​​នៅ​ថ្ងៃ​​​ពុធ​នេះ​។

លិខិត​នេះ​មា​ន​ខ្លឹម​សារ​ថា​ “​​អ្នក​​​ទាំ​ង​​អស់នោះត្រូ​វ​បង្ហាញ​ខ្លួ​ន​ បន្ទាប់​​​ពី​​ដី​កា​​កោះ​”។លោក បូរ៉ា​​បា​ន​​មា​នប្រសាសន៍​​កា​ល​​ពី​ម្សិល​មិញ​ថា “​​យើង​បា​ន​កោះ​ហៅ​​​អ្នក​ទាំ​ង​នេះ​​ដើម្បី​សាក​សួ​រ ​ ​ព្រោះ[លោក លី]​ ​តំ​ណាង​​​​របស់​ក្រុម​ហ៊ុន​​បា​ន​​ចោ​ទ​ប្រកាន់​[ពួ​ក​គេ] ​ពី​បទ​​​ញុះ​​ញង់​ឲ្យ​មាន​​អំ​ពើ​​ហិង្សា​​ក្នុ​ង​ចំ​ណោ​ម​
កម្មករ​ និង​[ដឹកនាំពួ​ក​​គេ] បំផ្លាញ​​​ទ្រព្យសម្បត្តិ​របស់​រោង​ចក្រ ប៉ុន្តែ​​​យើង​គ្មាន​​ផែន​កា​រ​​ចាប់​ខ្លួន​នរណា​​​ទេ​”។

អ្នកស្រី​ យ៉ាង សោភ័ណ ​ប្រធា​ន​CATU ​​​បា​ន​មា​ន​​ប្រ​សាសន៍​ថា ក្រុ​ម​ហ៊ុន​ ថៃ​ណាន ​​បា​ន​​ដាក់​ពាក្យ​​​បណ្តឹង​​ប្តឹង​អ្នក​តំ​ណាង​ចំ​ន​ួ​នប្រាំ​មួ​យ​​​នា​ក់​ បន្ទាប់​ពី​​កម្មករ​​បា​ន​តវ៉ា​​កា​ល​ពី​ថ្ងៃ​​​ទី​២៦ខែ​​ធ្នូ​​នៅ​ឯ​រោង​​ចក្រ​នេះ​​នៅ​ក្នុង​ស្រុក​អង្គ​ស្នួល​ ខេត្ត​កណ្តាល​ ដោ​យ​ទាម​ទារ​​ប្រាក់​ឈ្នួ​ល​​​អប្បបរមា១៦០ដុល្លារ។ អ្នកស្រី​​​បាន​មា​ន​​ប្រសាសន៍​ថា “ខ្ញុំ​យល់​ថា ក្រសួ​ង​មហា​ផ្ទៃ​​បា​ន​កោះ​ហៅ​​សមា​​ជិក​របស់​​ខ្ញុំ។ ​វា​​មិន​យុត្តិ​ធម៌​​ទេ ​ពី​​ព្រោះ​​​ពួ​កគេបា​ន​​ជួ​យ​​កម្មករ​​​ទាម​​ទារ​ឲ្យ​មា​ន​កា​រ​​ដំ​​ឡើង​ប្រាក់​​ឈ្នួល​ដល់​ទៅ​១៦០​ដុល្លារ​​​”។ អ្នក​ស្រី​បា​ន​បន្ថែម​ថា “​ខ្ញុំ​​ក៏​​បាន​ទទួល​​​ព័ត៌មា​ន​​ផងដែរ​​ថា ម្ចាស់​រោង​ចក្រ​​​ជា​ច្រើន​បា​ន​ប្តឹង​​ខ្ញុំ​ ប៉ុន្តែ​​ខ្ញុំ​មិនបា​ន​ទទួល​​ការ​​កោះ​ហៅ​​​ណា​​មួ​យ​​ពី​អាជ្ញា​ធរ​​​​​នៅ​​ឡើយ​​​ទេ​”។

លោក ខែ​ម ​ណា​ត ប្រធា​ន​សា​​ខា​​របស់CATU ​​​​​​នៅ​ក្រុម​ហ៊ុន ​ថៃ​ណាន ​​បា​ន​បញ្ជាក់​ថា“លោក​បាន​ទទួល​​ដី​កា​កោះ​​មួ​យ បង្គាប់​ឲ្យលោក​​​បង្ហាញ​​​ខ្លួ​ន​ដើម្បី​សាក​​សួរ​​នា​ព្រឹក​នេះ​។លោក​បា​ន​ឲ្យដឹង​កា​ល​ពី​ម្សិល​មិញ​ថា “​ខ្ញុំ​នឹង​ទៅ​​ជាមួ​យ​មនុស្ស​​​​​ពីរ​​នាក់​ទៀត​​ ដែល​ត្រូ​វ​​បាន​កោះ​ហៅ​​ដែរ​​នៅ​​ថ្ងៃ​​​ច័ន្ទ​​​នេះ​…​។ ខ្ញុំ​មិន​ខ្លាច​​ទេ​ ​ពី​ព្រោះ​យើង​គ្រាន់​តែ​​ទាម​ទារ​ឲ្យ​មា​ន​ដំ​ឡើង​ប្រាក់​ឈ្នួល​​​អប្បបរមា​១៦០​ដុល្លារ​​​សម្រា​ប់​កម្មករ​ប៉ុណ្ណោះ​”។

កា​ល​ពី​ចុង​​សប្តាហ៍​មុន សមា​​ជិក​កង​​រាជ​​អា​​វុធ​ហត្ថ​​​មួ​យ​​ចំ​នួន​​​ក៏​ត្រូ​វ​បា​ន​កោះ​ហៅ​ដើម្បី​​សាក​សួរ​​​នៅ​ឯ​សាលា​​ដំបូ​ង​រាជ​ធា​​​នី​ភ្នំពេញ​​ផងដែរ​ ​ជ​ុំ​វិញ​​​តួ​​​នា​​ទី​​របស់​​ខ្លួ​ន​​ក្នុង​កូដកម្ម​របស់​កម្មករ​​​​​​​​កាត់​​ដេរ​នៅ​ក្នុង​តំបន់​ផ្លូ​វ​វ៉េង​ស្រេង​ កា​ល​ពី​ថ្ងៃ​​ទី​២ និង​ទី​៣ ខែ​​មករា។ កម្មករ​ប្រាំ​នាក់​​ត្រូ​វ​បា​ន​សម្លាប់​និង​​ជា​ង​៤០​នាក់​​​ទៀត​​បាន​រង​របួស​ នៅ​​ពេល​​​កង​កម្លាំ​ង​សន្តិ​សុខ​​បាញ់​ប្រហារ​​ទៅ​លើ​​ក្រុម​អ្នក​តវ៉ា​។

លោក ខេង ​ទីតូ ​​អ្នក​នាំ​​​ពាក្យ​​របស់​កង​រាជ​​អា​​វុធ​ហត្ថ​លើ​ផ្ទៃ​​ប្រទេស​បា​ន​លើក​ឡើង​កាល​​​​ពី​ម្សិល​មិញ​ថា “ កងរាជ​​អាវុធ​ហត្ថ​ប្រហែលបួ​ន​​ទៅ​ប្រាំ​នាក់​​បា​ន​​​ចូ​ល​ខ្លួ​ន​នៅ​តុ​លា​កា​រ​ដើម្បី​ឆ្លើយនឹង​សំ​​ណួ​ររបស់​ចៅ​ក្រម​​សាក​​សួរ​ម្នាក់​​​​កា​ល​ពី​ចុងសប្តាហ៍​នេះ​ ប៉ុន្តែ​​ពួ​ក​គេ​ត្រូវ​បា​ន​​អនុញ្ញាត​ឲ្យ​ត្រឡប់​មក
ផ្ទះ​វិញ​”៕ ប៊ុននី​

© 2023, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស